ئەگەر دوختۇرخانا ، ئۇيغۇر ئاشخانىللىردەك بولسا

xiraq

	بۇگۇن ئايالىمنىڭ دوختۇرخانا ئالىمىشىش رەسمىيتىنى بىجىرەلمەي ، ناھيىلىك دوختۇرخانىدىن خۇددى كۆچەگەن شوخلىدەك قۇلاق تاشلاپ، سالپايغىنىمچە ئۆيگە كېلىپ دىۋانغا روھىم چۈشكىن ، ھارغىن ھالدا ئۆزىمنى تاشلاپ تۇرشىمغا،  تېلپونىمغا ئۇچۇر چۈشكەنلىكى زاھىر بولدى .تېلپوننى قولۇمغا ئېلىپ ئۈندىداردىكى سالونلارنى تاتىلاشتۇرۇپ تۇيۇقسىز يۇقارقى تىمىغا كۆزۇم چۈشۈپ قالدى . ئىچى پۇشىقىم دوختۇرخانا دېگەن نەرسىدىن بولاۋاتقاندىن كېيىن دەرھال تەپسىلى ئوقۇپ چىقتىم ، ئوقۇپ چىقتىميۇ بىرقانچە كۈندىن بۇيان ئۆزەمنى ناھەق خورلۇق تارىتقاندەك ھىس قىلدىم . خوش گەپ يورغىلاتماي نەخ گەپكە كەلسەم، مەن بۇ تېمىنى نەقىل قىلسام ئاپتورنىڭ چوقۇم توغرا چۈشىندىغانلىقىغا ئىشىنىپ ،ئۆزەمنىڭ كۆرگەم دىشۋاچىلىقىم بىلەن قوشۇپ مۇنبەردىكى قېرىنداشلار بىلەن ئورتاقلىشىشنى زۆرۈردەك ھىس قىلدىم ئۆزەمچە .   ئۇندىدار سالون نامى< كارۋان > بولۇپ كارۋان 05 ناملىق قېرىندىشىمىز يۇقارقى ماۋزۇ ئاستىدا مۇنداق بىر تېمىنى يوللىىغان ئىكەن.   مەزمۇن تەپسىلاتى ؛ ئەگەر دوختۇرخانىنىڭ باشقۇرلىشى ئۇيغۇر ئاشخانىللىردەك بولىدىغان بولسا ؛   - كېلىلى بىمارلار، كېلىلى ! ئۆپكە كېسەل ، ئاشقازان كېسەل، ئۆت- جىگەر كېسىلىنىڭ نوچى داۋاسى مەشەدىغۇ ...كېلىلى...مانا مەشەغۇ ئاكا ، رىماتىزىمنىڭ شىپاسى بارغۇ ، كىلىڭە ... كىرىڭە ... ھەدە كېسەلنى بىرلا قاراپ داۋالايمىزغۇ ... كېلىلى بىمارلار كېلىلى ... - ما بىمارنى جاۋخۇ .   - ئاكا نەرىڭىز ئاغرىيدا ؟   - ئۆتۇم سەل بىئارام ...    -ھەدە سىزنىڭچۈ ؟    -بېشىم قېيىپ تۇردۇ .    - ما مېھمانغا بىر ئۆتنىڭ دورىسى ، بىر باش ئاغرىقنىڭ ! سەل ساقلاپ تۇرۇڭلا مېھمانلار ھازىرلا چىقىدۇ .    ...    - ئۇكاموي ، بىزنىڭ دورىمىز قاچان چىقىدۇ ؟ ! بىز جىددى كېسەل جۇمۇ !     - مانا، مانا ئاكا ھازىرلا ... ھەي ! ما پىچاق يەپ كەتكەن ئاكىمىزنىڭ دورىسىنى تېزراق !     - ...    - ما ئاسما ئوكۇل كىمنىڭ ؟! ما يانپاش ئوكۇلنى بەشىنچى ئۈستەلگە قويە ! ما كاپسول ئا ئاكىمىزنىڭ ... ۋاھ ، مانداق بولسا دوختۇرخانا بەك قايناق بولاتتى -دە .    