نىمىشقا ئۇيغۇر كىنوچىلىقى گۈللىنىش باسقۇچىغا كىرەلمەيدۇ؟

nurihsan55

	ئۇيغۇر خەلقى ئەدەبىيات سەنئەتكە ماھىر ۋە ھىرىسمەن خەلق، تارىختىن بۇيان خەلقىمىز ئارىسىدىن چىققان نۇرغۇن ئەدىپلەر، شائىرلار، سەنئەتكارلار دۇنيا ئەدەبىيات سەنئەت خەزىنىسىگە نۇرغۇن تۆھپىلەرنى قوشۇپ كەلدى، كەلمەكتە. يېڭى تېپتىكى كىنو تىلىۋىزىيە سەنئىتى بارلىققا كەلگەندىن بويانقى تەرەققياتلارنى ئەسلىگىنىمىزدە ئادەمنى خوشال قىلىغان نۇرۇغۇن نەتىجىلەر بارلىققا كەلگەن بولسىمۇ، بىراق بۇ خەلقىمىزنىڭ ئۈمىدىدىن خېلىلا يىراقتا.  ئۇيغۇر كىنوچىلىقى توغرىسىدا توختالغاندا بىر مەھەل تازا فىلىم ئىشلەش قىزغىنلىقى كۆتۈرلۈپ ھازىر پەسكويغا چۈشۇپ قالدى دىيىشكە بولىدۇ. ئۇيغۇرلارنىڭ تۇرمۇشى ئەكس ئەتتۈرۈلگەن كىنو فىلىملەر ئارقىلىق خەلقىمىز ئۆزنى تۇنۇش بىلەن بىرگە ئۆزگىلەرمۇ بىزنى تۇنۇيدۇ، نۇرغۇن نەسىھەتلەرنى قىلغاندىن بىر ياخشى بولغان كىنونىڭ ئۈنۈمى تېخمۇ ياخشى بولىدۇ ئەمەسمۇ. خەلقىمىزنىڭ نادىر كىنو تىلىۋىزىيە فىلىملىرىنى بۇلۇپمۇ تارىخى فىلىملەر، دىھقانلار تۇرمۇشى ئەكىس ئەتتۈرۈلگەن فىلىملەر، ھەقىقى ساپ مۇھەببەت ئەكىس ئەتتۈرۈلگەن فىلىملەر، ئالىي مەكتەپ ھاياتى ئەكىس ئەتتۈرۈلگەن فىلىملەرنى ئىشلەش شۇنچىلىك تەسمۇ؟ نىمىشقا خەلىق ياقتۇرغان نادىر فىلىملەر بارماق بىلەن سانىغۇچىلىكلا بولىدۇ؟ كىنو فىلىم ئىجادىيىتى بىلەن شۇغۇللىنىدىغان ئاپتۇرلار بىزدە يوقمۇ؟ فىلىم ئىشلىگۈچى رىژىسسورلار قوشۇنى يوقمۇ؟ بىز پەقەت باشقىلارنىڭ ۋە چەتئەلنىڭ فىلىملىرنى تەرجىمە قىلىش بىلەن توختاپ قالساق بولامدۇ؟ ياكى باشقا چەكلىمىلەر توسقۇنلۇق قىلىۋاتامدۇ؟ ئىقتىساد كەملىك قىلۋاتامدۇ؟ ياكى تەشكىل قوللىمايۋاتامدۇ؟ ئىشقىلىپ ئۇيغۇر كىنوچىلىقى قاچانمۇ گۈلىنىش باسقۇچىغا كىرىپ، بىز ئىشلىگەن فىلىملەرمۇ، كورىيە، تۈركىيە، ئوتتۇرا ئاسىيا ۋە ياۋرۇپالاردا تالىشىپ كۆردىغان فىلىملەرگە ئايلىنار؟

