ئاپېرىن سىزگە پەخرىيە ، سىز بىزنىڭ مەڭگۈلۈ

tarim2179

	سىزگە ئاپرىن،پەخرىيە سىزنىڭ ئالىي مەكتەپ ئىمىتھانىدا تۇلۇق(150نۇمۇر)نۇمۇر ئالغانلىغىڭىز بىر مۆجىزە. سىز بىر ھىساپتا سۇئال چىقارغۇچىلارنى پاسسىپ ئۇرۇنغا چۇشۇرۇپ قويدىڭىز .مەملىكەتلىك ماتىماتىكا سۇئالىنى سىز چىقارسىڭىز بولغىدەك.

jasurbag

101nazinin

	ئوماق سىڭلىم بۈگۈن سىزدىن قانچىلىك پەخىرلەنگىنىم بىر ئۆزۈمگە ئايان.ھەتتا رەسىمدىكى كىيگەن كىيىملىرىڭىزدىنمۇ سىزنىڭ روھىڭىزدا چاكىنىلىق ئۇرۇقلىرىنى كۆرگىلى بولمىدى دەپ قىزىمغا،ئوقۇغۇچىللىرىمغا قانچىلىك ماختاپ كەتكىنىمنى ئۆزەم بىلىمەن.خۇددى مېنىڭ قىزىمدەك خىزمەتداشلىرىمغا دىگگەنلىرىم ئۆزەمگە ئايان.بۈگۈن سىزدىن شۇنچىلىك پەخىرلەندۇق،ئەتىمۇ سىزدىن شۇنداق پەخىرلىنىدىغانلىقىمغا ئىشىنىمەن.بىزنى ھەرگىز ئۈمۈتسىز قويماڭ.ھەر قېتىم ئۇيغۇر قىزى دىگىنىمىزدە سىزمۇ ئېسىمىزگە كەپ تۇرۇڭ.پەخرىمىز بولۇڭ.