تېما مەزمۇنى مۇشۇ ئىدى .    مەن جەنۇبى شىنجاڭنىڭ مەلۇم ناھيىسىدە ئوقۇتقۇچى ، ئايالىممۇ ھەم . ئۇنىڭغا يۇقۇرى قان بېسىم دېگەن كېسەل چاپلاشقىلى يەتتە-سەككىز يىل بولغان بولۇپ ، دورىسى ئۆكسۇپلا قالمىسا ئۈزۈلدۈرمەي ئىستېمال قىلىپ جان ساقلاپ كېلىۋاتقان ئىدى . يېقىندا يەنە مىجەزىدە ئۆزگۈرىش بولاپ ۋىلايەتلىك بىرىنچى دوختۇرخانىگە سالامەتلىك تەكشۈرتىش ئارزۇسى بىلەن قىشلىق تەتىلنى تۆت كۆز بىلەن كۈتۈپ ، تەتىل ئاخىردىكى سىياسى ئۈگۈنىشنىمۇ كۆپ بىتاقەتچىلىك بىلەن كۈن ساناپ  تۈگىتىپ ( بىزنىڭ بۇيەردە ئوقۇتقۇچىلار خىزمەت ۋاقتىدا ئاغرىپ قېلىشقا بولمايدۇ ، چۈنكى خزمەت ۋاقتىدا ئاغرىپ قالسا ، ياتاقتا يېتىپ داۋالانغان بولسىمۇ ، ياتقان كۈنىدە قېپ قالغان دەرسىنىڭ سائىتى ئۈچۈن 40 - 80 يۇەن گىچە ، خزمەت سىجىللىقىدا تۆۋەن چىقىپ، ئىش ئۈنۈم پۇلىنىڭ خېلى كۆپ پىرسەنتى ، كېچىككەن ، ئۈگۇىنىش خارىتىرسىنىڭ ساناققا توشمىغان خېتى ، تەكشۇرۇشكە كەلگەنلەرگە ساناپ ، كۆرىسىتىپ بېرەلمىگەن ئاللا قانداق قول پۇتۇكلەرنىڭ پۇلى قوشۇلۇپ ،ئوتتۇز پىرسەنت ئىش ئۈنۈم پۇلىنىڭ ئالتە ئايلىقى يېتىشمەي كىرا پۇلىدىن قېتىپ تۇتۇلغان پۇلنى ، ئوتتۇرا ۋە يۇقۇرى قاتلام دەپ ئاتىلىدىغان ، بىر سائەت دەرىس ئۆتمەيدىغانلار ، مۇكاپات قىلىپ ئۆلۈشۈپ خەجلەيدىغان ئىش بار) ئاران دېگەندە پۇرسەتنى ئەكىلىپ ، ناھيىلىك دوختۇرخانىگە كىرىپ تەكشۈرتىپ ، نەتىجىگە تازا ئىشەنچ قىلالماي ئارزۇيىمىز بويىچە ۋىلايەتلىك بىرىنچى دوختۇرخانىدا تەكشۇرتكەندىن كېيىن ،ئۇلار ئايالىمنىڭ دەرھالبالنىستتا قتا يېتىپ داۋالانمىسا بولمايدىغانلىقىنى ، قان بېسىمى زىيادە يۈقۈرى بولۇپ يۇقۇرى چەككە بېرىپ قالغانلىقىنى ، ئۆپكە بىلەن يۈرەك ئارلىقىدىكى تومۇر كېڭىيىۋالغانلىقىنى ، ئۆتتە بىرەر چاڭگال تاشنى كۆتۈرۈپ يۇرگىلى ئۇزۇن بولغان بولۇپ ، قان بېسىمىنى تۇراقلاشتۇرغاندىن كېيىن ، ئۆتتىن كەچمىسەك ئۇنىڭ ئۆت دىگۈدەك ھالالىقىنىڭ قالمىغانلىقىنى دەپ دەرھال ياتاققا بۇيرۇپ ، ناھيىلىك دوختۇرخانىدىن دوختۇرخانا ئالمىشىش رەسمىيتىنى بېجىرشىمىزنى ئۇقتۇرۇپ، كېسەللىك ئەۋالى تولدۇرۇلغان ، ياتاقتا ياتقانلىق ھەققىدىكى جەدىۋەلنى قولۇمغا تۇتقۇزۇپ ، بۇنى بېجىرمىسەك ھەمكارلىشىپ داۋالىنىشتىن بەھىرلىنەلمەيدىغانلىقىمىزنى چۈشەندۈردى مەسئۇل دوختۇر .    