sardor0908

	سەۋەبلەر ئىنتايىن جىق (ئەگەر سەۋەب دەپ قارىسا) 1.ئادەم ئامىلى -ئادەم ئامىلى ئاساسەن سىنارىيەنى كۆزدە تۇتىدۇ .ھەممىمىزگە ئايان .2009-يىلدىن ئۇيغۇر جەمىئىتى بىر خىل ئىزىدە توختاش چىكىنىش ھالىتىگە يۈزلەندى .بۇ بىرقانچە يىلدا ھەرخىل گەپ-سۆز ھادىسىلىلەر بىزنىڭ(ئۇيغۇرلار)نى جان بىقىشقىلار ،تىنىچ تۇرمۇش كەچۈرۈشكىلا ھەيدەپ ئەكىردى .ئۇيغۇر جەمىئىتىگە دىققەت قىلىپ باققانلارغا ئايانكى ،2009-يىلدىن بۇيان بىزدىن ئەدىبىيات-سەنئەت،مەدىنىيەت،مائارىپ قاتارلىق نۇرغۇنلىغان نەرسىلەر توسقۇنلۇققا ياكى ئىتىبارسىزلىققا قاراپ يۈزلەندى .بىزمۇ سۇدىن ئايرىلغان بىلىقتەك نىمە قىلىشىمىزنى بىلمەي بىر كۈن ئۆتسە بىر ھىساب دەپ يۈردۇق . 2-دىني-پەتىۋالا ئامىلى -ئەسلىدىكى نۇرغۇنلىغان ئۈن-سىن شىركەتلىرىنىڭ باش خوجايىنلىرى ھەج قىلىپ كىرىپ ‹يامان بولىدۇ،ھارامكەن ،يەنە بىرنىمكەن›دىگەن پەتىۋالار بىلەن پەقەت پىلاستىنكا ساتتى .كىنوچىلىق ،ناخشا -مۇزىكا قاتارلىقلارغا مەغلەغ سالمىدى . 3-ئۈن-سىن بازىرىدىكى قالايمىقانچىلىق ،ساپاسىز ئىستمالچىلار ،ئۆزىنى قوللايدىغان خەلق بۇنى ئىچكىرلەپ چۈشەندۈرۈشنىڭ ھاجىتى يوق .10يۇئەنگە 3تال پىلاستىنكا كۈرۈش..... 4-'ئالىم بولۇمسىزمۇ'،'ساراڭ'،'قىرلىق ئىستاكان'،'ئاۋۇت پالاكەت'.....قاتارلىق ياخشى سىنارىيە ،ياخشى ئارتىس ،ياخشى رىژىسور قاتارلىقلارنى مۇئەنلەشتۇرىدىغان كىنوچىلىقنى قوللايدىغان ئىللھام بىرىدىغان بىرەر تەشقىلات قۇرۇلمىدى .مەسىلەن شىنجاڭ مېللى كىنوچىلىق بايرىمى دىگەندەك . 5-ھەددىن زىيا تەرجىمە فىلىمگە بىقىنىش ۋە كورىيە،ھىندىستان،فىلىپىن،تۈركىيە....قىزغىنلىقلىرىنىڭ كەينى-كەينىدىن ئۇلۇنۇپ ،ئۇيغۇر كىنوچىلىقنى بوغۇپ تاشلىدى .

XAHZAD

	مىنىڭ كۆز قارىشىم:شىنجاڭ كىنوچىلىقىدا    ياخشى كىنو فىلىم -ئىشلەش ئۈچۈن يىتەرلىك مەبلەغ ،قوللۇغۇچى ۋە  ئارتىس ۋە كىنو تېخنىكلىرىنىڭ بىر يەرگە جۇغلۇشىشى    سەل كەمچىل دەپ قارايمەن .  مىنىڭ ئۆكۈنىدىغىنىم مىليۇن گۈل فىلىمىنىڭ توختاپ قېلىشى . مىنىڭچە بۇ فىلىم ياخشى باشلىنىش بولغانىدى .

ئاشقىن1

	سەۋەبلەر ئەلۋەتتە كۆپ،لېكىن ئەڭ موھىم سەۋەب-- بىزنىڭ سەنئەتكارلار قوشۇنىمىزنىڭ كىنو ئىشلىمەيمۇ جان باقالايدىغان «تۆمۈر تاۋىقى»بار.مەبلەغ كەمچىل دېدۇق،لېكىن بىزنىڭ سەنئەتكارلىرىمىز بىر نەچچە قىسىم بولسىمۇ يۇقۇرى سۈپەتلىك كىنو ياكى تېلىۋىزىيە تىياتىرى ئىشلەپ،مەبلەغ سالغۇچىلارنى ئۆزىگە تارتتىمۇ؟كورىيەنىڭ نەچچە يۈز قىسىملىق تېلىۋىزىيە تىياتىرلىرىغا مېنىڭچە ھېچ قانچە مەبلەغ كەتكەن ئەمەس،4 ئارتىس ئۆيدىن چىقمايلا يۈز قىسىملاپ تېلىۋىزىيە تىياتىرلىرىنى ئىشلىۋېتىدۇ،ئۇنىڭ ئۈستىگە جەلىپ قىلىش كۈچى شۇنچە كۈچلۈك.تېخىمۇ ئادەمنىڭ كۆڭلىنى ئېلىشتۇرىدىغىنى،بىزنىڭ كەسپىي ئارتىسلىرىمىز ئۆزى فىلىم ئىشلىمەيلا قالماستىن،جەمئىيەتتىكى ھەۋەسكارلارنىڭ ئىشلىگەن فىلىملىرىنى مازاق قىلىپ،ھەۋەسكارلارنىڭ قىزغىنلىقىغا سوغۇق سۇ سېپىدۇ.

