يەتتە رەڭلىك قاشتاش ( فانتازىيە ) داۋامى

ayguzal1

	ئەسىرىڭىزنىڭ داۋامىنى تەقاززالىق بىلەن كۈتىمەن.......

musilina

	تېخى يوللانماپتىغۈ...؟

azhun886

	ناھايىتى ياخشى يوللاپسىز بۇرادەر مەن تىخى بۇ ئەسەرىرىڭىزنىڭ ئاخىرىنى يوللىمايدىغان ئوخشايدۇ دەپ ئويلاپ قاپتىمەن   داۋامىنى تىزرەك يوللىشىڭلارنى ئۆمۈر قىلىمەن

kell

	16- باب  مەشىق قوغدىغۇچى ئىچىدە غالىپنى تىللاپ كەتتى . مۇنداق بىر غەلىتە مەخلۇقنى قانداق قىلىپ يىقىتىشنى بىلەلمەيۋاتاتتى . غالىپنىڭ ئەھۋالىمۇ بەك ياخشى دەپ كەتكىلى بولمايتتى . ئۇ پەقەت پاسسىپ ھالەتتە تىزلىكىنى توختىماستىن ئاشۇرۇپلا ھەركەت قىلىۋاتاتتى . بۇ خىل پاسسىپ ھالەت ئۇزۇن داۋاملاشسا ئۇنىڭغا پايدىسىز ئىدى . نېمىلا دىگەنبىلەن توختىماستىن تىزلىك ئاشۇرۇش نۇرغۇنلىغان ئامىللارغا چىتىلاتتى . بولۇپمۇ ئۇنىڭ بەدەن ساپاسى بەك ياخشى دەپ كەتكىلى بولمىغاچقا ئۇزۇنراق ھەركەت قىلىش ئۇنىڭغا ھەددىدىن زىيادە ھارغىنلىقتىن باشقا نەرسە ئەكەلمەيتتى . مۇنداق ھالەتتە ئۇلار بىردەم تىركەشكەندىن كىيىن غالىپ پاسسىپ ھالەتتە تۇرىۋىرىشتىن زىرىكتى . باشقىلارنىڭ ئالدىدا ھەركەتچان قۇم خالتىسىغا ئوخشاپ قىلىشتىن سەسكەنگەندەك بولدى دە ، ئۆزىمۇ بىر ھۇجۇمغا ئۆتۈپ بىقىشنى خىيال قىلدى دە ، كىنولاردىن كۆرىۋالغىنىچە ئۇدۇللا قوغدىغۇچىنىڭ ئىڭىكىگە كىلىشتۈرۈپ بىرنى سالدى دە ، تىزلىكىنى يەنە ئاشۇرۇپ ئارقىسىغا دەرھاللا ياندى . قوغدىغۇچى ئۆزىنىڭ ھۇجۇملىرىنىڭ بىكارغا كىتىپ بارغانلىقىنى ئاز دەپ ، بىكاردىنلا بىر مۇشىت يەۋالغانلىقىغا قاتتىق ئاچچىقى كەلدى . گەرچە غالىپنىڭ بۇ مۇشتى ئۇنىڭغا ھىچقانچە زەربە بىرەلمىگەن بولسىمۇ ، ئۇنىڭ ئۈچۈن بۇ قىتىملىق زەربە كاللىسىنى سىلكىۋىتىشكە ئازراق مەجبۇرلىدى . قارىغاندا غالىپقا ئۆزىنى بىر كۆرسىتىپ قويمىسا بولماپتۇ . قوغدىغۇچى ھۇجۇمدىن مۇداپىئەگە ئۆتتى . چۈنكى قالايمىقان مۇشىت ئىتىپ غالىپنى بىرەرنى بولسىمۇ ئۇرىۋىلىش ئۇنىڭ ئۈچۈن بىر خىيالدىن باشقا نەرسە ئەمەس ئىدى . غالىپ قوغدىغۇچىنىڭ ھۇجۇملىرىنىڭ توختاپ قالغانلىقىنى كۆرۈپ ، ئۆزىنى ھۇجۇمغا ئۆتۈش پۇرسىتى كەپتۇ دەپ ئويلىدى دە ، يەنە بىر مۇشىت بىلەن قوغدىغۇچىنىڭ ئىڭىكىنىڭ ئاستىغا بىرنى سالدى دە ، دەرھال ئارقىغا ياندى . قوللىرىنىڭ زىڭىلداپ ئاغرىشى بىلەن ئىسىنى ئازراق يىغدى . نەس باسقۇرنىڭ سۆڭىكى نىمانداق قاتتىق ؟ تاياقنى مەن ئۇرسام مىنىڭ قوللۇرۇمنىڭ ئاغرىپ كىتىشىنى قارا . غالىپ قوللىرىنى ئازراق ئۇۋلىۋەتكەندىن كىيىن يەنە داۋاملىق ھۇجۇمغا ئۆتتى . چۈنكى ئۇ قوغدىغۇچىنىڭ مەڭدەپ تۇرۇپ قالغانلىقىنى كۆرگەن ئىدى . ‹ سەنلا ھۇجۇم قىلمايسەن ، مانا مەنمۇ ھۇجۇم قىلالايمەن . ھە قانداقراق ھېس قىلىۋاتىسەن ؟ › دەپ ئويلىدى غالىپ . يەنە ھۇجۇمغا ئۆتتى ، بۇ قېتىم ئۇ ئالدىنقى قېتىملىق ساۋاقنى ئېسىدە تۇتۇپ ، قوغدىغۇچىنىڭ سۆڭەكلىرى پولتىيىپ چىققان جايلىرىغا ھۇجۇم ئۆتۈپ سالماسلىق ئۈچۈن ، قوغدىغۇچىنىڭ قورسىقىغا بىرنى سالدى ، قوغدىغۇچى ئېڭرىغىنىچە ئىگىلىپ تۈگۈلۈپ كەتتى ، قارىغاندا غالىپنىڭ بۇ قېتىم تايىقى ئۆتكەندەك قىلغان ئىدى . غالىپ يەنە بىرنى سالدى ، قوغدىغۇچى تېخىمۇ تۈگۈلۈپ كەتتى . ۋاھ ، قارىغاندا بۇ ئويۇندا مەن ئۇتۇپتىمەن دەپ ئويلىدى غالىپ . كىلىشتۈرۈپ يەنە بىرنى سالدى ، بىراق بۇ قېتىم ئۇنىڭ ئاتقان مۇشتى ھىچ قايتىپ كىلىدىغاندەك ئەمەس ئىدى . - نېمە ؟ ئەسلىدىنلا غالىپنىڭ توختىماي قوغدىغۇچىنى ئۇرۇۋاتقانلىقىنى كۆرۈپ ھەيران بولۇشۇپ تۇرغان ئەتراپتىكىلەر تەڭلا تۇرۇپ قىلىشتى . چۈنكى بۇ قوغدىغۇچى غالىپنىڭ توختىماي كىلىۋاتقان ھۇجۇملىرى ئالدىدا ئۆزىنى يوقىتىپ قويمىغان ئىدى . ئەمەلىيەتتە قوغدىغۇچىنىڭ تۈگۈلۈپ كىتىشلىرىنىڭ ھەممىسىلا غالىپنى ئالداش ئۈچۈن قىلغان ھىيلىلىرى ئىدى . مۇشۇنداق قىلغاندىلا غالىپ ئۇنى ئۇرۇش بىلەنلا بولۇپ كىتىپ ، ئۆزىنى قاچۇرۇشنى ئۇنتۇپ قالاتتى . سۈرئىتى ئۇنىڭغا يەتمىگەن ئىكەن ، ئۇنى بىردەم ساقلاپ تۇرسا نىم بوپتۇ ؟ شۇنداق قىلىپ غالىپنىڭ ئاخىرقى ئاتقان مۇشتىنى تۇتىۋالغان ئىدى . چۈنكى غالىپ خۇشلىقىدا ئۇنىڭدىن قېچىشنى ئويلاپ باقمىغان ئىدى . نېمىلا دىگەنبىلەن قارشى تەرەپ دىگەن نۇرغۇنلىغان ئالاھىدە ئىشلارنى بىر تەرەپ قىلغان ، ئۇرۇش - مۇشىتلاشلاردا تەجىربىسى مول ئالاھىدە قىسىم ئەسكىرىدە . قوغدىغۇچى ئىككىلەنمەستىنلا غالىپنىڭ يۈزىگە بىر مۇشىت سالدى دە ، يەنە بىر مۇشىت سىلىش ئۈچۈن قولىنى كۆتۈردى . بىراق غالىپقا