‹ئورۇقلار شەجەرىسى›

soygum

	‹ئورۇقلار شەجەرىسى› ئاپتورى :پەرھات ئەمەت مەيلى ئېتىراپ قىلايلى ياكى قىلمايلى ئادەملەر ھامان ئورۇق ۋە  سېمىز دەپ ئىككىگىلا ئايرىلىدۇ . بەلكىم ئارىدىن  بەزىڭلار چىقىپ:-   ئۇنداقتا نورمال كىشلەرچۇ؟دەپ سوئال سورىشىڭلار مۇمكىن .مېنىڭچە ئۇلارنى ئورۇقلاشتىن ۋاز كەچكەن سېمىزلار دەپ قارىساقمۇ ياكى سېمىزلاشنى خالىمىغان ئورۇقلار دەپ ئاتىساقمۇ بولىۋرىدۇ . نورمال دېگەننىڭ  مۇقىم ئۆلچىمى بولمىغانلىقى ئۈچۈن مەن دۇنيادا مەڭگۈ <نورمال> تۇرىدىغان ئادەم بولمايدۇ دەپ قارايمەن.چۈنكى ئادەمنىڭ ئۆزى ئۆسۈپ- يېتىلىش،ئۆزگىرىش ئىچىدە ياشايدۇ. شۇنداق ، تۇيۇقسىزلا ئورۇقلارنىڭ شەجەرىسنى يېزىش خىيالىغا كېلىپ قالدىم،گەرچە مەن ئورۇقلار ئىچىدىكى ئەڭ نازۇك ئورۇق بولمساممۇ، "ئارمانغا چۇشلۇق دەرمان" بولمسمۇ ھەر ھالدا قولۇمغا قەلەم ئېلىپ خەت يازغۇدەك ماغدۇرۇم بار. ئورۇقلارنى كۆزگە ئىلمايدىغان ئادەملەر ئۇلارنى "ئاۋاق"دەپ قويىدۇ،بۇ كەمستىىش مەنىسدە ئېيتلغانمۇ ياكى كىشلەر ئورۇقلارنىڭ تۇرقىغا ئاساسەن سۈپەتلگەنمۇ بىلىمدىم.ئىلگىرى تۈركىيەلىك بىر يازغۇچى"مەمەت ئاۋاق"دەپ بىر رومان يېزىپ قالتىس ئالقىشقا ئېرشىپتۇغۇ.دېمەك ئاۋاقلارنىڭ ئۆزىگە چۈشلۈق ئارتۇقچىلىقى بولغانلىقى سەۋەبىدىن،ھەتتا رومانلاردىن ،تارىختىن ئورۇن ئالغان.  شۇڭلاشقا ئىككىلەنمەي   ئورۇقلارنىڭ شەجەرسنى يېزىپ قالدۇرۇشنى تولىمۇ زۆرۇر  ئىكەن دەپ قالدىم. دۇنيا ئەزەلدىن ئاجايىپ ئىكەن، يەنى ئورۇقلار قانداق قىلساق سېمىز بولىمىز دەپ ئويلىسا،سېمىزلەر ئورۇقلاش جىڭى ئېلىپ بېرىپ ھەرخىل ئاماللار بىلەن ئورۇقلاشنى ئۈمىد قىلىدىكەن.پەقەت ئاز بىر قىسىم ئادەملەر <مۇشۇ ھالتىمگە تامامەن رازى>  دەيدىكەن.شۇنىڭدىن قارىغاندا  ئادەمدىكى قانائەت تۇيغۇسى ۋە ئۆزگىرىش ئېلىپ كەلگەن خوشاللىق ،يېڭلىق تۇيغۇسى بۆلەكچىلا بولىدىغان ئوخشايدۇ. ئورۇقلارنىڭ ئەۋلادى مەڭگۈ ئورۇق بولىدۇ دېگەن قاراشقىمۇ قوشۇلمايمەن. چۈنكى مېنىڭ بىر ئاغىنەم ئورۇق بولۇپ نىكاھلاپ ئالغان ئايالى ئۇنىڭدنمۇ بەتتەر ئورۇق ئىدى.لىكىن ئۇلارنىڭ پەرزەنتى بولسا  بودورۇققىنا تۇغۇلۇپتۇ،بالىسغا قاراپ <ئېرسىيەت >دېگەن  بىر نېملەر خۇددى سۆز -چۆچەككە ئوخشاش ئادەم ئالدايدىغان  نەرسلەرئىكەن دەپ قالدىم.  ئورۇقلاردىن سېمىزلەرمۇ تۇغۇلدىكەن ئوخشاشلا سېمىزلەرنىڭ بالىلىرىمۇ ئورۇق بولۇپ قالىدىغان ئەھۋاللارمۇ  بارمىدۇ؟ ئىشقىلىپ بۇ سوئالدا سەل گاڭىگىراپ قالغاندەكلا قىلىمەن.