ئانامنى ئەسلەپ

borkut-

	ئانامنى ئەسلەپ كەلدىم بۈگۈن جېنىم ئانا قەبرەڭ بېشىغا ، خۇش ھىدىڭنى قېنىپ - قېنىپ پۇرىۋالاي دەپ. توتىيادەك تۇپرىقىڭدىن كۆز يېشىم بىلەن ، مەلھەم ئېتىپ ، يۈزلىرىمگە سۈرىۋالاي دەپ . چۈنكى مېنى چوڭ قىلغۇچە تارتقانتىڭ  جاپا ، مەنمۇ گۈدەك  بولغاچ دائىم قىلاتتىم خاپا . سەن گوياكى جاپاغىلا يارالغاندەكلا ، بۇ دۇنيادىن كەتتىڭ كۆرمەي ھىچقانداق ۋاپا . يەتمەپتىمەن قەدىرىڭگە ھايات چېغىڭدا ، سەن كەتكەندىن بېرى ئەجەپ قەدىرىڭ ئۆتۈلدى . سەن بار چاغدا  كۆڭلۈممۇ توق ،قەددىم تىك ئېدى، غەمسىز ئۆتكەن ئېدىم،  ئەمدى قەددىم پۈكۈلدى. سەن بار چاغدا ھىس قىلاتتىم ھەممە نەرسەم تەل ، بۇ دۇنيادا مەندىن ئۆزگە يوقتەك بىرەر ئەر . لېكىن ھازىر تەل بولسىمۇ ھەممە نەرسەم گەر ، سەن بولمىغاچ زىندان كەبى ماڭا ھەممە يەر . سەن يېنىمدا يوقلىقىڭنى بىلسەممۇ مەن گەر ، خۇددى سېنى ھايات بىلىپ، ئىزدەپ قالىمەن . سەن ئولتۇرغان ئۆيگە كىرسەم خىياللار سۈرۈپ، ئۆز-ئۆزۈمگە پىچىرلاپ ھەم مەڭدەپ قالىمەن . نىمىلا دەي" ئۆتكەن ئۆمۈر ئاتقان ئوق "كەتتىڭ ، بىر" تەڭرى "دىن مىڭ تىلىسەم بەرمەيدۇ سېنى . پەقەت ،پەقەت ئىلتىجاھلا قىلىمەن ساڭا  ، كەچۈر ئانا ، جېنىم ئانا ، كەچۈرگىن مېنى .         مەنبە: ئۆز قەلىمىم

قورغان

	ئانىغا بولغان چوڭقۇر سىغىنىش  ئىپادىلەنگەن ياخشى شئېركەن،ياقتۇردۇم. ئاتا-ئانىلىرىمىز ھايات ۋاقتىدا قەدىرلەپ،پەرزەنتلىك بۇرچىمىزنى ئادا قىلىپ،ئۇلارنىڭ دۇئاسىنى ئېلىش ئۈچۈن تىرىشايلى!

kaysar123

	شىئىرىڭىزنىڭ مەزمۇنى ئادەمنى خىلىلا ئويغا سالىدىكەن،بىراق ئاخىرقى ئىلتىجايىڭىزدىن كوڭلۆم سەل ئەپسۇسلاندى .چۈنكى شۇ قەدەر ئىسىل بىر ئەسەرنىڭ ئاخىرىنى پەقەت كەچۈرۈم سوراش بىلەنلا ئاخىرلاشتۇرۇش شىئىرنىڭ مەزمۇن سالمىقىنى زور دەرىجىدە تۆۋەنلىتىۋەتكەندەك ھىس قىلدىم.ۋاپات بولغان ئىنساننىڭ كەچۈرۈش ھوقوقى بولمايدۇ،     سىز شىئىرىڭىزنىڭ ئاخىرقى ئىلتىجايىڭىزنى، ياراتقان رەببىمىزدىن شۇ مىھرىبان ئانىڭىزنىڭ ئەجرىگە جەننەتنى تىلىگەن بولسىڭىز  بەكمۇ ياخشى يىزىلغان ئەسەر بولاتتىكەن قىرىندىشىم

tumaris01

	ئاتا-ئانا بولسا ، ئىززىتى باشقا ، دادام يوق كۆزلىرىم ، لىق تولدى ياشقا. خارلايدىكەن بەزىلەر بىزدەك  يېتىمنى ، شۇنداقتىمۇ ياشايمەن ئاقتۇرماستىن يېشىمنى .

saliha24

	ئېسىل چىقىپتۇ شىئېرىڭىز . رەھمەت سزگە .