قاراپ ئاتماقچى بولغان ئىككىنجى مۇشتىنى توختىتىۋالدى . چۈنكى غالىپ بىر مۇشىت بىلەنلا ئايلىنىپ كەتكەندەك لەسسىدە بوشاپ كەتكەن ئىدى . چاقچاق ئەمەس ، غالىپنىڭ بۇ ئەسكەرنىڭ بىر مۇشتىنى كۆتۈرىشىنىڭ ئۆزى بىر گەپ ئىدى . - توررىس ، بولدى قىل . ئۇ تېخى كىچىك بالا . پور ئالىكىس ئۇ قوغدىغۇچىغا ۋارقىرىدى . - غالىپ . رائىلە يۈگۈرگىنىچە كىلىپ غالىپنى يۆلەشتۈردى . غالىپ سەل ئەكسىگە كەلگەندەك بولدى . مۇشىت يىگەن يۈزى شۇ ھامان كۆكىرىپ چىقتى . رائىلەنىڭ غالىپقا شۇنداق بىر ئىچى ئاغرىپ كەتتى . نېمىلا دىگەنبىلەن قىز بالا ئەمەسمۇ . - ھا ھا ھا ، غالىپجان ئەپەندى ، كەچۈرۈڭ ، بۇ توررىسنىڭ ئاچچىقى راستىنلا كەلگەن ئوخشايدۇ . نېمىلا دىگەنبىلەن سىزمۇ ئۇنى قۇم خالتىسىدەك تازا ئۇرۇۋالدىڭىز ئەمەسمۇ ؟ رائىلە غەزەپكە تولغان كۆزلىرى بىلەن ئالىكىسقا بىرنى قارىۋەتكەندىن كىيىن غالىپنى يۆلەشتۈرۈپ ياندىكى بىر سافاغا ئولتۇرغۇزدى . غالىپ سەل ئەكسىگە كەلگەندىن كىيىن : - پىراففىسور ، ئەگەر تەجرىبەڭلار ئاخىرلاشقان بولسا ، مەن قايتىپ كىتەي . پىراففىسور غالىپقا قاراپ مەڭدەپ تۇرۇپ قالدى . قارىغاندا غالىپنىڭ ئاچچىقى كەلگەندەك قىلىۋاتاتتى . - غالىپجان ئەپەندى ، بۇ مۇشىتنى بىكارغا يىمىدىڭىز . مەن سەل تۇرۇپلا ھىساۋاتىڭىزغا بىر مىليون دوللار سىلىۋىتەي . دورا پۇلىڭىز بولسۇن . ئالىكىس غالىپقا تەسەللىي بەرگەچ پىراففىسورغا قاراپ : - پىراففىسور ، قارىغاندا غالىپجان ئەپەندىنىڭ چاققانلىقى سىلەرنىڭ سامورايلارنىڭ چاققانلىقىدىن ئىشىپ كەتكەندەك قىلىدۇ . مۇنداق بىر تالانىت ئىگىسىنى كۈندە مىھمانخانىدا ياتقۇزۇش تازا توغرا ئەمەس . ئۇنىڭ ئۈستىگە غالىپجان ئەپەندىنىڭ بەدەن ساپاسى ئويلىغىنىمدىن خېلىلا تۆۋەن ئىكەن . ئۇنىڭغا پەقەت ئازراق پۇرسەت بەرسەكلا ، پۈتۈن دۇنيانى زىلزىلىگە سالغۇدەك تالانىت ئىگىسى بولغۇدەك . - شۇنداق ، شۇنداق . ئالىكىس ئەپەندىنىڭ قانداق دانا پىكىرى باركىن ؟ - ھىچقانداق دانا پىكىر دىگىلى بولمايدۇ . ئەگەر غالىپجان ئەپەندى ماقۇل كۆرسە ، مەن ئۇنى ئىلىپ قىلىپ ، توررىسنىڭ مەشىقلەندۈرىشىگە تاپشۇرۇپ بەرسەم دىگەن ئۈمىت دە مەن . - مەن قوشۇلمايمەن . مەن دىگەن ئادەتتىكى بىر ئادەم ، ئۇنىڭ ئۈستىگە ئۇرۇش تالاشلار بىلەن خوشۇم يوق . نېمە ئۇ سىلەرنىڭ مەشىقلەندۈرىمەن دىگىنىڭلار ؟ مەن سىلەرگە مەن ئالاھىدە تالانىت ئىگىسى بولىمەن دىمىدىم يا . ئالىكىس غالىپقا بىر قارىۋەتكەندىن كىيىن ، كۈلۈمسىرەپ قويۇپ : - غالىپجان ئەپەندى ، سىز ھىچكىمگە ئۇنداق تەلەپ قويۇپ باقمىدىڭىز ، بىراق سىزنىڭ ھازىرقى ھالىتىڭىزدە باشقىلار بىلەن تىركىشىش دىگەندىن سۆز ئاچقىلى بولمايدۇ . گەرچە بىر ئىككى تۈرلۈك ئالاھىدىلىكىڭىز بولسىمۇ ، بىراق تەن ساپايىڭىزنىڭ تۆۋەنلىكى سىزنى باشقىلاردىن كۆپ ئاجىزلاشتۇرىۋىتىدۇ . - دىدىمغۇ ، مەن ئۈچۈن مەشىقلىنىش كەتمەيدۇ . سىلەرگە رەخمەت . غالىپ شۇنداق دىگىنىچە بىشىنى بۇراپ رائىلەگە قاراپ : - رائىلە دوختۇر ، قايتايلى . پىراففىسورغا گەپ قىلىشنىڭ ئورنى قالمىغان ئىدى . چۈنكى پىراففىسورمۇ ئالىكىسنىڭ دىپىنى چالىدىغاندەك قىلاتتى . بىراق رائىلە ئەمدىلا غالىپنى يۆلەشتۈرىشىگە ، پىراففىسور : - غالىپجان ئەپەندى ، ئەگەر سىز خەتەرگە ئۇچراپ قالغۇدەك بولسىڭىز تىزلىكىڭىزنى ئاشۇرۇپ قىچىپ كېتەلەيسىز ، بىراق مۇنۇ رائىلە دوختۇر خەتەرگە ئۇچراپ قالسىچۇ ؟ غالىپ تۇرۇپ قالدى . بۇ ... ... - ئەگەر ، ھازىر ئالىكىس ئەپەندى سىزگە ئېيىتقاندەك ئۆزىڭىزنى مەشىقلەندۈرسىڭىز ، ئۆزىڭىزنىلا ئەمەس ، ئۆزىڭىزنىڭ ئەتراپىدىكى ئۆزىڭىز ياخشى كۆرگەن كىشىلەرنى قوغدىيالايسىز. ئۇنداق ئەمەسمۇ يە ؟ غالىپ سەل ئويلىنىپ قالدى . دېمىسىمۇ شۇ ، ئۆزىنىڭغۇ ئۆزىنى خەتەردىن ئىلىپ قاچقۇدەك ھۆنىرى بار . بىراق رائىلەگە بىرەر خەتەر يىتىپ قالسا قانداق قىلغۇلۇق . يەنە كىلىپ قارشى تەرەپ ئۇنىڭغا پۇل بىرىدۇ ، ئۇنى ھەقسىز تەربىيلەپ قويماقچى . مۇنداق ياخشى ئىشنى ئۇ يەنە نەگە بىرىپ تاپىدۇ ؟ شۇنداق قىلىپ غالىپ بىردەم ئويلىنىۋالغاندىن كىيىن : - بولىدۇ ، ئالىكىس ئەپەندى ، سىزنىڭ تەلىپىڭىزگە قوشۇلغانمۇ بولاي . بىراق مىنىڭ يەنە بىر نەچچە تەلىپىم بار. - قېنى ئىيتىڭ غالىپجان ئەپەندى . - بىرىنجىدىن ، مىنىڭ مەشىق جەريانىدا ئازدۇر كۆپتۇر پۇل تېپىۋالغۇم بار . قارىغاندا غالىپ مۇشۇنداق چاغدىمۇ بۇ ئالىكىس دىگەن باينى قانداق باپلاشنى خىيال قىلىۋاتقانلىقىنى كۆرگىلى بولاتتى . گەرچە بۇ بىر