- گىن بىلەن مۇناسىۋەتلىك دەمىسز؟ئۇنداق گەپلەرنى مەندەك قارىپايىم ئادەملەر چۈشەنمەيمىز مېنىڭ بىلدىغىنم:ئىشقىلىپ يولۋاسنىڭ بالىسى يەنىلا يولۋاس بولىدۇ. گەرچە ئورۇقلارنىڭ ھەممسنىڭ تەقى -تۇرقى   ئوخشاش  بولسىمۇ لىكىن بۇلارنىڭ كېلىپ چىقىشى ئوخشمايدۇ. 1.ئوزۇقلۇق يېتشمىگەن ئورۇقلار. بۇلارنىڭ تەن سالامەتلىكى ناچار بولۇپ سىمىز بولۇشى مەڭگۈ ئىشقا ئاشمىغان ،ئۆيىدە يىگۈدەك نەرسىلەر بولمىغانلىقتىن ياكى يېگۈدەك نەرسىلا بار بولسىمۇ قۇۋۋەت قىلغۇدەك نەرسىلەر بولمغانلىقتىن بەدەن سۈپىتى تۆۋەنلەپ ئورۇق بولۇپ قالغانلار،بۇنداقلار ئاساسەن ئۆسۈپ يېتىلىۋاتقان ئۆسمۈر يېىشدىكى بالىلار بولۇپ دۆلتىمىزنىڭ  قىسمەن جايلىرىدىمۇ، چەتئەللەردىمۇ بار،ئافرىقىدىكى بىر تېرە بىر ئۇستخان بولۇپ قالغان بالىلارنىڭ تەخسگە تەلمۇرۇپ تۇرغان رەسملىرنى كۆرگەن بولغيتتىڭىز ھە!ئاچارچىلىق،يوقسزىلىق ۋە ئىلاجىسزلىق ئادەمنى ئورۇق قىلىپ قويىدىكەن، 2.دەرىت- ھەسرەتكە مۇپتىلا بولغان كىشلەر. بۇلارنىڭ بېشىغا ھەر تۈرلۈك كېلشمەسلىكلەر كېلىپ تۇرغان بولغاچقا ئاغزىغا ھېچىنمە تېتىمايدۇ،ئىشتىھاسى تۇتۇلۇپ غىزا گېلىدىن ئۆتمەيدۇ،ئۇلارغا نەسھەت كار قىلمايدۇ،كاللىسدا ئۆز بىشدىن ئۆتكەن ئاچچىق سىناقلار ،ئازابلىق كەچۇرمىشلەر زادىلا كەتمىگەنلىكى ئۈچۈن تاماقلىنشقا سەل قارايدۇ،چىراي ياداڭغۇ بولۇپ تەبىئى ھالدا ئورۇقلاپ كېتىدۇ،بەزىلەر ئۇلارنى كۆرگەندە  ئاز تولا ھېسداشلىقى قوزغىلىپ -دوختورخانىغا تەكشۇرنۇپ بېقىڭ دەيدۇ لىكىن دوختۇرمۇ ئىلاج قىلالماي -ياخشى ئارام ئېلىڭ دەپ يولغا سالىدۇ.دۇنيادا دەرىت ھەسرەتتەك ئېغىر يۈك بولمسا كېرەك.ئۆز- ئۆزىنى كونتىرىل قىلىش ئىقتىدارى بولمسا ئاز- تولا سەۋىرى قىلىشنى بىلمسەك ھەممىمىز مۇشۇنداق ئورۇقلاپ كېتىشىمىز مۇمكىن. 3.سېمىزلىككە ئۆچ بولغان كىشلەر ياكى زىلۋا بەدەنگە ئېرىشمەكچى بولغانلار. ئەسلىدە ھەممە ئادەمنىڭ ئاز تولا سېمزىراق بولغىنى ياخىشى ئىدى دەپ ئويلايمەن،مەسىلەن ،يېڭى كېيىم كىيمەكچى بولسىڭىز ياكى داڭلىق ماركىلىق كاستۇم بۇرۇلكىلارنى كىيمەكچى بولسىڭىز( ئەلۋەتتە،كىيىم لايىھىلىگۈچىلەر ھەرگىزمۇ ئورۇقلارنى ئويلىشپ ئولتۇرمايدۇ،ئۇلارسەل سېمىزىراق كىشلەرنى ئۆلچەم قىلىدۇ،) ناۋادا سىز ئورۇق بولسىڭىز كاستۇم بۇرۇلكىنىڭ ئىچىگە چۆكۈپلا قالسىز،يەڭلىرىڭىز  ئۇزۇراپ خۇددى قەدىمكى زاماندىكى ئىككى پىشى تولىمۇ  ئۇزۇن كيىنگەن،يەڭنىڭ  ئىچىگە خەت- چەكلەرنى سېلىپ ئوردىدا خانغا قۇللۇق بىلدۈرىدىغان قۇلاقىلىق بەگزادىلەرگىلا ئوخشاپ قالىسىز،ھازىرقى زاماندا <تولىمۇ  شۇشىىيەن  ئىكەن> دېگەن گەپ مودا بولىۋاتىدۇ ،بۇ گەپنىڭ مەنسىى -دەل كەلمەك، كېلشىكەن،تىرس كىيىنگەن ئادەم دېگەن مەنىلەرنى بىلدۈرسە كېرەك ،شۇنىڭ ئۈچۈن سەل سمىېزراق بولۇش ئۈچۈن بەدەن ھەرىكىتى قىلامسىز ياكى باي - باياشتىىراق بولساق ئۆيىمىزگە ھېلىقدەك جايىمىزدا تۇرۇپلا يۈگۈرۈيدىغان چېنىقىش ئەسۋابىنى سېتىۋالامسىز ئۆزىڭىز بىر ئامال تاپىسىز.مەن ئاياللارنىڭ ئېغىزغا يەيدىغان  تەرخەمنى نېپىىز توغراپ يۈزلىرىگە چاپلاپ ياتقانلىقنى كۆرگەن.چۈنكى تەرخەمەك ئادەمنى ئورۇقلىتارمىشز،يەنە چەتئەللەرنىڭ قانداقتۇر قەھۋەلىرىنى ئىچىش ئارقىلىق زىلۋا بەدەنگە ئېرشكىلىمۇ بولارمىش، قايسى كۈنى تىلىۋوزۇرنى ئېچىپ باقسام ،،بىرخىل ساغلاملىق مەھسۇلاتلىرى ياكى كىيىىم- كېچەكلەر بار بولۇپ ئېنفرا نۇر دەمدۇ ئىشقىلىپ بىرقانداق قىلىپ سىزنى بىردەمدىلا نەچچە مېنۇتتىلا  ئورۇق قىلىپ قويىدىكەن.  ھازىرقى زامان تېخنكىسىغا بارىكاللا! ھەر ھالدا بىزنىڭ سىپىمىزغا خېلى جىق ئورۇقلار قوشۇلىۋاتىدۇ،گەرچە كېلىپ چىقىشمىز ئوخشاش بولمسىمۇ بىرىمىز ئوزۇقلۇق يېتىشمەسلىكتىن ، بەزىمىز دەرىت -ھەسرەتتىن تۈگشىپ كەتكەن بولساقمۇ، بەزىلىرىمىز غىلجىڭىشپ ،نايناقشىپ تۇرساقمۇ لىكىن  < ئورۇق> دېگەن سۆز بىزنى بىر- بىرىمىزگە باغلاپ تۇرسا كېرەك. ئەمدى قەلەم تەۋرىتىپ بىز سېمزلارنىڭ شەجەرسنىمۇ يېزىپ قۇيۇڭ دەمسىز؟ياق، ھازىرچە سېمىزلىق ھەققىدە يازالمايمەن .ئۇنىڭغا كۆپ مادار كېتىدۇ،راست گېپىمنى ئېيتسسام  سەل سېمىز بولۇش مېنىڭمۇ ئارزيۇم ئىدى.لىكىن ئاۋۋال كۆپرەك پۇل تېپىشىم كېرەك. شۇ چاغدا ھېلىقى ئۆزلىرى خالاپ ئورۇقلىماقچى بولغانلارنىڭ ئەكسىچە سېمىزىراق بولۇش نىشانمىغا يېتەلەيمەن. ،پۇل بولسا يەيدىغان، ئىچىدىغان گەپ،ئاچلىقتىن ئۆلگەنلەرگە قارىغاندا توقلۇقتىن ئۆلگەنلەر كۆپ دەمسىز؟ئۇ بىر سەپسەتە بولۇشى مۇمكىن چۈنكى يەپلا تۇرسا قانداقمۇ ئۆلۈپ كەتكىلى بولسۇن؟  بىزنىڭ ئەجدادلىرىمىز  :"قۇرۇق تاغار ئۆرە تۇرمايدۇ"" يەپ تۇر بەگ تۇر"دەپتىكەن،لىكىن يىگەندىمۇ ئۆزىگەتېگشلىك نەرسلەرنى يېييش، ئىچىش كېرەك."ھاپ " قىلىپ يەپ كەتكەندىن كيىن ئاشقازان كېسلى بولماي قالمايسىز ،يەپ بولغاندىن كېيىن بېئارام بولماسلىقمىز ئۈچۈن <ئۆلچەمگە>، ئىلىمى ئوزۇقلىنىشقا دىققەت قىلىشمىز كېرەك. 2014-يىل 8-ئاينىڭ 6-كۈنى يېزلىدى، سۆيگۈم يازمىسى

