ئېرىمنى ئۆيلەپ قويىمەن

تىمتاس123

	بۇ ئەسىرىڭىز ماڭا قاچانلادىدۇر ئوقىغان(ئوربىنتا)دىگەن ھىكايىنى ئەسلىتىپ قويدى... ياخشى يىزىپسىز داۋامىغا تەشنامىز. ھەقىقى ياخشى يىزىغان ئەسەرلەر خۇددى تىلسىم ماگىنىتقا ئوخشايدۇ...ئەسىڭىزنىڭ تىخىمۇ جەزبىدار چىقىشىغا تىلەكداشمەن.. ھەي ئاياللار جامەسى قەلبىڭلارنى قاچانمۇ چۈشىنىپ بولارمىز...

nazila998

	داۋامى :       تىخى يىقىندىلا تۇغۇلغان كۈنۈمدە ئوغلۇم ئۆز قولى بىلەن تەييارلىغان ئاتكىرىتكىنى ماڭا سوۋغات قىلغانغۇ ، يۇمران قوللىرى بىلەن 60 بىسلىق ئاكاردىيوننىڭ تىللىرىنى راۋان بىسىپ ، يىقىملىق مۇزىكىلارنى ئورۇنداپ بەرگەنغۇ ، قىزىم چۈچۈك تىللىرى بىلەن ناخشا ئىيتىپ ئۇسۇل ئويناپ دادىسى تىلغىۋەتكەن كۆڭلۈمنى ئالغانغۇ ، ئۇ تۇغۇلغان كۈنۈم ھارپىسىدا شۈنچە ئالدىراش كىرىپ « ئالدىغىنىڭ مۇشۇمۇ » دىگەندەك قىلىپ بىر تۇتام پۇلنى ئالدىمغا تاشلاپ بېرىپ ، قانداقتۇ چۈشۈنۈكسىز تىجارەت باھانىسىنى ئىزىپ ئىچكۈزۈۋىتىپ ، ئالدى - ئارقىغا قارماي چىقىپ كەتكەندە مۇشۇلار ماڭا خۇشاللىق ئاتا قىلىپ ،ئۆزەمنى بەخىت قۇچىقىدا ھىس قىلدۇرغانغۇ ، ئەگەر قەتئى ئاجىرشىمەن دىسەم بەك شەخسىيەتچى بوپ قالغۇدەكمەن ، باللىرىمنى يۈرۈگى سۇ مۇشۇ تاپتا ، ئاخشام ئوغلۇم ئاپامغا :       - ئانا ! ئاپامنىڭ مىجەزى يوق ، بىزنىڭ قوسۇغىمىز ئىچىپ كەتتى تاماق ئەتتىڭىزمۇ ؟ دەپ ئوغۇرلۇقچە تىلىفۇن قىلغاندا نىمە ئۈچۈن ئاڭلاپ تۇرۇپ ئۆز ھالىم بىلەن ياتتىم ؟        ئىنىم بالىلارنى ئالغىلى كىلىپ ئۆيدىكى قالايمىقانچىلىقنى كۆرۈپ ھەممىنى چۈشەنگەندەك بولدى بولغاي :         - ئاچا ، ئىككىسىنى مەن ئەكەتتىم ئەمىسە ، سەن ئوبدان ئارام ئىلىۋال - دەپ قويۇپلا ماڭغاندا نىمە ئۈچۈن زۇۋان سۈرمىدىم ، ئۇلاردىن شۈنچە بىزار بولغانمىدىم ،       ياق ، ئەقلىم توشماپتۇ ، ئۆزۈمنىلا ئويلاپتىمەن ، ئۆي ئىچى بەئەينى ئىشەك ئىغىلىنىڭ ئۆزى ، شۈنچە مىھرى سوغۇك ، مەن نىمە بوپ قالدىم ، ئادەم تۇغۇلغان ئىكەن ھەمممىنى كۆردۇ ، كۈندىن  - كۈنگە يىشىم چوڭۇيۇپ تەنتەكلىك ياراشماس بوپ قىلىۋاتىدۇ ، ئۆزۈمنى ئوبدان دەڭسىشىم ئۆمۈر بويى ۋىژدان ئازاۋى تارتىدىغان ئىشنى قىلماسلىقىم كىرەك ، بىر ئۆزۈمنىلا ئويلاپ قارار