يازدا پاختىلىق كەمزۇل بىلەن ئىشلەۋاتقان دېھقان ئايال

elqvn

	ئاۋۇ سۆيۈملۈك دېھقان ئايالنىڭ پاختىلىق كەمزۇل كىيىۋالغىنىغا كىم دىققەت قىلدى؟!    ئۇنىڭغا قاراپ سوغۇق يەرمىكىن دەپ قالماڭلار، ئۇ يەر ئاقتۇ ناھىيىسىنىڭ بارىن يېزىسى بولۇپ، ئۆرۈك پىششىقىدا تىمپىراتۇرا 35-40گىرادۇسقا يىتىدىغان دېمىق بولىدۇ. بۇ مەزگىلدە ئەمگەكچان دېھقان قېرىنداشلار بۇغداي ئورۇش، خامان ئېلىش، قوناق تېرىش، ئۆرۈك يىغىش، گۈلە سېلىش.......دىگەندەك ئاپتاپتىلا بولىدىغان دېھقانچىلىق مەشغۇلاتى بىلەن ئايلاپ ئۆيگە كىرمەيدۇ. ئۇلار ئىسسىقتىن، ئاپتاپ ئۆتۈپ كېتىشتىن ساقلىنىشتا شەھەرلىكلەرگە ئوخشاش يالىڭاچلىنىشنى تاللىماستىن بەلكى قېلىن كىيىنىشنى تاللىۋالغان. يازدا بۇغداي ئېتىزلىرى ۋە خامانلاردا پاختىلىق چاپان، پاختىلىق جۇۋا كىيىۋالغان بوۋايلار، پاختىلىق كەمزۇل كىيىۋالغان مومايلارنى دائىم ئۇچراتقىلى بولىدۇ. «قىشتا ئوزۇق، يازدا يېپىنچا» دىگەن ماقال خەلقىمىزنىڭ مانا مۇشۇ تۇرمۇش تەجرىبىسىدىن ئېلىنغان.    ئۇلار شۇنچە قېلىن كىيىنىۋىلىپ ئىسسىپ كەتمەمدۇ؟    ئەمەلىيەتتە ئۇلار ئەتىگەندە ھاۋانىڭ سالقىن ۋاقتىدا ئاشۇ پاختىلىق كىيىمنى بىر كىيىۋىلىپ ئېتىزلىققا چىقىۋالسا ھەرقانچە ئاپتاپ چىقسىمۇ، ھەرقانچە ئىسسىق بولسىمۇ پاختىلىق كىيىمدىن ئۆتمەيدۇ، ئۇ پاختىلىق كىيىم ئەمەلىيەتتە «سوغۇق ساقلاش ساندۇغى»دىن ئىبارەت. شۇڭا ياشلار بىرەر سائەتمۇ بەرداشلىق بېرەلمەيدىغان ئاپتاپ-ئىسسىقتا ئۇلار نەچچە سائەتلەپ، كۈنلەپ ۋايسىماي ئىشلەيدۇ.     سۆيۈملۈك دېھقانلار............

elqvn

	بارىن يېزىسىنىڭ دۇنياغا داڭلىق سوقا ياغلىق ئۆرۈگى بارىن سوقا ياغلىق ئۆرۈكى گۈلىسىنىڭ قۇرۇش جەريانى (تەبئى ئاپتاپتا زەھەرسىز، زىيانسىز قۇرۇتۇلىدۇ)

