ئېرىمنى ئۆيلەپ قويىمەن

sewdaye1

	تىمىسىنى كۆرۈپلا كاللامغا كەلگەن خىيالنى دەۋىتەيمۇ؟؟؟    تىمىسىنى كۆرۈپلا كاللامغا كەلگىنى، مىنىڭمۇ شۇنداق ياخشى رايىش خوتۇنۇم بولسا،  خوتۇن،، مەن پالانىغا كۆيۈپ قالدىم، ئالايمىكى دىسەملا ماقۇل ئېرىم دەپلا ئۆيىگە ئەلچىلىككە بېرىپ، ماڭا 2-خوتۇنلۇققا ئۆيلەپ قويىدىغان ياخشى خوتۇنۇم بولغان بولسا نىمە دىگەن ياخشى بولاتتى ھە دىگەنلەر كاللامدىن كەچتى

musilina

	sewdaye1 يوللىغان ۋاقتى  2014-7-27 01:05 PM تىمىسىنى كۆرۈپلا كاللامغا كەلگەن خىيالنى دەۋىتەيمۇ؟؟ ... بۇنداقلا ئويلىسىڭىز خوتۇنسىز قالغۇدەكسىز ئەمسە...

melody

	ئىنكاس ئارقىلىق  ساقلىۋالاي  تاپالماي قالىدىكەنمەن .............

yigikilinqak

	mehriya يوللىغان ۋاقتى  2014-7-26 07:19 PM ئەسەرنىڭ داۋامى تېخى بار ، ھەممىنى ئوقۇپ بولغاندىن كې ... ماقۇل ‹‹‹‹‹‹‹‹‹‹‹‹‹‹‹‹‹‹‹‹‹‹‹‹‹‹‹‹‹‹‹‹‹‹‹‹‹‹‹‹‹‹

