مىسرانىم مۇنبىرى كۈندىلىك خاتىرىسى (4-قىسىم)

ayguzal1

	نېمىشقا ھەممە ئادەمنىڭ كەيپىياتى ناچار،كۆڭلى بەسەرەمجاندەكلا يۈرىيدىغاندۇ...؟ خىزمەتكە بوينىنى باغلىغاندەك كەلگەن،كۆڭلىدىن چىقىرىپ خىزمەت قىىلدىغانلار ساناقلىقلا،ھەممە ئادەم خىزمەتتىن بىزار بوپ كەتكەن.... بۇ كۈندىلىك خاتىرىنى بەك ياقتۇرىمەن،كۆڭۈل سۆزلىرىنى تۆكىۋالسا ئادەم يېنىكلەپ قالىدىكاەن...

musilina

	ئەتىگەندىن بېرى تويغا بېرىش،ماشىنىچىنىڭ قېشىغا بېرىش،چوڭ ئۆيگە بېرىش،كېسەل يوقلاش....دېگەندەك ئىشلار بىلەن  كۈنلىرىم ئالدىراشلىق ئىچىدىلا ئۆتۈپتۇ،.... تۆنۈگۈندىن بېرى كەيپىياتىم خېلى ئوڭشىلىپ قالدى،بەزى ئىشلارغا مىڭ قاقشىساممۇ ،قولۇمدىن كەلمىگەندىن كېيىن  ئامال بولمايدىكەن،ئۆزۈمنى كونتورۇل قىلمىسام،سالامەتلىكىمگە تەسىر يېتدىكەن،شۇڭا سەبر -تاقەتنى ئۆزۈمگە ھەمراھ قىلاي.... بۇ كۈنلەرمۇ ئۆتۈپ كېتىدۇ...

tograkmalikisi

	3- ئاينىڭ 7- كۈنى بۈگۈن ئورۇنلاشتۇرۇشقا ئاساسەن چوڭ كۆلەملىك خانىم- قىزلار بايرىمىنى تەبىرىكلەش پائالىيىتى قىلدۇق. پائالىيەتتە ئاياللارنى ئائىلە قانداق ئانا، قانداق ئايال، چوڭلارنىڭ ئالدىدا قانداق قىز، قانداق كېلىن بۇلۇش، ھەر ساھەدە ئۆز ئارتۇقچىللىقىنى قانداق نامايان قىلش توغرىسىدا شۇنداق ياخشى لىكسىيىلەر سۆزلەندى. ئۆزىمىزنىڭ مىللى ئەنئەنۋى كىيملىرى، ئەتلەش كۆڭلەكلىرى، چىمەن دوپلارنى چىرايلىق كىيىىشىكەن ئۇزۇن ئۆرۈمە چاچلىق خانىم قىزلار، چىمەن دوپپىنىڭ ئۈسىتدىن يارىشىملىق روماللىرىنى ئارتىشقان چىراپلىق ئاپىلار رەڭگارەك گۈلچىمەنلەر ئارسىدىكى رەڭگارەك كېپىنەكلەردەك ئىنتايىن گۈزەل بۇلۇپ كېتىپتۇ. پائالىيەتنىڭ ياخشى قېيىنئانا، ياخشى كېلىنلەرنى مۇكاپاتلاش باسقۇچىغا كەلگەندە مىھرىبان قېيىنئاپىلار بىلەن ۋاپادار كېلىنلەر سەھنىگە چىقىشى بىلەن ئۇلارنى ئالىقشلاپ چېلىنغان چاۋاكلار خېلى ئۇزۇنغىچە داۋاملاشتى. مەخسۇس تەييارلانغان بىر نەچچە سەنئەت نۇمۇرى ۋە كوللىكتىپ مەشرەپتىن كېيىن، قولى چىۋەر خانىم قىزلار، مھرىبان ئانىلار ئۆز قولى بىلەن تەييارلاپ ئېلىپ كەلگەن ھەرخىل نازۇ- نىمەتلەر، ئانىلار ئۆزلىرى يېقىپ كەلگەن نان، قېتىق، ئۆپكە- ھېسىپ ۋە شۇنىڭدەك خىلمۇ- خىل تائاملار باھالىغۇچىلار تەرىپىدىن تېتىپ بېقىلغاندىن كېيىن پائالىيەتكە كەلگەن پۈتۈن ئاياللارغا يەتكۈزلدى. تائاملار تۈرى بويىچە باھالىنىپ تائام تەييارلاپ كەلگەن بارلىق خانىم- قىزلار مۇكاپاتقا ئېرىشتى. بۈگۈن ھاۋامۇ شۇنداق ياخشى. خانىم- قىزلار ئەزەلدىنلا مېھرى ئاپتاپ، ھەربىر ئائىلىگە قۇياش كەبى ئىللىقلىق يەتكۈزۈپ، ھەممە دىللارنى گۈزەللىك نۇرى بىلەن يۇرۇتۇپ كەلگەن خانىم قىزلارنىڭ بۈگۈنكى پائالىيەت كۈنىدە ھاۋامۇ باشقىچە ئىسسىپ كەتىتى. بۈگۈنكى بىر كۈنۈم ئىنتايىن خۇشال ئۆتۈپتۇ. قىز- ئاياللارنى ھەرخىل نومۇرلارنى سۈرەتكە تارتىش بىلەن ئالدىراش ئۆتۈپتىمەن. تارىتقان سۈرەتكە قارىسام خۇشال بولغان مەنلا ئەمەسكەنمەن. سۈرەتتىكى ھەممەيلەن شۇنچە خۇشال، شۇنچە گۈزەل.

