روزا ھەققىدە كۆپرەك سورىلىدىغان سۇئاللارغ

yutuz

	ئەمدى تولۇق بىلىۋالدىم.

gherip

	ئىسلام فىقھى مەجمەئى ھىجرى 1418-يىلى سەپەر ئېيىنىڭ 23-28-كۈنلىرى جىددە شەھرىدە ئاچقان 10-نۆۋەتلىك قۇرۇلتىيىدا تېببىي خادىملار بىلەن فەقىھلەرنىڭ تەتقىقاتلىرىنى كۆزدىن كەچۈرگەندىن كېيىن مۇنداق مۇئەييەنلەشتۈرگەن: تۆۋەندىكىلەر روزىنى سۇندۇرمايدۇ :     1. كۆزگە، بۇرۇنغا، قۇلاققا تامچىلىتىدىغان دورا، قۇلاق چايقاش، بۇرۇنغا پۈركۈيدىغان دورا، ئەلۋەتتە گالغا يېقىن بېرىپ قالغان تەقدىردە يۇتماسلىق شەرتى بىلەن . 2. تىل ئاستىغا قويىدىغان تابلىتلار گالغا يېقىن بېرىپ قالغان تەقدىردە يۇتماسلىق شەرتى بىلەن. 3. ئاياللارنىڭ ئالدى تەرىپىگە كىرگۈزۈلىدىغان دورا، چايقايدىغان سۈيۇقلۇق، تېببىي تەكشۈرۈش ئۈچۈن دۇربۇن ياكى بارماق كىرگۈزۈش. 4. دۇربۇن ياكى ئۈزۈك قاتارلىقلارنى بالىياتقۇغا كىرگۈزۈش. 5. ئەر ياكى ئايالنىڭ سۈيدۈك يولىغا كىرىدىغان تۇرۇبا ياكى دۇربۇن ياكى رەسىمگە تارتىش ئۈچۈن سايىدىتىدىغان رەڭ، ياكى دورا ياكى دوۋساق، سۈيدۈك خالتىلىرىنى يۇيۇش سۈيۇقلۇقى. 6. چىشنى قېزىش، ئېزىق چىشنى قومۇرىۋېتىش، چىشلارنى تازىلاش، مىسۋاك ياكى چىش چوتكىسى ئىشلىتىش. ئەلۋەتتە گالغا يېقىن بېرىپ قالغان تەقدىردە يۇتماسلىق شەرتى بىلەن. 7. غارغار قىلىش، ئاغزىنى چايقاش، ئېغىزغا پۈركەيدىغان دورا. ئەلۋەتتە گالغا يېقىن بېرىپ قالغان تەقدىردە يۇتماسلىق شەرتى بىلەن. 8. كاسىغا ياكى مۇسكۇلغا ياكى تېرە ئاستىغا ئۇرىدىغان ئوكۇللار. غىزا خاراكتېرىدىكى سۈيۇقلۇق ياكى ئوكۇللار بۇنىڭ سىرتىدا. 9. ئوكسىگىن گازلىرى. 10. بىمارنى مەس قىلىش ئۈچۈن ئىشلىتىلىدىغان گازلار. سۈيۇقلۇق ئۇرمىغان تەقدىردە. 11. تېرە سۈمۈرۈشى ئارقىلىق جىسىمغا كىرىدىغان خىمىيىۋىي ماددىلار يۇقتۇرۇلغان ياغ، ماي، مەرھەم، چاپلاق دورىلار. 12. يۈرەك ياكى باشقا ئەزالارنى سۈرەتكە ئېلىش ياكى داۋالاش ئۈچۈن تومۇرغا ئىنچىكە نەيچە كىرگۈزۈش. 13. ئۈچەي ۋە شۇنىڭغا ئوخشاش ئەزالارنى تەكشۈرۈش ياكى ئوپراتسىيە قىلىش ئۈچۈن قورساققا دۇربۇن كىرگۈزۈش. 14. سۈيۇقلۇق كىرگۈزمەستىن جىگەر ۋە باشقا ئەزالاردىن بىر پارچە كېسىپ ئېلىش. 15. سۈيۇقلۇق ياكى باشقا ماددا كىرگۈزمەستىن ئاشقازانغا دۇربۇن كىرگۈزۈش. 16. مېڭە ياكى يۇلۇنغا ئوخشىغان يەرلەرگە دورا ياكى سايمان كىرگۈزۈش. 17.  قەستەن بولمىغان قەي قىلىش. 18. مۇسۇلمان دوختۇر يۇقىرىقى داۋالىنىش ۋە تەكشۈرۈشلەر ئېلىپ بېرىلىدىغان ئەھۋاللاردا كېچىكتۈرسە زىيىنى بولمايدىغان بولسا، بىمارغا داۋالىنىشنى ئىپتاردىن كېيىنگە كېچىكتۈرۈش توغرىسىدا نەسىھەت قىلىشى كېرەك. ۋەللاھۇ ئەئلەم. پەتىۋادا: دوكتور ئابدۇل ئەزىز رەھمەتۇللاھ. 2011-8-12

jazir0990

	رەھمەت سىزگە ئەزىز ، ياخشى تېمىكەن ، ئاللا ئىشلىرىڭىزنى ئاسان قىلسۇن