سىز قېينئانا ۋە كېلىن مۇناسىۋىتىگە

nalam

	سىز كىشلىك تۇرمۇشتىكى قېينئانا ۋە كىلىن مۇناسىۋىتىگە قانداق قارايسىز؟                     قېينئانلار كېلىنلەرگە نىسبەتەن ياشتا چوڭ، تەجرىبىلىك، ھۆرمەتلىك كىشلەر بولغاچقا، ئۆي تۇتۇشنىڭ قائىدە –يۇسۇن ،چارە-تەدبىر لىرنى پىششىق بىلىدۇ،ۋە شۇ ئارقىلىق كىلىنلەرنى ياخشى ئادەتلەرگە، قىزلىرىنى گۈزەل ئەخلاق پەزىلەتكە يىتەكلەيدۇ.ئەگەر ياخشى تەربىيە ئالمىغان كىلىنلەرۋە ياكى قىزلار كەلگۈسىدەبەخىتسىزلىككە يۇزلىنىپ قالىدۇ.     شۇ كۈنلەردە كۆز قارچۇقىدەك كۆرۈپ  چوڭ قىلغان قىزىڭىز بىر كۈنلەردە سىزنىڭ تەربىيىڭىزدىن ئايىرىلىپ چەت يۇرۇتلارغا ،بىلمىگەن كۆرمىگەن كىشلەرنىڭ ئارىسىغا بىرىپ كىلىن بولۇپ كىتىدۇ. ۋە كەتكەندۇ. شۇنداق قىزىڭىزنىڭ بەخىتلىك تۇرمۇش قۇرغانلىقىنى ۋە ياكى ياشاۋاتقانلىغىنى كۆرسىڭىز نەقەدەر شاتلىنىپ ،نەقەدەر سۆينۈپ كىتىسىز .ھالبۇكى ئۇلارنى جەبىر- جاپا زۇلۇم ۋە خاپىلىق ئىچىدە كۆرگۈدەك بولسىڭىز قان ياشلىرىڭىزنى تۆكۈپ قايغۇرسىز ،شۇنداق ئەمەسمۇ؟سىزگە  كىلىن  بولۇپ چۇشكەنلەرمۇ بىراۋلارنىڭ كۆز قارچۇقى ،يۇرەك پارىسى ئەمەسمۇ؟ ئۇلارمۇ  سىزگە  ئوخشاش قىزلىرىنىڭ بەخىتلىك تۇرمۇش كۆچۇرۇشنى ئىزدەيدۇيۇ،-ھىچقاچان قايغۇلۇق خەۋەرنى ئاڭلاشقا رازى ئەمەس!شۇڭا سىز قىينئانىلار ياخىشى كۆرگەن ،سۆيگەن نەرسىنى باشقىلارغا ھەم سۆيۇشنى ئۈگۈتۈشىڭىز  لازىم .كونىلار ئېيتقاندەك «ئالتۇن بىرىپ ئىلىپ بولماس ،سۇنغان كۆڭۈلنى » بىلىڭكى ئۇلارنىڭ سىزدىن كۆڭلى قالمىسۇن .         بەزى بىر قېينئانلار باركى كېلىنلەرنى ھەر ۋاقىت قىينايدۇ ۋە خارلايدۇ ،ئۇلارنىڭ قىلغان ئىشلىرى ۋە سۆز ھەركەتلىردىن ھەدىسلا قۇسۇر ئىزدەيدۇ ۋە ئەيىپلەيدۇ ،پۇرسەت كەلگەندەئوغۇللىرىغا يامانلاپ بولار بولماس سۆزلەپ ،يامان كۆرسۈتۈشكە تىرىشىدۇ ،نەتىجىدە بىر چىرايلىق ئۆي تۇتىۋاتقان ئەر- ئايالنىڭ مۇناسىۋىتى بۇزۇلىدۇ –دە،ئوغۇللىرىنى ئاجىرىشىشقا دەۋەت قىلىدۇ. ئاجراشمىسا ئۆي ئايرىشقا زورلايدۇ.تايىنى يوق سەۋەپلەر بىلەن بىر چىرايىق ئائىلە خانۇ-ۋەيران بولىدۇ.ئوتۇردا دۈشمەنلىك پەيدا بولۇپ كىتىدۇ.ھالبۇكى بۇنىڭ ئاساسلىق سەۋەبى قىينئانىنڭ پەزىلەتسىزلىگىدىن باشقا نەرسە ئەمەس.دۇنيادا بولۇپمۇ تۆت بەش كۈنلۈك قىسقىغىنە ئومۈردە ،ئەمدى چىچەكلەشكە ،مىۋە بىرىشكە تەييارلانغان ياشلارنىڭ شىرىن ھاياتىغا زەھەر قوشۇپ بەخىتگە زامىن بولغان ئەقىلسىز خوتۇنلارغا مەيلى ھايات ۋاقىتىدا بولسۇن ۋە ياكى ئۆلگەندىن كىيىن بولسۇن ھىچكىم سىغىنىش نەزىرى بىلەن قارىمايدۇ ،رەھمەت بىلەن قارىمايدۇ .