«ئانا» ھەققىدە مۇۋەششەھ (مۇكاپاتلىق ئەسەر)

روھزاد

	«ئانا» ھەققىدە مۇۋەششەھ (جەننەت ئاچقۇچى ئانىدا) روھزات     جان ئانام چاچ لېچىكى بارچىسى ئاپئاق ئانام، يۈزلىرى يول-يول نەقىش دىللىرى ساپساق ئانام.   ئەجرىدىن جەننەت بېرىپ قوزىسى پەرزەنتىگە، ھەر يولۇم قاتراپ ئۆزى پۇتلىرى ئاقساق ئانام.   نەچچە رەت مۈشكۈل جاپا ئەگسىمۇ ساق قەددىنى، يەنىلا پەرزەنت ئۈچۈن رەنجىگە ئامراق ئانام.   نۇرىدىن مېھىر بېرىپ باقىدۇ ئالەمگىمۇ، چىن ۋاپا بابى ئۈچۈن ئەبەدىي بايراق ئانام.   ئەسلىدىن پەرى سۈپەت بارساق يېنىغا ئەركىلەپ، مېھرى بار ئىسسىققىنە سۆزلىرى قايماق ئانام.   تارتسىمۇ كۈرمىڭ جاپا باقتى ھالاللاپ نان بىلەن، بىر قولى يىڭنە يەنە بىر قولى ئويماق ئانام.   ئاشنىمۇ بىزدىن كېيىن يەيدۇ بىرەر ۋاق سوغ دېمەي، ئاۋۋىلى بىزگە بېرىپ سالسىمۇ قۇيماق ئانام.   چۆرگىلەر بىر ئۆي پۈتۈن ھەممىگە چاپقان ئۆزى، ئورمىدا بۇغداي ئورۇپ قولىدا ئورغاق ئانام.   قالمىسۇن سىرتلاردا دەپ تۈن كېچە ئاچقان ئىشىك، كۈندۈزى ئىشچان يەنە كېچىسى تۇيغاق ئانام.   ئۇخلىماي غەملەر بىلەن كەلسە غەم پەرزەنتىگە، تۈنلىرى قىلغان دۇئا ئولتۇرۇپ ئويغاق ئانام.   چېچى ئاپئاق قاتارغا قوشقىچە قىز ۋە ئوغۇل، بارىنى بىزگە بېرىپ يېگىنى تولغاق ئانام.   ئىھ ئانام ئالتۇن ئانام خان ئانام جەننەت ئانام، سىز بىلەن ھەر كۈنىمىز ئۆتىدۇ قۇۋناق ئانام.   ئارمىنى ئارزۇسىنى كۆرگىچە پەرزەنتىدىن، ۋايسىماي يۈرگەن يېرى چەت يېزا قىشلاق ئانام.   نەمۇ نە ئۇ ئالدىراش پۇت-قولى تاپماي ئارام، توخۇسى ئۆرۈپ قازان سۈتلىرى پىشلاق ئانام.   ئىزلىرىم كۆچكەن سەپەر توقىچى سومكامدا لىق، پۇختىلاپ قىلغان ئىشى ئىنچىكە ئۇششاق ئانام.   دىللىرى دەريا مىسال مېھرى بار ئوتقاش كەبى، باغرى كەڭ بىزگە ئەبەت بىر گۈزەل يايلاق ئانام.   ئاپىرىپ قايتساقمۇ بىز مەككىگە كۈرمىڭ قېتىم، ئەجرىنىڭ ئالدىدا ئۇ بىر كىچىك ياپراق ئانام.              «مىسرانىم مۇكاپاتلىق ئەسەرلەر پائالىيىتى»گە   بۇ مۇۋەششەھ مۇنبىرىمىزدە ئاتا-ئانا توغرىسىدىكى تېمىلارنىڭ ئاز بولۇشى، شۇنداقلا بىر قىسىم تورداشلارنىڭ شۇ خىل تەلىپىگە ئاساسەن يېزىلغان. تۇنجى قېتىم مىسرانىم مۇنبىرىدە ئېلان قىلىنىشى، تورداشلارنىڭ باشقا توربەتلەرگە كۆچۈرۈشى چەكلىنىدۇ، ھەمكارلاشقىنىڭلارغا رەھمەت.  مەنبە: روھزات قەلىمى

oychan

	ھەب بىر كۇبلىتنىڭ بىرىنچى مىسراسىنىڭ بىرىنچى ھەرىپىنى ئۆز- ئارا قوشساق "جەننەت ئاچقۇچى ئانىدا" دېگەن جۈملە ھاسىل بولىدىكەن.

