تۇنجى ئۇيغۇر ئاكادىمىك ھوشۇر ئىسلام مىسرانىمدا

artiken

	مىسرانىم تور بېكىتى مەن ھازىر كۆرۈۋاتقان ئۇيغۇر،قازاق ،قىرغىز تور بېكەتلىرىنىڭ ئىچىدە سەۋىيسى ئەڭ يۇقىرى،تېخنىكىلىق قۇرۇلمىسى ئەڭ كۈچلۈك،مەزمۇنى نىسبەتەن كۆپ،باي،ئەڭ ئالدىنقى قاتاردىكى بىر توربەت، بولۇپمۇ مىسرانىم تور بېكىتىدە مۇشۇ توربەت ئوقۇرمەنلىرىنىڭ كۆپلىگى ،ئۇلارنىڭ مۇشۇ توربەتتىكى مەزمۇنلارغا ناھايىتى چوڭ ھەۋەس  ،قىزىقىش بىلەن قارايدىغانلىقى ۋە مۇشۇ توربەتكە ئەزا سۈپىتىدە قاتنىشىۋاتقانلىقىنى ،ئۆزلىرىنىڭ يېڭى ،يېڭى پىكىر تەكلىبلەرنى بىرىۋاتقانلىقى ،بۇنىڭدىكى يېڭى- يېڭى ئۇچۇرلارنى كۆرۈپ ئۆزلىرىنىڭ خوشال بولۋاتقانلىقىنى مەن كۆرۈپ كەلدىم ،بايقاپ كەلدىم.            ________________                                             ھوشۇر ئىسلام (زىيارەت فىلىمى ئىچىدىن ئېلىندى)                    شىنجاڭ ئۇنۋېرسىتىتى ئوقۇتقۇچىسى تۇنجى ئۇيغۇر ئاكادېمىك دوكتۇر ،ئاسپىرانت يېتەكچىسى ،كومپىيۇتىر مۇتەخەسىسى ھوشۇر ئىسلام مۇئەللىم مىسرانىم تور بېكىتىدە مانا يۇقارقى  سۆزنى بىز كومپىيۇتىر مۇتەخەسىسى ھوشۇر ئىسلام ئاكىمىزنىڭ ئاغزىدىن ئاڭلىغىنىمىزدا خوشاللىق ھېسلىرىمىزنى باسالماي قالدۇق.بىر كومپىيۇتىر مۇتەخەسىسىنىڭ بىزگە يۇقىردىكى زور باھالارنى بېرىشى ئاددى ئىش ئەمەس.بىز يەنىمۇ تېرىشىپ ھوشۇر ئاكىمىز دېگىنىدەك بولۇشقا تېرىشىمىز ئەلۋەتتە. سۇ ئىچكەندە قۇدۇق قازغۇچىنى ئۇنۇتما دەپ ،تورداشلار كۈندە كۆرۈپ كېلىۋاتقان كومپىيۇتىردىكى مۇشۇ چىرايلىق ئۇيغۇر ئانا يېزىقىمىز ھوشۇر ئىسلام ئاكىنىڭ تۇنجى تەتقىقات مېۋىسى ،ئۇ ئۇيغۇر يېزىقىنى كومپىيۇتىردا نورمال كۆرسۈتۈشتە بىردىنبىر ئالاھىدە تۆھپە قوشقان كىشى. بىز مۇشۇ مۇناسىۋەتتە بۇ مۇئەللىمگە يەنىمۇ كۆپ رەھمەت ئېيتىمىز . ئەسسالامۇ ئەلەيكۇم ئەزىز قېرىنداشلار ،مىسرانىم تور بېكىتىمىزنىڭ مەخسۇس ئىشلەۋاتقان پىروگراممىىسى ‹سىرداشلار كۆزنىكى› مۇشۇ ئاي بېشىدا سۈرەتكە ئېلىندى،شۇنداقلا بۈگۈن رەتلەپ تەييارلاندى. تور داشلارنىڭ قوللىشى بىلەن بىز پىروگراممىمىزنىڭ 8- سانىنى ئۆتكۈزۈش شەرىپىگە مۇيەسسەر بولدۇق.