يەتتە رەڭلىك قاشتاش ( فانتازىيە ) داۋامى

kell

	15- باب  قوبۇل قىلىش (3) ئالدى بىلەن كەمىنە پېقىردىن بۇ ئەسەرنى ياقتۇرۇپ ئوقۇپ كېلىۋاتقان ھەر بىر ئەزاغا چىن دىلىمدىن بىر رەخمەت ئېيتىمەن . ئاندىن نەچچە ۋاقىتتىن بۇيان ئەسەرنىڭ ئاخىرىنى يوللىيالمىغانلىقىمدىن كەچۈرۈم سورايمەن . يەنە دىسەم يەنە شۇ قۇرۇق گەپكەن ، شۇڭا قۇرۇق گەپنى ئاز قىلىپ ، ئەسەرنىڭ ئاخىرىنى يوللاۋىرەي . غالىپ ئىشىكنى ئىچىپ ئاچچىقىنى بىر چىقىرۋالماقچى بولغان ئىدى ، بىراق ئىشىك ئالدىدا تۇرغان پىراففىسورنى كۆرۈپ ، لەسسىدە بولۇپ قالدى . نېمىلا دىگەنبىلەن پىراففىسور ئۇنىڭ چىقىملىرىنى كۆتۈرۈپ كىلىۋاتقان ئادەمدە . پىراففىسور غالىپقا بىر قاراپ قويۇپ ، ئاستا قىسىلىپ دىگۈدەك ياتاق ئىچىگە كىرىپ كەلدى دە ، يەردە تۇرغان رەسىم جازىسىغا بىر قارىۋەتكەندىن كىيىن ، داڭقېتىپ تۇرغان رائىلەگە بىر قاراپ قويۇپ ، سالماق قەدەم بىلەن ھاراق ئىشكاۋىنىڭ ئالدىغا كەلدى دە ، ئىچىدىن بىر بوتۇلكا ھاراق بىلەن بىر رۇمكىنى قولىغا ئالدى دە ، ئازراق ھاراق قۇيۇپ بىر يۇتۇم ئىچىۋالغاندىن كىيىن رائىلەگە قاراپ : - دوختۇر خانقىز ، بۇ رەسىمنىڭ نەچچە پۇلغا يارايدىغانلىقىنى بىلەمسىز ؟ دەپ سورىدى . راستىنى ئېيىتقاندا ، رائىلە ئۈچۈن بۇ بىر تاساددىبىلىق ، لىكىن بۇ بىر ئورنىنى تولدۇرۇپ بولالمايدىغان تاساددىبىلىق . رائىلەنىڭ بۇ رەسىمنى ئەمەس ، بۇ رەسىم جازىسىنى تۆلەپ بەرگۈدەكمۇ پۇلى يوق . مۇنداقچە قىلىپ ئېيىتقاندا غالىپنىڭ قولىدىكى ئازغىنە پۇلمۇ بۇ رەسىمنى تۆلەشكە يەتمەيدۇ . رائىلەنىڭ شۇ تاپتىكى ئەھۋالىنى پەرەز قىلىش تەس ئەمەس . رائىلە نېمە دېيىشىنى بىلەلمەي قالدى . - پىراففىسور ئەپەندى ، بۇ رەسىمنى مەن چېقىۋەتكەن ، نېمە گىپىڭىز بولسا ماڭا دىمەمسىز ؟ دىدى غالىپ ، پىراففىسورنىڭ رائىلەنى تەڭقىسلىقتا قويىۋاتقانلىقىغا قاراپ . پىراففىسور ياتاققا كىرىپلا چېقىلغان رەسىمگە قاراپ خۇشال بولغان ئىدى . چۈنكى غالىپ مۇنۇ بىر پارچە رەسىم بىلەن ئۇنىڭغا قەرىز بولدى دىگەن گەپ . ئەلۋەتتە غالىپنىڭ يارىتىش ئالدىدا تۇرغان قىممىتى بىلەن سېلىشتۇرغاندا مۇنۇ بىر پارچە رەسىم ھىچ گەپ ئەمەس . بىراق غالىپ ھازىرچە ئۆزىنىڭ قانچىلىك قىممەتكە ئىگە ئىكەنلىكىنى بىلمەيدۇ دە . شۇڭا پىراففىسور چىرايىنى ئانچە ئېچىپمۇ كەتمەستىن غالىپقا قاراپ : - غالىپجان ئەپەندى ، بىلىشىمچە سىزدە بۇ رەسىمنى تۆلەپ بولالىغۇدەك پۇل يوققۇ دەيمەن . بۇ گەپ بىلەن ھەممەيلەن بىر سۈكۈتكە چۆمدى . توغرا ، غالىپتا ھازىر مۇشۇ پىراففىسور بەرگەن ئازغىنە پۇلدىن باشقا ھېچقانچە پۇل يوق . بۇ چەتئەللىكلەرنىڭ ساراڭلىقى شۇ يەردە دىسە ، نەدىكى بىر رەسىمنى نەچچە مىليون ھەتتا نەچچە ئون مىليونغا ئالىدىيۇ  ، بىر ئىككى مىليون خەجلەپ باشقىلارغا ياكى ساخاۋەت ئىشلىرىغا مەبلەغ سالمايدۇ . بىراق غالىپمۇ ئۇنچە كالۋالاردىن ئەمەس . ئۇ پىراففىسورنىڭ ئۆيگە كىرىپ ئالدىرماستىن ، چېچىلماستىن بىر رۇمكا ھاراققا ئىغىز تىگىپ بولغاندىن كىيىن ئاندىن بۇ ئىشلارنى سۆزلىگىنىگە قاراپ ، ئۆزىنى ئۇنچە تەڭقىسلىقتە قويمايدىغانلىقىنى پەرەز قىلىۋالغان ئىدى . ئەگەر پىراففىسورمۇ بۇ ئىشنى ھەل قىلالمايدىغان ياكى بۇ رەسىم راستىنلا بەك قىممەت بولسا ئىدى ، چوقۇم كىرىپلا چىرايىنى ئۆزگەرتكەن بولغان ئىدى . بىراق پىراففىسوردا ھىچقانداق جىددىيلىشىش ئالامىتى كۆرۈلمىگەن ئىدى . شۇڭا غالىپ قىلچە ئەنسىرمەستىنلا : - پىراففىسور ئەپەندى ، رەسىمنىڭ گىپىنى قويۇپ ، نەق گەپنى دەڭە ، مۇنداق چاغدا ئادەمنىڭ دېققىتىنى چېچىپ ئىشىكنى چىكىپ كىرگىنىڭىزدە زادى قانداق مۇھىم ئىش بار ئىدى . ئەگەر ئىشىكنى چەكمىگەن بولسىڭىز مەنمۇ رەسىمنى تۇتىۋالغان بولاتتىم . - ھە ؟! پىراففىسور بىردەم داڭقىتىپ تۇرۇپ قالدى . ئۇنىڭ مەقسىدى غالىپنى بىر تۆۋەن ئورۇنغا چۈشۈرۈپ قويۇپ ، ئاندىن ئۆزىنىڭ مەقسىدىنى ئېيتىپ ، غالىپنى ئۆزىنىڭ گىپىگە شەرىتسىز كۆندۈرۈش ئىدى . ئەمدىلىكتە بولسا غالىپ رەسىمنىڭ چقىلىپ كىتىشىنى ئۆزىگە ئارتىپ ، بۇ مەسئۇلىيەتتىن قاچماقچى بولىۋاتاتتى . توۋا ، يۈزى قېلىن ئادەمنىڭ مۇنداق بولىدىغانلىقىنى كۆرمەپتىكەنمەن دەپ ئويلىدى پىراففىسور . بىراق ھازىر مۇنداق ئۇششاق - چۈششەك ئىشلار بىلەن مۇھىم ئىشلارنى تاشلاپ قويۇشقا بولمايتىتى . شۇڭا پىراففىسور چىرايىغا ئازراق كۈلكە يۈگەرتىپ : - ئەسلى ئىككىڭلار بۇ يەردە ئويۇن ئويناپ ، مىنى بىر يىقىتماقچى بولىۋىتىپتىكەنسىلەردە ؟ بوپتۇ ، بۇ رەسىمنىڭ گىپىنى قويۇپ تۇرايلى . غالىپجان ئەپەندى ، تىزدىن تەييارلىقىڭىزنى قىلىڭ . مەن بىلەن ئالىكىس ئەپەندى بىلەن كۆرۈشكىلى بارىسىز . بۇ بىر مۇھىم كۆرۈشۈش . ئالىكس ئەپەندى بىزگە مەبلەغ سالغۇچىلارنىڭ ئىچىدە ئەڭ چوڭ پايچىك . شۇڭا ھازىرلا ماڭمىساق بولمايدۇ . غالىپ رەسىمنىڭ ئىشلىرىنىڭ شۇنىڭ بىلەن تۈگىگەنلىكىنى جەزىملەشتۈرگەندىن كىيىن : - چوقۇم كۆرۈشمىسەك بولمامدۇ ؟ - شۇنداق . - ئۇنداقتا بارايلى . رائىلە سىزمۇ تەييارلىق قىلىڭ ، بىللە ماڭىمىز . - ئۇ يەرگە رائىلە بارمىسىمۇ بولىدۇ . - بولمايدۇ ، بۇندىن كىيىن مەن نەگە بارسام ، رائىلەمۇ شۇ يەردە بولىدۇ . پىراففىسور غالىپنىڭ بۇ جاھىل مىجەزىگە قاراپ سەل جىلە بولدىيۇ ، ئارتۇق گەپ قىلمىدى . ئەڭ مۇھىمى ھازىر ئالىكىس بىلەن كۆرۈشۈش ئىدى . رائىلە بارامدۇ ، بارمامدۇ  بۇ ئىشقا كۆپ دەخلىسى بولمايتتى . ئۇلار بىردەمدىلا تەييار بولۇشتى دە ، يولغا چىقىشتى . يېرىم سائەتلەردىن كىيىن ، ئۇلار شەھەر سىرتىغا چىقىشتى . خاممىر ماركىلىق بۇ ماشىنا بۇ بۇزۇلۇپ كەتكەن يولدىمۇ سىلىق مىڭىپ كىتىپ باراتتى .  بىر ئازدىن كىيىن ئۇلار ئەتراپى ئوت - چۆپلەر بىلەن ئۆسۈپ كەتكەن تام بىلەن توسۇلغان بىر داچىنىڭ ئالدىغا كىلىپ توختاشتى . دەرۋازا ئالدىدا ئىككى قوغدىغۇچى قۇراللىق ھالەتتە تۇراتتى . ئۇلار بىر ھازا تەكشۈرۈشلەردىن كىيىن ئىچىگە كىرىشتى . داچىنىڭ ئالدىدا يوغان بىر فونتان بار ئىدى . ئەگەر بۇ يەردە پەقەت بىرلا ئادەم تۇرىدۇ دىيىلسە ، بۇ داچا ۋە بۇ فونتان بۇ ئادەمگە سەل ئوشۇقچىدەك تۇيغۇ بىرەتتى . ئۇلار ھەيۋەتلىك داچا ئىچىگە كىرىشتى . داچا ئىچىنىڭ بىرىنجى قەۋىتى ھەشەمەتلىك بىزەلگەن بىر زال ئىدى . ئۇلار ئىككىنجى قەۋەتتىكى بىر ئۆيگە كىرىشتى . ( داچا ئىچىنىڭ بىزەكلىرىنى تەسىۋىرلىگەن جايلارنى قىسقارتىۋەتتىم . ۋاقىت ئىسراپچىلىقى دەپ . توغرا چۈشىنەرسىلەر ) . ئۆي ئىچىدە ئىگىزلىكى بىر مىتىر سەكسەن كېلىدىغان پوردىن بىرسى ، يېنىدا ئۇنىڭدىنمۇ ئىگىز لىكىن سېمىز ئەمەس ئىككى قوغدىغۇچى بار ئىدى . ئۇلارنىڭ كىرگەنلىكىنى كۆرۈپ پور ئورنىدىن تۇردى دە قولىنى ئۇزۇتۇپ پىراففىسور بىلەن كۆرۈشتى دە : - سىلەرنى ساقلىغىلى خىلى بولدى . دىدى . بۇ گىپىدىن ئۇنىڭ غالىپلاردىن سەل خاپا بولۇپ قالغانلىقى چىقىپ تۇراتتى . پىراففىسور ئارتۇق گەپ قىلماستىن غالىپلارنى كۆرسىتىپ پورغا تونۇشتۇرغان بولدى . ئۇلار قول ئېلىشىپ كۆرۈشۈپ بولغاندىن كىيىن ( پور رائىلەگە شۇنداق بىر غەلىتە نەزەردە قاراپ كەتكەن ئىدى ، رائىلە ئارقىسىغا داجىپ تۇرىۋالغاچقا ، پور ئۇنىڭ بىلەن