ئۆلسەكلا تاپشۇرۇق ئىشلەشتىن قۇتۇلىم

Qapaqhenim

	ھۆرمەتلىك تورداشلار، تور كۆرۈۋېتىپ بۇ خەۋەرنى كۆرۈپ قالدىم ۋە بىزنىڭمۇ ئىبرەت ئېلىشىمىزغا ئەرزىيدىكەن، دەپ قاراپ تەرجىمە قىلىپ يوللاپ قويدۇم. ئەمىليەتتە، پەرزەنتلىرىمىزنىڭ كۈندىلىك تاپشۇرۇقىنىڭ قانچىلىكلىكىنى بىلمەيدىغان، پەرزەنتلىرىنىڭ يۈكىنى يەڭگىللىتىش ئۈچۈن، ئائىلىمىزدە بولسىمۇ ياخشى شارائىت ھازىرلاشنى ئويلىشىپمۇ باقمايدىغان ئاتا ئانىلارنى ئارىمىزدا يوق، دىگىلى بولمايدۇ. قىسقىسى، پەرزەنتلىرىمىزگە ھەقىقى كۆڭۈل بۆلۈپ، تۆۋەندىكى ۋەقەدىن ساۋاق ئالايلى. ئۆلسەكلا  تاپشۇرۇق ئىشلەشتىن قۇتۇلىمىز 9- ئاينىڭ 20 –كۈنى چۈشتىن كېيىن سائەت 2 دىن 10 مىنۇت ئۆتكەندە جىيۇۋ جىياڭ شەھىرى لۇشەن رايونلۇق خەلىق دوختۇرخانىسىنىڭ جىددى قۇتقۇزۇش بۆلۈمىگە 3 نەپەر باشلانغۇچ مەكتەپ ئوقۇغۇچىسى ئېلىپ كېلىنگەن . ھەممىسىنىڭ چىرايى تاتىرىپ كەتكەن بولۇپ توختىماي ئىڭرايتى. ئىچىدىكى بىرسىنىڭ يۈزىدە روشەن سۈرۈلگەن ئىز بولۇپ ئاغزىدىن قان ياناتتى. بۇلار ھەممىسى 10 ياش ئەتراپىدىكى بالىلار بولۇپ، ئۇلار دىيىشىپ بېنادىن تەڭلا سەكرىۋالغاندىن كېيىن، دوختۇرخانىغا ئېلىپ كېلىنگەن ئىدى. ئۆلسەكلا تاپشۇرۇق ئىشلەشتىن قۇتۇلىمىز 10 ياشلىق خۇاڭ ۋەنتىڭ مۇخپىرغا، ئۆزىنىڭ باشلانغۇچ 5- يىللىقنىڭ ئوقۇغۇچىسى ئىكەنلىكىنى، تۆنۈگۈن مەكتەپ ئورۇنلاشتۇرغان تاپشۇرۇقلارنى ئىشلەپ بولالمىغانلىقىنى، شۇنىڭ بىلەن،6 –يىللىقتا ئوقۇيدىغان ۋاڭ خۇەن ۋە كوڭ خۇەنلەر بىلەن بىللە مەكتەپكە بارماي، ئۆيدە بىر كۈن ئىشلەپمۇ تۈگىتىپ بولالمىغانلىقىنى، شۇ چاغدا ياشقا سەل چوڭراق كوڭ خۇەننىڭ ئۇلارغا بېنادىن سەكرىۋېلىش ئەقلىنى كۆرسەتكەنلىكىنى، ئەسلىدە ئۆزىنىڭ سەكرىگىسى بولمىسىمۇ، ئۈچەيلەن قول تۇتۇشۇپ بىللە سەكرىگەچكە سەكرەپ تاشلىغانلىقىنى، شۇ چاغدا كۆڭلىدە بەك قورققانلىقىنى ھەم تاپشۇرۇقنى ئىشلەپ بولالماي تۇرغۇزۇلۇپ قويۇشتىنمۇ قورققانلىقىنى ئېيتىپ بېرىدۇ. ئۇنىڭ ئېيتىشىچە، مەكتەپنىڭ بۇ قېتىم ئورۇنلاشتۇرغان تاپشۇرۇقلىرى بەك كۆپ ئىكەن. مەسىلەن ، سىنىپ مەسئۇلى ماتېماتىكا تاپشۇرۇقنى ئىشلەپ بولالمىغانلىقىنى بايقىسا، ئۇلارنى سىنىپنىڭ ياكى مەكتەپنىڭ سىرتىدا جازالاپ ئۆرە تۇرغۇزۇپ قويىدىكەن. تاكى ئوقۇتقۇچى كىر ، دىمىگىچە كىرىشكە بولمايدىكەن. مۇشۇلارنى ئويلاپ، ۋاڭ خۇەن بىلەن ئىككىسى، كوڭ خۇەننىڭ پىكرىنى توغرا دەپ قارىغان ۋە ئۆلسەكلا تاپشۇرۇق ئىشلەشتىن قۇتۇلىمىز ، دەپ ئويلىغان. شۇنىڭ بىلەن 7 ياشلىق ئىنىسنى ئورۇنلاشتۇرۇپ قويۇپ،ئىككى دوستى بىلەن كەنىتتىكى ئىككى قەۋەتلىك بېنانىڭ ئىككىنچى قەۋىتىگە چىقىپ، ئۇ يەردىن سەكرىۋالغان.  