«ئەمەلدار دادامنىڭ دۆلىتى »

kapsizkiz

	قاچانلاردا دادامنىڭ ئەمەلدار ئۈستىلىدە ئولتۇرغىنى ئېسىمدە يوق ،ئەقىلمىگە كەلسەم ئەمەلدار دادام بار ئىكەن ،شۇڭىمۇ تۇرمۇشتا بىرەر نەرسىدىن قېسىلغىنمنى ،بىرەر ئىشنى قىلسام بۇلاتتى دەپ غەم يەپ باققىنمنى بىلمەيمەن . باشلانغۇچ مەكتەپكە يېڭى كىرگەندە دادام مۇئاۋىن مەكتەپ مۇدىرى ئىكەنتۇق ،شۇڭىمۇ سىنىپ مەسئۇلىمىزدىن تارتىپ ئادەتتكى ئوقۇتقۇچلار مىنى قەۋەتلا ياخشى كۆرەتتى ،باشقا ساۋاقداشلىرىم تاپشۇرۇق ئىشلمسە قولىغا سۈپۈرگە چىۋىقى بىلەن ئۇرۇپ ئەدەبلەيدىغان مۇئەللىم ،مەن تاپشۇرۇق ئىشلىمسەم ، _كېلەر قېتىم چۇقۇم ئىشلەپ كېلىڭ ھە دەپلا ئۆتكۈزۋېتەتتى ،ئىمتاھاننى نۆل نۇمۇرىغا لايىق ئىشلىسەم نۆلنىڭ ئالدىغا بىر نۆل ھەم بىر بىرنى ئارتۇق قوشۇپ قوياتتى ،دائىم سىنىپ بۇيىچە بىرىنجى بۇلاتتىم ،بىراق تاكى باشلانغۇچ بەشكە چىقۇچە بىرگە ئىككىنى ،مۇنداقچە قىلىپ ئېيتقاندا بىر تال كەمپۈتىنى ئاپام ئېلىپ بەرگەن بولسا يەنە ئىككى تال كەمپۈتىنى مومام  بەرگەن بولسا يانچۇقۇمدا جەمىي نەچچە تال كەمپۈت بارلىقىنى بىلمەي يۈرگەن ئىدىم . تۇلۇقسىز ئوتتۇرا مەكتەپكە چىقاندا دادام مەن بىلەن تەڭ يۇقىرىغا ئۆرلەپ مائارىپ ئىدارسىغا يۆتكەلدى ،مۇئەللىملىرىم ماڭا تېخىمۇ ئامراق بولدى ،بۇ چاغدا ئىسمىنى ئاران يېزىشنى ئۆگەندىم ،بۇنىڭدىن دادام نارازى بۇلۇپ تۇرشىغا ماڭا ھەقسىز ئائىلە ئوقۇتقۇچى بولۇپ بېرىدىغان مۇئەللىملەر پەيدا بولدى ،بىراق ئۇلار مىنىڭ ئۆگۈنۈشىمگە ئەمەس ،بەلكى دادامنىڭ كەيپىياتىغا ،بەكرەك كۆڭۈل بۈلۈپ مىنى چالا ساۋات قىلىپ قويىشقان ئىدى ،بۇنداق چاغلاردا مىنىڭ ئويۇنخومار مەزگىلىم بولغاچقا خىيالىي ھالدا ئويناپ يۈرگىنىم يۈرگەن بولدى ،مەن تۇلۇق ئوتتۇرىغا قەدەم قويغاندا بولسا دادام مائارىپ ئىدارسىگە مۇئاۋىن باشلىق بولدى ،شۇنىڭ بىلەن ئانار تېخىمۇ پىشتى ،دەرسكە كىرگۈم كەلسە كىردىم ،نەدە ئويۇن بولسا شۇيەرگە قاتراپ يۈردۇم ،ھېيىت -بايرام بولسىغۇ بايۋەتچە بۇلاتتىم ،مەكتەپ مەكتەپلەردىن كەمبەغەل مۇئەللىملەر ،بالسىغا بېرىشكە قىيمىغان پۇلارنى يانجۇقىمغا دادام ئالدىدا يالغان ھېجىيىپ سېلىپ تۇردى ،دادام بولسا يالغان تۈزۈت قىلىپ مەن ئارقىلىق چۈنتىكىگە سالدى ،بۇ جەرياندا مەنمۇ ئاز بولمىغان نەپكىمۇ ئېرشىپ قالدىم . ھەر يىلى يىل  ئاخىردىكى باھالاش ،خىزمەت يۈتكەش ۋاقىتلىردىغۇ بىزنىڭ ئۆيدە مەشرەپ بۇلاتتى ،سوغا- سالاملار ئالدى ئىشكىتىن ئەمەس ،دادام ،ئاپامنىڭ ئاتا -ئانسىنىڭ ئارقا ئىشىكىدىن ئۆيمىزگە يەتكۈزلەتتى ،دادام بولسا پاك ئەمەلدار بۇلۇپ قېلىۋىرەتتى . ئالىي مەكتەپ ئىمتاھانسىنى بىزنىڭ مۇئەللملەر ئالمىغاچقا ئىمتاھانغا قاتنىشىپ ھەممە پەندىن 100 نۇمۇر ئالدىم ،دادام ،ئاپام باشقىلارغا تىنمىدى دە ،ئىچكىردىكى ئالىي مەكتەپكە يولغا سالدى. پۈتۈن يۇرۇت خەلقى بۇ ئىشتىن خەۋەردار بولغان بولسىمۇ يالغاندىن ماڭا تەنتەنە قىلشىتى . ئالىي مەكتەپتە 20 پەن دەرس ئۆتۈلسە 22 پەندىن ئۆتەلمەي گەدەن قاشلاپ يۈرىۋەردىم ،بىراق كىم پۇلغا ئامراق ئەمەس ،ھەممە يەردە قازاننىڭ قۇلىقى تۆتتە ،يەنە  «ئەلا»نەتىجە بىلەن ئوقۇش پۈتتۈردۇم ،بۇ مەزگلىدە دادام مائارىپ نازارىتىگە باشلىق بولغان ئىكەن ،موكىدە شەھەرلىك تولۇق ئوتتۇرىغا ئوقۇتقۇچى بولدۇم ،كۈندە ھاراق ئېچىپ ئەلەسمەن ،دەرسلىرىم قېلۋەردى ،ئوقۇغۇچلار ئىشخانامغا كېرىپ مىنى چاقىرىپ دەرس ئۆتۈپ بېرىشكە تەكلىپ قىلاتتى ،سىنىپقا كىرپلا ئوقۇغۇچلار بىلەن سوقشۇپ قالاتتىم ،سەۋەبى ئوقۇغۇچلارنىڭ سورىغان سوئالىغا جاۋاب بېرەلمەي ئۇلارنى تىلايتتىم .(كەسپىم ئەنگلىس تېلى تۇرۇپ ئەنگلىس تىلدا بىر ئېغىز ياخشىمۇسىز دېگەن گەپىنى قىلالمايتتىم ) بۇنداق كۈنلەر ئىككى يىل داۋام قىلدى ،ئۈچۈنجى يىلى دادامنى يۇقۇردىن تەكشۈرگىلى كېلىپ مالىيەدە مەسلە بار دەپ توختۇپ قويدى ،شۇنىڭ بىلەن تەڭلا مەنمۇ خىزمەتنىڭ ھۆددىسدىن  چىقالمىغانلار قاتاردىن ئورۇن ئېلىپ خىزمەتتىن بۇشۇدۇم ،بۇرۇنقى مىنى كۆرسە ئون كۈنلۈك يەردىن يۈگرەپ كېلىپ سالام قىلدىغانلار ئەمدىلىكتە  مىنى كۆرسە جىننى كۆرگەندەك قېچشىدىغان ،دادامنى كۆرگەندە تۈكۈرشۇپ ،خۇددى بىز ئۆيگە خۇشامەت قىلىپ سوغات ئېلىپ كېرىڭ دەپ ئۆگىتىپ قويغاندەك ئالىيىپ ماڭدىغان بۇلۇپ قالدى ،تېخى بەزى ئۇشۇق كىشلەر ئون يىل ،بەش يىل بۇرۇن ئۆيىڭگە ئەكىرگەن سوغاتنى قايتۇر دەپ دادامنىڭ ياقسىنى سىقانلارمۇ ئاز ئەمەس ئىدى . توۋا دېدىم جەميەتكە قاراپ ،نامەرتلەر جاھانىمۇ بۇ ياكى پارىخورلار جاھانىمۇ ؟؟ ۋە ياكى خۇشامەت كويىغا چۈشكەن ،ياش سەبىي قەلىبلەرنىڭ يۈركىگە ئۆز قولى بىلەن مىتە قۇرۇت تاشلاپ ،بىر ئەۋلاتنىڭ ئەمەس بەلكى  بىر قانچە ئەۋلاتنىڭ زەنجىرسىمان زەھەرلنىشىنى كەلتۇرۇپ چىقرىدىغان  بىۋاپا شەخسىيەتچى جاھانىمۇ بۇ ؟؟؟؟