jelwa

	بۈگۈن چۈشتىن كىيىن دوسىتلىرىم بىلەن باغچىغا  ئوينىغىلى باردۇق ، نىمىشقىكىن كۆڭلۈم شۇنچىلىك يىرىم  ...دوسىتلىرىم نىمىلەرنى دىيىشىۋاتىدۇ ، نىمىلەرنى قىلىۋاتىدۇ  ئىشقىلىپ  ھىچقايسى قۇلۇقۇمغا كىرمىدى .  كەيپىياتىم شۇ قەدەر ناچار،  جىمجىتلىقنى خالاپ قالدىم ھەم دوسىتلىرىمغا جىددى  ئىشىم چىقىپ قالدى دىگەننى باھانە قىلىپ  ئۇلارنىڭ تۇتۇۋالغىنىغا  قارىماي   ئالدىراپلا  قايىتتىم . كوچا ئاپتۇبۇسىغا ئولتۇرۇشقىمۇ  رايىم بارمىدى .   ئىلگىرى  مەن بۇ شەھەردە ياشاپ باقمىغاندەكلا  خۇددى بۇ  شەھەر ماڭا ناتونۇشتەكلا  ..نىشانسىزلا  كىتىپ  بارىمەن ،  كەيپىياتىم شۇنچىلىك  ناچار  .  كاللامدا  ئەگرى -بۈگرى  خىياللار  مۇشۇ  ماڭغانچە  2  سائەت  37  مىنۇتتا  ئۆيگە ئارانلا كىلىۋاپتىمەن .... پۇتلىرىممۇ ئاغرىپ كىتىپتۇ  .. ئۆيگە كىلىپلا  ئۆزۈمنىڭ ساراڭلىق قىلغىنىمغا كۈلگۈم  كەلسە يەنە بىر تەرەپتىن كۆزۈمدىن     توختىماي  ياش  ئىقىۋاتىدۇ  ..  ئاپامنىڭ بىلىپ قىلىشىدىن  ئەنسىرىگەن  ئىدىم  ، بىراق  ئانىنىڭ  كۆزىدىن ھەر قانداق بىر ئىش قېچىپ  قۇتۇلالمايدىكەن  .. ئاپامغا  ھىچنىمە بولمىدى سىزگە شۇنداق بىلىنىپ قالغان ئوخشايدۇ دەپلا  ھەممىنى يۇشۇرۇشقا مەجبۇر  بولدۇم .... توۋا  .. مۇشۇ كۈنلەردە  نىمە بولۇۋاتقاندىمەن  ؟  ئۆزۈمنى شۇ قەدەر  قەيسەر ھەم  ئىرادىلىك قىز  دەپ  ئويلايتىم  بىراق ؟ ........ بەزىدە  ئۆزۈمگە بۇ كۈنلەرمۇ  ئۆتۈپ  كىتىدۇ دەپ تەسەللى بىرەتتىم  ..  لىكىن  ئۆتىۋاتقان كۈنلىرىمنىڭ  تىخىمۇ مەنىسىز تىخىمۇ  كۆڭۈلسىز  ئۆتىشىنى خىيالىمغىمۇ كەلتۈرمەپتىمەن ...   يەنە  قانداق  قىسمەتلەر  قانداق ئىشلار مىنى كۈتۈپ تۇرىۋاتىدۇ  بۇنى بىلمەيمەن  لىكىن  ئۆتىۋاتقان كۈنلىرىمنى  پەقەت  بىر  ئېغىز سۆز بىلەنلا يىغىنچاقلىغۇم كىلىپ قالدى..    ھەي    !  كۆڭۈلسىزلىك  ،  ئەگەر رەببىمنىڭ  ئىزناسى ھەم  رىزاسى بىلەن كەلگەن  بولساڭ  مەرھابا  خوش كەلدىڭ ! ......