قول ئىلىشىپ كۆرۈشمىدى ، بىراق كۆزىنى رائىلەدىن خىلى بىر ۋاقىتقىچە ئۈزمىدى . پەقەت پىراففىسور ئۇنى غالىپنىڭ خۇسۇسىي دوختۇرى دەپ چۈشەندۈرگەندىن كىيىنلا ، ئۇ نەزىرىنى غالىپقا ئاغدۇردى .) - غالىپجان ئەپەندى ، مەن گەپنى ئەگىتىپ ئولتۇرۇشنى خالىمايدىغان ئادەم ، ئەلۋەتتە سىزنىڭ ئالاھىدە ئىقتىدارلىرىڭىز توغرىسىدا مەن كۆپ گەپلەرنى ئاڭلىغان ئىدىم . بۈگۈن سىز بىلەن كۆرۈشكەنلىكىمدىن ئىنتايىن خۇرسەنمەن . - مەنمۇ شۇ . غالىپ ئاغزىنىڭ ئۇچىدىلا شۇنداق دەپ قويدى دە ، ئارتۇق گەپ قىلمىدى . پور گىپىنى داۋاملاشتۇردى : - بۇ ئىككى قوغدىغۇچى مەن بىلەن يۈرگىلى ئۇزۇن بولدى . ئىككىسى ئالاھىدە قىسىمدىن قايىتقان ئەسكەرلەر . ئۇلار سىزنىڭ ئالاھىدە ئىقتىدارىڭىزنى ئاڭلاپ ، سىز بىلەن بىر كۆرۈشىۋىلىشنى تەلەپ قىلغان ئىدى . شۇ پۇرسەتتە بىزمۇ سىزنىڭ ئالاھىدە ئىقتىدارىڭىزنى ئازراق چۈشىنىپ باقماقچى بولدۇق . ئەنسىرىشىڭىزنىڭ ھاجىتى يوق ، ئۇلار سىزنى ئېغىر يارلاندۇرۇپ يۈرمەيدۇ . شۇنداقمۇ كارېل ؟ - شۇنداق ، - دىدى پورنىڭ ئارقىسىدا تۇرغان قوغدىغۇچىلاردىن بىرى ، - پەقەت ئازراق ئىلىشىپ باقماقچى خالاس . غالىپ بىردە پورغا ، بىردە پىراففىسورغا قاراپ نېمە دىيىشىنى بىلەلمىدى . غالىپ ئۆزىدە ئالاھىدە ئىقتىدار بارلىقىنى ئىتىراپ قىلاتتى . بىراق ئۇ ئەزەلدىن ئالاھىدە ئىقتىدارىغا تايىنىپ باشقىلار بىلەن ئۇرۇشۇپ بىقىشنى خىيالىغا كەلتۈرۈپ باقمىغان ئىدى . بىراق بۇ يەردە ئۇنىڭ ئۇنداق تاللاش ئەركىنلىكى يوق ئىىدى. ئۇ گەپ قىلىپ بولغۇچە ھېلىقى قوغدىغۇچى قېنى مەرھەمەت دىگىنىچە ئۇنىڭغا قولىنى ئۇزاتتى . غالىپ تەبىيلا ئۆزىنى چەتكە ئالدى . قوغدىغۇچى بولسا ئۇنى تۇتۇش ئۈچۈن ھەركەت قىلىۋاتاتتى . بىراق ئۇنىڭ كاللىسىدىن ئۆتمەيۋاتقىنى بۇ كىچىك شۇمتەكنى ئەمدىلا تۇتىۋالاي دىيىشىگە بۇ شۇمتەك جايىدىن يوقاپ كىتىۋاتقاندەك ، ئۇنىڭغا تۇتۇق بەرمەيۋاتاتتى . قوغدىغۇچىنىڭ ئاچچىقى راسلا كەلگەن ئىدى . شۇڭا ئۇ تۇتالمىساممۇ بىرنى بولسىمۇ ئۇرالارمەن دىگەندەك ، غالىپقا قارىتىپ قالايمىقان مۇش ئېتىشقا باشلىدى . بىراق يەنىلا ئوخشاش ، ئاتقان مۇشتلىرىمۇ قۇرۇپ ھاۋاغا ئېتىلىۋاتاتتى . ( ئىشخانىدا ئىشلار سەل كۆپ ، شۇڭا مۇشۇنچىلىك يىزىپ تۇراي . سەل تۇرۇپ يىغىن باركەن تېخى . چۈشتىن كېيىن ۋاقىت چىقسا يەنە يازارمەن . )