چۈنكى ئۇنى سىغىندىغانلارنىڭ كۆڭلىنى سوۋۇتۇپ مۇزلۇتۇپ  كەتكەن .    ئەمما ياخشى پەزىلەتلىك قىينئانلارمۇ يوق ئەمەس،ئۇلارنى ھەرقانداق كىشى ئەسلەش ،سىغىنىش ۋە مىنەتدارلىق بىلەن يادلاپ تۇرىدۇ باشقىلارغا ئىبرەت ،ئۆرنەك قىلىپ كۆرسىتىدۇ .       پەزىلەتلىك ياخشى قېينئانىلار كېلىنلىرىنى ئۆز قىزلىرىنى كۆرگەندەك ياخشى كۆرىدۇ ھەر قانداق ئىشلىرىغا يارىدەم قىلىپ ،قىلغان ئىشلىرىدىن قۇسۇر ئىزدىمەيدۇ،ئوغۇللىرىغا كىلىنىنىڭ ياخشى تەرىپىنى قىلىپ ئۇلارنىڭ ئىناق ئائىلىسىگە تىخىمۇ ئىناقلىق ئۇرۇغىنى چاچىدۇ،ئۆزى قىيىنچىلقىتا قالسىمۇ باللىرىغا يۈك بولۇپ قىلىشىدىن ئەنسىرەپ ھەرگىزمۇ قىيىنچىلىقىنى بىلدۈرمەيدۇ .ئۆي ئىشلىرىنى كىلىنگە تاشلاپ قويماي ئۆزى قىلىپ تۈگىتىدۇ،كىلىنلىرگە شۇنداق ياخشى تەربىيە ،قائىدە يۇسۇنلارنى ئۈگىتىدۇ ،كىلىنلىرىنىڭ ئازغىنە قىلىپ بەرگەن ئىشلىردىن شۇنچە مەمنۇن بولۇپ سۆينۈپ كىتىدۇ .مانا مۇشۇنداق قىينئانلارنى قانچە –قانچە تەرىپلىسەكمۇ،تىللاردا داستان قىلىپ سۆزلىسەكمۇ ئازلىق قىلىدۇ .بۇنداق قىينئاننىڭ  تەلىمى ئاستىدا بولغان كىلىنلەرمۇ ئەخلاق پەزىلەتلىك مىھرىبان ياخشى كىلىن بولۇپ چىقىدۇ .قىينئانا بولغان كىشى كىلىننى ئۆز قىزىدەك كۆرگەن يەردە ،كىلىن ئۆز ئانىسىدەك كۆرمەسمۇ ؟ ئەلۋەتتە كۆرىدۇ.       دىمەك قېينئانلار شەپقەتلىك ۋە مىھرىبان بولسا ،كىلىنلەرمۇ قېينئانلىرغا ئىتائەتمەن بولىدۇ ،ۋە بىر ئۆمۈر خىزمىتىنى قىلىشتىن باش تارىتمايدۇ .بۇ جاھان شۇنداق جاھان سىز بىر كۈنلەردە كىلىن بولسىڭىز ئازغىنە كۈندە سىزمۇ قىينئانا بولسىز، قىينئانىسغا ياخشى خىزمەت قىلىپ دۇئاسىنى ئالغان كىلىنلەرگە نۆۋىتى كەلگەندە ئۆز كىلىنلىرىمۇ  ئۇنىڭدىن ئارتۇق خىزمىتىنى قىلىدۇ .      ياخشى تۇرمۇش كەچۈرۈشنى كىلىنلەرمۇ ئىزدىگەندەك ،قىينئانلارمۇ نۇرغۇن يىللار كۆز قارچۇغۇدەك ئۆستۇرۇپ تەربىيلىگەن ئوغۇللىرى ئۈچۈن ياخشى تۇرمۇش ،ئىناق ئائىلە بولىشىنى ئويلىسا كىرەك .كىلىنلەر قىينئانلىرىنى تۇققان ئانىلىرى سىياقىدا كۆرۈپ خىزمىتىنى قىلىپ ئۇنى رازى قىلسا ،ھەر ئىككى تەرەپنىڭ ئارزۇسى كۆڭلىدىكىدەك ئەمەلگە ئاشقان بولىدۇ-دە ،شۇ ئۆينىڭ رىسقى كەڭرى،تۇرمۇشى باياشات،كۆڭۈلدىكىدەك بەخىتلىك ئائىلە ۋۇجۇتقا كىلىدۇ.         مەنبە: «سۇغات» ناملىق كىتابقا ئاساسەن ئۆز تۇرمۇشۇمغا بىرلەشتۇرۇپ يېزىپ چىقتىم.