ئەسلىدە، قالغان ئىككىيلەن ئىنىسىنىمۇ بىللە سەكرىۋالسۇن، دىگەن. لېكىن، خۇاڭ ۋەنتىڭ ئۆز ئائىلىسىدە پەقەت ئىككىلا پەرزەنت بار بولغاچقا، ھەر ئىككىمىز ئۆلۈپ كەتسەك بولمايدۇ، دەپ قاراپ ئۇكىسىنى بۇ ئىشقا ئارىلاشتۇرمىغان. ئائىلە باشلىقلىرى باللىرىنىڭ قانچىلىك تاپشۇرۇقى بارلىقىنى بىلمەيدۇ. 11 ياشلىق ۋاڭ خۇەننىڭ بەل ئومۇرتقىسى سۇنغان بولۇپ، ھەتتا نەپەس ئېلىشىمۇ ئىنتايىن قىيىن ئىدى. ئۇ نىڭدىن بېنادىن سەكرەشنىڭ سەۋەبىنى سورىغاندا ئۇمۇ ئوخشاشلا تاپشۇرۇقنى ئىشلەپ بولالمىغانلىقى ئىكەنلىكىنى، ئۆلۈپ كەتسەملا، تاپشۇرۇق ئىشلەشتىن قۇتۇلىمەن دەپ ئويلىغانلىقىنى ئېيتىدۇ. ۋاڭ خۇەننىڭ ئاپىسى، ئادەتتە قىزىنىڭ تاپشۇرۇقىنىڭ قانچىلىك ئىكەنلىكىگە ئانچە دىققەت قىلىپ كەتمىگەنلىكىنى، لېكىن ئۆزلۈكسىز ئالغا بېسىۋاتقاندەك ھېس قىلغانلىقىنى ئېيتىپ بېرىدۇ. كوڭ خۇەننىڭ يارىسى ئەڭ ئېغىر بولۇپ، سۆڭىكى سۇنۇپلا قالماي، ئىچكى ئەزالىرىمۇ زەخمىگە ئۇچرىغان.  ئۇ ھەتتا ئاۋازمۇ چىقىرالماي ياتاتتى. مۇخپىرغا ئۇنىڭ چوڭ ئانىسى، ئادەتتە سەل كەپسىزرەك ئىدى، لېكىن بۇنداق ئىش قىلار دەپ ئويلىماپتىمەن، دەيدۇ. مۇخپىر ئۇنىڭدىن ئادەتتە نەۋرىسىنىڭ تاپشۇرۇقىنىڭ ئاز ياكى جىقلىقىنى سورىغاندا، بىر دەپتەرنى تۈگەتسە، يەنە بىرىنى، ... يازىدىغانلىقىنى ئېيتىپ بېرىدۇ. بۇ بىر قېتىملىق تەسادىپى ۋەقە مەكتەپ رەھبەرلىكىدىن ئەھۋال ئىگەللىگەندە، ۋەقە يۈز بەرگەن كۈنى، بۇ ئوقۇغۇچىلارنىڭ مەكتەپكە كەلمىگەنلىكىنى، مەكتەپ ئۇلارنىڭ ئاتا ئانىسى بىلەنمۇ ئالاقىلەشكەنلىكىنى، چۈشتىن كېيىن، ساقچىلاردىن ۋەقە چىققانلىقىنى ئۇققانلىقىنى، بىر قانچە كۈنلىك دەم ئېلىش ئۈچۈن، پەقەت 3 سائەت چامىسىدا تاپشۇرۇق بېرىلگەن بولۇپ، تاپشۇرۇقنىڭ ھەرگىزمۇ جىق ئەمەسلىكىنى ئېيتىدۇ. ئۇنداقتا ئۇلار نىمىشقا بېنادىن سەكرىۋالغان دىگەن سۇئالغا، بۇ بىر تەسادىپى ۋەقە، ئۇلار بېنانىڭ  2- قەۋىتىگە بېنانىڭ يېنىدىكى بامبۇكقا يامىشىپ چىققان، كېيىن چۈشىدىغان چاغدا ئامال قىلالماي، سەكرەشكە مەجبۇر بولغان دەپ جاۋاپ بېرىدۇ. مەنبە:  http://www.chinanews.com/edu/2011/09-21/3341994.shtml

bahirah

	ۋاي خۇدا! بۇ بىچارىلەرنى..............