دەرھال ناھيىگە چاپتىم ، مىڭ تەستە تاشقى بۆلۈمنى تېپىپ كىرسەم تېخى ئوتتۇزنىڭ قارىسىنى ئالمىغان ئاق سۇزۇك ئىللىق چىراي دوختۇر ئىنىمىز نىمە ئىش بارتى دېگەندەك كۆزىدە سۇئال، ماڭا باقتى . مەقسىدىمنى دېدىم ، دوختۇر ئىنىمىز بۇنى قارشى تەرەپتىكى بۆلۈم مۇدىرىنىڭ بېجىردىغانلىقىنى ، ئۇ يولداشنىڭ ھازىر ئوپراتسىيەگە كىرىپ كەتكەنلىگىنى ، چۇشتىن كېيىن كېلىشىمنى تاپىلاپ ئارقىمدىكى ياشانغان دېھقان دادىمىزغا نەزىرنى ئاغدۇردى . چۈشتىن كېيىن كىرسەم بۆلۇم مۇدىرى باركەن قەغەزنى ئالدىغا قويۇپ ، مەقسىدىمنى يامىداپ ئۇقتۇردۇم ، ئۇ خەتنى بىر دەقىقىدە كۆز يۈگۇرتىپ قولامغا پۇلاپ دېگىدەك تىقىپ ئۈلگۇردى ۋە بۇشىڭلا دېدى . چۈشەندۇرىپ باققاندەك غىڭشىپ بىر نىمىلەرنى دىگەندەك قىلدىم ، تارتمىسىنى قۇلۇپلاپ مۇدىر ئاچقۇچىنى كۆتىگە جايلاشتۇرغاچ سىرىتقا ماڭدى . سۇئال نەزىرىم بىلەن چىرايىمنى بىچچارىلەشتۈرۈپ چۈشتىن بۇرۇنقى ياش دوختۇر ئىنىمگە قارىدىم ،ئۇ دوختۇرخانا تۈزۈمى بويىنچە بىمار ئالدى بىلەن مۇشۇ يەرلىك دوختۇرخانىدا بالنىستتا داۋالىنىشى ، دىئاگىنوز ئەھۋالىغا قاراپ ، داۋالاشقا  تەرەت بوش كەلگۈدەك بولسا، ئاندىن يۇقۇرى دەرجىلىك دوختۇرخانىگە يوللايدىغانلىقىنى ، بىمار ئۆزى بىۋاستە دوختۇرخانا ئاتلاپ بالنىستتا ياتسا بۇنداق رەسمىيەتنى بىجىرمەكنىڭ تەسلىكىنى ، بۇرۇن مەسئۇل دوختۇرلار بۇنداق رەسمىيەتنى يېزىۋىردىغانلىقىنى، بۇنىڭدا تەشكىل قايسى ئۈنۈمنى كۆزدە تۇتقان ھازىر دوخىتۇرخانا بويىچە ئىككىلا ئادەم بۇ ئىشقا مەسئۇللىقىنى ، ئەگەر ئېپىنى كەلتۈرسەم پۇرسىتىنى كەلتۈرۈپ ئازراق زىيان تارتىپ ، مۇدىر بىلەن قايتا كۆرۈشۈپ كۆڭلۇمنى بىلدۈرسەم ،بۇ ئىشنىڭ ھەل بولۇپمۇ قالدىغانلىقىنى ، ئۆزىنىڭ پۇرسەت يارتىپ سىرىتقا چىقىپ تۇردىغانلىقىنى، مۇشۇنچىلىك ياردەم قىلالايدىغانلىقىنى ، ئىشلارنىڭ مۇشۇنداقراق بولۇپ ،بۇنىڭدىن باشقا چارە يوقلىقىنى دەپ ماڭا يېقىنچىلىقىنى بىلدۈرگەن بولدى .   