musilina

	ئاخىرىنى يوللىغىنىڭىزدىن بەكمۇ سۆيۈندۈم،بۇ ئەسەرنى بەك ياقتۇرۇپ ئوقۇۋاتاتتىم..... بىراقزە ئەسەرنىڭ بېشىنى ئۇنتۇپ قاپتىمەن،قايتا ئوقۇپ چىقاي......

مېھرىما

	ياخشى يىزىپسىز ،بەك ياقتۇرۇپ ئۇقۇدۇم،رەھمەت..............

5:20AM

	ئۇف    بۇ ئەسەرنىڭ داۋامىنى كۆردىغان كۈنلەرمۇ كىلىدىكەن ھە؟

nurzat88

	ئۇزۇن بۇلغان، يۇقاپ كەتكىلى ،بەك ساقلىتىۋەتمەي ئاخىرنى يۇللاپ تۇراسىز،

biltap.com

	مۇشۇنداق ياخشى ئەسەرلەرنىڭ ئۇلىنىش ئادرىسىنى بىلتاپ ئىنتېرنېت ئۇچۇر كاتالوگىغا قوشۇپ قويۇشنى ئۇنتۇپ قالمىغايسىلەر. www.biltap.com

musilina

	ئەسىرىڭىزنىڭ باش قىسمىنىڭ ئادرېسىنى  يوللاپ قويغان بولسىڭىز بوپتىكەن ئەسلى....

zulpukar

	musilina يوللىغان ۋاقتى  2014-9-26 11:48 PM ئەسىرىڭىزنىڭ باش قىسمىنىڭ ئادرېسىنى  يوللاپ قويغان بو ... ئەسەر يوللىغۇچىنىڭ تېما ئاستىدىكى كۆزنەكتە چىقىپ تۇردۇ.....  شۇ يەردىن باشتا يوللىغان ئەسەرلىرنى كۆرسىڭىز بۇلىدۇ.......  ئۇماق مۇسلىنە خانقىز

musilina

	zulpukar يوللىغان ۋاقتى  2014-9-27 12:37 AM ئەسەر يوللىغۇچىنىڭ تېما ئاستىدىكى كۆزنەكتە چىقىپ تۇر ... ئەسلىدىغۇ شۇنداق قىلسام بولاتتى،بىراق تېما ئىگىسى ئەۋەتىپ بەرگەن ئادرېسىن كۆرگۈم كېلىپ شۇ.....

zulpukar

	musilina يوللىغان ۋاقتى  2014-9-27 12:42 AM ئەسلىدىغۇ شۇنداق قىلسام بولاتتى،بىراق تېما ئىگىسى ئە ... ئەسلىدىغۇ ناننى چايناپ يىسەم بۇلاتتى...........  ئاپام چايناپ بەرگىنى ياخشىتى ھە.........