nazila998

	داۋامى :    خىنىم جىممىدە تامغا يۆلىنىپ تۇردى ، بەلكىم يىقىلىپ چۈشكىدەك بولسام تام يۆلىۋالىدۇ دەپ ئويلىغان بولسا كىرەك ، بىر دەم تىۋىشسىز بىر - بىرىمىزنى تىڭشاپ تۇرۇشتۇق ، ئاخىر بۇ جىمجىتلىقتىن ئىچىم سىقىلىپ گىلىمنى قىردىم ،ئېرىم ئورنىدىن سەل قىمىرلاپ قويۇپ جىمىپ قالدى ، تامنى يۆلەپ ھەيكەلدەك تۇرغان كۈندىشىم سەل ھۇشىغا كەلگەندەك بولۇپ دەرھال ئاشخانا ئۆيگە كىرىپ پىيالە - چەينەكلەرنى كۆتۈرۈپ چىقتى ، تاۋى يانغان چايدىن بىر پىيالىدىن قۇيۇپ تولىمۇ پەس ئاۋازدا :        - چايغا بىقىڭ - دىدى       مەن چايغا مۇنداقلا قاراپ قويۇپ سەل تۇرۋىلىپ گەپ باشلىدىم        - مىنىڭ بۇ ئۆيگە كىلىشىمدىكى مەخسىدىم ھەرگىزمۇ سىز بىلەن چاچ يۇلۇشۇپ ئەر تالىشىش ئەمەس ، چۈنكى مەن بۇ ئەرنى نەچچە قىتىملاپ سىزگە قوش قوللاپ ئۆتۈنۈپ بەرمەكچى بولدۇم ، لىكىن بۇ غوجام ئىللا - بىللا يىقىن كەلمىدى ، بۇنىڭ زادى نىمە مەخسىدى بار ، بۇ بىر ئۆزىگە بىر ئاللاھقا ئايان ، مەن بىلىپ بولالمىدىم ، يا سىز ئۆزىڭىزنى بىلىپ قەدىمىڭىزنى يىغمىدىڭىز ، ئايال كىشىمۇ سىزدەك دۆت بولامدۇ ، دىسەم - دىمىسەم بۇ  ئۆي تىخى سىزنىڭ نامىڭىزغا ئۆتكىنى يوق ، سىز پەقەت بۇ ئۆيدە پەسكەش بىر نام بىلەن ياشاۋاتىسىز ، « يۈزۈمنىڭ قىلىنلىقى ، جىنىمنىڭ راھىتى » دىگەندەكچۇ - گەپ قىلغاچ ئۇدۇلۇمدىكىگە سوغۇق نەزەر تاشلىدىم ، ئۇ ئورنىدىن يەنە بىر قىمىرلاپ قويۇپ بالكۇن تەرەپكە قارۋالدى ، دىمەك ئوشۇق گەپ ئىشەكلەرگە يۈك ئىدى ، شۇڭا گىپىمنىڭ پوس كاللىسىنىلا ئىيتتىم ، - ئاڭلاپ قويۇڭلا ! بۈگۈن ئىككىڭلانىڭ نىكاھىنى ئۆزۈم ئۆز رازىلىقىم بىلەن ئوقۇتۇپ قويمەن ، سىلەرنىڭ قارشىلىق قىلىش ، رەت قىلىش ھوقۇقۇڭلار يوق        - نىمە دەيدۇ ماۋۇ ؟        ئېرىم ئاخىرى زۇۋانغا كەلدى ، ئاۋۇ چىرايلىق تولغۇنۇپ كەتتى ،       - ھە ! نىمە دەپتىمەن - مەن ئاۋازىمنى كۆتۈرۈپ قايتۇرۇپ سوردىم ،       - ساراڭمۇ سەن ، مەن ساڭا تۆپەڭگە خوتۇن ئالىمەن دىگەنمىدىم ؟       - ئۇنداق مەخسىدىڭ بولمىسا مانى نىمىگە بىقىۋاتىسەن ؟      دىمەك ۋەزىيەت ماڭا پايدىلىق تەرەپكە كىتىۋاتاتاتى ، ئاۋۇ خىنىم قاشلىرى تولا تىرىلىپ ساڭگىلەپ كەتكەن  قاپاقلىرىنى كۆتۈرۈپ ، چىكىلگەن كۆزلىرىنى يوغان ئىچىپ دىققىتىنى ئارمىزدىكى ئەرگە مەركەزلەشتۈردى ، چۈنكى ئەمدى ئۇ ئاشنىسىنىڭ قەلبىدىكى ئورنىنى دەڭسەيدىغان ۋاختى كەلگەنلىكىنى ھىس قىلىپ يەتكەنتى ،      - نىمىگە باقاتتىم پۇل تاپقان ئەرنىڭ ھىچ بولمىسا بىرەر كۆڭۈل خوشى بولىدۇ ، ئاشنا دىگەن ئاشنا ، بۇنى ماڭا ئەپ بېرىپ ئويۇن كۆرەي دىگەنما ؟      - كۆڭۈل خوشى ؟ ماۋۇ گەپنى كۆرۈڭ ، ئۈچ يىل كۆڭۈل خوشى قىلساڭمۇ ئىچىلمايدىغان قانداق كۆڭۈلكەن ئۇ ؟      - ھە قانداق ، كۆڭلۈمنى خوش قىلىپ ئۆتسەم بولمامدىكەن ، سىنىڭ نىمەڭنى كەم قىلدىم ، ئارلاشمىساڭ بولمامدۇ ؟     - نىمىشقا ئارلاشمايمەن ، تازا ئارلىشىمەن ، سەن دىگەن مىنىڭ ئىككى بالامنىڭ دادىسى ، سىنىڭ بۇلۇڭ - پۇچقاقلاردا خەق بىلەن نەس بىسىپ يۈرشىڭنى خالىمايمەن ، بىلدىڭمۇ ، سىنىڭ پەس كۆڭلۈڭ مۇشۇنىڭغا چۈشكەن بولسا  مەن چوقۇم سىنى مۇرادىڭغا يەتكۈزىمەن ، بۈگۈن مۇشۇنى ئالغىنىڭ ئالغان ، بولمىسا مەندىن كەچ ، دىگىنىم دىگەن بولماي مۇشۇ بوسۇغىدىن ئاتلىساملا مىنى مەڭگۈ كۆرەلمەيسەن ،     - جاھىللىق قىلما ، ماڭ كىتىمىز ، نىمە قىلدىكىن دەپتىمەن بۇ ساراڭنى ،     - زادى مانى ئالمامسەن ؟     - ماڭ دەيمەن - ئۇ تاراقشىپ ئورنىدىن تۇرۇپ ماڭا زەردە بىلەن ئالايدى ،     - ياق ، ماڭمايمەن ، زادى سىنى بۈگۈن ئاشنىغا تويغۇزىمەن يا ماڭا تۇرسەن يا بۇنىڭغا ، - باياتىن ئىنكاسسىز تۇرغان بايقۇش چىرقىرغاندەك بىر خىل ئاۋازدا ئۇنىڭغا ئىلتىجا قىلدى :       - مىنىڭمۇ شۇنى بىلگۈم بار ، جاۋاپ بېرىڭ      « مانا ساڭا جاۋاپ » دەپ ئاغزىغا تازا كىلىشتۈرۈپ بىرنى سالغۇم كەلدى ، بىراق يەنىلا ئۆزۈمنى تۇتىۋالدىم ، نىمىلا دىگەن بىلەن بۇ بۇزۇقنىڭ ئالدىدا ئۆزۈمنىڭ تەربىيە كۆرگەنلىكىمنى ، ئۇنىڭدىن نەچچە ھەسسە ئۈستۈن تۇردىغانلىقىمنى بىلدۈرۈپ قويمىسام بولمايدۇ - دە . ئۇ قورقۇش ئارلاش ئىزتىراپتا ئېرىمغا قاراپ تۇراتتى .      بىچچارە ئېرىم ئىككى تاشنىڭ ئوتتۇرسىدا يانچىلىۋاتقان بولسا كىرەك ، تولىمۇ ئوڭايسىز ھالدا چىكىسىدىن پۇرقىراپ تەر چىقىپ قاراپ تۇراتتى ، تۇرۇپ ئۇنىڭغا ئىچىم ئاغرىپ قالدى ، نىمىلا دىگەن بىلەن بۇ بايقۇشقا ئۈچ يىلدىن بۇيان ئاز بولمىغان ۋەدە قەسەملەرنى بەرگەن بولغىيدى بىراق ئۇنداق ئاسان بولدى قىلسام بولمايدۇ ، بۈگۈن چوقۇم  بۇ ئىشنى ئۈزۈل - كىسىل يۇغۇشتۇرشۇم كىرەك ، شۇڭا چىرايىمغا قەتئىلىك ياماشتۇرۇپ ئۇنىڭغا غەزەپ بىلەن قاردىم ،           - ئالمايدىغان ئادەم ئۈچ يىل خەخنى نىمىشقا سۆرەپ يۈردۈڭ ، بۈگۈن مۇرادىڭغا يەت دىسەممۇ ئۇنىمايۋاتىسەن ، زادى مەخسىدىڭ نىمە ؟       ئۇنىڭ چىرايى قارداپ كەتتى ، ئىنىقكى تاقىتى ئاخىر چەككە يەتكەنتى ،       - ئالمايمەن دىدىمغۇ بۇ پەقەت كۆڭۈل خۇشى ، ئەمدى بۇ يولغا ماڭمىساملا بولىدىغۇ ؟ ماڭ كىتىمىز      غەلىبە ماڭا قەدەممۇ - قەدەم يىقىنلىشىۋاتىدۇ ، ئوماق ئىككى بالامنىڭ بەختى ئۈچۈن ئالغا !      بىچچارە كۈندىشىم ئۇجۇقۇپ كىتىۋاتاتتى ، چىرايى سارغىيىپ يەنە تامغا يۆلىنىۋالدى ، ئۇنىڭغا قاراپ مىيىغىمدا كۈلۈپ قويۇپ كۆتۈرەڭگۈ ئاۋازدا دىدىم :        - مانا سەن مۇشۇنچىلىك ، خەقنى ئەخماق قىلغىنىڭ ئۆزۈڭنى ئەخماق قىلغىنىڭ ، قارا بۇ ئۆيگە ، بۇ ئۆي ئوغلىمىزنىڭ نامىدا ، بىراق سەن بۇ بۇزۇقنى ئولتۇرغۇزۇپ قويۇپسەن ، نومۇس قىلمىدىڭمۇ ؟ ھازىر پاچىقىڭغا يامىشىپ يۈرگەن ئوغلۇڭ ئەتىلا ئۆز بويلۇق بولىدۇ ، مۇشۇلارنى بىلىسەن ، ئۇنىڭغا قايسى يۈزۈڭ بىلەن قارايسەن ، بۇ خىنىمنىڭ ئۇچىسىدىكى كىيىمنىمۇ ماڭا ئوخشىتىپ ئىلىپ بېرىپسەن ، ئۇ ئىشلەتكەن ئەتىرنىمۇ مىنىڭكىگە ئوخشاش قىلىپ بېرىپسەن ، نىمىشقا ئۆزۈڭنى قىينايسەن ، ئاڭلاپ قوي مەن يەنىلا مەن ، باشقىلار ھەرگىز ئورنۇمنى باسالمايدۇ  .      داۋامى بار

