ئىران نېفىت باھاسىنىڭ چۈشۈشىنى توسماقچى

Erqal-Media

	ئىران بىلەن ۋېنېزۇئېلا بىرلىشىپ نېفىت باھاسىنىڭ چۈشۈشىنى توسماقچى ئەرقال تاراتقۇسى تەرجىمە قىلدى بۇ ھەپتە خەلقئارا نېفىت باھاسى بەش يىلدىن بۇيانقى ئەڭ تۆۋەن نۇقتىغا چۈشۈپ، نېفىت ئېكسپورت قىلغۇچى دۆلەتلەر تەشكىلاتى (OPEC) نىڭ ئىچكى قىسمىدا يەنە بىر قېتىم چوڭ ئىختىلاپ كۆرۈلدى. ئىگىلىنىشىچە ئىران بىلەن ۋېنېزۇئېلا بىرلىشىپ OPEC نى نېفىت باھاسى چۈشۈشىنىڭ ئالدىنى ئېلىشقا ھەيدەكچىلىك قىلىش توغرىسىدا پىكىر بىرلىكى ھاسىل قىلغان. ئۆتكەن ئالتە ھەپتىدە  OPEC  قا ئەزا سەئۇدى ئەرەبىستان، ئەرەب بىرلەشمە خەلىپىلىكى ۋە كۇۋەيت قاتارلىق ئۈچ چوڭ نېفىت ئېكسپورت قىلغۇچى دۆلەت نېفىت ئىشلەپچىقىرىش مىقدارىنى كېمەيتمەيدىغانلىقىنى كۆپ قېتىم تەكىتلەپ كەلگەن بولۇپ، ئىران بىلەن ۋېنېزۇئېلانىڭ بۇ قېتىملىق پوزىتسىيەسى يۇقىرىقى دۆلەتلەر بىلەن ئىنتايىن روشەن سېلىشتۇرما بولۇپ قالدى. ئىراننىڭ ھۆكۈمەت تەرەپ ئاخبارات ئاگېنتلىقىنىڭ خەۋىرىگە ئاساسلانغاندا، ئىران ئالىي رەھبىرى ھامېنىي (Khamenei) ۋېنېزۇئېلا پىرېزىدېنتى مادۇرو (Nicholas Maduro) بىلەن كۆرۈشكەندە، ئىككى دۆلەتنىڭ بىرلىشىپ خەلقئارا نېفىت باھاسىنىڭ چۈشۈش ھالىتىنى ئۆزگەرتىشنى قوللايدىغانلىقىنى بىلدۈرۈپ، «دۈشمەن» لەرنىڭ نېفىت باھاسىنى سىياسىي قورال قىلىۋالغانلىقىنى قاتتىق ئەيىبلەپ، «نېفىت باھاسىنىڭ چۈشۈپ كېتىشى دۈشمەن كۈچلەر پىلانلىغان سىياسىي قىلتاق» دەپ كۆرسەتكەن. غەرب تاراتقۇلىرىنىڭ خەۋەر قىلىشىچە، بۇ قېتىم پىرېزىدېنت مادۇرونىڭ OPEC قا ئەزا بىر قانچە دۆلەتنى زىيارەت قىلىشىدىكى ئاساسىي مەقسىتى—بۇ دۆلەتلەرنىڭ قوللىشىنى قولغا كەلتۈرۈش بولۇپ، ئىران ئاخبارات ئاگېنتلىقىنىڭ خەۋىرىگە ئاساسلانغاندا مادۇرو «بىز OPEC قا ئەزا دۆلەتلەر بىلەن رۇسىيە قاتارلىق دۆلەتلەرنىڭ بىرلىشىپ، باھا مېخانىزمىدا يېڭىلىق يارىتىپ، نېفىت باھاسىنى قوبۇل قىلغىلى بولىدىغان سەۋىيەگە قايتۇرۇپ كېلىش ئۈچۈن تىرىشىۋاتىمىز» دېگەن. مەنبە : سىنا تورى