تۇرۇپ بۇنىڭ يۈزىگە بىرنى تۇكۇرۇپ قويسام قانداق بولا دەپ ئويلۇدۇم ، چوقۇم سارىڭىم قوزغۇلىدىغاندەك ھىس قىلدىم . كىسەل ئۇ ياندا قېلىپ ماڭا نان توشۇيدىغان ئادەم يوق ھەرەج تارتقۇدەكمەن . دوختۇرخانىنىڭ بەلگۈلىمىسىمۇ قارىماققا توغرىدەك ، ئەمما بىر تەتۇرلىك باردەك ،دوختۇرخانىنىغۇ بىمارغا توغرىلىغىلى بولغۇدەك ، بىمارنى نىمىشقا كۆڭلى خالىغان دوختۇرخانىگە توغرىلىغىلى بولمىغۇدەك ؟! دوختۇرخانا خەلقمىدۇ ، بىمارلار خەلقمىدۇ ؟ ئاق خالاتلىق< پەرىشتە> لەر گىلىكوزىنى بىمارلارغا ماڭدۇرۇپ قويۈپ ئۆزى قېنىنى سۇمۇردىغان بولاپ قالسا -ھە ؟! ئېلىشمان خىيال بىلەن كارىدورغا چىقىپ قاپتىمەن ، كۆزۈمنى ئېچىپ قارىسام كارىدوردا بەزىللىرى يەردىلا ، بەزىللىرى ئۆزى سېتىۋېلىپ ئەكىرگەن قاتلىندىغان كارىۋاتتا داۋالىنىشنى قوبۇل قىلىۋاتقان نەچچە بىمار كۆزۇمگە چېلىقتى . ئۇ ئىنسان ئەمەسما ؟ قەنى ئۇنىڭ بىمارلىق ھوقۇقى ؟! بالنىست  پۇلىنى كام قىلماي ئالىدۇ - يۇ ...  ، كارىدوردا بىمارلار ۋە باققۇچىلارغا پۇتلىشىپ دېگۈدەك ئالدىراش يۇرگەن دوختۇرلار ، كۆپرەك سېستىرالار ، خىزمەتچىلەت كۆزۇمگە قانداقتۇر ئاق خالاتلىق پەرىشتىلەردەك ئەمەس ، روھى سۇلغۇن،چىرايىدا بىر خىللا مىمكا قېتىپ قالغان ،  زاۋۇتنىڭ ئىشچىللىردەك كۆرۈنۈشكە باشلىدى . بىمارلارنىڭ نېمە ئۈچۈن ئۇزۇندا شىپا تاپىدىغانلىقىنىڭ سەۋەبىنى بىلگەندەكمۇ بولدۇم .قاچانمۇ بىمار كىشىلەرنىڭ ھوقۇقى كاپالەتكە ئىگە بولار ؟ بىمارغا لايىق كۈتۈنۈش ،مۇ.امىلىدىن ، قاچانمۇ نەرقىنى پۈتۈشۈپ داۋالانغۇدەك بولارمىز ؟ قاچانمۇ دوختۇرخانىلار ، مەكتاپلىرمىز << ئۇيغۇر ئاشخانىللىرى >> دەك بولار ؟قارىغاندا دوختۇرخانىلارنى ... ئاناڭنى ...    سەنلەرنىڭمۇ كۇنلىرىڭ ئاز قالدى ! تۆتىنچى دوختۇرخانىغىمۇ بالنىستتا يېتىشنى مۇشەدىن باشلامدىغاندۇ -يا ؟ يېقىندىن بۇيان تۈز يەردىن ئاتلايدىغان ، توپا سورۇپ قارا باسىدىغان بولاپ قېلىۋاتىمەن بالدۇرراق ئۇقۇشۇپ تۇرمىسام -خەپ !