hasalharisi

	تېمىڭىزدا بۇ نازۇك مەسىلە ياخشى تەھلىل قىلىنىپتۇ. قىسقىسى، مېنىڭچە ھەر ئىككىسى بىر-بىرىنى ئۆز كۆرۈشسە ،قۇدىلار ئىناق ئۆتسە ،بولۇپمۇ ئالدى بىلەن قېينئانا ئائىلىگە يېڭى مېھمان بولۇپ كەلگەن ‹‹قىزى››نى ياخشى ئىززەتلەپ ئۈگىتىۋالسا ياخشى ئۆنۈمگە ئېرىشكىلى بولامدېكىن دەيمەن..

qiqakkiz

	قېينئانا بىلەن ئىناق ئۆتۈش ئۈچۈن ، كىلىن مۇھىم رول ئوينايدۇ . قېينئانىمىزنى ئۆز ئانىمىزدەك كۆرسەك ، ھەرقانداق ئىشتا ئەستايىدىل بولساق ، ئىرىمىز بىلەن ئانىسى ئوتتۇرسىدا زىدىيەت تېرىمىساق ، قېيىنئانىمۇ بىزلەرگە ئۆچلۈك قىلمايدۇ . ئەرلەرمۇ ئانىسى بىلەن ئايالى ئوتتۇرسىدىكى مۇناسىۋەتتە مۇھىم رول ئوينايدۇ . ئانىسى ئايالىڭ ، ئۇنداق ياكى مۇنداق دىسىمۇ ، ياخشى كۆرگەن ئايالى بولغاندىكىن ئانىسىغا چىرايلىق چۈشەندۈرۈپ ، ئايالىغا تەربىيە قىلىدىغانلىقىنى ئېيتسا ، ئايالى ئانىڭىز ئۇنى قىلدى ياكى بۇنى دىدى دىسىمۇ ،ئانىسى تەرەپتە تۇرۇپ چىرايلىق چۈشەندۈرسە ، ئايالىنىڭ گېپىنى ئانىسىغا ، ئانىسىنىڭ گېپىنى ئايالىغا يۆتكىمەي ، ئۇلارنىڭ مۇناسىۋىتىنى ياخشىلاشقا تىرىشسا ، قېينئانا كىلىن مۇناسىۋىتى ياخشى ئۆتۈپ كىتىدۇ .