sardor0908

	نىفىت ئىشلەپچىقارغۇچى دۆلەتلەر بىرلەشمىسى بىلەن روسىيەنىڭ دۈچ كىلىۋاتقان مەسىلىسى ئوخشاش .يەنە كىلىپ ياۋروپادىكى مۇسۇلمانلارغا قارشى كەيپىيات ھازىر بۇرۇنقىدەك سۈكۈت ۋە بىسىپ تۇرىدىغان چەكتىن ئىشىپ كەتتى .بۇنىڭ بىۋاستە تەسىرىگە ئۇچرىغۇچى ئەرەبلەر ياۋرو-ئامىرىكا دۆلەتلىرىگە يۇز قىلىپ ئانچە كۆپ يۇز قىلىپ كەتمەيدۇ .ئەگەر ئوتتۇرا شەرقتە روسىيەنىڭ مۇتلەق مىخانىزىمنى قوغداش كاپالىتى بولسا ،ئەرەب دۆلەتلىرى ئامىرىكىنىڭ چاڭگىلىدىن قۇتۇلۇپ چىقىشنى ئويلايدۇ .روسىيە ،ئامىرىكا ئىككىلىسى ئوتتۇرا شەرققە نىسبەتەن يىرىتقۇچ يولۋاس .بىراق بۇ يولۋاسنىڭ ئىچىدە روسىيە دىگەن يولۋاسنىڭ ئەرەبلەرنىڭ مايىللىقىنى قولغا كەلتۈرۈش ئورنى چوڭراق .قارىماققا ئامىرىكا ئوكرانىيە ۋەزىيىتىنى تۇرقا قىلىپ روسىيەنى جازاۋاتقاندەك قىلغان بىلەن روسىيەمۇ كىرزستىن پۇرسەت ئىزدەپ بۇرۇنقى چوڭ دۆلەت ئوبرازىنى قايتۇتۇپ ئەكەلمەكچە .روسىيە ھازىر كىرزىسقا ئۇچرىدى .كىمنى ئۇرىمەن دىسە شۇنى ئۇرىدۇ (خەلقئارا شۇنداق بىر گگپ بارغۇ .ئامىرىكا كىمنى ئۇرىمەن دىسە ئۇرىدۇ ،روسىيە كىم مىنى تېللىسا ،مەن شۇنى ئۇرىمەن .ئەنگىلىيە ،ئامىرىكا كىمنى ئۇرسا مەن ،شۇنى ئۇرىمە .گىرمانىيە گىرمان مېللىتىنىڭ تۈپكى مەنپەتىگە دەخلى قىلىدىغان ئىش بولسا دۇنيا ئۇرۇشىنى قوزغايمەن .ياپونىيە كىم مىنى ئۇرسا ئامىرىكا بىلەن بىرلىشىپ ئۇرىمە.چاۋشىيەن كىم مىنى ئۇرسا مەن كورىيەنى ئۇرىمە )ئەمىلىيەتتە نۇرغۇن دۆلەتلەر روسىيەنىڭ چىرايىغا قاراپ ئىش كۆرىدۇ .

isiyan

	ئىش قىلىپ نىمىلا قىلسا بۇ قېتىمقى كىرزىستىن قېچىپ قۇتۇلغىلى بولمايدۇ .

elxat99

	ئۇ ئىككىسنىڭ قۇرۇق گەپتىن باشقىغا كۈچى يەتمەيدۇ.

izqel

	ئىران،ۋېنزۇئىلا قاتارلىق دۆلەتلەر ئامېرىكىنىڭ كونا دۈشمەنلىرى بولاتتى...بۇلار ئامېرىكىنىڭ نېفېت باھاسىنى بىكىتىش ھۇقۇقىغا ئىرىشكەنلىكىنى ھىس قىلىپ كۈچىنى يىغاي دەپتۇدە... بوپتۇ،ئامېرىكىغا قارىغاندا بۇ ئىككى دۆلەتنىڭ كۈچى ئاجىز،بىراق شۇنچىلىك ئۇرۇنىپ بىقىشلىرىمۇ ئەرزىگۈدەك بىر ئىش.

izqel

	مۇشۇ ئامېرىكا كۆتەكنى ئالدىغا قويۇپ(نېفېت قۇدۇقىنى دىمەكچى)پالتىنى ئېگىز كۆتۈرۈپ چاپماقچى بولىۋاتىدۇ.ئەگەر ئىران ۋېنزۇئىلادەك دۆلەتلەر ۋە سەئۇدى باشچىلىقىدىكى نېفېت ئىكىسپورت قىلغۇچى دۆلەتلەر تۇختىما كېچىك ئىش تىرىپ ئامېرىكىنىڭ دىققىتىنى چىچىۋەتسە ئامېرىكا پالتىسىدا كۆتەكنى چاپىمەن دەپ كۆتەكتىن قاڭتىپ پۇتىنى چىپىۋالارمىكىن دەيمەن.ئىشقىلىپ بۇ نېفېت ئۇرىشىدا ئامېرىكىمۇ غەلبە قىلدى دىسەكمۇ ئالغان پايدىسىدىن زىيىنى كۆپ بولۇپ كىتىدىغاندەك تۇرىدۇ.

turmux.net

	نېفىت باھاسىنىڭ چۈشۈشىنى توسۇشى قېيىنغا توختارمىكىن

hatem

	ئىران نېمىگە شۇنچە كۈچەپ كېتىدىغاندۇ؟ روھانىي بۇ ساقاللىق بوۋاي نېمىلەرنىڭ چوتىنى سوقۇۋاتقاندۇ؟

hushwah

	hatem يوللىغان ۋاقتى  2015-1-13 10:59 PM ئىران نېمىگە شۇنچە كۈچەپ كېتىدىغاندۇ؟ روھانىي بۇ ساقا ... ئۆزى بىلىدۇ

orkixi

	hatem يوللىغان ۋاقتى  2015-1-13 10:59 PM ئىران نېمىگە شۇنچە كۈچەپ كېتىدىغاندۇ؟ روھانىي بۇ ساقا ... ئىران كۈچىسىمۇ بىكار .شۇنچە كۈچلۈك رۇسىيە نىفىت باھاسىنى چۈشۈرەلمىگەن يەردە ئى ئىران بىلەن ۋېنسۇئىلا قانچىلىك كۈچلۈكتى ؟؟؟رۇسىيەنىڭ چاپارمەنلىرى .بۇ كىرىزىس ،سۈرىيە بىلەن رۇسىيەدە زوڭتۇڭ ئالمىشىپ ،ئاندىن ئاياغلىشارمىكىن؟