نۇرغۇن جاپالارنى باشتىن كەچۈرۈپ ،پىروگراممىمىزغا ئۆز نۆۋىتىدە كىشىلىرىمىزگە ،دەۋرىمىزگە تۆھپە قوشقان ،تالانت ئېگىلىرىنى تونۇشتۇرۇپ ،تورداشلار بىلەن سىرداشتۇرۇپ كېلىۋاتىمىز.. تورداشلارنىڭ يەنىمۇ ئىچكىرلەپ قوللىشىنى چىن قەلبىمىزدىن ئۈمۈد قىلىمىز. بۈگۈن تونۇشماقچى بولغىنىمىز كومپىيۇتېر مۇتەخەسىسى ،شىنجاڭ ئۇنۋىرسىتىتىنىڭ دوكتۇر ئاسپىرات يېتەكچىسى بۇ قېتىملىق ،مەملىكىتىمىزدىكى تۇنجى ئاز سانلىق ئۇيغۇر ئاكادىمىك ھوشۇر ئىسلام مۇئەللىم. ھوشۇر ئىسلامدەك تەبىئى پەن ئالىملىرىمىز ، ئوخشاشلا ئىجتىمائىي پەن ساھەسىدىكىلەر ، ئىسلاھات-رىقابەت دەۋرىنىڭ پۇرسىتىنى چىڭ تۇتۇپ ، ئەقلىي-قۇۋۋەت كارامىتىنى كۆرسىتىپ ، مەملىكەتلىك ، خەلقئارالىق نەتىجىلەرنى قولغا كەلتۈرۈپ ، يۇرتىمىزنىڭ شان-شۆرىتىنى ئاشۇرۇپ ، كەڭ سەپ بويىچە ئىجادىي روھ ، جاسارەت ئۇرغۇتىشىدا زور رول ئوينىماقتا . بۇلار ئازسانلىق مىللەت ئىلىم-پەن خادىملىرىنىڭمۇ دەۋر بىلەن تەڭ ئىلگىرىلىشىگە ئۈلگە-نەمۇنە تىكلەپ بەردى ،بىز بۇ ئالىمىمىزغا كۆپ رەھمەتلەرنى ئېيتماي تۇرالمايمىز. سۆھبەتتە ھوشۇر ئاكىمىزنىڭ تۇنجى ئۇيغۇر يېزىقىنى كومپىيۇتىردا كۆرسەتكەندىكى ھېسياتى،خوشاللىقى ،بۇ جەرياندا تارتقان جاپا مۇشەققەتلىرى ،تەتقىقات نەتىجىلىرى نۇقتىلىق سۆزلىنىدۇ .زىيارەتنىڭ سالمىقى ئېغىر ،كەسپىي سۆزلەر بىر قەدەر كۆپرەك،تورداشلارنىڭ چۈشىنىپ كۆرىشىنى ئۈمۈد قىلىمەن. فىلىم مەزمۇنى ھوزۇرىڭلاردا بولسۇن... تور سۈرىتىڭىزنىڭ ئوخشىماسلىقىغا ئاساسەن تاللاپ كۆرۈڭ يوۋكۇ تورىدىن كۆرۈڭ چىقمىسا بۇ ئادرىستىن كۆرۈڭ http://v.youku.com/v_show/id_XMzMwOTAxODQw.html 56 تورىدىن كۆرۈڭ [flash=670,570,1]http://player.56.com/v_NjUxNDQzODQ.swf[/flash] چىقمىسا بۇ ئادرىستىن كۆرۈڭ : http://www.56.com/u19/v_NjUxNDQzODQ.html زىيارەتكە مۇناسىۋەتلىك بىر قىسىم رەسىملەر ئاكادىمىك ھوشۇر ئىسلام مۇئەللىم مىسرانىم قۇرغۇچىسى  ۋە رىياسەتچى بىلەن بىرگە ئاكادىمىك ھوشۇر ئىسلام مۇئەللىم ئارقا سەپ خادىملىرى بىلەن بىرگە زىيارەت ئىمزا خاتىرىسىدە ھوشۇر مۇئەللىمنىڭ ئىمزاسى ئورۇن ئالدى ھوشۇر ئىسلام مۇئەللىم ئابابەكرى مۇختەر بىلەن بىر قىسىم مەسىللەر ئۈستىدە مۇزاكىرلەشتى ھوشۇر ئىسلام مۇئەللىم  مىسرانىم تورى توغۇرلۇق باھا سۆزى قىلماقتا . ئاكادىمىك ھوشۇر ئىسلام مۇئەللىم زىيارەتتە سۆز قىلماقتا. . ____________ ھەر بىر قېتىم ئۇيغۇرچە خەتنى كومپىيۇتىردا نورمال كۆرگەن چېغىڭىزدە بۇ تەتقىقاتنى دەل مۇشۇ ئالىمنىڭ تۆھپىسىدىن ئايرىپ قارىغىلى بولمايدىغانلىقىنى ئۇنتۇپ قالماسلىقىمىز كېرەك. بۇ ئالىمنى تېخىمۇ كۆپ كىشىلەر تونىسۇن ۋە بىلسۇن.