kaqvr

	nazila998 يوللىغان ۋاقتى  2014-7-27 07:19 PM داۋامى :    خىنىم جىممىدە تامغا يۆلىنىپ تۇردى ، بەلكى ... قىزىم ساڭا ئېيتاي ، كىلىنىم سەن ئاڭلا دىگەندەك  ئېرىنى بۇزۇق ، رەسۋا دەپ تىللىغان  بۇلۇپ راسا تىللىۋاپتۇ ئاۋۇنى ھە ....مۇشۇنداق دادىل ، مىجەزى چۇس ئاياللارغا قول قويىمەن .

asma507

	ۋاي ۋاي ۋاي ۋاي......نىماندا پەيزى ھۇي ما ئىشلا. ئەممازە ئاشۇنداق كۆڭۈل خوشى، قاراڭغۇدا ئاي كۆرۈنىدىغان دىلى قارا پەرىلەرنىڭ بىرە نەسە ئوقۇشقا تەۋى يوقتە.كۆڭۈل قويۇپ ئوقۇيدىغاندىن بىرسى چىققان بولسا تازا سەگىدىۋالاتتىكەن.

axek13999649893

	ئوقۇپ قىززىق يىرىگە  كەسەم يوق مانا

boxuk

	ھىيىتتىن بۇرۇن تۈگەپ قالا ھە،ئىچىگە كىرىپلا كىتىپتىمەن دىسە ،ئايال پىرشۇنازنىڭ يامانلىقىغا

