فرانسىيەدىكى ئۇيغۇر ناخشىچىمىز-ژانى

pakdil520

	فرانسىيەدىكى ئۇيغۇر ناخشىچىمىز-ژانى ۋە ئۇنىڭ يېڭى دېسكىسى(janymusic-France) سەنئەت ساھەسىدە ئۆز-ئۆزىنى يېتىشتۇرىۋاتقان فرانسىيەدىكى ياش ناخشىچىمىز ژانىنىڭ ئۇيغۇرچە ئىسمى ئەلى ئىسمائىل بولۇپ، ژانى (jany) ئۇنىڭ سەنئەت تەخەللۇسى. 2004-يىلىنىڭ بېشىدا فرانسىيەگە ئوقۇشقا كەلگەن ژانى ھازىرغا قەدەر ئۆزى تۇرۇشلۇق لىئون شەھرى ۋە ئۇنىڭ ئەتراپىدا ھەر تىپتىكى سەنئەت پائالىيەتلىرىگە قاتنىشىپ، ئۇيغۇرچە ۋە فرانسۇزچە ناخشىلارنى يېقىملىق ئاۋازى بىلەن ۋايىغا يەتكۈزۈپ ئورۇنلاپ كەلدى. بۇ پائالىيەتلەرنىڭ تەڭدىن تولىسى فرانسۇز سەنئەتكارلار ۋە سەنئەت ئورۇنلىرىنىڭ ئورۇنلاشتۇرۇشى بىلەن بولۇپ، ژانى بۇ سورۇنلاردا ئۇيغۇر ناخشىسى ۋە ئۇيغۇر مەدەنىيىتىنى فرانسۇزلارغا تونۇتۇشنى ئۆزىگە مەقسەت قىلىپ كەلدى. بۇلاردىن سرت، ژانى يەنە بىر نەچچە قېتىم يالغۇز كىشىلىك ناخشا كېچىلىكى ئورۇنلاشتۇرۇپ، لىئوندىكى فرانسۇزلارنىڭ قىزىقىشىنى قوزغىدى. فرانسىيە ئۇيغۇر ئوقۇغۇچىلار ئۇيۇشمىسى-ئوغۇز ئورۇنلاشتۇرغان فرانسىيەدىكى ئۇيغۇر مەدەنىيەت فېستىۋاللىرىدىمۇ، ژانى ئاساسلىق ناخشىچى سۈپىتىدە ئاساسلىق رول ئويناپ كەلدى. فرانسىيەگە كېلىشتىن بۇرۇن ئاقسۇ سەنئەت مەكتىۋىنىڭ مۇزىكا ئوقۇتقۇچىسى بولغان ژانىنىڭ سۈزۈك ئاۋازى بىلەن ئېيتقان ھەممىمىزگە تونۇشلۇق ئۇيغۇر ئاممىباپ ناخشىلىرى قۇلاققا يېقىپلا قالماستىن، يەنە ئۇنىڭ يەتتە يىلدىن بېرىقى فرانسىيەدە ئىزدىنىش نەتىجىسىدە روياپقا چىقارغان ئىجادىيەت دېسكىسى ”سەۋدا“ 2010-يىلى فرانسىيەدە نەشردىن چىقىپ، فرانسىيە مەدەنىيەت ئوچاقلىرىدا تارقىتىلىۋاتىدۇ. ژانى شۇ يىلى شىنجاڭغا قايتىپ، دېسكىسىنى ئۈرۈمچىدە چىقىرىشقا كۆپ تىرىشقان بولسىمۇ، ئەمما بۇنىڭ نەتىجىسى بولمىغان. دېسكا فرانسىيەدە ئىشلەنگىنى ئۈچۈن، ئاۋاز سۈپىتى جەھەتتىن ئالاھىدە ئەلا ۋە تەننەرخى بىر ئاز يۇقىرى. شۇڭا شۇنچە يىللىق جاپالىق ئەمگىكىنىڭ نەتىجىسىنى ئۈرۈمچىدىكى دېسكىخانىلارنىڭ ئەرزان باھادا كۆچۈرۈپ تارقىتىشىنىڭ ئالدىنى ئېلىش ئۈچۈن، فرانسىيەدە ئەسەر ھوقۇقى بويىچە ئەنگە ئالدۇرىۋەتكەن. يېڭى ناخشىلىرىنى ئۈرۈمچىدە دېسكا شەكلىدە تارقىتىشقا كۆپ توسقۇنلۇققا ئۇچرىغىنى ئۈچۈن، ئىچىدىن تاللاپ، بىر قانچىلىرىنى ئۇيغۇر تورلىرىدا تارقاتماقچىمىز. ”سەۋدا“ دېسكىسىدا جەمئىي ئون ئىجادى ناخشا بولۇپ، ئۇلار تۆۋەندىكىچە: ئاشىق مىسراسى ئۇنۇتالمىدىم سەۋدا ئەسلەرسەنمۇ مېنى يوق-يوق مۇھەببەت سىرى كۆزلەر-سۆزلەر باھاردا توزىغان چېچەك ئېھتىمال سەن ژانىنىڭ تور يۈزىدىكى مۇزىكا ئامبارلىرىدىكى ئورنىدىن ئۇنىڭ كۆپەيتمە ناخشىلىرىنى ئاڭلىيالايمىز: http://www.myspace.cn/janymusic http://www.myspace.com/janymusique http://www.reverbnation.com/jany فېيىسبۇكتىكى ژانى ناخشىلىرى بېتى: https://www.facebook.com/janymusic مةنبة :جصك بلوگى