ئەپەندىنىڭ بايلارنى باپلىشىغا ئوخشاپ كەتسىمۇ ، بىراق غالىپنىڭ مۇنداق ساددا خىيالى ئالىكىسنى خۇش قىلىۋەتتى . - بولىدۇ . ھەر ئايدا ھىساۋاتىڭىزغا بىر مىليون دوللار سىلىۋىتەي . غالىپ مەڭدەپ تۇرۇپ قالدى . ئۇ مۇنداق دىيىش ئارقىلىق ئاچچىقىنى ئازراق چىقارماقچى ئىدى خالاس. بىراق باشقىلارنىڭ بىراقلا بىر مىليوندىن چۈشىشىشى ئۇنى ھەيران قالدۇردى . بىر مىليون دىگەن قانداق پۇل ھە ؟ تېخى دوللار دىسە ... ... بۇ پۇللارنى ئىلىپ يۇرتىغا قايىتسا .... غالىپ خېلى بىر خىياللارنى سۈرىۋالغان بولدى . ئاندىن يەنە : - ئىككىنجىدىن ، رائىلە دوختۇرمۇ ھەر ۋاقىت يېنىمدا بولىشى كىرەك . ئۇنىڭغىمۇ ماڭا ئوخشاش تەمىنات بىرىشىڭىلار كىرەك . بولمىسا بۇ مەشىقنى قىلمىساممۇ مەيلى . - ھا ھا ھا ، غالىپجان ئەپەندى ، قارىغاندا بۇ دوختۇر خانقىز سىز ئۈچۈن بەكلا مۇھىم ئىكەن . بۇ تەلىپىڭىزگىمۇ قوشۇلدۇم . مەشىق ئەتىدىن باشلاپ يولغا قويىلىدۇ . تەييارلىق قىلىپ قويارسىز . پور ئالىكىس شۇنداق دىگىنىچە غالىپنىڭ يەنە گەپ قىلىشقا تەمشەلگەن ئىغىزىغا قاراپمۇ قويماستىن ، پىراففىسورنى ئەگەشتۈرۈپ ئىشىككە قاراپ ماڭدى . غالىپ : - ئالىكىس ئەپەندى ، يەنە ... ... ئىشىك ئالدىغا بىرىپ قالغان ئالىكىس ئارقىسىغا قاراپ : - ھە يەنە بىرگەپ ، سىزنىڭ تەلىپىڭىز بەك ئىشىپ كەتسە ، مەنمۇ ماقۇل دەۋىرىشكە ئامالسىزمەن ، بۈگۈن مۇشۇ يەردە قونۇپ قىلىڭ . ئەتىلىك مەشىققە تەييارلىق قىلىپ قويۇڭ . دىدى دە ، پىراففىسورنى ئىلىپ چىقىپ كىتىشتى . غالىپ رائىلەگە قاراپ تۇرۇپ قالدى.

ayguzal1

	ۋەقەلىك جەلپ قىلارلىق چىقىۋاتىدۇ.... داۋامىغا ئىنتىزارمەن......

azhun886

	رەخمەت ياخشى ئۇقۇۋالدۇق

bilal0

	بەكلا ياقتۇردۇم

muhakima

	ئەسەر ، ياخشى يىزىلىپتۇ ،داۋاملىق تىرىشقايسىز ،مەنمۇ يېقىندىن بۇيان ئىلمى فانتازىيلىك رومان ‹‹2126-يىلى :يەرشارىدا ئوتكەن ئىشلار››نى يىزىۋاتىمەن .ھازىر 1-قىسىم 1-بۇلۇمنىڭ 9بابىنى يىزىپ بولدۇم ،ئادىرىسى http://yuedu.163.com/book_reader ... 3ac5aac15802e8353_4 تەلىم بەرگەيسىلەر،رەھمەت .

musilina

	ئەسەر ياخشى داۋاملىشىۋاتىدۇ... داۋامىغا تەشنامەن.............

mahatjan

	ئەسىرىڭىزنىڭ داۋامىنى  كۈتىمەن.