turmux.net

	كېلىلى بىمارلار، كېلىلى ! ئۆپكە كېسەل ، ئاشقازان كېسەل، ئۆت- جىگەر... ماۋۇسى ھەقىقەتەن قىزىقارلىق تەسەۋۋۇر بوپتۇ.

hayat

	بەكلا ئاشۇرىۋىتىپسىز. مەنمۇ سىزگە ئوخشاش ئوقۇتقۇچى. دوختۇرخانىنىڭمۇ ئۆزىگە چۇشلۇق بەلگىلىمىسى بار. ئۇنىڭ ئۈستىگە ھەمكارلىق داۋالىنىش دېگەن يەرلىك ئۇرۇندا ئىشلەيدۇ. چوڭراق يەرگە بېرىش ئۈچۈن چوقۇم شۇ يەرنىڭ يۆتكىلىش رەسمىيىتى بولۇشى كىرەك. ئەگەر ئۇنداق بولمىغاندا ئاتالمىش كىچىك كېسەللەرمۇ چوڭ دوختۇرخانىلارغا بېرىۋىلىپ ئاۋارىچىلىق كېلىپ چىقىدۇ. سىزنىڭغۇ ئايالىڭىزنىڭ كېسلى ھەقىقەتەن ئادەتتىكى كېسەل ئەمەسكەن. ئەھۋال مۇشۇنداق بولغاندىن كىيىن سىزمۇ سەل ئۆزىڭىزنى بېسىۋىلىڭ. ئىشلار شۇنداق بولغاندىن كىيىن ئامال قانچە ؟ قارىغۇنىڭ شەھىرىگە بارساڭ بىر كۆزۈڭنى قىس دەپتىكەن. شۇنداق قىلماي ئامال قانچە ؟ يەنە بىر تەرەپ مەكتەپلىرىڭلارنىڭ ئىشى مېنى ھەيران قالدۇردى. بىزدىمۇ ئاغرىغان ، ئوپراتسىيە قىلىنغان ئاغرىقلار بار. مەن ئەزەلدىن ئۇلاردىن ھەق تۇتۇلغانلىقىنى ئاڭلاپ باقمىدىم. بىزدىمۇ 150تىن ئارتۇق ئوقۇتقۇچى بار. كىم ئاغرىمايدۇ، كىمنىڭ ئىشى چىقمايدۇ. مەن سىزنىڭ خاتىرە يازمىغانغا پۇل تۇتتى ، قالدۇرغان دەرىسىنىڭ سائىتىگە پۇل تۇتتى دېگەن گەپلىرىڭىزنى ئاڭلاپ راستىنلا ھەيران قالدىم. جەنۇبىي شىنجاڭ بىلەن شىمالىي شىنجاڭنىڭ مائارىپ تۈزۈلمىسىدە راستىنلا مۇشۇنداق پەرق زورمىدۇ؟ سىز بۇ ئەھۋاللارنى يەنى مەكتەپتىكى ئەھۋاللارنى  بارمۇ بىلۇگغا كېرىپ مۇناسىۋەتلىك ئۇرۇنلارغا ئىنكاس قىلىڭ.

ablimitt

	ئورۇنسىز تەكشۈرۈش، بىلمەيدىغان دۇختۇرلار كىسەلگە مەسئول بۇلۇپ كىسەلنى خاتا داۋالاش، ياتاقلار بوش بولسا يىنىك كىسەللەرگە قوقاق سىلىپ ئۇزۇنراق يىتىشقا يىتەكلەش دىگەنلەرنىمۇ كۆرۈپ بىقىپتىمەن. ئىش قىلىپ ياخشى سودا بۇلىدىغان يەر بۇ دۇختۇرخانا...