boldibas

	نېمە دەپ ئىنكاس يازار ئادەم بۇ تېمىغا .يۇمۇرىستىك خاراكتىر ياخشى گەۋدىلەندۈرۈلگەن ، ئەمما نورمال دېگەن ئۇقۇمنى چەتكە قاققىنىڭىز قاملاشماپتۇ ! ئۇرۇقلۇقمۇ ياخشى ئەمەس ، سېمىزلىكمۇ ياخشى ئەمەس ! ھەر نەرسىنىڭ نورمىلى ئەڭ ياخشى!!!!!

soygum

	بۇ بىر فىليەتون، شۇڭلاشقا نوقول ئورۇقلار ئۈستىدە يېزلىپتۇ دەپ قالماڭ،ئۇنى قايتا ئوقۇپ چىقسىڭىز خىلى چۈشەنچلەرگە ئىگە بولالايسىز.

Gvlmisal

	سەمىرىيدىغانغا چارە بولسا دەپ بىرىڭلاچۇ؟ 5كىلو سەمىرىپ كىتەي

TAXNAI2

	قىزىقارلىق يېزىپسىز ...ئاڭلاپ باقمىغان گەپلەرنى ئاڭلىۋالدىم...ئاپرىن سىزگە

uygurjan09

	Gvlmisal يوللىغان ۋاقتى  2014-8-6 06:20 PM سەمىرىيدىغانغا چارە بولسا دەپ بىرىڭلاچۇ؟ 5كىلو سەمىرى ... يۈزىڭىزگە ھەسەل سۈركەپ  گۈللۇكتە   2سائەت كىتاپ كۆرۈپ ئۇخلاپ بىرىڭ  ......

TAXNAI2

	Gvlmisal يوللىغان ۋاقتى  2014-8-6 06:20 PM سەمىرىيدىغانغا چارە بولسا دەپ بىرىڭلاچۇ؟ 5كىلو سەمىرى ... قىز -ئاياللار دىگەن زىلۋا ،ئۇرۇق بۇلۇشنى ئارزۇ قىلۋاتسا ،،،،سىز ئەجەپ سەمىرمەكچى بولىۋىتىپسىز ....

Gvlmisal

	uygurjan09 يوللىغان ۋاقتى  2014-8-6 06:30 PM يۈزىڭىزگە ھەسەل سۈركەپ  گۈللۇكتە   2سائەت كىتاپ كۆرۈپ  ... ياپانا.....ياخشى ئامال چارىلىرىڭىزدىن ئۆرگىلىپ،چۆرگىلىپ كىتەي

Gvlmisal

	TAXNAI2 يوللىغان ۋاقتى  2014-8-6 06:30 PM قىز -ئاياللار دىگەن زىلۋا ،ئۇرۇق بۇلۇشنى ئارزۇ قىلۋات ... شۇ ھازىرقىدىن ئازىراق سەمىرىگۈم بار ئىدى.كىملا بولسا ئەجەب ئورۇقكەنسىز دەپ ...مەن يا بىر ئورۇقلاي دەپ ئورۇقلىۋالمىغان...يا بەك ئىچىم تارمىكىن قاراڭ ،ھېچ سەمىرىمەيمەن دىسە

TAXNAI2

	Gvlmisal يوللىغان ۋاقتى  2014-8-6 06:33 PM شۇ ھازىرقىدىن ئازىراق سەمىرىگۈم بار ئىدى.كىملا بولسا  ... ئۇرۇق قىزلار چىرايلىق كېلىدۇ.... جىقراق ئۇخلاپ بەرسىڭىزغۇ  ئىتتكلا  سەمىرىيتىڭىز... ئۇيقا بەك سەمىرتىدىكەن...