musilina

	ئوپراتسىيەدىن كېيىن بىر يىلغا يېقىن  كۆپ ھەركەت قىلالمىغاچقا، بەكلا سەمىرىپ كەتتىم،84 كىلو دېگەن  تۆت پاقلاننىڭ گۆشى دېگەن گەپ، بىردەم ماڭسام ھاسىراپ نەپسىم قىسىلىپ كېتىدۇ،ئېغىرلىقىم ئېشىپ كەتكەچكە ،پۇتۇمغا بېسىم چۈشىۋالدىمۇ،ئازىراق ھەركەت قىلسام ئىككى پۇتۇم شۇنداق ئاغرىپ كېتىدۇ، ئازىراق بولسىمۇ ئورۇقلىسام بولاتتى،دوختۇر ‹‹بەدەن  ئېغىرلىقىڭىز ئېشىپ كەتسە،بەلگە بېسىم چۈشىۋېلىپ پات ئەسلىگە كەلمەيسىز،ئورۇقلىمىسىڭىز بولمايدۇ››دېگەن،بىراق‹‹ ئورۇقلايمەن›› دەپلا  ئورۇقىلغىلى بولمايدىكەن،كەچلىك تاماقنى ئاساسەن يېمەيمەن ھازىر،دورا ي ەي دېسەم ئەكس تەسىر قىلامىدىكىن دەپ ئەنسىرەيمەن..... ئايبۇلاق ئاھالىلار  ئولتۇراق رايونىنىڭ قېشىدا ئورۇقلىتىدىغان ئاچچىقسۇ باركەن،ئېلىپ  ئىشلىتىپ باقسام ،ئورۇقلاشقا ئۈنىمى بولارمۇ...؟

axkar

	بايراملار بىلەن تازا خوشام بولمىسىمۇ  ، جاپاكەش  خانىم -قىزلارنىڭ  بۈگۈنىنى تەبرىكلەي دەپ ئويلايمەن  .   ئانام بولسىدى..................................................

arapat886

	مۇنبەردىكى  بارلىق  خانىم -قىزلارنىڭ بۈگۈنكى  بايرىمىنى مۇبارەكلەيمەن   بايرىمىڭلارغا  مۇبارەك  بولسۇن