maytag

	ئەمەلداربولماق تەس، ئەمەلدارنىڭ بالىسى بولماق تىخىمۇ تەس!!

kahrizat

	سۇنۋۇكۇڭ ئۆز خۇداسىنىڭ ئالدىغا ئالتۇن قاچىنى پارە بەرگەچكە نومنى ئاندىن بەرگەنتى ، بۇ ھەممىمىزگە ئايانغۇ

nazila998

	پارە بىرىش ، پارە ئېلىش جەميەتنىڭ قاتلاملىرىغا سىڭىپ كەتكەن بىر ئىش ، بۇ باسقۇچنى بىسىپ ئۆتمىسىڭىز ، ھىچ ئىشىڭىز ئىش بولمايدۇ .

azz3866

	باسما قۇدۇققا بىر چۈمۈچ سۇ قۇيمىسا، بىر چىلەك سۇبەرمەيدۇ ئەمەسمۇ؟!!!!

pingivin

	بەزى بايانلار چەكتىن ئاشۇرىۋېتىلىپتۇ...

sazguri

	ھىكايىڭىز نىڭ بىرەر خىل ‹‹ئىلمىنىتى››كەمدەكلا ھىس قىلدىميا بىر خىل تويۇنمىغاندەكلا   شۇنچە ئۇزۇن ھاياتنى بىردەمدە تەسۋېرلەپ  تۇگتىۋەتتكەندەك .... ۋەقەلىكنى سەل تەپسىلىرەك ئېچىپ بەرسىڭىز چۇ

TOGRAKPADIXASI

	پارا بىرىش پارا ئېلىش بۇلۇپمۇ قېرىنداش مىللەتلەرنىڭ قان-قېنىغا سىڭىپ كەتكەن ئىشمىكىن دەيمەن. چۈنكى بۇلار ئىشلىگەن قەدىمقى زامان فىلىملىرىنىڭ قايسى بىرسى بۇ ئىشتىن مۇستەسنا؟

555rikabatqi

	بۇنداق ئەھۋاللار ناھايتى يامراپ كەتتى بۇ بىر قورقۇنۇشلۇق ئەھۋال ،يۇقىرىنىڭ سىياسىتىغۇ بولمىسا شۇنداق ياىشى لېكىن توۋەندىكى ئىش بېجىرىدىغانلار چاتاق ئۇلار دولەتنىڭ ئۇلىنى كولاۋاتقان مىتە قۇرۇتلار   بەلكىم بىزنىڭ بۇ دەۋېردە بۇ پارى خورلۇقنىڭ ئالدىنى ئېلىش مۈمكۈن ئەمەس لىن .............

xatgul

	ئايەم مۇبارەك كەپسىز ئاداش،،،ئاياملىك سوۋغا ئەكەپسىز دە  بىزگە،،،رەخىمەت ،جاپا چەكتىڭىز ،،،ئالاھ  كوڭلىمىزگە ئىنساپ بەرسۇن  امىن.