ئامېرىكىلىق قىز،ئابابەكرى مۇختەر مىسرانىمغا مۇز چېلەك رىقابەت ئې

uyol

	ئامرېكىلىق ئۇ قىزنىڭ ئانا تىلىمىزدا بىمالال سۆزلىشى مېنى ھەقىقەتەن قايىل قىلدى..  ئابابەكرى  ئابابەكرى  ئاكامنىڭ ئاخىرقى قۇردىكى  ھېسلىرى ھەقىقەتەن ئادەمنى ئويغا سالىدۇ. دېمىسىمۇ ئۇيغۇر جەمىيىتى پۈتۈنلەي پاراۋان ھالەتكە كىرگىنى يوق.  يەنە يۈزدە يېگىرمە پىرسەنىت كىشى تېخىچە سېرىقتال تۇرمۇش كەچۈرىدۇ، نۇرغۇن بىچارە دېھقانلىرىمىز باللىرىمنى ئۇقىتالماي  كىشىلەرگە زار بولماقتا... بۇ پائالىيەت دىيارىمىزدا ھەقىقەتەن ئۆز كۈچىنى كۆرسەتتى، نۇرۇغۇن كىشىلەر ساخاۋەتنىڭ قانداق بولدىغانلىقىنى تۇنۇپ يەتتى. بولسا بۇ خىل ساخاۋەت ياز كېتىشى بىلەن توختاپ قالماي، مەڭگۈ داۋاملاشسا، تۇرمۇشى خاتىرجەم بولسا ئاشقان پۇللارنى قالايمىقان مودا قوغلاشماي، ئاشۇ بىچارە كىشىلەرگە ساخاۋەت قىلساق بولىدۇ.

orhunogli

	باھار كەلسە تۇزار گۈلشەندە غۇنچە. تىرىكنىڭ قەدىرىمۇ كۆز يۈمۇلغۇنچە، لىكىن ئۆلمەس كىشلەر بار جاھاندا. قۇياشنىڭ ئۆمىرى قانچە، ياشار شۇنچە.

xahzada100

	Qabiljan يوللىغان ۋاقتى  2014-8-29 11:05 PM بەزىلەر مىسرانىمنىڭ دېگەن سۆزلىرىنى چۈشەنمىگەن چىراي. ...

abaytarim

	ئۇيغۇرچىنى ھەقىقەتەن راۋان سۆزلەپتۇ ...

kungun

	ئامرىكىلىقلار بىزنىڭ دىيارىمىزغا كېلىپ ئۇيغۇرچە ئۆگۈنۋاتقىنى مېنى تەسىرلەندۈرگەن بولسا ،بىزنىڭ ئارىمىزدىكى بىر قىسىم ئۇيغۇرلارنىڭ باشقا تىلدا سۆزلەپ يۈرگىنىگە ھەيرانمەن،ساخاۋەت قوللىرىنى سۇنغان ئاشۇ ‹‹قېرىنداش››لىرىمىزنىڭ اللە ئەجرىنى بەرسۇن!

qeqnus

	ھازىرقى زاماندىمۇ ھويلىدا 20 سانتىغىچە قاتمىغان ،توزىيدىغان توپا بار ، ئۇنى ئاشۇ كېرىيەدە كۆرگەن . شۇ توپىلاردىن كېچىپ شۇلارنىڭ ئۆيىگە كىرگەن. ھازىرمۇ ئۆيلىرىگە قۇلۇپ سالمايدىغان كىشىلەر بار . ئۇنى ئاشۇ كېرىيەدە كۆرگەن . ئۆزىگە تەئەللۇق بىر سۇپا بار ،يېپىنچىسىمۇ يوق، كېچىلىرى چاپانلىرىنى يېپىنچا قىلىپ ياتىدۇ. ھازىرمۇ بالىسىنى ئىمىتەلمەي چوڭ قىلىدىغانلار بار، ئۇنى ئاشۇ كېرىيەدە كۆرگەن . جەنۇبى شىنجاڭدا تېخى بار بۇ مەسىلىلەر .... كېرىيەدىلا ئەمەس .