1670154432

	بىزنىڭ مىلىلىتىمىز ھەقىقەتەنمۇ پەخىرلەنگىدەك مىللەت ،شەخسەن مەن ئۇزۇم مىللىتىمدىن ،ئۇزۇمنىڭ ئۇيغۇر بۇلۇپ تۇرەلگىنىمدىن بەك پەخىرلىنىمەن،ھەم ئېلىجاننىڭ تېخىمۇ تىرىشىپ ،تېخىممۇ كۇپ شان-شەرەپلەرگە نائىل بۇلۇشىنى تىلەيمەن.

pazilat2004

	كىشى  يۇرتىدا   سۇلتان  بولغىچە   ئۆز  يۇرتۇڭدا  ئۇلتان  بول

XERHAN

	فېيىسبۇكتىكى ژانى ناخشىلىرى بېتى ئېچىلمىدىغۇ ؟ ... مەن تېخى فىرانسۇس تىلىدا ئېيىتىلغان ناخشىلارمىكىن دەپتىمەن ، ژانى - دىگەن گەپنىڭ نىمە مەنىسى بارلىقىنىمۇ ئىزاھلاپ قويغان بولسىڭىز بوپتىكەن بىلىۋالساق ... ئۇيغۇر خەلق ناخشىلىرىنىڭ  رىتىمى ۋە ئاھاڭىنى بەكلا ئۆزگەرىتۋەتكەندەك قىلىدۇ . ناخشىلارنىڭ مۇزىكىسىدا ياۋرۇپاچە پۇراق بەك كۈچلۈك ، ئۇيغۇر مىللىيچە ناخشىلارغا سەل ماس كەلمىگەندەك قىلىدۇ . ئاتكاچىلىق بولسىمۇ ئازراق ئۆزۈمنىڭ پىكىرىنى بىرىپ قويدۇم !

eliyarmusic

	بۇ قىرىندىشىمىزنىڭ ئىشلىرىغا ئۇتۇق تىلەيمەن!!

baburxah

	بۇ ياشنىڭ تىرىشچانلىقىغا ئاپرىن، تېخىمۇ زور ئۇتۇق تىلەيمىز.

avam0507

	ئشقىلىپ فىرانسىيىدە ئۇيغۇر ئاۋازىنى ياڭرىتىپتۇ...  خېلى ياقتۇردۇم.

dadil007

turkoghli

sirajiddin

	ئەسسالامۇ ئەلەيكۇم