قاشتېشى-بۇ دەردىمنى كىمگە ئېيتىمەن

kaxtexijan

	بۇ دەردىمنى كىمگە ئېيتىمەن مۇساپىرلىق دەردىدە ئاھلاپ، قورسىقامنى باقالماي توقلاپ، يۇرت-ماكاننى سېغىنىپ ئويلاپ، يۇرت تەرەپكە قارايمەن توۋلاپ، بۇ دەردىمنى كىمگە ئېيتىمەن. ياقا يۇرتقا كەلدىم بىلىم دەپ، بىلىم بىلەن بولا خىزمەت ئەپ، دادا بولۇپ ئۆي غېمىنى يەپ، كېلىپ بولۇپ زاڭاق تۇتتۇم خەپ، بۇ دەردىمنى كىمگە ئېيتىمەن. تاماقلىرى مۇسۇلمانچىدەك، قاراپ باقسا خۇيزۇ خەنزۇدەك، خۇرۇچلىرى قىلار كىسەلدەك، شۈكۈردېدىم بولسام چۈشكۈندەك، بۇ دەردىمنى كىمگە ئېيتىمەن. خوتۇن بالام قالغان يۇرتلاردا، دىدار بولار قايسى ئايلاردا، سۆيگۈ ئىشقى قاينار باشلاردا، ھىجران ئوتى چاقنار ياشلاردا، بۇ دەردىمنى كىمگە ئېيتىمەن. ئۆزدىن يىراق كۆڭلى يىراق دەپ، كۈندەشلىكتە ئىشەنمەي غەم يەپ، ئىشەنچىدىن بولار بىر ئۆي ئەپ، بىگۇناھقا ئېيتىدۇ كۆپ خەپ، بۇ دەردىمنى كىمگە ئېيتىمەن. بىركۈن قالسام ئەگەر ئاغىرىپ، بەش-ئالتە يۈز يەتمەس ئازكىلىپ، ھېچبىر كىشى كۈتمەس ھال ئېلىپ، بىر ئاي بولماي قالار قاقشىلىپ، بۇ دەردىمنى كىمگە ئېيتىمەن. بىرى ئىچىپ ھاراق شاراپنى، بىرى چىكىپ نەششە قاپاقنى، غەيۋەت قېلىپ،سۇۋاپ بەتنامنى، قاندېشىغا ئاتار شاپاقنى، بۇ دەردىمنى كىمگە ئېيتىمەن. ھەق ئادالەت سۇندا ئالدىمدا، سەكلەپ تۇرسام چاپسا پالدۇدا، پىنھان تۇتسام ئىچىم يالقۇندا، بەكمۇ تەڭسىز ئىكەن بۇ دۇنيا، بۇ دەردىمنى كىمگە ئېيتىمەن. ئاپتۇرى: ئابدۇخېلىل ئابدۇراخمان(قاشتېشى) 2012-يىلى11-ئاينىڭ1-كۈنى بېيجىڭ

rahiyma

	ئىچكىرىدىكى مۇساپىرچىلىق ..... باشقا كەلمىگەنلەر بىلمەيدۇ.

arki

	ئۇقۇشقا يەنە ماڭدىلىما ياكى بۇرۇنقى ئەسلىمىلەرمۇ

axek13999649893

	خوتۇن بالام قالغان يۇرتلاردا، دىدار بولار قايسى ئايلاردا، سۆيگۈ ئىشقى قاينار باشلاردا، ھىجران ئوتى چاقنار ياشلاردا،

jelwa

	ياخشى  يىزىپسىز  ..........ئىچكىر  تۇرمۇشىنى  بىشىغا  كەلمىگەن  ئادەم  بىلمەيدۇ  جۇمۇ  .........

kaxtexijan

	arki يوللىغان ۋاقتى  2014-6-26 08:43 PM ئۇقۇشقا يەنە ماڭدىلىما ياكى بۇرۇنقى ئەسلىمىلەرمۇ بېيجىڭدىكى 2- يىللىق ئوقۇش ۋاقتىمدا يازغان ئىدىم، ھازىر يۇرتتا خىزمەتلىرىم ئىزىغا چۈشۈپ، مۇنبەر خۇمارىم تۇتۇپ بۇ يەرگە ئورۇنلىشىۋالدىم

kaxtexijan

	باشقۇرغۇچىلار تېما تەھرىرلىگەندە رەڭ ۋە خەتنىڭ چوڭ كىچىكلىكىنى بۇزىۋېتىپسىلەرغۇ ؟ يەنە بىرى تېما ماۋزۇسى ياندا تۇرىدۇ؟ مەن ئۆزگەرتىپ تەھرىرلەپ قويسام قايتا تەستىقلاشقا توغرا كىلىدىكەن.

kaqvr

	خوتۇن بالام قالغان يۇرتلاردا، دىدار بولار قايسى ئايلاردا، سۆيگۈ ئىشقى قاينار باشلاردا، ھىجران ئوتى چاقنار ياشلاردا، بۇ دەردىمنى كىمگە ئېيتىمەن. ھەر خىل ئادەم . ھەرخىل تۇيغۇ .      بەزىلەر بار ئائىلىسى ، خۇتۇن باللىرى بىلەن كارى بولماي ئەپ تاپسىلا سىرتتا ئويناشنىڭ غېمىدا . يەنە بەزىلەر جەم بۇلۇش ئارزۇسىدا .....

xam12

	سىزدەك ۋاپادار دادىدىن نەچچىسى باردۇ؟ سۆيۈملۈك ئايالىڭىزغا بولغان سېغىنىش ھىسسىياتىڭىزنى ياىشى ئىپادىلەپسىز . داۋاملىق ئالغا ...

XAHZAD

	مۇساپىرلىق دەردى ئىنتايى يامان كۈن كەچۈرمىسە تېخى يېقىنلىرىنى سېغىنىپ كۈندە چۈش كۆرمىسە تېخى