خەنجىرى

	ئىسل چىقىپتۇ

maripatogli

	ئىزلەپ كەلدىم قەبرەڭگە ئانا ئاپتۇرى : مەرىپەت ئوغلى ئىزلەپ كەلدىم بۈگۈن يەنە قەبرەڭگە ئانا ،    پۇرىۋالاي،سۆيىۋالاي ئوتلۇق ھېدىڭنى.   قىنىۋالاي،باغرىم ياقاي مېھرىڭگە ئانا،    ئوغلۇڭ كەلدى،ئاچ قوينۇڭنى،ئىللىق بېغىڭنى.   ئىزلەپ كەلدىم سېغىنىشتا قەبرەڭگە ئانا ،   دىدارىڭغا مېھىر بىرىپ سىنى كۆرەي دەپ.    ئانا كەتتىڭ،ئۆيىمىزدىن جەننەتمۇ كەتتى،    بەختىم ئىدىڭ،جۇدا بولدۇم سىنىڭدىن ئەجەپ.    ئىزلەپ كەلدىم باغرىڭسىراپ قەبرەڭگە ئانا ،   قۇچاقىڭدا ئەللىيىڭنى يەنە ئاڭلاي دەپ . چۇقان باستى ئالەمنى ھەم قەلبىمنى پىغان،    جەننەت كەبى مېھرىڭنى سېغىندىم ئەجەپ.    ئىزلەپ كەلدىم سىمايىڭنى قەبرەڭگە ئانا ،    غەمسىز كۈنۈم بىر چۈش كەبى بولدى ئۆتمۈشلەر.    ئانا دىدىم،سەن يوق لىكىن ئاڭلاندى ئۆيدىن،    تۆت تام ئارا ئاۋازىڭ ھەم ئىللىق كۈلۈشلەر.    ئىزلەپ كەلدىم ھىجرانىڭدا قەبرەڭگە ئانا ،   جۇدالىقتا كۆيدى قەلىبىم ،دىلىمدا  يارا.   ئۆزۈڭ <<يۈسۈپ>> دەپ ئىسمىنى تەۋەررۈك قىلغان ،    نەۋرەڭ كەلدى،كۆزۈڭنى ئاچ جانىجان ئانا.     ئىزلەپ كەلدىم دۇئا قىلاي قەبرەڭگە ئانا ،    مېھرىڭ بىلەن قەلبىم گۈللەر-ئۈنچىگە تولسۇن.    ھەر دەم سۆزۈڭ سۆيگۈڭ بىلەن ھەمرادۇر ماڭا.   جانىم ئانا،ياتقان يىرىڭ جەننەتتە بولسۇن.   ئاپتۇر خوتەن قاراقاش ناھىيە ئۇرچى يىزىلىق باشلانغۇچ مەكتەپتە. /thread-100960-1-1.html

ئاچيول

	شېئىرىڭىزدا ئانىغا بولغان چوڭقۇر مۇھەببەت ۋە سىغىنىش ئىپادىلىنىپتۇ. لىكىن «تەڭرى»سۆزىنى «رەببىم »ياكى «ئاللاھ»سۆزىگە ئالماشتۇرۇپ ،ئاخىرىدا ئانىڭىزنىڭ گۇناھلىرىنىڭ ئەپۇ قىلىنىشىنى جەننەتنى تىلەشكە ئوخشاش مەزمۇندا چۈشۈرگەن بولسىڭىز تىخىمۇ ياخشى بولاتتىكەن.

turmux.net