KETMEN

	مەن  دەيمەنكى شېئىرىڭىز ھەقىقەتەن ياخشى چىقىپتۇ ، بەكمۇ ياقتۇردۇم .يەنىمۇ تېرىشىڭ .ئىسىل ئەسەرلىرىڭىز ئۈزۈلمىگەي .   ئەمدى مۇۋەششەھ دىگەن سۆزنى شەرھىيلىگەن بولىسڭىز تېخىمۇ ياخشى بۇلاركەنتۇق ،بۇ سۆزنى مەنىسىنى چۈشىنەلمەي لۇغەت ئىلتىجا قىلدىم . مۇۋەششەھ سۆزنىڭ لۇغەت مەنىسى : ئەدەبىياتتا ئۇچرايدىغان سۆز بۇلۇپ ھەربىر بېيىتنىڭ بىشىدىكى ياكى ھەر بىر مىسرانىڭ بىشىدىكى ھەرپلەرنى قۇراشتۇرسا كىشى ئىسمى ياكى بىرەر مەنىلىك سۆز چىقىدىغان شېئىر شەكلى . مۇشۇ مەنىدىن ئېيتقاندا بۇ ئانا ھەققىدە مۇۋەششەھ نىڭ مەنىسى <جەننەت ئاچقۇچى ئانىدا> بولىدىكەن .

saptilak

	بەكمۇ ئېسىل چىقىپتۇ. ھەر بىر مىسرانىڭ بىشىدىكى ھەرىپ بىلەن تىمىسى گەۋدىلىنىپتۇ. ئاپىرىن، بۇنداق شېئىرىنى شەكىلنى چىقارماق خېلى قىيىن. مۇكاپاتقا ئېرىشىشىڭىزغا تىلەكداشمەن. بىراق مەن تۆۋەندىكى بويالغان مىسرالارنىڭ مەنىسىنى تازا ئىنىق چۈشىنالمىدىم. سەل دۆتمۇ يا مەن. ھى.....ھى......ھى..... جان ئانام چاچ لېچىكى بارچىسى ئاپئاق ئانام، يۈزلىرى يول-يول نەقىش دىللىرى ساپساق ئانام. ئەجرىدىن جەننەت بېرىپ قوزىسى پەرزەنتىگە،  ھەر يولۇم قاتراپ ئۆزى پۇتلىرى ئاقساق ئانام. نەچچە رەت مۈشكۈل جاپا ئەگسىمۇ ساق قەددىنى، يەنىلا پەرزەنت ئۈچۈن رەنجىگە ئامراق ئانام.

روھزاد

	ئاپتور جاۋابىنى بويلاپ 5قەۋەت saptilak كە 2011-04-28 06:29 PMئەۋەتىلدى : بەكمۇ ئېسىل چىقىپتۇ. ھەر بىر مىسرانىڭ بىشىدىكى ھەرىپ بىلەن تىمىسى گەۋدىلىنىپتۇ. ئاپىرىن، بۇنداق شېئىرىنى شەكىلنى چىقارماق خېلى قىيىن. مۇكاپاتقا ئېرىشىشىڭىزغا تىلەكداشمەن. بىراق مەن تۆۋەندىكى بويالغان مىسرالارنىڭ مەنىسىنى تازا ئىنىق چۈشىنالمىدىم. سەل دۆتمۇ يا مەن. ھى.....ھى......ھى..... جان ئانام چاچ لېچىكى بارچىسى ئاپئاق ئانام، يۈزلىرى يول-يول نەقىش دىللىرى ساپساق ئانام. .......    بۇ يەردىكى «لېچەك» سۆزى ئاياللار ناماز ئۆتىگەندە بېشىغا سالىدىغان، ياغلىققا ئوخشاپ كېتىدىغان ئاق ياكى قارا رەڭلەردە بولىدىغان كىيىم. بۇ مىسرانىڭ مەنىسى: چاچلىرى، لېچىەكلىرى، بارچە- بارچىسى ئاپئاق جان ئانام دېگەن مەنىدە، شېئىرىي ئۇسلۇب سەۋەبىدىن مەلۇم تىل ئېلىمېنتلىرى چۈشۈرۈپ قويۇلغان.    «رەنج» سۆزى جاپا-مۇشەققەت، ئازاب دېگەن مەنىدە بولۇپ، بۇ مىسرانىڭ ئومۇمىي مەنىسى: پەرزەنتى ئۈچۈن جاپا-مۇشەققەت چېكىشنى خالايدىغان ئانام دېگەن مەنىدە.

روھزاد

	كەسپىي ساھەدە ئادەتتە بۇ خىل ئۇسلۇب ناملىرىغا ئايرىم ئىزاھات بېرىلمەيدىغانلىقى ئۈچۈن بۇ نۇقتىنى نەزەردىن ساقىت قىپتىمەن، تورداشلارنىڭ چۈشىنىشى ئۈچۈن ئىزاھات بەرگىنىڭىزگە كۆپ رەھمەت.