aptuwa

	مەن يېڭى توي قىلغان چاغلاردا قېينانام مىنى ئانچە ياقتۇرۇپ كەتمەيتى ، قىلغان ئىشلىرىمدىن رازى بولمايتى ، كىر يۇيساممۇ پاكىز بولماپتۇ ، تاماق ئەتسەممۇ بىر كۈن قۇيۇقكەن، بىر كۈن سۇيۇقكەن دەپ قىلغان ئىشلىرىمنى پەقەتلا ياراتمايتى . دەردىمنى ئىچىمگە يۈتۈپ بىر ئېغىز تاكاللاشمايتىم ، يولدىشىمغىمۇ دىمەيتىم .  شۇنداق قىلىپ ئارىدىن سەككىز ئاي ئۆتتى، بىر كۈنى قېينانام بىر تۇققىنىمىزنىڭ ئۆيىگە تويغا بېرىپ قايتاشىدا ۋەقەگە ئۇچراپ بىر پۇتى سۇنۇپ كەتتى . دوختۇرخانىدا ياتقان ۋاقىتلىرىدا ئاپامغا ئۆزۈم تاماق ئىتىپ ، تەرىتىنى تازىلاپ ، كىيىملىرىنى ئالماشتۇرۇپ ، چاچلىرىنى يۇيۇپ تاراپ كۆڭۈل قۇيۇپ قارىدىم . ئاپام مىنى بۇرۇندىنلا ياقتۇرمىغاچقا قىلغان ئىشلىرىمنى كۆرمەسكە سالدى ، بىر -ئىككى ھەپتە بولغاندا تەسىرلىنىپ قالغانمۇ قانداق ، چىرايى ئېچىلىپ مەن بىلەن مۇڭدىشىدىغان ، ئەكەلگەن تامىقىمنى ئوخشاپتۇ دەپ تۇرۇپ خۇشال كەيپىياتتا يەيدىغان بولدى . شۇ تەرىقىدە ئىككى ئايغا يېقىن داۋالاندى . بۇ ئارلىقتا ئاپامنىڭ ماڭا مېھرى چۈشۈپ مۇناسىۋىتىمىز تەبىئىيلا ياخشىلىنىپ كەتتى . دوختۇرخانىدىن چىققاندىن كىيىن ماڭا تېخىمۇ كۆڭۈل بۈلۈپ، بۇرۇنقىدەك قوپال مۇئامىلە قىلمايدىغان بولدى . قېينانامنىڭ دۇئاسى بىلەن ئۇزۇنغا قالمايلا پەرزەنتلىك بۇلۇش خەۋىرىنى بىلدىم . يولدىشىممۇ قېيناناممۇ ماڭا بەك ياخشى مۇئامىلە قىلدى . ھازىر بولسا نەۋرىسىنى ئەركىلىتىپ سۆيۈنۈش ئىچىدە بىزگە بەخىت تىلەيدۇ . قېينانامغا رەھمەت . ئاپا ، مەن سىزنى مەڭگۈ ئۆز ئاپامدەك كۆرىمەن . ھەم ئۆمرىڭىزنىڭ ئاخىرىغىچە ھالىڭىزدىن خەۋەر ئالىمەن .

eiptihar

	مەن تىخى بۇ ئىشلارنى بىلمەيدىكەنمەن ئەمدى بىلۋالدىم چوقۇم كەلگۈسىدە ئانام بىلەن ئايالىمنىڭ ئوتتۇرسىدىكى كۆرۈگلۈك رولۇمنى تولۇق جارى قىلدۇرۇپ ئۇلارنىڭ ئىناق ئۆتۈشۈنى ۋە بەختىلك ئائىلە قۇرۇشقا بەل باغلايمەن.

