تاشپولات: قارا ئۆڭكۈر مەۋجۇت ئەمەس

TashpolatRozi

	قارا ئۆڭكۈر مەۋجۇت ئەمەس تاشپولات روزى بۇ يىل بىرىنچى ئايدا ئاتاقلىق فىزىكا ئالىمى Stephen Hawking قارا ئۆڭكۈرنىڭ مەۋجۇت ئەمەسلىكى توغرىلىق ماقالە ئېلان قىلغان ئىدى. بۇ ماقالە ئېلان قىلىنغاندىن كېيىن، ئۇ فىزىكا دۇنياسىنى تەۋرىتىپ فىزىكا ئالىملىرىنى ھەيران قالدۇرىدۇ. بۈگۈنكى خەۋەرگە قارىغاندا، ئامېرىكا فىزىكا پروفېسسورى Laura Mersini-Houghton قارا ئۆڭكۈرنىڭ مەۋجۇت ئەمەسلىكىنى ماتېماتىكىلىق ئىسپاتلىغان. يەنى مەۋجۇت ئەمەسلىكنىڭ تەخمىنى يېشىمى بىلەن ھەقىقىي يېشىمىنى بەرگەن. تەخمىنەن يېشىم ماقالىسى فىزىكا ژۇرنالدا ئېلان قىلىنىپ، ھەقىقىي يېشىم توغرىسىدىكى ماقالىسى ھازىر باشقىلار تەرىپىدىن كۆرۈلۈۋېتىپتۇ. مەن 3-ئايلاردا بىر خەۋەر يېزىپ چوڭ پارتلاشتىن كېلىپ چىققان “تارتىش كۈچ دولقۇنى” تېلېسكوپ ئارقىلىق تارتىپ ئېلىنغانلىقىنى دېگەن ئىدىم.  ئۇ چاغدا پۈتۈن دۇنيادا چوڭ پارتلاشنىڭ راست ئىكەنلىكى ئىسپاتلاندى دەپ كوپ خەۋەر بېرىلگەن ئىدى. بىراق بۇ نەتىجىمۇ ئاز ۋاقىت ئۆتمەي ئاغدۇرۇلۇپ تاشلاندى. يۇقىرىدىكى  قارا ئۆڭكۈر مەۋجۇت ئەمەس دېگەنلىك توغرا بولسا ئالەم بىر نۇقتىدىن كېڭىيىپ پەيدا بولغان دېگەن كۆز قاراشنىڭمۇ يەنە چوڭ پارتلاش دېگەننىڭمۇ پۇت تىرەپ تۇرالمايدىغانلىقىنى كۆرسىتىپ بېرىدۇ. مېنىڭچە بۇ قېتىمقى نەتىجە سان قىممەتلىك ھەم نەزەرىيە جەھەتتىكى نەتىجە بولغاچقا قارا ئۆڭكۈر ۋە چوڭ پارتلاش مەۋجۇت بولماسلىقى مۇمكىن. قارا ئۆڭكۈر دېگەن نېمە؟ قارا ئۆڭكۈر دېگىنىمىز ناھايىتى يۇقىرى زىچلىققا ھەم زور ماسسىغا ئىگە بولۇپ، كۈچلۈك تارتىش كۈچىنىڭ تەسىرىدە ھەرقانداق ماددا ھەم نۇرمۇ ئۇنۇڭدىن قېچىپ قۇتۇلالمايدىغان جىسىمدىن ئىبارەت. تېخىمۇ كۆپ ئۇچۇرلارغا ئېرىشمەكچى بولسىڭىز تۆۋەندىكى ئۇلىنىشنى چېكىڭ. http://phys.org/news/2014-09-black-holes.html