چىقارسام قەتئى بولمايدۇ ، قاراپ تۇرۇپ دەپسەندە بولۇش مىنىڭ خاراكتىرىمگە ياد ئىش ، مۇشۇنداق ئايىغى چىقماس خىياللار  بىلەن نۇرغۇن  - نۇرغۇن ئىشلارنى ئويلۇدۇم ، نۇرغۇن پىلانلارنى تۈزدۈم ، ھەممىسى ئەھمىيەتسىز تۇيۇلۇپ خۇددى تۇماندەك تاراپ كەتتى ، لىكىن بىر نۇختا شۈنچە ئىنىق ، قىلچە مۇرەسسە تەلەپ قىلمايدۇ ، ئۇ بولسىمۇ بالىلارنى يىتىم قىلماسلىق كىرەك ، قانداق قىلىمەن ؟ زادى قانداق قىلىشىم  كىرەك ؟ تۇيۇقسىز ئالدىنقى ۋاقىتلاردا ئۇچۇر تورىدا تەنھا ئەرنىڭ قوزغىغان مۇنازىرسى ئىسىمگە كەلدى ، توغرا ، قوش نىكاھلىنىش .      ئۇنداق قازانغا مۇنداق چۈمۈچ دەپتىكەن ، بۇمۇ بولدىغان ئامالمۇ نىمە ؟ ئېرىم مەن بىلەن ئاجراشمىسا ياكى سىرتتىن مىھرىنى ئۈزەلمىسە ، مەنمۇ بالىلارنى يىتىم قىلماسلىقنىڭ كويىدا . ماڭا بۇ پىلان بارغانسىرى بولدىغاندەك تۇيۇلغىلى تۇردى ، ئىسلام ئەقىيدىسىدە بىر ئەرگە تۆت خوتۇن راۋاكەنغۇ ،چوڭ خوتۇن رازى بولسىلا خوتۇنغا تويمىغان خوتۇن پۇرۇچلار خالىغىنىنى قىلسا بولىدىكەن ، يىقىندىن بۇيان بۇنىڭغا دائىر گەپ - سۆزلەرنى كۆپ ئاڭلاپ تۇردىغان بولدۇم ، بەزىلەرنى ئۆز كۆزۈم بىلەنمۇ كۆردۈم ، « ئۈرۈك ئۈرۈكنى كۆرسە ئالا بوپتۇ » دىگەندەك ، خۇددى مايمۇن بىر نەرسىنى كۆرسە دورىغاندەك .         ئىچىم ئاچچىق بوپ قالدى ، لىكىن ماڭا بۇنىڭدىن باشقا تاللاش يولى قالمىغاندەك قىلىدۇ ، سىناپ باقاي ، ئۆيلەرنى كۆڭۈل قويۇپ تۈجۈبىلەپ تازلىدىم ، بالىلار ئاپامنىڭ ئۆيىدە ، ھازىرچە قايتۇرۇپ كىلىش خىيالىم يوق ، ئېرىم بەلكىم بۈگۈنمۇ ئۆيگە قايتمايدۇ ، يالغۇز جىنىمغا قازان ئىسىپ يۈرمەي تاماقنى سىرتتىلا يىدىم ، قايتىپ كىرىپ كومپىيوتىرنى ئىچىپ قويدۇم ، مۇشۇ مەزگىللەردە بۇ مىنىڭ بىردىن - بىر كۆڭۈل خوشۇمغا ئايلانغان ئىدى ، بەزىدە مۇنبەرلەرنى كۆرىمەن ، يەنە بەزىدە مۇڭداشقۇلارنى ئىچىۋىلىپ مەۋھۇم بىر دۇنيادا كۆڭۈلسىز رىيال  تۇرمۇشۇمنى بىر دەم بولسىمۇ ئۇنتۇيمەن ، شۇنداق قىلىپ بۇ سىرداش دوستۇم بىلەن ھەپىلىشىپ كىچىنىڭ قانداق ئۆتۈپ كەتكىنىنىمۇ بىلمەي قاپتىمەن ، تاڭ سۈزۈلۈپ ئۆي ئىچىگە يورۇقلۇق نۇرى كىرىپتۇ ، يەنە بىر كۈن باشلاندى ،                داۋامى بار

hekmat110

	ئۆتكۈر......