abro

	ھەيييييييي مەن بۇنىڭغا نىمە دىسەم بولا .گاھى ئوتى بار يەرنىڭ سۈيى يوق ،سۈيى بار يەرنىڭ ئوتى يوق دىگەندەك ،بەزى قىينىئانا مىڭ ياخشى بولسىمۇ ،كىلىننىڭ ئىغىرىنى قانچە كۆتۈرسىمۇ ،كىلنى ناچار چىقىپ قالىدۇ. بەزى كىلىن شۇنداق ياخشى پەزىلەتلىك بولۇپ ئەر تەرەپنىڭ ئۇرۇق -تۇققانلىرىنىڭ ھۆرمىتىنى قانچە قىلغانسىرى كىلىننى ‹‹بۇدىگەن سىنىڭ مەجبۇرىيتىڭ ،،›› دەمدىكى تاڭ ،كىلىننى شۇنچە قىينايدۇ . باشقا يۇرتلاردا قانداقلىقىنى بىلمىدىم ، لىكىن قەشقەر شەھرىنىڭ قىينىئانا-كىلىن مۇناسىۋىتى ئاساسەن بەكلا مۇرەككەپمىكى دەيمەن.بولۇپمۇ قىز تەرەپنىڭ ئاتا-ئانىسسىغاسىلىنىدىغان سىلىق بەكلا ئىغىرلىشىپ كىتىۋاتىدۇ ھازىر.بالىرىغۇ قىلىپ قۇتۇلىدۇ ،لىكىن يوقلارنىڭ گەدەگىچە قەرز.ھەي بولدىلا.

nadanlik

	مەن كىلىن بولۇپ باقمىغان بولساممۇ لېكىن ئائىلىدىكى ئەھۋاللادىن قېينىئانا ۋە كىلىن ئوتتۇرىسىدىكى ئىشلاردىن خېلى تەجىربە توپلىغان ئىدىم، بۇ تىمىنى كۆرۈپ تېخىمۇ كۆپ تەجىربە ساۋاققا ئىگە بولدۇم، تىما ئىگىسىگە رەخمەت.