hokumran

	ئېلىس خانقىزنىڭ مىسرانىم ئەپەندىگە ‹‹جەڭ›› ئېلان قىلىشىنى ئەسلا ئويلاپ باقماپتىكەنمەن. فىلىمدىكى ھالىتىنى كۆرۈپ، ئۇ قىز بىلەن ئۇچراشقان شۇ دەقىقىلەرنى قايتا ئېسىمگە ئالدىم. 2013-يىلى 5-ئاينىڭ ئوتتۇرلىرى(ئېسىمدە قېلىشىچە15~20 كۈنلىرىغۇ دەيمەن). شىنجاڭ ئونۋېرسىتىتنىڭ ئىچىگە جايلاشقان كىچىك بازاردىكى بىنانىڭ 3-قەۋىتى. ‹‹ئاۋرال تېز تاماقخانىسى››نىڭ خوجايىنى بىلەن پاراڭلىشىپ تۇرسام، مورىسىگە قاپقا سېلىنغان دۇتتارنى كۆتۈرگەن ئېلىس خانقىز بىر نەچچە دوستلىرى بىلەن تاماقخانا ئالدىغا كەلدى. ‹‹ياخشىمۇ سىزلەر؟›› يېقىملىق ئۇيغۇرچە سالامغا بىزمۇ مۇناسىپ ھالدا ‹‹خۇش كەپسىز›› دەپ سالام قايتۇردۇق. تاماق پىشقىچە ئارىلىقتا ئېلىس خانقىز مۆرىسىدىكى قاپتىن دۇتارنى چىقاردى ۋە بىر نەچچە ئاددى پەدىلەرگە چېلىشقا باشلىدى. ئاندىن دۇتتارنى يانغا قۇيۇپ قويۇپ ئاشخانا خوجايىنىنىڭ شاھزادىسى، ئىككى ياشقا كىرەي دېگەن ئوماق ئوغلى راھىدىن بىلەن ئوينىشىشقا باشلىدى. دۇتتارنى كۆرسەم قولۇم قىچىشىدىغان ئادىتىم بار ئەمەسمۇ، ئاستا دۇتتارنى قولۇمغا ئېلىپ ‹‹ئاتامنى ئەسلەپ››كە چېلىپ كېتىپتىمەن. بەلكىم ئۈرۈمچىدىكى غېرىپلىق، يالغۇزلۇق مېنى شۇ ناخشىغا زورلىغاندۇ. دۇتتارنى پەدىگە كەلمىسىمۇ چېلىپ ناخشىنى ئاخىرلاشتۇرۇپ، كۆز چاناقلىرىمغا يىغىلغان سېغىنىش ياشلىرىنى زورىغا سىڭدۈرۈۋاتقان شۇ پەيتتە چاۋاك ئاۋازى بىنانىڭ 3- قەۋىتىنى بىر ئالدى. قارىسام ئېلىس خانقىز قاتارلىق بىر نەچچە چەتئەللىك ئوقۇغۇچىلار(ئۇلار ئاساسەن ئۆزبىكىستان،قازاغىستان، قىزغىزىستاندىن كېلىپ شىنجاڭ ئونۋېرسىتىتىدا ئوقۇۋاتقانلار)  ئەتراپىمنى ئورۇۋاپتۇ. ئۆزۈمچە خىجىل بولۇپ قالدىم. مەن سەنئەتكار ئەمەس بەلكى بىر ئاددى ھەۋەسكار. بەلكىم شۇ چاغدىكى ناخشىغا سىڭىپ كەتكەن موڭلىرىم، پىغانلىرىم ئۇلارنى تەسىرلەندۈرۈۋەتكەن بولسا كېرەك.   مەن ئالدىمدا تۇرغان تۇرقى چەتئەللىكتەك كۆرۈنىدىغان، ئەمما ئۇيغۇر تىلىنى شۇنچىلىك راۋان سۆزلەيدىغان بۇ قىز بىلەن كىچىككىنە موڭداشتىم.   