tarurum

	ئەسسالامۇ ئەلەيكۇم ‹‹روھزاد››    ئانا ھەققىدىكى مۇۋەششەھ ئەسىرىڭىز ئالاھىدە ياخشى چىقىپتۇ. سىزنى تەبرىكلەيمەن... مىسرانىم تاغلىرىدا يولۋاس بولمىغاچقا شاھ سۈپەت گېدىيىپ يۈرگەن ئىدىم. قارىغاندا پادىشاھلارمۇ نۆۋەت سايلىمىغا قاتناشمىسا بولمىغۇدەك ؟    بوغۇم قۇرۇلمىسى ئارۇز تەلىۋىگە تولىمۇ ئۇيغۇن. ھەربىر مىسرانىڭ ئاممىباپلىغى ئوقۇرمەنلەرگە دەرھال ئىستىتىك زوق بېغىشلىيالىغۇدەك بوپتۇ...    تەۋسىيە: مەشىق ھىساۋىدا بولسىمۇ كۆپرەك يېزىپ، غەزەلنىڭ ئىستىلىستىكا بىلەن بەدئىلىكىنى ناۋائىي كامالىتىگە ئىنتىلدۈرۈڭ...

zumrettash

	ئانىنى ھەقىقەتەن ياخشى تەسۋىرلەپ يېزىپسىز،جەننەت ئاچقۇچى ئانىدا دىگەن مەنە چىقىدىكەن باش ھەرىپلىرىنى قوشساق،بەك مەنىلىككەن.بۇ شېئىرىڭىزنى ئانىڭىزغا ئوقۇپ بەرگەنسىز ھەقىچان،چوقۇم خوش بولۇپ كەتكەندۇ ھە. [s:136]  [s:136]  [s:154]  [s:154]

kilyang

	بۇ نى  ياخشى يوللاپسىز     بىراق   ئانا ھەققىدە مۇۋەششەھ  ئاللا بۇرۇن ئەلكۈيى مۇنبىردە ئىيتىلىپ بولغان     دىمەكچىمەنكى ماۋزۇسىنى تاللىيالماپسىز !   شېئىرنىڭ پۇرىقى بەك جانسىز ! بىراق يەنىلام  تىرىشىڭ مۇۋەپپىقىيەت تىلەيمەن   شېئىر دىگەن  خالىغانچە تىزىپ قويسا   بولمايدۇ !!   ئەمما  ئانا ھەققىدە ئويلىغان ھېسلىرىڭىز  بەك ياخشى چىقىپتۇ !   باشقىلار  يوللاپ بولغان  كونا  تىمىنى يوللاپسىز !  يەنى ماۋزۇسىنى دىمەكچى !  ماۋزۇمۇ بەك  مۇھىم

روھزاد

	ئاپتور جاۋابىنى بويلاپ 23قەۋەت kilyang كە 2011-04-29 01:01 PMئەۋەتىلدى : بۇ نى  ياخشى يوللاپسىز     بىراق   ئانا ھەققىدە مۇۋەششەھ  ئاللا بۇرۇن ئەلكۈيى مۇنبىردە ئىيتىلىپ بولغان     دىمەكچىمەنكى ماۋزۇسىنى تاللىيالماپسىز !   شېئىرنىڭ پۇرىقى بەك جانسىز ! بىراق يەنىلام  تىرىشىڭ مۇۋەپپىقىيەت تىلەيمەن   شېئىر دىگەن  خالىغانچە تىزىپ قويسا   بولمايدۇ !!   ئەمما  ئانا ھەققىدە ئويلىغان ھېسلىرىڭىز  بەك ياخشى چىقىپتۇ !   باشقىلار  يوللاپ بولغان  كونا  تىمىنى يوللاپسىز !  يەنى ماۋزۇسىنى دىمەكچى !  ماۋزۇمۇ بەك  مۇھىم    شۇنداقمۇ؟! مەن ئەلكۈيى مۇنبىرىنى تازا ئۇقۇپ كەتمەيدىكەنمەن. ھەم ئۇيغۇر مۇنبەرلىرىدىكى بارلىق تېمىلارنى كۆرۈپ چىقىپ ئاندىن تېما بەلگىلەيدىغان ۋەزىپەممۇ يوق. شائىر نېمىنى ھېس قىلسا، نېمىگە ئىلھام كەلسە شۇنى يازىدۇ. «تېشىدىكى ئوخشىغان بىلەن ئىچىدىكىسى ئوخشىمايدۇ» دېگەندەك، ھەممىسىنىڭ ئۆزىگە خاس ئالاھىدىلىكى بار. سىز ئەجىبا بۇ خىل تېمىلارنىڭ ئەسىرلەردىن بۇيان تەكرارلىنىپ توختىماي يېزىلىپ كېلىۋاتقانلىقىنى بىلمىسىڭىز كېرەك. ئەگەر ئۇ تېمىنى بىرەرسى سېتىۋېلىپ ئېلان بېرىپ، «بۇ مېنىڭ، بۇنىڭغا ئوخشاش تېمىنى باشقىلار يازسا بولمايدۇ » دېگەن بولسا مەيلى ئىدى. لېكىن ئۇنداق بولمىغانىكەن، سىزنىڭ بۇيەردە ئۇ تېمىنى سۆزلەپ يۈرۈشىڭىزنىڭ قىلچە ئەھمىيىتى يوق.