توقماق

	تېما ئىگىسىگە رەھمەت! مۇبادا بۇ تېمىدىكى نۇقتىنەزەرلەر پۇت تىرەپ تۇرالىسا ۋە ئورتاق ئېتراپ قىلىنسا فىزىكا ۋە ئالەمشۇناسلىقتا يىڭىچە تەپەككۈر يوللىرى ئېچىلىشى مۆمكىن. لىكىن ،قارا ئۆڭكۆر مەۋجۈت بولمىغان تەقدىردىمۇ نىتىرۇن يۇلتۇزلار غايەت زور زىچلىقتىكى ئاسمان جىسىمى بولۇپ قالىۋىرىدۇ.بۇ ھالدا زىچلىققا مۇناسىۋەتلىك تەپەككۇر قارا ئۆڭكۆردىن نىتىرون يۇلتۇزلارغا كۇچىدۇ،خالاس.نۇۋەتتە ئالەم كېڭىيىۋاتىدۇ،دەپ قارىلىۋاتىدۇ.ھەتتا ئالەم تىزلىنىشچان سۈرئەتتە كېڭىيىۋاتىدۇ دەپ ئىسپاتلىغان ئىككۆيلەنگە ئالدىنقى يىلى نوبىل مۇكاپاتى بېرىلدى.ئالەمنىڭ كېڭىيىۋاتقانلىغى بىلەن قارا ئۆڭكۆرنىڭ مەۋجۈت ئەمەسلىكىنىڭ ھەرئىككىسى راسىت بولسا، بۇ ھالدا بۇ كېڭىيىۋاتقان ئالەم ئەسلى قارا ئۇڭكۆر زىچلىغىدىن تۆۋەن ،نىتىرۇن يۇلتۇزلار زىچلىغى ئۆپچۆرىسىدىكى بىر زىچ رايۇندىن كىڭەيگەن دەپ قاراشقىمۇ بولىدۇ.«پارتىلاش» ئاتالغۇسى كېڭىيىش سۈرئىتى تىز بولغان ئەھۋالدا يەنىلا ئىشلىتىلىش قىممىتىگە ئىگە.غەيرى نۇقتا ۋە قارا ئۇڭكۆر ئەسلىدىنلا ماتىماتىكىلىق ئىدىيە بولۇپ فىزىكىلىق پاكىت ئەمەس ئىدى.لىكىن نىتىرۇن يۇلتۇزلار بولسا تەجىربىدىن ئۆتكەن ئوبىكتىپ مەۋجۈت رىياللىق.دىمەكچىمەنكى،ئەمدى ئىنسانلار«ئالەمدىكى بارلىق ماسسا-ئىنىرگىيە ئەسلىدە نىتىرۇن يۇلتۇز زىچلىغىدا بىر نۇقتىغا يىغىلغان بولۇپ،مۇنچىلىك ۋاقىتتىن ئىلگىرى بۇ نۇقتا ئۈشتۈمتۇت پارتىلاپ ،ئالەم كېڭىيىشكە باشلىغان»دىگەندەك جۆملىلەرنى تۈزۈۋىرىدۇ.غەيرى نۇقتا ۋە قارا ئۆڭكۆرنىڭ ئۇرنىغا نىتىرۇن يۇلتۇز زىچلىغى دەسسەيدۇ،خالاس.مۇبادا ئالەمنىڭ كېڭەيمەيۋاتقانلىغى ئىسپاتلانسا ئىدى، يۇقۇرقى نىتىرۇن يۇلتۇز زىچلىغىدىكى يىغىلىشنى تەساۋۋۇر قىلىشىنىڭ ھاجىتى قالمىغان بولاتتى.كېڭەيمەيدىغان،تارايمايدىغان نىيوتۇن ۋە ئېينىشتېيىن تۇرغۇن ئالەم مودىللىرىنىڭ ئۇزى يىتەرلىك بۇلارئىدى...... نىتىرون يۇلتۇز 中子星 - 维基百科,自由的百科全书 中子星的密度在每立方厘米8×1013克至2×1015克间 تولۇقى: http://zh.wikipedia.org/wiki/%E4%B8%AD%E5%AD%90%E6%98%9F قاسىم سىدىق:مىنىڭ نەزىرىمدىكى "قارا ئۆڭكۈر" /thread-118604-1-1.html

izqel

	تۆۋە،بىرلىرى بار دەپ بۇنى دەلىللەشكە ئۇرىنىدۇ،يەنە بىرى بۇنىڭ ئەزەلدىن يوقلىقىنى ئىيتىدۇ.