xirali120

	minigqa , bunigdiki tupki sawap yanila eddiyadiki sawaptur , uyghur hazirki zaman tihnikilirimu yaman amas biryaga badi, likin xundaturup , yahxi filimlar exlanmaydu ? qunki kixilar xinjag kinosi disila bixi agriydigan boliwaldi , yanakilip xinjag kinolirinig kopinqisinig anqa tayiniyok （buhal darhakikat）

nijatkurban

	بۇ ئائىلىگە قاراڭ ناملىق تېلېۋىزىيە تىياتىرى ئىشلەندىغۇ؟

nijatkurban

	ئۇيغۇر كىنوچىلىقىنىڭ ئەڭ چوڭ دۈشمىنى نەشىر ئوغرىلىرى ۋە ئوغرى نەشىر پىلاستىنكىلارنى سېتىۋېلىپ نەشىر ئوغرىلىرىنى كۆپەيتىۋەتكەن كۆرۈرمەنلەر. نەشىر ئوغرىلىرى ۋە ئوغرى نەشىر پىلاستىكىلارنى سېتىۋالغان كۆرۈرمەننى ئۇيغۇر كىنوچىلىقىغا زىيان سالغان مىتە دېسەك ئوشۇق كەتمەيدۇ.

minglak0999

	ئۇيغۇر كىنوچىلىقى دېيىشتىن ئاۋال راستىنلا ئۇيغۇر كىنوچىلىقى بارمۇ دېگەن سوئال ئالدىمىزغا چىقىدۇ ؟ ئۇيغۇر كىنوچىلىقى دېيىش ئاسان بولغان بىلەن بۇنىڭ ھۆددىسىدىن چىقىش ئۇنداق ئاسان گەپ ئەمەس . تەڭرىتاغ كىنو سىتۇدىيەسى ئىشلىگەن تەشۋىقات خاراكتېرى كۈچلۈك كىنولارنى ئۇيغۇر كىنوچىلىقى دەمدۇق ياكى 90 . يىللاردىن كېيىن بىر مەزگىل ئەۋج ئالغان فىلىم ئىشلەش قىزغىنلىغىدا زورمۇزور بازارغا سېلىنغان سۈپەتسىز فىلىملەرنى دەمدۇق . بىر ئېغىز گەپ بىلەن ئېيتقاندا تېخى ئۇيغۇرنىڭ ئوي خىياللىرىنى ئەكس ئەتتۈرىدىغان ، ئۇيغۇرنىڭ ھەقىقى تۇرمۇشى ئىپادىلەنگەن ئۇيغۇر  كىنوچىلىقى بارلىققا كەلگىنى يوق . بارلىقق كېلىشى ئۈچۈن يۇقىرىدا تورداشلار ئېيتقاندەك قوللايدىغان سىياسەت ۋە شەخسى كىنو شېركەتلىرى مەيدانغا كېلىشى كېرەك . شەخسى شېركەتلەردە ئۆز ئارا رېقابەت شەكىللەنگەندە ئاندىن ئۇيغۇر كىنوچىلىقى ئۆز يولىنى تاپالايدۇ .

hujayin1

	ساھىپجامالنىڭ ئۈلۈمى،يول باشلىغۇچى،ئارتىس بۇلالمىغان قىز،بۇرۇنقى ئىككى قىسىملىق ئانارخان فىلىمى قاتارلىق ئىنتايىن كۆپ كىنولار تاكى 2005-يىللارغىچە ئۈزۈلمەي ئىشلىنىپ تۇرغان،2006-يىللاردىن كىيىن پەسكۇيغا چۈشۈپ قالدى.... مىنىڭچە بىزلەر 2010-يىللارنىڭ بىرسىگە بەك خۇدۇكسىرەپ بىر ئىشنى قىلىشقىمۇ جۈرئەت قىلالمايدىغان بوپ كەتتۇق،جەمىيەتتتىكى ھەممە ئىشلارغا،ھەتتا مەدەنيەت تارقىتىش ئىشلىرىغىمۇ سىياسىينىڭ ئارلىشۋېلىشى سەۋەپلىك فىلىم قىلىپ ئىشلەشكە تىگىشلىك تارىختىكى نۇرغۇنلىغان دىرايىمىزدىكى مىللىي قوزغىلاڭ دىگەنلەرنىمۇ فىلىم قىلىپ ئىشلىيەلمىدۇق.. ئاددىسى ئۈچ ۋىلايەت ئىنقىلابى،ئابدۇخالىق ئۇيغۇرنىڭ تۇرپاندا يىڭىچە پەننىي مەكتەپ ئاچقانلىقى،مەمتېلى تەۋپىقنىڭ تۈركىيەدىكى مۇساپىرلىق ھاياتى،ۋەتەنگە قايتىپ كىلىپ مەرىپەت ئىشلىرى بىلەن شۇغۇللانغانلىقى،ئاكا-ئۇكا مۇسابايوفلارنىڭ زاۋۇت قۇرغانلىقى قاتارلىق مۇھىم ئىشلارمۇ بىزنىڭ فىلىم قىلىپ ئىشلەپ كەڭ خەلىققە سۇنۇشىمىزنى كۈتۈپ تۇرىدۇ......بۇنى قىلالمىدۇق،،،دىمەكچىمەنكى  بەكلام خۇدۈك بۇپ قالدۇقمۇ قانداق؟

مەھمەت94

	ئۇرۇنلۇق پىكىر بۇلۇپتۇ. كىنۇ دىگەن رىياللىقتىن چەتنىمىگەن ئاساستا ئىشلەنسە ئاندىن كۇرۇرمەنلەرنى ئۇزىگە قارتالايدۇ.