ئەرنىڭ تايىقىدىن قۇتقۇزىدىغان تۇمار يېزىپ

ozchin

	ئەرنىڭ تايىقىدىن قۇتقۇزىدىغان تۇمار يېزىپ بىرىمەن (ئېرى بارلار دەرھال كىرىڭلار) بۇرۇنقى زاماندا بىر ئەر-خوتۇن ئۆتكەن ئىكەن، ئۇلار توي قىلىپ ئۇزۇن ئۆتمەي دائىم ئۇرۇشۇپ قالىدىغان، ئېرى خوتۇنىنى ھېرىپ ماجالى قالمىغىچە، قولىنىپ كۆتۈرۈپ مۇش ئاتالمىغىدەك بولغىچە، پۇتىنى كۆتۈرۈپ پەشۋا چىقىرالمىغىدەك بولغىچە، ياكى ئۇشتۇپ كىرگەن تايىقى سۇنۇپ قالمىغىچە، خوتۇنىمۇ تاياقنىڭ دەستىدىن تۆت-بەش يېرى سۇنۇپ ھەم قىمىرلىماي يېتىپ قالغۇچە ئۇرىدىغان بولۇپ قاپتۇ. شۇنىڭ بىلەن بۇ خوتۇن ئېرىدىن تاياق يىمەسلىكنىڭ ئامالىنى ئىزدەشكە باشلاپتۇ. باشقىلارنىڭ كۆرسەتمىسى بويىچە خوشنا يىزىدىكى بىر موللامنىڭ قېشىغا بېرىپتۇ. موللامغا بولغان ئەھۋالنى سۆزلەپ بېرىپ ئېرىنىڭ تايىقىدىن قۇتۇلدۇرىدىغان تۇمار يېزىپ بېرىشنى تەلەپ قىلىپتۇ. موللام ئۇ ئايالدىن ئېرى بىلەن ئۇرۇشۇپ قېلىشىنى سەۋەبىنى ئىنچىكىلىك بىلەن سورىغاندىن كىيىن بىر تال تۇمار پۈتۈپ بېرىپ ئۇ ئايالغا مۇنداق دەپتۇ: قىزىم ! بۇ تۇمار سىزنى ئېرىڭىزنىڭ تايىقىدىن قۇتۇلدۇرىدۇ، سىز چۇقۇم مىنىڭ دىگىنىمدەك قىلىڭ بولمىسا بۇ تۇمار خاسىيتىنى يوقىتىدۇ، ھەر قېتىم ئېرىڭىز بىلەن ئۇرۇشۇپ قېلىشتىن ئىلگىرى بۇ تۇمارنى چىڭ چىشلەپ، بىر ئېغىزمۇ گەپ قىلماي تۇرىۋىلىڭ، ئېرىڭىزنىڭ ئاچچىقى يانغىچىلىك بۇ تۇمارنى ئاغزىڭىزدىن چىقارماڭ دەپ تۇمارنى بېرىپ ئۇ ئايالنى يولغا ساپتۇ. ئۇ ئايال ئۆيىگە قايتىپ كەلگەندىن كىيىن ھەر قېتىم ئېرى بىلەن گەپ تالىشىپ قېلىپ سۇقۇشۇش باشلىنىشنىڭ ئالدىدىلا ھېلىقى تۇمارنى چىڭ چىشلەپ گەپ قىلماي تۇرىۋالىدىغان بولۇپتۇ، راسلا موللامنىڭ دىگىنىدەك ئۇ تۇمارنىڭ خاسىيتى بىلەن ئۇ ئەر ئايالىنى ئۇرمايدىغان بولۇپ قاپتۇ. ئۇزاق يىللار ئۆتكەندىن كىيىن ئۇلارنىڭ خوشنىسىنىڭ باللىرى چوڭ بولۇپ توي قىلىپتۇ. يېڭى توي قىلغان بۇ ئەرخوتۇنمۇ شۇنداق قاتتىق ئۇرىشىدىغان بولۇپ قاپتۇ. بۇنىڭ ئاڭلىغان ھېلىقى ئايال كىلىنچەككە ئۆزىنىڭ تەجىربىلىرىنى سۆزلەپ بېرىپ ھېلىقى موللامنىڭ يېنىغا يولغا ساپتۇ. لېكىن ئۇ موللام ئاللاقاچان خۇدانىڭ دەرگاھىغا كىتىپ بولغان ئىكەن. چوكان مەيۈسلەنگەن ھالدا قايتىپ كېلىپتۇ. ئۇ چوكاننىڭ ئېرىمۇ ئۇنى داۋاملىق ئۇرىۋىرىدىكەن، تاياققا چىدىمىغان چوكان ھېلىقى ئايالدىن تۇمارنى ئېچىپ ئىچىدىكىگە ئوخشىتىپ يېزىپ كۆچۈرىۋالاي تۇمارىڭىزنى بېرىپ تۇرۇڭ دەپ يالۋۇرۇپتۇ، ھېلىقى ئايال ماقۇل بولۇپ تۇمارنى ئېچىپتۇ. قارىغىدەك بولسا تۇمارغا پۈتۈلگىنى «قۇل ئەئۇزۇ بىرەببىن ناس ، خۇتۇننى جاۋاب قىلمىسا ئېرى ئۇرماس» دېگەن خەت ئىكەن. شۇنىڭدىن كىيىن ھېلىقى چوكانمۇ ئېرىگە جاۋاب قىلماي، گەپ قىلسا تەڭ تۇرۋالماي، تاياق يىمەيدىغان بولۇپتۇ. مەنبە : چوڭلار. قايسى مىللەتكە تەۋە ئىكەنلىكىنى ئۇقمايمەن، لېكىن مەن چوڭلارنىڭ ئاغزىدىن ئاڭلىغان. بۇ ھېكايىنى ئىلگىرى مەلۇم بىر مۇنبەرگە ئۆزۈم يوللىغان ئەمدى مىسرانىمغا يوللىدىم. ئېرىدىن تاياق يەيدىغان خوتۇنلار تاياقتىن قۇتۇلۇشنىڭ يولىنى بىلىۋالسۇن دەپ. ئۆزچىن تىمىسىنى تىما ئورنىغا چىقىرالمىدىم باشقۇرغۇچىلار سىلەر ئوڭشاپ قويغان بولساڭلار

zulayha

	ئەستاقپۇرلا.....مەن تۇنجى كىرىپتىمەنيا بۇ تېمىغا...... ھى ھى ھى  مەنغۇ خۇدا ساقلىسۇن تاياق يىمەيمەن . قول كۆتۈرۈلۈپ بولغىچە  يالغاندىن بولسىمۇ كۈلۈپ كىچىك بالىدەك ئەركىلەپ تۇرۇۋالىمەن . كىيىن ئاچچىق يانغاندا بولسا كوت - كوتلۇقنى باشلايمەن . بۇ چاغدا ھىچگەپ يوق . لېكىن بۇ ھەقىقەتەن ياخشى مىسال بوپتۇ . تەڭ تۇرماي ئاچچىغى يانغاندىن كىيىن چىرايلىق ئولتۇرۇپ سەۋەپنى دىيىش توغرا. ئايا كىشىنى ئۇرغان ئەرنىڭ قولى قۇرۇپ كەتسۇنمىكىن .

1670154432

	ماڭا كىرەك ئەمەسكەن ،مىنى ئېرىم ئەزەلدىن ئۇرغان ئەمەس ،شۇنداق بولسىمۇ دوستلىرىمغا يەتكۇزۇپ قۇياي ،تاياق يەيدىغان دوستلىرىم خېلى بار.

JAWLAN622

	مەنمۇ ئەزەلدىن ئايالىمنى ئۇرمايمەن.ئايال كىشىنى ئۇرسا قانداق بولدۇ ؟

ablat45

	مەن ئۇراي دىسەممۇ  ئايالىم يوق  ....

شاتمەن

	ھازىر بەزى خوتۇنلار ئېرىنىڭ بېشىنى ئاغرىتىدىغان چەمبىرەك ئەپسونىنى بىلىدۇ .

ayixia0995

	«قۇلئەئۇزۇ بىرەببىن ناس ، خوتۇنى گەپ قىلمىسا ئېرى ئۇرماس» بۇغۇ چوڭلارنىڭ تاجىربىسىدىن ئۆتكەن ئىشلار.لېكىن ئاياللارنىڭمۇ كوتۇلدىشىنىڭ ساۋابى باردە.كوتۇلدىمىسا ئۆزىنى بىلالمىگەن گەپ قىلسا قول كۆتۈرگەن.ئايالىنى ئەرلەر نىمە ئۈچۈن ئۇرىدۇ؟ئۆزىنىڭ يارامسىزلىكىدىن ئۇرىدۇ شۇ.

adiba

	بولۇدىغان ئامالدەك قىلامدۇ نىمە....

xahnaz0999

	ئەجەپ ياخشى تىمىكەن  راست ئايال كىشىنىمۇ ئۇرامدۇ