saman-yoli

	دوختۇرخانىدا جان تالاشقان بىلەن باھا تالاشقىلى بولمايدۇ . جان لازىمدە .

iltebir

	مەنمۇ تولا ئويلاپ كېتىمەن. سىز مەيلى يەرلىك دوختۇرخانا ياكى شەھەر دوختۇرخانىلارغا كېرىڭ ئادەم لىق. نېمە ئۈچۈن دېسىڭىز بىزدە ئادەم كۆپ. ئىھتىياج يۇقىرى. شەخسى دوختۇرخانا شارائىتى ھۆكىمەت دوختۇرخانلىرىغا  يەتمەيدۇ. بۇنداق بۇلىشى تەبىيلا پەرقىنى كەلتۈرۈپ چىقارغان. مېنىڭچە دۆلەت شەخسى دوختۇرخانا قورۇلىشىنى ھەر قايسى جەھەتتىن زور كۈچ بىلەن قوللىسا كارخانا بىلەن ھۆكىمەت ئورۇنلىرى مائاشىنى ۋە باشقا تەمىناتىنى ماس قەدىمدە ياخشىلىسا بۇ ئىشلار ياخشى بۇلۇپ كېتىدۇ. يەنە خىرىدارنى ئەلا بىلگەندەك  كىسەلىنى مۇھىم ئورۇنغا كۈتسە، دوختۇرنى قىزىل بولاق ۋە باشقا يول بىلەن ئەل قىلىش كەتمەيدۇ.

Daisy

	خۇدايىم كېسەلدىن ساقلىسۇن

adip0903

	hayat يوللىغان ۋاقتى  2015-2-7 01:03 PM بەكلا ئاشۇرىۋىتىپسىز. مەنمۇ سىزگە ئوخشاش ئوقۇتقۇچى. دو ... (مائارىپتا)مۇشۇنداق ئەھۋاللار ئېغىر،. دوختۇرخانىغا كەلسەك جەنۇبى شىنجاڭنىڭ 3يۇلتۇز دەرەجىلىك(ۋىلايەتلىك)دوختۇرخانىسىدىن 2-3يىل تەربىيەلەنگەن تىۋىپى ياخشى،ئازراق شەربەت،ياكى خام دورا بىرىدۇ بەك شىپالىق. ھازىر خوتەندە دوختۇرلارمۇ پارا ئالىدۇ(لىفىتقا چىققاندابىرىمىز،ياكى تىلىفۇنىغا پۇل 200-300يۈۋەن سالىمىز)بولمىسا ياخشى داۋالىمايدۇ،.بېشىمدىن ئۆتكەن كۈنلەر بۇ  2013-يىلى قىشتا.

yehya

	بار يوق پۇلنى كىچىك دوختۇرخانىلارداتۈگۈتۈپ پۇل قالمىغاندا چوڭ دوختۇرخانىلارغا يۆتكەپ قويۇپ ئادىمنى قەرىزدار قىلىۋېتىدۇ كىچىك دوختۇرخانا دىگەن.

kamran

	hayat يوللىغان ۋاقتى  2015-2-7 01:03 PM بەكلا ئاشۇرىۋىتىپسىز. مەنمۇ سىزگە ئوخشاش ئوقۇتقۇچى. دو ... گېپىڭىزدىن قارىغاندا سىز شىمالى شىنجاڭدىن ئوخشايسىز ، جەنۇبى شىنجاڭدا ئەھۋال تېمىدا ئېيتىلغاندىنمۇ ئېغىر ، يۇقۇرى دەرجىلىك ئورۇنغا ئىنكاس قىلغاننىڭ ھىچقانداق پايدىسى يوق ھەممىسىنىڭ تىلى بىر ئەكسىچە ئىنكاس قىلغانلارنىڭ كۈنى تېخىمۇ تەس ، بىر خىزمەتدىشىمىز مائارىپ نازارىتىگە ئەھۋال ئىنكاس قىپتى تاس قالدى خىزمەتتىنمۇ قۇرۇق قالغىلى .