rabbit

	نېمە ئۈچۈن مىنكاۋخەن دەيسىلەر!؟؟؟

turkinaz0992

	دېگەنلىرىڭىز ئورۇنلۇق ، سىز دېگەندەك پەخرىيەنىڭ ماتىماتىكىدىن 150 نومۇر ( يەنى تولۇق نومۇر ) ئېلىشى  بەلكىم ئۇيغۇر مائارىپىنىڭ مەغلۇبىيىتىدۇر ياكى ئەمەستۇر ، ئۇيغۇر مائارىپىنىڭ گۈللەنگەن دەۋرلىرىگە نەزەر سالساقلا بەزى ئىشلارغا ئالدىراپ يەكۈن چىقارغىلى بولمايدىغانلىقىنى ھېس قىلغىلى بولىدۇ .  مىللىي  مائارىپىدا ، ئومۇمەن ئۇيغۇر مائارىپىدا نۇرغۇن يېتەرسىزلىكلەر بار ھەتتا ئېغىر دىيىشكە بولىدۇ ، بىراق ، قوش تىل مائارىپىدىن ئاغرىنىشنىڭمۇ (ھەر قايسى ئوخشىمىغان رايۇن ، ئوخشىمىغان جايلاردا )بەزىبىر  ئاساسلىرىمۇ يوق ئەمەس ، قوش تىل مائارىپى نۇرغۇن جايلاردا تېخى تەجىرىبە ھالەتتە شۇڭا ، بۇ ھەقتە توختىلىشنى خالىمايمەن . بۇ يەردە مەن مىنكاۋ خەنلەرنى بىر ئىش قىلدى دېمەكچى ئەمەسمەن . ئۇيغۇرلارنى مىنكاۋخەنلەر تونۇتىۋاتىدۇ دېيىشىڭىزمۇ بىر تەرەپلىمە قاراش . مېنىڭ دېمەكچى بولغىنىم ،ئۇيغۇر مائارىپىمىزنى قوللىساق ، سىز دېگەندەك مىللىي مائارىپىمىزدىكى ئېغىر مەسلىلەرنى  بىرلىكتە ھەل قىلساق دېمەكچى ... باللىرىنى خەنزۇچە ئوقۇتۇش خاتالىق ئەمەس ، ئۇلارنىڭمۇ مەلۇم سەۋەپ - مەقسەتلىرى ئېنىق ئەلۋەتتە !  ئەمما ئۇيغۇرچە ئوقۇغانلارنىڭ ساپاسى مىنكاۋ خەنلەرنىڭ ساپاسىنىڭ يېرىمىچىلىك بولسا مۇنبەردە بىر - بىرىمىزنى غاجاپ ئولتۇرمايتتۇق دەپسىز ، بىر ئادەمنىڭ ساپاسىنى بىر تەرەپلىمە مۇتلەقلەشتۈرۈشنى خالىمايمەن . ھە، راست ›  سىز تىللاۋاتقان مىنكاۋخەن دېگەن گەپلەرنى قىلىپسىز ، ئىنكاسىمدا تىللاش مەۋجۈت ئەمەس ھەم تىللاش ھەققىممۇ يوق ، تىللاشنىمۇ خالىمايمەن ، چۈنكى مەيلى قايسى تىلدا ئوقۇسۇن ئۇ يەنىلا ئۇيغۇر !  توغرىمۇ ؟ ئانا تىلدا ئوقۇتۇش ئېلىپ بېرىلغان بولسا تولۇق نۇمۇر ئېلىش بالدۇرلۇق  قىلاتتى دەپسىز ، مەن بۇ ھەقتە بىر تەرەپلىمە پىكىر بېرىشكە ئاجىزمەن . قانداقلا بولمىسۇن ، پەخرىيەنىڭ تىرىشچانلىقىغا  قايىلمەن . ھەممىمىز كۈتكەن قوش تىل مائارىپى ئومۇملىشىش ئالدىدا تۇرماقتا ، كېلەچەك تېخى ئالدىمىزدا ، مائارىپىمىزدىكى بىر قىسىم ئەھۋاللارغا ئالدىراپ يەكۈن چىقىرىشقا ھەددىم ئەمەس .... قىسقىسى ، پەخرىيە ئۇيغۇرلارنىڭ پەخرى !         ئەمما سىزنىڭ ئۇيغۇر مائارىپى ھەققىدىكى پىكرىڭىزنى ھەر بىر  ئوقۇتقۇچى ئويلىنىپ بېقىشقا تېگىشلىك دەپ قارايمەن . تەربىيە خىزمىتى ئۇزۇن مۇددەتلىك ، ئۆمۈرلۈك خىزمەت شۇڭا تەربىيلىگۈچىلەرنىڭ ھەر بىرىدە يۈكسەك ئىنسانىي روھ ، ۋىجدان ، مەسئۇلىيەت  بولۇشى شەرت .ئەمما بۇ خىل قاراش پىكىر ھالىتىدىلا تۇرىۋاتىدۇ ، ھەر بىر ئوقۇتقۇچى بۇ گەپنى دىيەلەيدۇ يۇ ھەقىقىي ئەمەل قىلىۋاتقانلار قانچىلىك ؟ ئويلىنىۋاتقانلار ، ئىزدىنىۋاتقانلار قانچىلىك ؟ ھەرىكەتكە ئايلاندۇرالىغانلار قانچىلىك ؟ بۇنىڭغا سىزنىڭ يوقۇرىدىكى ئىنكاسىڭىز جاۋاپ بولالايدۇ ... سىزنى ۋە ئۇيغۇر مائارىپى ھەققىدە پىكىر بەرگۈچىلەرنى چۈشىنىشكە بولىدۇ . ئەمما ، ئارىمىزدىن بۇ خىل ئەھۋالنى تۈزىتىشكە بەل باغلايدىغان ئوقۇتقۇچىلارنىڭ چىقىدىغىنىغا ئىشىنىمەن ، كۆپلەپ چىقىشىنى ئۈمىد قىلىمەن !

dostum

	مېنىڭچە، پەخىريەنىڭ ماتىماتكا ئوقۇتقۇچىلىرىنىمۇ زىيارەت قىلسا، ئۇلارغىمۇ ئالقىش ياڭراتساق بوپتىكەن.