مەزكۇر فىلىمنىڭ پۈتۈپ چىقىشى ئۈچۈن ئاز بولمىغان ئەجىرلەر سىڭدۈرۈلدى.تورداشلارنىڭ مەكتەپ تورلىرى ھەم ھەرقايسى شەخسىي توربەت ،بىلوگ،ھەم بوشلۇق، چ چ لاردا كەڭ كۆلەمدە تەشۋىق قىلىپ قويۇشىنى سەمىمىي ئۈمۈد قىلىمىز. ++++++++++++++++++++++++++++++++++++ سىرداشلار كۆزنىكى ئۆتمۈشىگە نەزەر.. 8 - سان ،ئۇيغۇر ئاكادىمىك بىلەن مىسرانىمدا سۆھبەت مەزمۇنى : كومپىيۇتىر-تېخنىكا تەرەققىيات توغرىسىدا سۆھبەت ئادرىسى:https://uyghur-archive.com/misranim/read.php?tid=65710    7 - سان مۇختار بۇغرا بىلەن مىسرانىمدا سۆھبەت مەزمۇنى : شېئىرىيەت ۋە رېژىسورلۇق توغرىسىدا ئادرىسى: https://uyghur-archive.com/misranim/read.php?tid-63408.shtml 6 - سان ئاتلان قۇرغۇچىسى بىلەن مىسرانىمدا سۆھبەت مەزمۇنى : ئىگىلىك تىكلەش ۋە تىل توغۇرسىدا ئادرىسى: https://uyghur-archive.com/misranim/read.php?tid-59263.shtml 5 - سان ،ئادىل مىجىت بىلەن مىسرانىمدا سۆھبەت مەزمۇنى : ئېتوتچىلىق ۋە كەسپىي ھايات توغىرسىدا سۆھبەت ئادرىسى: https://uyghur-archive.com/misranim/read.php?tid-56640.shtml 4 - سان ،ئەركىن ھاشىم بىلەن مىسرانىمدا سۆھبەت مەزمۇنى : ئىزدىنىش ۋە ھايات تېمىسىدا مەخسۇس سۆھبەت ئادرىسى: https://uyghur-archive.com/misranim/read.php?tid-54193.shtml 3 -سان، جالالىددىن بەھرام بىلەن مىسرانىمدا سۆھبەت مەزمۇنى : ئەدەبىيات ۋە يازغۇچىلىق ھاياتى ھەققىدە سۆھبەت ئادرىسى:  https://uyghur-archive.com/misranim/read.php?tid-50654.shtml 2 - سان ، سىراجىدىن پەتقۇللا بىلەن مىسرانىمدا سۆھبەت مەزمۇنى : ئاۋاز ئارتىسىلىق ھاياتى ھەققىدە سۆھبەت ئادرىسى:https://uyghur-archive.com/misranim/read.php?tid-47576.shtml 1 - سان ، شىرئەلى ئەلتېكىن بىلەن مىسرانىمدا سۆھبەت مەزمۇنى : مۇقامچىلىق ھەم ئۇيغۇر مۇقامى ھەققىدە سۆھبەت ئادرىسى: https://uyghur-archive.com/misranim/read.php?tid-44353.shtml كېيىنكى سان پروگرامملىرىمىز تېخىمۇ سەرخىل. پروگراممىمىزنى كۆرۈشنى ئۇنۇتمىغايسىلەر. مىسرانىم ئۇيغۇرچە ئۇنۋېرسال تور بېكىتى مىسرانىم پروگرامما باشقۇرۇش گۇرۇپىسى 2011 - يىلى 12 - ئاينىڭ06- كۈنى