nur2002

	مۇشۇمۇ   ئش  بولدىمۇ  ئەمدى

azam

	دېمىسىمۇ بەزى ئوقۇتقۇچىلار تاپشۇرۇقنى زىيادە جىق بېرىۋىتىدۇ.بىز باشلانغۇچ-تولۇقسىز ئوقۇۋاتقاندىمۇ مۇشۇنداق جىق تاپشۇرۇق ئىشلەيدىغان ۋاقىتلىرىمىز بولغان.ئەمەلىيەتتە دەرس مەزمۇنى دەرس سائىتىدىلا 80% ئۆزلىشىپ بولىدۇ.قالغان 20% ى تاپشۇرۇق ۋە كېيىنكى تەكراردا تولۇقلىنىپ كېتىدۇ. جىق تاپشۇرۇق ئىشلىشىمۇ، بالىلار دەرستىن ئاسانلا زېرىكىدۇ ... ...

totem

	جۇڭگو مائارىپىدىكى تەپەككۈر ئەندىزىسى ئۈلۈك ھالدا يادلاش ئارقىلىق نەتىجە يارىتىشتا ئۆز ئەكسىنى تاپىدۇ.خەنزۇلار ئىشلىگەن قەدىمى فىلىملاردىمۇ ئەمەلدار بۇلۇش ئۈچۈنلا‹مۇللا›بۇلىدۇ.ھەم كونا دەستورلارنى قانچە جىق بىلسە شۇ بىلىملىك سانىلىدۇ.چېچىنى تورۇسقا ئىسىپ قۇيۇپ دەستور ياتلاۋاتقان‹مۇللا›كۆز ئالدىمغا كىلىپ قالدى... ھازىرقى خىزمەتمۇ شۇ.يىلدا جان كۆيدۈرۈپ خىزمىتىڭنى ياخشى ئىشلىسەڭ،يىل ئاخىرىدا يىللىق خىزمەت خۇلاسىسىنى پەچەت يازغان(كىم بىلىدۇ،توردىكى ئىزدەش ماتورىدىن يىللىق خىزمەت خۇلاسىسىنى خەنچە پاساھەتلىك تەييارلاشقا ھەممە كىشى ئوستا)خىزمەتچى نەمونىچى بۇلۇپ ئىدارەدىن  بەرگەن مۇكاپاتنى ئىلىپ ئۆگىنىش ئۆلگىمىز بۇلىدۇ،تېخى.

baturana

	بىزگىمۇ تاپشۇرۇقلارنى بەك كۆپ بىرىدۇ......

tewelgha

	بىزنىڭ ئۇيغۇر ئوقۇغۇچىلارنى خەنزۇ ئوقۇغۇچىلارغا سېلىشتۇرغاندا ھەقىقەتەن بەخىتلىك دىسەك بولىدۇ .سەۋەبى ،ئۇيغۇر ئوقۇغۇچىلارنىڭ تاپشۇرۇغى خەنزۇ ئوقۇغۇچىلارنىڭ تاپشۇرۇغىنىڭ ئۈچتىن  بىرىگىمۇ يەتمەيدۇ .ئىشەنمىسىڭىز ئالدىدا خەنزۇ سىنىپتا ئوقۇپ ،ئاندىن ئۇيغۇر سىنىپقا يۆتكەنگەن ئوقۇغۇچىلار ۋە ئۇلارنىڭ ئاتا-ئانىلىرىدىن سۈرۈشتۇرۇپ بىقىڭ . يۆتكەلگەن بۇ ئوقۇغۇچىلارنىڭ بىرىنچى خوشاللىغى دەل ئىشلەيدىغان تاپشۇرۇقنىڭ ئازلىغىدۇر. شۇڭا ئۇيغۇر ئوقۇغۇچىلارنىڭ تاپشۇرۇغىنى يەنە قىسقارتىشقا بولمايدۇ .بىراق ،يادىلاش، كۆچۈرۈپ يېزىش قاتارلىق تاپشۇرۇقلارنى ئازايتىپ ، قول سېلىپ ئىشلەش تاپشۇرۇغىنى مۇۋاپىق كۆپەيتسە بولىدۇ.

kahrizat

	تاپشۇرۇق ، ئوقۇغۇچىلىقتا تاپشۇرۇق، جەمىيەتتە يەنە تاپشۇرۇق .... مەڭگۈ تۈگىمەيدۇ

蓝狼331

	ساپا مائارىپى ، ساپا مائارىپى    دەپ  توۋلاۋېرىپ ئېرىشكەن نەتىجىمىز مۇشۇ بولدىمۇ ئەمدى .

zuber

	قارشىلىق كۆرسىتەلىگەن ئادەم بىچارە بولمايدۇ، گەرچە ئۇسۇلى توغرا بولمىسىمۇ ..