قاراقاش خەلق قوشاقلىرى

tumaris01

	ئاۋۇ تامدا بىر مورا ، ماۋۇ باغدا بىر شورا . بۇ دۇنيادا بارمىدۇ ، كۆيۈك ئوتىغا دورا . ئۈرۈكلەرنى تۇشۇدۇق ، باغدىن ئونبەش سېۋەتتە . سورىسىڭىز ئۆيۈمنى ، ئۆيۈم قاراقاش تۈۋەتتە . قارقاش دەريا سۈيىدە ، بېلىق بۇلۇپ ئۈزگۈم بار . مۇزلۇق چىراي شۇ يارنىڭ ، قۇلىقىدىن سۆيگۈم بار . ئېرىق كۆلنىڭ غازى بار ، غوجىكامنىڭ سازى بار . ئاز قىلىڭلار چاقچاقنى ، قىز - چوكاننىڭ نازى بار . مېھرى ئىسسىق قاراقاش ، دەرياسىدا يوغان تاش . مۇز چىراينىڭ دەردىدە ، كۆزگە تولدى پاتمان ياش . ئاسماندىكى يۇلتۇزلار ، كۈلۈمسىرەپ قارايدۇ. يوغان كاللا ، مۇزلۇق يار، ماڭا ئەجەپ يارايدۇ . سايباغ دېگەن يۇرتتا ، ئىمام ئەپتەھ غوجام بار . تاغ ھاۋاسىدەك نەچچە ، ئۆزگىرىدۇ بىزنىڭ يار . ئوڭ قۇلۇمدىكى ئوسما ، سول قۇلۇمدا بار يىلىم . سەن يارىمنى كۆرگەندە ، يايراپ كېتىدۇ دىلىم . ياۋا ، قاراساي ھەم كاۋاك ، گۈللىنىشكە يول ئاچتى . مەندىن ئامەت قاچقاندا ، يارىم يۈز ئۆرۈپ قاچتى . ئاقسارايدا بېغىم بار ، سايبېغىمدا تېغىم بار . يانچۇقۇمنى قورقۇتقان ، ئايىم ئاتلىق خېنىم بار . خوتەنگە كېتىۋالسام ، ھەرگىز قايتىپ كەلمەيمەن . ئاغزى تاتلىق ، مۇزلۇقنى ، ئەمدى ھەرگىز سۆيمەيمەن . دەريانىڭ ئۇ يانىدا ، بەرپا قىلدۇق يايلاقنى . كۆزۈمدىن سېلىۋەتتىم ، كۆڭلى قارا نايناقنى . دەريا بويى پاتقاق -لاش ، تېگى - تەكتى ئۇششاق تاش . مېنى بۇنداق قىينىما ، يالۋۇرتمىغىن قەلەمقاش . مەھەللىمىز ئايىغى ، بۈك - باراقسان جىگدىلىك . ئىككىمىزنىڭ رىشتىسى ، ئۈزۈلمەسكە چىگىكلىك . مەنبە : مەھەللىمىزدىكى 60 ياشتىن 80 ياشقىچە بولغان بوۋاي- مومايلارنىڭ سۈيۈملۈك ئېغىزى .

Taygann

	قاراقاشنىڭ كەچلىك بازىرىغا بارغان چېغىم ھازىرمۇ ئىسىمدە  ،ئاجايى قىزىدىغان بازار ئىكەن ،پۇرسەت بولسا يەنە چوقۇم    بارىمەن

ئۇيغۇر٭

	چۇقۇم تۇمارىس دەپ يۇگىرەپلا كىرگەنتىم ھەقىقەتەنمۇ سىزكەنسىز. ياخشى چىقىپتۇ تېخىمۇ تىرىشىڭ.

قاراقاش.

	مەن بەك ياقتۇردۇم دوسلار قاراقاشقا كەپ كىتەسىلە جۇمۇ

oygak3

	قاراقاش دىگەن ئوبدان يەر جۇ مۇ .....

lagmanqi

	بى باغۇلۇقتى قارا قاشقا

sir11

	ئۇيغۇر خەلىق قوشاقلىرى

قورغان

	قاراقاش قوشاقلىرىدىن بەھىرلەندۈرگىنىڭزگە رەھمەت!

musilina

	مەزمۇنلۇق،قىزىقارلىق قوشاقلار بىلەن بەرلەندۈرگىنىڭىزگە تەشەككۈر......

saliha24

	ياخشى قۇشاقلاركەن..........................