ilqiy

	ئاپتور جاۋابىنى بويلاپ 10قەۋەت  turkinaz0992 كە 2011-07-03 13:51ئەۋەتىلدى  : ھەممىدىن سىزنىڭ مىنكاۋ خەن ئەمەسلىكىڭىز ھاردۇقۇمنى چىقاردى مېنىڭ !  ئۇيغۇر مائارىپىغا ئىشەنمەيدىغان ، ھەتتا ئۆز مائارىپىغا ئىشەنمەي باللىرىنى مىنكاۋ خەن قىلىپ تەربىيىلەپ پەخىرلىنىپ كېتىدىغان بىر قىسىم ئاتا - ئانىلار ( بۇلارنىڭ ئىچىدە ئۇيغۇر مائارىپىنىڭ نېنىنى يەۋاتقان ئوقۇتقۇچى ئاتا - ئانىلار مۇ بار )مۇ كۆرۈپ قوي ئويلىنىپ قالار ...           ھەقىقەتەنمۇ ئۇيغۇر مائارىپىدا ساقلىنىۋاتقان مەسلىلەر ئاز ئەمەس ، ئەمما باللىرىمىزنى خەنزۇ مەكتەپلەردە ئوقۇتۇش ئارقىلىق مەسلىنى ھەل قىلىش مېنىڭچە تازا مۇۋاپىق ئەمەس . بىر - بىرىمىزنى قوللايلى ، ساقلىنىۋاتقان مەسلىلەر ھەققىدە بىرلىكتە ئويلىنايلى ، بىرلىكتە ھەرىكەتكە كېلەيلى . مائارىپ - يەنى تەربىيە خىزمىتى مەڭگۈلۈك خىزمەت ، دېمەك مەڭگۈ ئىزدىنىشكە ، بۇ يولدا مەڭگۈ مېڭىشقا توغرا كېلىدۇ ...ھەمىمىز مەسئۇلىيەتتىن قاچساق ، تاشلاپ قويساق ، بىر -بىرىمىزگە ئىتتەرسەك  بىرسى كېلىپ ھەرگىز بىزنىڭ ئىشىمىزنى قىلىپ بەرمەيدۇ ، شۇنداقمۇ؟          بىزمۇ ( بولۇپمۇ ئىشخانىدىكىلەر ) نەچچە كۈندىن بېرى پەخرىيەنى مىنكاۋ خەن دەپ بىلىپ كەلگەن ، ھەممىمىز  مىنكاۋخەن بولمىغان بولسىچۇ ( بۇ يەردە ھەرگىز باشقا مەقسەت يوق ) دېيىشكەن ئىدۇق راستنى دېسەم ، پەخرىيەنىڭ مىنكاۋ خەن ئەمەسلىكى شەخسەن مېنى تېخىمۇ خۇش قىلدى . چۈنكى مەن بىر  ئوقۇتقۇچى ... ئۇيغۇر مەكتەپنىڭ ئوقۇتقۇچىسى ، مەن باللىرىمغا ، ئۇيغۇر باللىرىغا ئىشىنىمەن ،  ئۇلاردىن سۆيۈنىمەن ، ئۇلار بەك ئەقىللىق !  كىچىكىدىن تەربىيىنى كۈچەيتسەك ، مەكتەپ ، ئائىلە ، جەمىيەت ئۆز - ئارا ماسلاشساق ، باللىرىمىزنىڭ ئىچىدىن يەنە پەخرىيەدەك باللار چىقىدۇ ! سىڭلىم پەخرىيە ماتىماتىكا ئۇيغۇر باللارنىڭ ئاجىز نۇقتىسى ئەمەسلىكىنى بىر قېتىم ئىسپاتلاپ بەردىڭىز ، شۇ تاپتا بىر ئۆمۈر جاپا تارتىپ ھاردۇقى چىقمايۋاتقان جاپاكەش ماتىماتىكا ئوقۇتقۇچىلىرىنىڭمۇ ھاردۇقى چىققاندەك بولغاندۇ ، ئۈمىدلىنىپ قالغاندۇ ؟ ....... سىزنىڭ ساپ ئۇيغۇر تىلىدا ، بىر ئېغىزمۇ باشقا تىللارنى ئارىلاشتۇرماي سۆزلىگەنلىكىڭىزدىن شەخسەن مەن بەك پەخىرلەندىم ! مەن تىل - ئەدەبىيات ئوقۇتقۇچىسى ، ئانا تىلىمنى ئۆزۈمنى سۆيگەندەك سۆيىدىغان ، غورۇرۇمنى قوغدىغاندەك قوغدىسام دەيدىغان ، ئۆز كەسپىمنى ھەقىقىي سۆيىدىغان بىر ئوقۇتقۇچى ، جەمىئيەتتىكى بىر قىسىم ئۇيغۇر تىلىنى بۇزۇپ سۆزلەيدىغان كىشىلىرىمىزگە قاراپ ئىچىم ئاچچىق بولۇپ قالىدۇ . ئەمما شۇ نەرسە ئايانكى ، ھەقىقي بىلىم سەۋىيىسى بار ، ساپالىق ئادەملەرلا سىزگە ئوخشاش قىلالايدۇ ، چۈنكى  «يېرىم چىلەك سۇ بەكرەك شالاقلايدۇ »ئەمەسمۇ ؟   سىڭلىم پەخرىيە ، ئالدىڭىزدا يەنە نۇرغۇن قىيىنچىلىقلار ، ئۆتكەللەر بار  ، بەلكىم بۇ سىزنىڭ باشلىنىش نۇقتىڭىز بولۇشى مۇمكىن ، كىيىنكى ئوقۇش ھاياتىڭىزدا قەتىئي بوشاشماسلىقىڭىزنى ، تېخىمۇ ئۇلۇغۋار غايىلەرنى كۆڭلىڭىزگە پۈكۈپ تىرىشچانلىقىڭىزنى داۋاملاشتۇرۇشىڭىزنى ئۈمىد قىلىمەن ! سىزگە يەنىمۇ زور ئۇتۇقلارنى تىلەيمەن ، سىڭلىم !.......... ....... ئىنكاسىڭىزنى ئوقۇپ شۇنداق سۈيۈندۈم، سىزگە ۋە سىزگە ئوخشاش ئوت يۈرەك ئوقۇتقۇچىلارغا رەخمەت. سىڭلىمىز پەخرىيەگە ئامەت تىلەيمەن. تىلىمىزدىن، ئېتقادىمىزدىن ئايرىمىغاي.