asma507

	نىمانداق تىز تۈگەيدىغاندۇ

nazila998

	داۋامى     ئەمدى كومپىيوتىرنى ئۆچۈرەي دەپ تۇرسام تىلىفۇن سايراپ كەتتى ، ئالسام « ئۇ » كەن ،      - سەن ئۆيدە بارمۇ ؟ - توۋا يوق بولۇپ نەگە كەتسەم بولاتتىكىن ،      - ھەئە مەن ئۆيدە - ئىمكان قەدەر ئاۋازىمنى سىلىق چىقاردىم - نەدە سەن يەنە كەلمىدىڭغۇ ؟      - مىنى كۆرۈپ يەنە چىچىلىپ قالمىسۇن دەپ بىر ئاغىينەمنىڭ ئۆيىدە قونۇپ قالدىم .      بۇ گەپ راستتەك قىلاتتى ، چۈنكى ئۇ ئويۇن - تاماششەدە بولسا ھەرگىز بۇنچە بالدۇر تەشەببۇسكارلىق بىلەن ئۆيگە تىلىفۇن قىلمايدۇ ، مەن توختىماي ئىزدەپ قايتا - قايتا تىلىفۇن قىلغاندىن كىيىن ، ئاران دىگەندە بىرەر قىتىم ئۇچۇرنى بېرىپ قويۇپلا يوقايدۇ ، قاچان بىكار بولۇپ سورۇنى تۈگىگەندە ئاندىن يانىدۇ ،       - ھە .... قايتىپ كىلەمسەن ؟       - مەن كىلىپ بولدۇم ، ناشتىلىق ئەكىرەيمۇ ؟       - ئىختىيار !       - بىلدىم ، سەل تۇرۇپ كىرمەن ، چاي قاينىتىپ قوي ،       - ماقۇل      ناشتىنى جىملا ئولتۇرۇپ قىلدۇق ، ناشتىدىن كىيىن قارسام بىر چىرايلىق كىيملىرىنى يۆتكەپ يەنە سىرتقا چىقماقچى بولۇپ جابدۇندى ،        - نەگە ؟        - قىلىدىغان ئازراق ئىشىم بار ئىدى        - باشقا ئىشىڭنى قوي ، ساڭا دەيدىغان گەپ بار        - يەنە شۇ جىدەلنى باشلاي دەمسەن ، گىپىم بىرلا ئاجراشمايمەن ،        - كىم سەن بىلەن ئاجىرشىمەن دەپتۇ ؟ ئەمدى سەن ئاجراشماقچى بولساڭمۇ مەن ئۇنىمايمەن .        - ئەمىسە يەنە نىمە گەپ ؟        - ئولتۇرغىن گەپ دىگەن تولا        - ماقۇل ، دىگىنە قىنى ئاڭلاپ باقاي        ئۆزۈمنى قاتتىق بىسىۋالدىم ، يىغلاپ - قاقشىماسلىقىم ، ۋاقىراپ - جاقىرماسلىغىم كىرەك ، بۇ سۆھبەتتە چوقۇم مۇتلەق ئۈستۈنلۈكنى ئىگىلىشىم شەرت ،         - ئاخشامدىن بىرى جىق ئويلاندىم ، سەن نىمە ئويلىساڭ مەن ئۈچۈن بەرىبىر ، ئاجراشمايمەن دەيدىكەنسەن ، چوقۇم مىنىڭ دىگىنىم ھىساب ، شەرتسىز بوي سۇنىسەن ،       ئۇ جىممىدە تۇراتتى ئەلپازىدىن گەپلىرىمنى كۆڭۈل قويۇپ ئاڭلاۋاتقانلىقى چىقىپ تۇراتتى ،        - نەچچە ۋاقىتتىن جىدىلىمىز بىسىقمىدى ، ياكى سەن ئوڭشالمىدىڭ ، ياكى مەن يول قويمۇدۇم ، بۇنداق كىتىۋەرسەك ئىككىلىمىز تۈگۈشىمىز ، بىزغۇ مەيلى لىكىن بالىلارغا ئۇۋال بولدى مەن چىدىمىدىم ، بولدى سەن يەڭدىڭ ، مەن ساڭا يول قويىمەن ، خالىغىنىڭنى قىل ، ساڭا توسالغۇ بولمايمەن ، لىكىن بىر شەرتىم بار چوقۇم قوشۇلىسەن .       - قانداق شەرتكەن ئۇ ؟       - مىنى سەن ئارلىشىۋاتقان ئايالنىڭ ئالدىغا ئاپىرسەن .       - يوق گەپنى قىلمىغىنە !       - خاتىرجەم بول ، جىدەل چىقارمايمەن ، چىرايلىق سۆزلىشىمەن ، ئويلۇغىنىم بار،       - نىمىنى ئويلىدىڭ ؟       - ئاپارساڭ دەيمەن ،       - ئاپارمىسامچۇ ؟       - ئاپىرسەن ، چوقۇم ئاپىرسەن ، بولمىسا ماۋۇلارنى ۋاختىدا تارقىتىسەن ،       ئۇنىڭ ئالدىغا ئاخشامدىن بىرى تەييارلاپ قويغان بىر تۇتام نەزىر باغىقىنى ئاتتىم ،       - نىمەڭ بۇ ؟       - باغاق       - ساراڭ ، بارامسەن زادى       - بارمەن ،       - ماڭە ئەمىسە تەييارلىنىپ چىق ، نىمە خىيال قىلدىغانسەن ، قىنى قانداق ئويۇن ئوينايسەن بىر كۆرۈپ باقاي ،       يولدا گەپمۇ قىلمىدىم ، بىر چاغدا كۈندىشىمنىڭ جەلىپكار كۈلبىسىگە يىتىپ كەلدۇق ، ئىشىك ئىچىلىپ تۇرغان جايىمدىن مىدىرلىيالمايلا قالدىم ، غەزەپتىن تىترەپ كەتتىم ، كۆز ئالدىمدىكى بۇ ئۆي نەق مىنىڭ ئۆيۈمنىڭ كۆچۈرۈلمىسى ئىدى ، ئۆيگە ئىشلىتىلگەن جاھازلاردىن تارتىپ دەرىزە پەردىلىرى ، ھەتتا پولغا سالغان گىلەملەرگىچە ئوپمۇ - ئوخشاش ئىدى . مىنى ئەڭ غەزەپلەندۈرگىنى كۆز ئالدىمدىكى مۇنۇ ئاۋاقنىڭ ئۇچىسىغا ئارتىۋالغان كىچىلىك كىيمى بولدى ، مەن ئۇ كىيىمنى ئىككى ھەپتە بۇرۇن ماۋۇ كاساپەت بىلەن بىللە چىقىپ ، سىتار كوچىسىدىن سىتىۋالغانتىم ، كاللام جايىدا ئەمەس ، كۆڭلۈمنىڭ ئارامى يوق بولغاچقا تىخى بىرە قىتىممۇ ئۇچامغا ئەپلەپ كىيىپ باقمىغانتىم ، ئوغامنى قاينىتىپ ماۋۇ قارا مەدەك پەرى پۈرلەشتۈرۈپ مەيدىلىرىنى شالداما قىلىپ سۆرەپ كىيۋاپتۇ ، ئۆي ئىچىدىن بىر خىل ئەتىرنىڭ ھىدى  كىلىۋاتىدۇ ، دىسەم - دىمىسەم بۇ مەن دائىم ئىشلىتىدىغان ئەتىرنىڭ پۇرىقى ، ئاللاقانداق زەي ئارلاشقان تىجىق ھاۋادا خورلانغاندەك پۇراپ تۇردۇ ،         ئۆزەمنى زور غەيرەت بىلەن بىسىۋىلىپ بوسۇغىدىن ئاتلىدىم ، كەينىمدىن ئاۋۇ نوچىمۇ سوڭداشتى ، قارا مەدەك پەرى بولسا ھودۇقۇپ ، تەمتىرەپ كەينىگە داجىدى ، ئۇنىڭ ئۆڭگەن تەلەتىگە قاراپ ئۆزۈمنى غەلبە قىلغاندەك ھېس قىلدىم ، قەددىمنى رۇسلاپ ئۇنىڭغا مەنسىتمەسلىك بىلەن قاراپ قويۇپ ئىچكىرلەپ ماڭدىم ، ئۈستەل يىنىغا قويۇلغان نەقىشلىق ئورۇندۇقتا تەكەللۇپسىزلا ئولتۇردۇم ، ئېرىممۇ گەپ - سۆزسىز ئۇدۇلۇمدا ئولتۇردى     داۋامى بار

kaqvr

	بۇ ئايال نىمىدىگەن غەيرەتلىك ھە .....قوقماي تۇرۇپ ئۈچۈنچى شەخىسنىڭ ئۈيىگە مەردانە قىياپەتتە كىرەلەپتۇ . مىنىڭدەك دەردىنى ئىچىگە سېلىپ ، يىغلاپ قاقشاپ بوزەك بۇلۇپ قاراپ تۇرماپتۇ .  ..

oygurum

	ۋوي  خېنىم   ئەڭ  پەيزى   يىرىگە  كەلگەندە  تۈگۈتىۋېپ سىزيا ..

kudiratjan

	ئۇغۇلبالدەك خۇتۇنكەن       داۋامى ؟!

musilina

	ئاخىرلىشىشى بەك مۇۋاپپەققىيەتلىك چىققان ئەسەر بۇ....

izdinish

	ياخشى ، يىغلاش بىلەن مەسىلە ھەل بولغان بولسا پەلەستىن مەسىلىسى ھەل بولۇپ بولغان بولاتتى !