ئۆل

	ئاپتور جاۋابىنى بويلاپ 3قەۋەت  aptuwa كە 2011-09-21 03:23 PMئەۋەتىلدى  : مەن يېڭى توي قىلغان چاغلاردا قېينانام مىنى ئانچە ياقتۇرۇپ كەتمەيتى ، قىلغان ئىشلىرىمدىن رازى بولمايتى ، كىر يۇيساممۇ پاكىز بولماپتۇ ، تاماق ئەتسەممۇ بىر كۈن قۇيۇقكەن، بىر كۈن سۇيۇقكەن دەپ قىلغان ئىشلىرىمنى پەقەتلا ياراتمايتى . دەردىمنى ئىچىمگە يۈتۈپ بىر ئېغىز تاكاللاشمايتىم ، يولدىشىمغىمۇ دىمەيتىم .  شۇنداق قىلىپ ئارىدىن سەككىز ئاي ئۆتتى، بىر كۈنى قېينانام بىر تۇققىنىمىزنىڭ ئۆيىگە تويغا بېرىپ قايتاشىدا ۋەقەگە ئۇچراپ بىر پۇتى سۇنۇپ كەتتى . دوختۇرخانىدا ياتقان ۋاقىتلىرىدا ئاپامغا ئۆزۈم تاماق ئىتىپ ، تەرىتىنى تازىلاپ ، كىيىملىرىنى ئالماشتۇرۇپ ، چاچلىرىنى يۇيۇپ تاراپ كۆڭۈل قۇيۇپ قارىدىم . ئاپام مىنى بۇرۇندىنلا ياقتۇرمىغاچقا قىلغان ئىشلىرىمنى كۆرمەسكە سالدى ، بىر -ئىككى ھەپتە بولغاندا تەسىرلىنىپ قالغانمۇ قانداق ، چىرايى ئېچىلىپ مەن بىلەن مۇڭدىشىدىغان ، ئەكەلگەن تامىقىمنى ئوخشاپتۇ دەپ تۇرۇپ خۇشال كەيپىياتتا يەيدىغان بولدى . شۇ تەرىقىدە ئىككى ئايغا يېقىن داۋالاندى . بۇ ئارلىقتا ئاپامنىڭ ماڭا مېھرى چۈشۈپ مۇناسىۋىتىمىز تەبىئىيلا ياخشىلىنىپ كەتتى . دوختۇرخانىدىن چىققاندىن كىيىن ماڭا تېخىمۇ كۆڭۈل بۈلۈپ، بۇرۇنقىدەك قوپال مۇئامىلە قىلمايدىغان بولدى . قېينانامنىڭ دۇئاسى بىلەن ئۇزۇنغا قالمايلا پەرزەنتلىك بۇلۇش خەۋىرىنى بىلدىم . يولدىشىممۇ قېيناناممۇ ماڭا بەك ياخشى مۇئامىلە قىلدى . ھازىر بولسا نەۋرىسىنى ئەركىلىتىپ سۆيۈنۈش ئىچىدە بىزگە بەخىت تىلەيدۇ . قېينانامغا رەھمەت . ئاپا ، مەن سىزنى مەڭگۈ ئۆز ئاپامدەك كۆرىمەن . ھەم ئۆمرىڭىزنىڭ ئاخىرىغىچە ھالىڭىزدىن خەۋەر ئالىمەن .   بۇنى كۆرۈپ سىزدىن بەكلا سۆيۈندۈم ....بۇندىن كېيىن تېخمۇ بەختىلىك بولۇپ كېتىڭ ..كىلىن بولغۇچى سىزدەك ئېسل بولسا ئاللا ئەجىرىنى بېردۇ .. قىينئانىڭ ياراتمىقى تەس بولدۇ ئەلۋەتتە ..شۇ ئۆيگە كىلىن بولغاندىن كىن شۇلارغا ماسلاشمسا بولمايدۇ ؟ مەن ئويلايمەن ئىشقلىپ كىلىن بۇلغۇچى چوقۇم قىينئانغا يول قويۇشى كېرەك ..ھىچ بولمغاندا ئۆزدىن چوڭ بولغانىڭ ھۆرىمتى ئۈچۈن بولسمۇ ؟ ئاتا –ئانىنىڭ ئەسكسى يوق ،ئەمما كىلنلەرىنىڭ نى نى ئەسكلىرى با ....ئولارمۇ كېيىن شۇ كۈنگە قالدۇ ....

سابا

	ھەي.........................نىمە دىسەم بولار ؟ تېمىغۇ بەك ئەتىراپلىق يىزىلىپتۇ ، لىكىن كىلىن بولماق دۇنيادا ئادەم بولماقتىنمۇ قېيىنمىكىن دەپ قالىمەن ، بۇنداق دىسەم ئۆزى ياخشى كىلىن بولماي تۇرۇپ دىيىشىڭلار مومكىن ، ھەممە گەپنى دەپ يۇرگىلى  بولمايدۇ . يەنىلا بىر ئىغىز سۆز سۈكۈت بىر ئۆمۇر سۈكۈت ئېچىدە تاكى شۇلار ھەقىقەتنى چۈشەنگىچە  خىزمىتىنى قىلاي ، ئۇلۇغ ئاللاھ ھەممىنى ئۆزى كۆرۇپ تۇرىدۇ ھەم بىلىپ تۇردۇ . ئۇلۇغ ئاللاھ ئۆزلىرى تۇگىمەس سەۋىر ئاتا قىلغايلا .

bahirah

	قىيىنئانا قانداق بولىدۇ تىخى بىلمەيمەن. لىكىن ئاپام دائىم ماڭا قىيىنئانا تەربىيىسى كۆرمىگەن ئايال مۇكەممەل بولالمايدۇ، قىيىنئانا دىگەن قېلىپ، كىلىننى شۇ قېلىپقا قۇيۇپ مۇكەممەل قىلىدۇ دەيدۇ. ئاللاھ ياخشى قىيىنئانىنى بەرگەي.