asma0996

	ۋاي  توۋا،  قايسىغا ئىشىنىپ، قايسىغا ئىشەنمەسلىكنى بىلەلمەي قالدىغۇ كىشى.. بىرسى بار دىگەن بىرسى يوق دىگەن.....

kudiratjan

	قارا ئۆڭكۈر ئەسلدىنلا ئاستىرنومىيەدىكى بىر خام پەرەز ئىدى   مۇشۇنداق ماقالىلەرنىڭ ئوتتۇرغا چېقىشى نۇرمال ئەھۋال   ئېنسانلارنىڭ تارىختىن بۇيانقى ئالەم توغۇرسىدىكى ئېزدىنىش تەرەقىياتى مۇشۇنداق پەرەزلەر ۋە ئىلمى يەكۈنلەر ئارقىلىق بۈگۈنگە ئۇلاشقان

kudiratjan

	ماقالىنىڭ يەنە  كام تەجىربە نەتجىللىرى باردەك ..    كەچتە ئۆگىزىگە چىقىپ سەت بىر قاراي   زادى بامۇ يوق   بۇ قارا ئۆڭكۈر . ،

kamiljantohti

	ئاق-قارا، بار-يوق، پىلوس-مىنوس، ئارمىيە-دۈشمەن................

isiyan

	ئۇنداق بولسا سىتىفىن خاۋكىڭنىڭ  نورغۇن مۇكاپاتلىرى  ۋە ئىلمى ئۇنىۋانلىرىنى تارتېۋېلىپ قايتىدىن تارقىتىشقا توغرا كېلەمدۇ قانداق .

توقماق

	ئەينى يىللىرى ياپۇنلار ئىسپاتلىغان نىتىرون يۇلتۇز زىچلىغىدىن (ئاتوم يادرۇسى زىچلىغىدىن)10ھەسسە يۇقۇرى بولغان زىچلىق پۇت تىرەپ تۇرالىسا بۇنداق زىچلىق يەنە ئۇزگىچە تەپەككۆر يوللىرى بىلەن تەمىنلەيدۇ.تاشپولات مۇئەللىم ،سىزمۇشۇ زىچلىق ۋە ئۇنىڭ كىيىنكى تەقدىرى ،تەتقىقاتنىڭ داۋامى ھەققىدە يېڭى ئۇچۇرلارغا ئىگە بولسىڭىز،خەۋەردار قىلىپ قويارسىز.

Azizan

	مەۋجۇد ئەمەسلىكى مەۋجۇد بولالماسلىقىنى نەزەرىيە جەھەتتىن ئىسپاتلىيالمايدۇ . چۈنكى ھازىرقى فىزىكا ئىلمى بويىچە ، جىسىمنىڭ ماسسىسىنىڭ تارتىش كۈچى بىلەن بولغان ئالاقىسى خېلى بۇرۇنلا دەلىللىنىپ باشقا نەزەرىيىلەر مۇشۇنىڭ ئۈستىگە قۇرۇلغان . يەنە بىرى ، قارا ئۆڭكۈر پەرەز ئەمەس ، بەلكى ئالدىدىكى نۇرغۇن نەزەرىيە كەلتۈرۈپ چىقارغان نەتىجە . قارا ئۆڭكۈر خاتا نەتىجە بولسا ، فىزىكا ئىلمىدىكى شۇنىڭغا بىۋاسىتە مۇناسىۋەتلىك نۇرغۇن نەزەرىيەلەردىن چاك ئاجرايدۇ .