kapsiz

	سۇ ئىچكەندە قۇدۇق قازغۇچىنى ئۇنۇتما. __خەلق ماقال-تەمسىللىرىدىن ئۇيغۇر تورچىلىقىغا ئاساس سالغۇچى ھۇشۇر ئىسلام بوۋىمىزنىڭ تېنىگە سالامەتلىك،خىزمىتىگە ئۇتۇق،ئائىلىسىگە بەرىكەت تىلەيمەن. سۆھبەت جەريانىدىكى بەزى دىئالوگلاردىن يىڭنە بىلەن قۇدۇق قېزىش كۆز ئالدىمدىن كەچتى.ھەربىر ئۇيغۇر ئاتالغۇچى بەلكىم كومپىيوتىر ئېكران ئالدىدا ئۆز ئانا تىلىنىڭ كۆركەم،چىرايلىق سىيماسىنى كۆرگىنىدە ئىپتىخارلانماي تۇرالمىسا كېرەك.ناھايىتى ئەھمىيەتلىك بولغان ئۇشبۇ قىسقىغىنە زىيارەت سۆھبىتىنى كۆرگەن بىرقىسىم،  ئانا تىلىنىڭ ساپلىقىغا ئەھمىيەت بەرمەيدىغان،ئانا تىلنى بۇزۇپ سۆزلەيدىغان،ئىملانىڭ توغرىلىقىغا ئەھمىيەت بەرمەيدىغان  ئەزالار  كۆرىپ ئازراق بولسىمۇ يۈزى قىزار دەپ ئويلايمەن. كېيىنكى زىيارەت ئوبيېكتىنىڭ ئالىم مۇھەممەت سالىھ ھاجىم بوۋىمىز بولىشىنى ئۈمۈد قىلىمەن.

sardar525

	ئۇستازلىرىمىزگە ئۇزۇن ئۆمۈر ،ساقلىق تىلەيمەن !

harsan

	ئادەمنى نىمانداق خوشال قىلىۋېتىسىلەر بۇ كىشى ئۇيغۇر ئالىملىرى ئىچىدىكى ھەقىقى ئالىملىق دەرىجىسىگە يەتكەن كشى،ئۇنىڭ ئۇيغۇر كومپىيۇتېر يۇمشاق دېتاللىرىغا قوشقان تۆھپىسى ھەر بىر ئۇيغۇرنىڭ پەخىرلىنىشىگە ئەرزىيدۇ. ھوشۇر ئىسلامنىڭ بۇندىن كېيىكى بارلىق ئىشلىرىنىڭ ئوڭشلۇق بولىشىنى ئائىلىسنى بەختىلىك تۇرمۇشىنىڭ كۆڭۈللۈك ئۆمرىنىڭ ئۇزۇن بولىشىغا تىلەكداشمەن. مىسرانىم تورىنىڭ بىزنى   مۇشۇنداق  ئېسىل كىشلەر بىلەن يۈز كۆرۈشتۈرۈش پۇرسىتى يارىتىپ بەرگەنلىكىگە تەشەككۈر.

haci

	ئەھمىيەتلىك زىيارەت بوپتۇ. رەھمەت سىلەرگە.    مىسرانىم مۇنبىرى « سىرداشلار كۆزنىكى» سەھىپىسىنىڭ مۇنبەر ئەھلىنى داۋامىلق تۈردە داڭلىقلىرىمىز بىلەن تونۇشتۇرۇپ تۇرىشىنى ئۈمىد قىلىمەن.