قەبرە

	مەن دائىم ئۈرۈمچى شەھەرلىك تولۇق ئوتتۇرا مەكتەپىنىڭ ئالدىدىن ئۆتىمەن . تۇنجى قىتىم كۆرۈپ بۇ نۇمىرىنى ئۆزەم ئالغاندەك شۇنداق ھاياجالانغان ئىدىم ، سىز بىزنىڭ ئىنى-سىڭللىرىمىزغا زۇر ئۈمىد ئاتا قىلىدىڭىز ، ئولۇغ ئاللاھ سىزنى ئۆز پاناھىدا ساقلىسۇن ، ئىشلىرىڭىز ئوڭشلۇق ، تنىڭىز سالامەت بولسۇن . بىز سىزدىن پەخىرلىنىمىز سىڭلىم .

berlyant

	شۇنداق خوش بولدۇم پەخرىيە ھاردۇغۇمىزنى چىقىرىپلا قالماي بالىلىرىمىزغا بىر ياخشى  ئۈلگە تىكلەپ بەردى ۋە ئۇيغۇر قىزلىرىنىڭ ئەقلى ئېقتىدارىنىمۇ نامايەن قىلدى ،بۇ سىڭلىمىزنىڭ ئىشلىرى ئۈنۈملۈك بولغاي.

honzade

	راستىنى دېسەم بەكمۇ ھاياجانلاندىم، تېخىمۇ زور شەرەپلەرنى قۇچۇڭ سىڭلىم! سىزنىڭ ئۆز ئانا تىلىڭىزغا بولغان مۇئامىلىڭىزدىنلا شەرەپ يارىشىدىغان بىر ئۇيغۇر قىزى ئىكەنلىكىڭىز بىلىنىپ تۇرۇپتۇ! سىزنىڭ شەرەپ قۇچۇشىڭىز ھەممىمىزنىڭ شەرىپى! تۈركىناز0992نىڭ ئىنكاسى مېنىڭ ئويلىغانلىرىمنىڭ ئۆزى بوپتۇ.

karquga

	ئاپىرىن بۇ ھەقىقەتەن كىشىنى سۆيۈندۇرگىدەك، پەخىرلەنگدۈرگىدەك ئىش بوپتۇ، بۇ قىزنىڭ غەيرىتىگە ئاپىرىن ھەم تەشەككۈر، كېيىنكى نەتىجىلىرىگىمۇ ئامەت يار بولغاي. يەنىمۇ تىرىشىڭ. بىز سىزدىن پەخىرلىنىمىز. كەلگۈسىدە بۇ ساھادە دوكتۇر ياكى دوكتۇر ئاشتى بولۇپ يېتىشىپ چىقىپ ئۆزىڭىزدەك ئىز باسارلارنى تەربىيلىشڭىزنى، يېڭى نەتىجىلەرنى قولغا كەلتۈرشىڭىزگىمۇ تىلەكداشلىق بىلدۈرىمىز. مىسرانىم تورىغا تەكلىپىم ،مۇمكىن بولسا بۇقىزنى مۇنبەرگە تەكلىپ قىلىپ سۆھبەت ئۇيۇشتۇرشىڭلارنى ئۈمىد قىلىمەن.  يەنە بىر دەيدىغان گېپىم ئارىمىزدىن جېكسون چىقتى، ئۇسۇلچى چىقتى، ناخشىچى چىقتى. دېگەندەك تېمىلارنى يوللاۋەرمەي، مۇشۇ قىزدەك يۇقىرى نەتىجىلەرگە ئېرىشكەن، ياكى بىرەر  تەتقىقات ئۈستىدە نەتىجە قازانغان كىشلىرىمىزنىڭ ئىش- ئىزلىرىنى يوللىساڭلار.

ئاھۇ

	يەنە بىر قېتىم مۇبارەك بولسۇن ئۇيغۇر قىزى پەخرىيە، ئىسمى جىسمىڭىزغا لايىق پەخىرلىك سىڭلىمىز