nazila998

	داۋامى   مەن بۇ گەپلەرنى ئېرىمغا ئەمەس ئاۋۇ كۆڭلى يانماسقا ئاڭلىتىۋاتاتتىم ، ئۇمۇ مىڭ يىرىدە تەرلەپ كالپۇكلىرىنى مىتىلدىتىپ ئۈمچىيىپ ئاڭلاۋاتاتتى ، ئېرىم بارغانسىرى بوشاپ كىتىۋاتىدۇ ، مەن ئۇلارغا قاراپ قەدەممۇ - قەدەم كىلىۋاتىمەن ، ئىللىق ئائىلىگە ، ئاتا - ئانا مىھرىگە تەشنا قوشماقلىرىمنى ئويلاپ دادىللىشىۋاتىمەن ، تۇيۇقسىز چوكان تەلۋىلەرچە چىقىراپ ئېرىمنىڭ ياقىسىغا ئىسىلدى ،         - سىز ماڭا نىمە دىگەن ، مىنىڭ كۆڭلىڭىزدىكى ئورنۇم مۇشۇمۇ ؟ ؟        ئۇ يىغلايتتى ، نىمىلەرنىدۇ دەيتتى ، بىراق ئېرىم بىرلا سىلكىنىپ ئۇنىڭ قولىنى ياقىسىدىن ئاجراتتى ، ئۇ قەتئى تەلەپپۇزدا :         - بولدى ، ئىككىمىزنىڭ ئىشى مەشەگىچە بولسۇن - دىدى         قاققان قوزۇقتەك تۇرۇپلا قالغان ئاشنىسى ئۇنىڭ يۈزىگە چاڭ سالدى بىر دەمدىلا ئېرىمنىڭ يۈزىدە يول - يول تىرناق ئىزلىرىنى بويلاپ ئۇششاق قان چىكىتلىرى تەپچىرىدى ،        ئەھۋال ماڭا تىخىمۇ پايدىلىق بولىۋاتاتتى ، شۇڭا دەرھال ئارىغا چۈشتۈم ، ئۇنى ئىتتىرۋىتىپ تولۇق غەلبە قىلغانلىقىمنى جاكارلىدىم ،         - بولدى قىلىڭ ، يەنە نىمىگە بۇنچە بىشەملىك قىلىسىز ، ئەسلى باشتىلا مۇشۇنداق ئاقىۋەتكە قىلىشىڭىزنى بىلىشىڭىز كىرەكتى ، ئايالى بار ، ئىككى بالىسى بار ئەر ھەرقانچە بولسىمۇ سىزگە ئاش بولمايدۇ ، ئۆز ئىززىتىڭىزنى سىتىپ ، دەپسەندە بولغىنىڭىزلا قالىدۇ ، مانا ئاڭلىدىڭىز ، ئاياغلاشمايدىغان ئويۇن بولمايدۇ ، مەن يول قويدۇم ، مۇرادىڭلارغا يىتىڭلار دىدىم ، بىراق بۇ ئەر سىزنى خالىمايدىكەن ، ئەمدى مەندىمۇ ئامال يوق ،        گەپ شۇ يەرگە يەتكەندە توختاپ ئىككىسىگە قاراپ باقتىم ، ئېرىم بۇ جىدەلنىڭ تىزرەك ئاياغلىشىشىنى ئۈمۈد قىلغاندەك ئىغىر پۇشۇلداپ يەرگە قارىۋالغانتى ، كۈندىشىم ئازابلىق بىر كەيپىياتتا ماڭا قاراپ تۇراتتى ، مەن گىپىمنى داۋاملاشتۇردۇم ، بۇ پەردىنى چۈشۈرۈش كىرەك ، پىلىكلەرنى ئۈزۈپ قايتا تۇتاشماس قىلىۋىتىش كىرەك ، شۇڭا كەسكىن بولمىسام بولمايدۇ ،       - سىلەر قانچە ئاپاق - چاپاق بولۇپ كەتسەڭلار  بۇ سىلەرنىڭلا ئىشىڭلار ، مەن ھەم باللىرىم بىلەن مۇناسىۋەتسىز ، سىز تۇرۋاتقان بۇ ئۆي ئوغلۇمنىڭ نامىدا ، بۇ مىنىڭ بولۇپ قالارمىكىن دەپ تاما قىلماڭ ، بۈگۈن نىكاھلىق بولالمىغان ئىكەنسىلەر  ئەمدى بۇ ئۆيدە تۇرسىڭىز بولمايدۇ ، ئون كۈنگىچە كۆچۈپ چىقىپ كىتىڭ ، بولمىسا ئۈستىڭىزدىن ئەرىز قىلىمەن ،      مەن ئۇلارغا مەغرۇر تىكىلدىم ، شۇ تاپتا تولۇق غەلبە بىلەن مۇتلەق ئۈستۈنلۈكنى ئىگەللىگەن ئىدىم ، ئېرىم بىشىنى كۆتۈرۈپ ماڭا قاراپ :       - گىپىڭ تۈگۈدىمۇ  ماڭامدۇق ؟ - دىدى       بۇنىڭ مۇشۇ گىپىلا ھەممىگە يىتىدىغان ئاخىرقى ھۆكۈم مىنىڭ دىگىنىم بويىنچە بولغانلىقىدىن دىرەك بېردىغان سۆز ئىدى ،       مەن ماڭدىم ، خۇددى كىيىكتەك يىنىك قەدەم تاشلاپ ئىگىز پاشنىلىق ئۆتۈكنىڭ يورغىسىنى چىقىرىپ خۇشاللىق بىلەن بۇ مەينەتچىلىكتىن ئايرىلدىم ، كەينىمدىن مەھبۇسلاردەك ساڭگىلاپ كىلىۋاتقان ئېرىم سوڭداشتى .       بىز ئىشىكتىن چىقىشىمىزغا ئۆي ئىچىدىن ھەسرەتلىك يىغا ئەۋازى ئاڭلاندى ، يۈرۈگۈم ئىچىشتى ، بىراق ماڭىمۇ نىمە ئامال ، مەنمۇ شۇنداق يىغىلارنى تالاي يىغلىغان ، تۇرمۇشتا ھەر بىر قەدەمنى ئويلاپ باسمىساق بولمايدۇ ، كۈلگەنلەر كۈلۈپلا ئۆتمەيدۇ ، يىغلىغانلارمۇ يىغلاۋەرمەيدۇ ، كەينىمدىن كىلىۋاتقان ئېرىمنى ساقلاپ تۇرۇپ يانداشقاندا قولتۇقلىۋالدىم ، خۇددى بىر چاغلاردا كىنوخانىدىن يۇلتۇزلۇق ئاسمانغا قارغاچ قولتۇقلىشىپ ماڭغاندەك قەدەملىرىمنى قەدىمىگە ماسلاشتۇرۇپ ماڭدىم ،       مۇشۇ مىڭىشىمىزدا چوڭ ئۆيگە بارمىز ، مىھرىمىزگە تەلمۈرۈپ تۇرغان قوشماقلىرىمىزنى ئىلىپ ئىللىق ئۆيىمىزگە يىنىپ كىلىمىز ، يىنىمدىكى ئەر ئەينى چاغدا ماڭا بارلىقىنى بەرگەن تولۇپ - تاشقان مۇھاببەت بىلەن باغرىغا باسقان يىگىتنىڭ ئۆزى شۇ ، بەختىم ئۇنىڭغا باغلانغان ، مەن ئۆزۈم ئارزۇلىغان گۈزەل كەلگۈسۈم ئۈچۈن تىرشىمەن ،         تۈگۈدى