nurjula

	بەك ھاياجانلاندىم، ھوشۇر ئىسلام ئاكىمىزنىڭ مىللىتىمىزنىڭ تور تەرەققىياتىغا قوشقان تۆھپىسى ھەقىقەتەن زور ئىكەن، ئاكىمىزنىڭ تۆھپىسى بىزگە تولىمۇ كۆپ قولايلىقلارنى ئىلىپ كەپتۇ، ھوشۇر ئىسلام ئاكىنىڭ تىنىگە سالامەتلىك، ئۇزۇن ئۆمۈر، ئائىلىسىگە بەخىتنى ئۇلۇغ ئاللاھتىن تىلەيمەن!

artiken

	يەنە بىر پىكىرىم، سىلەر بەكمۇ ياخشى ئىش قىلىۋاتىسىلەر، بۇ توغۇرلۇق بەلكىم مەدھىيە سۆزلەر بەكمۇ كۆپ. سىلەر ئاڭلاپ باقمىغان مەدھىيە سۆزلەر يوق بۇلىشى مۇمكىن. شۇڭا، بارلىق مەدھىيە، ياخشى تىلەكلەرنى مىسرانىم ئۈچۈن مىنى تىلىدى دەپ بىلىڭ! ھازىر مىسرانىمدا ئىجادىيەتچىلەر خېلى كۆپ. شۇنداقلا بارغانچە يىتىشىپ چىقىۋاتىدۇ. مىسرانىم بىزلەر ئۈچۈن مەنزىلنى كۆرسىتىپ بىرىدىغان يارقىن نۇقتىغا ئايلاندى. شۇنداقلا قەلبىدە بىر سۇئال تۇغۇلۇپ، سۇئالى شۇپېتى قالغانلارمۇ يوق ئەمەس. شۇڭا مۇمكىن بولسا مىسرانىم ئىشتىراكچىلىرىنى ئالدىن -ئالا زىيارىتىڭلاردىن خەۋەرلەندۈرگىلى بۇلارمۇ! بىزمۇ ئىنىقسىز بولغان سۇئاللىرىمىزنى قالدۇرساق، مۇھىم دەپ قارىغانلارغا جاۋاپ بىرىلسە! بۇنداق بولغاندا مىسرانىم مەستانىلىرى ئۈچۈن تېخىمۇ ياخشى شەرت-شارائىت ھازىرلىغان بۇلاتتىڭلار. بۇ پەقەت شەخسى پىكىرىم.

XERHAN

	بۇنداق بىلىملىك كىشىلىرىمىزنىڭ بۇ توربەتكە ئاياق باسقانلىقىدىن خۇشالمىز ! مۇئەللىمنىڭ بۇندىن كىيىن پات پات كىلىپ بىزگە يول يورۇق بىرىشىنى ئۈمىد قىلىمىز . بىز بىلىملىك ئادەم كۆپەيسە جەمئىيەت بىر قەدەم ئالغا ئىلگىرلەيدۇ . ھوشۇر مۇئەللىمگە سالامەتلىك ، ئىشلىرىغا ئۇتۇق يار بولغاي ! بىلىمىنى كەڭ قېرىنداشلارغا ئايانماي يەتكۈزگەي !

.tuz.

	ھەقىقىي زىيالىي ئۈگەنگەن بىلىملىرنى ئۆز خەلقىگە ،قەۋمىگە تەقدىم ئەتكەن كىشىلەردۇر ! ئۇلۇغ ئاللاھتىن ، ھوشۇر ئىسلام ئاكىمىزنىڭ ئۆمرىگە بەركەت ، ئەزىز تىنىگە سالامەتلىك .ئائىلىسىگە بەخىت - ئامەت تىلەيمەن !!!!

kok-sultan

	ئۇستازىمىز ھۇشۇر ئىسلامغا ئالىي ئېھتىرام!