ئۇ ئۆزىنىڭ ئامېرىكىنىڭ ئىندىئانا شىتاتىدىن كەلگەنلىكىنى، ئۇيغۇر مەدەنىيىتى، ئۇيغۇر سەنئىتى ھەققىدە تەتقىقات ئېلىپ بېرىش ئويىنىڭ بارلىقىنى ئېيتتى. مەن شۇ يەردىلا ئۇنىڭغا سەمىمىي رەخمىتىمنى، قايىللىقىمنى بىلدۈردۈم. بىز تەخمىنەن 15 مىنۇت پاراڭلاشتۇق. سۆھبىتىمىزنىڭ تېمىسى ئاساسلىقى ئۇيغۇرلارنىڭ سەنئەت مەدەنىيىتى ۋە بىزدىكى ئابرويپەرەسلىكنىڭ ئېغىرلىقى ھەققىدە بولۇندى. ۋە ئۆزىنىڭ ھازىر قايسى بىر ئۇستاز(سەمىمىي ئۆزرە، ئۇ تىلغا ئالغان ئوقۇتقۇچىنىڭ ئىسمى يادىمدا قالماپتۇ) دىن تەلىم ئېلىۋاتقانلىقىنى ئېيتقان. كېيىن مەندىن بىر ئۇسۇل پەدىسىگە چېلىپ بېرىشىمنى ئۆتۈندى. قانداق قىلاي ئەمدى، قېچىپ كېتەيمۇ؟ ئامالسىز ئۆزۈم ئۈگەنگەن پەدە بويىچە‹‹ئاتۇش ناخشىسى››غا چېلىپ ناخشىسىنى ئېيتتىم. بىنانىڭ كارىدورى ئۇسۇل بىلەن قىززىپ كەتتى......... ئۇسسۇلدىن كېيىن يەنە نەچچە مىنۇت پاراڭلاشتۇق. ئۆزۈمنىڭ ئامېرىكىدا ئوقۇش ئارزۇيۇمنىڭ بارلىقىنى ئېيتقىنىمدا ئېلىس خانقىز يېقىندىن ياردەمدە بولىدىغانلىقىنى ئېيتقان ۋە ئۆزىنىڭ ئۈرۈمچىدە ئىشلىتىۋاتقان تېل نومۇرىنى قالدۇرغان ئىدى. ئەپسۇس، يۇرتۇمغا قايتىپ كېلىپلا ھەممىنى ئۇنتۇپتىمەن.   شۇڭلاشقا مۇشۇ تېمىدا ئېلىس خانقىزغا بىر نەچچە ئېغىز يۈرەك سۆزۈم بار. بەلكىم ئېلىس خانقىزمۇ بۇ ئىنكاسىمنى كۆرۈشى مۇمكىن. ئېلىس خانقىز: مەن سىزنىڭ ئاشۇ  ۋاقىتتىكى، سىز بىلەن موڭداشقان ئاشۇ مىنۇتلارنى ئۇنتۇپ كەتكەنلىكىمنى كەچۈرۈڭ! سىزنىڭ كەسپى  ئىزدىنىشلىرىڭىزدە ئەڭ ياخشى نەتىجىگە ئېرىشىشىڭىزگە چىن-دىلىمدىن تىلەكداشمەن. شۇنداقلا سىزگە شۇ ۋاقىتتا بەرگەن ۋەدەم ھېلىمۇ كۈچكە ئىگە، ناۋادا ئاقسۇ شەھرىگە كېلىپ قالسىڭىز سىز ئامراق تاماق چۆچۈرە، ئۆپكە-ھېسىپ(بۇنى ئۆزىڭىز دېگەنتىڭىز) بىلەن مېھمان قىلىمەن.   سىزنىڭ سەمىمىي دوستىڭىز:                                    ھۆكۈمراندىن.

مېھرىما

	ئۇيغۇر تىلىنى بەك ياخشى ئوگۈنۈپتۇ، ئۇيغۇر تىلىنىڭ نەقەدەر گۈزەل تىل ئىكەنلىگىنى ھىس قىلدىم. ئابابەكرى مىسرانىمغا كوپ رەھمەت.

باشتۇغ

	ئانا تىلىمىز نىمە دىگەن يېقىملىق ئاڭلىنىدۇ -ھە ؟.

zulpukar

	ئۇيغۇرچىنى ھەجەپ راۋان سۆزلەيدىكەن.........