elqvn

	بارىن ئۆرۈكى شىنجاڭ قىزىلسۇ ئوبلاستىنىڭ ئاقتۇ ناھىيىسىدە يېتىشتۈرىلىدىغان، شىنجاڭنىڭ داڭلىق مەھسۇلاتلىرىدىن بىرى بولۇپ، ئاقتۇ ناھىيە بارىن يېزىسىنىڭ ئۇزاق تارىخقا ئىگە قەدىمى ئۆرۈك سورتى. بارىن ئۆرۈكى پامىر ئىگىزلىكىنىڭ شەرقىدە، مۇزتاغ چوققىسىنىڭ باغرىدىكى مۇزتاغ بىلەن زىمىن كېسىشكەن يانتۇلۇقتا ئۆستۈرۈلگەن بولۇپ، ئۆزگىچە جۇغراپىيىلىك ئورۇن ۋە ھاۋا كېلىماتى، بۇلغانمىغان تەبئى موھىت ۋە مۇزتاغنىڭ تەبئى قار سۇلىرى بارىن ئۆرۈكىنى ئوزۇقلۇق جۇغلانمىسى مول، رەڭگى كۆركەم ۋە پارقىراق، تەمى ئۆزگىچە لەززەتلىك قىلىپ يىتىشتۈرۈپ چىققان ۋە نامىنى جاھانغا تاراتقان. شۇڭا ئاقتۇ ناھىيىسى دۆلەت ئورمانچىلىق ئىدارىسى تەرىپىدىن «جوڭگونىڭ بارىن ئۆرۈكى ماكانى» دىگەن نامغا ئېرىشكەن، بارىن ئۆرۈكى مەھسۇلاتلىرى دۆلەتلىك مۇناسىۋەتلىك تارماقلار تەرىپىدىن ئامرىكا ۋە ياۋروپا ئۆلچىمى بويىچە «ئورگانىك يېمەكلىك» ئېتراپنامىسىگە ئېرىشكەن.    بارىن ئۆرۈكىنىڭ مېۋە دانىسى چوڭ، گۆشلۈك، رەڭگى كۆركەم، قەنت تەركىۋى يۇقىرى، مېۋە ئېتى قىلىن ۋە پۇراقلىق بولۇپ ناھايىتى يىيىشلىك، داۋاملىق ئىستىمال قىلىپ بەرسە ئۆپكىنى  يۇمشىتىپ  بەلغەمنى بوشىتىدۇ، قۇرۇتۇلغان گۈلىسى (قېقى) نىڭ سۈپىتى ئالاھىدە ياخشى بولۇپ، ئوزۇقلۇق ساقلىق ساقلاش قىممىتى ئالاھىدە. ئىسسىقنى قايتۇرۇپ زەھەرنى تازىلايدۇ يۇقىرى، قېرىشنى كېچىكتۈرۈش، راكقا قارشى تۇرۇش ئۈنۈمىگە ئىگە. بارىن ئۆرۈكىنىڭ مېغىزى توق ۋە تاتلىق بولۇپ،  بۆرەكنى قۈۋۋەتلەش، بەدەننىڭ ئىممونىت كۈچىنى يۇقىرى كۆتىرىشتىكى كۆڭۈلدىكىدەك تەبئى يىمەكلىك. بارىن ئۆرۈكى مەھسۇلاتلىرى_ پامىر ئېگىزلىكىنىڭ ئالاھىدە مەھسۇلاتى، مۇزتاغنىڭ سوۋغىسى، مۇزتاغ كىشىلىرىنىڭ ئەجىر ئەمگىگىنىڭ جەۋھىرى. ئۇ ياشانغانلار ئۈچۈن كۈڭۈلدىكىدەك ساغلاملىق يىمەكلىگى، ياشلار ئۈچۈن كۆڭۈلدىكىدەك تەن ئاسراش ئوزۇقى، كىشىلىك ئالاقىڭىزدە كۆڭۈلدىكىدەك دوستلۇق سوۋغىسىدۇر!      سىزگە ۋە ئائىلىڭىزدىكىلەرگە ساغلاملىق ۋە خوشاللىق يار بولسۇن! https://uyghur-archive.com/misranim/thread-84092-1-1.html

ئەزىزىم

	رەھمەتلىك مومام ئىسىمگە كىلىپ قالدى دىسە ......

ئەزىزىم

	بۇ تىمىڭىزدا بىر يوشۇرۇن مەنا باركەن ، كىيىم كىيگەن بىلەن كىيمىگەننىڭ ئارلىقىدا بىر نىمىلەرنى كىيىپ يۈرىدىغانلار بىر كۆرگەن بولسا ............

ئەزىزىم

	elqvn يوللىغان ۋاقتى  2014-6-1 06:15 PM بارىن ئۆرۈكى شىنجاڭ قىزىلسۇ ئوبلاستىنىڭ ئاقتۇ ناھىي ... رەھمەتلىك مومامنى  ئىسىمگە سىلىپ قويدىڭىزغۇ .....

بانكىر

	ئۇيغۇرلار يەپ بولغىچە پۇلنى كۆپ چىقىرىش ئۇسۇلى بىلەن ئىچكىرىگە قەدەم ئالىدۇ.

uzum-tal

	رەھمەت سىزگە تېما يوللىغۇچى ! مەن ئۇ جىلىتكىدىن مۇھىمراق ئۈرۈككە قىزىقىپ قالدىم . ئەتىياز پەسلىدە شۇ ئۈرۈك سورتىنىڭ ئۈچ-تۆت يىللىق كۆچىتىنى تاپقىلى بولامدۇ ؟   مۇشۇ ئۈرۈكنىڭ سودىگەرلەرنىڭ باغۋەنلەرنىڭ قولدىن ئالدىغان ئەڭ تۆۋە چەك باھاسى ھەر كىلوگىرامى قانچە پۇل. قۇرتۇلغان قاقنىڭچۇ ؟ يەنە بىر گەپ بۈگۈرنىڭ ئاق ياغلىق كۇچارنىڭ ئىسمى ئىسىمدە قالماپتۇ بىر ئۈرۈك سورتى بولدىغان . بۇلار ئوتتۇرسىدىكى جۇغراپىيە ، تۇپراق ، كىسەللىك ، پىشىش ۋاقتى . يىتەرسىز تەرەپلىرى .....قاتارلىق مۇناسىۋەتلىك جاۋاپلارنى بىلسىڭىز مۇشۇ ھەقتە چۈشەنچە بەرسىڭىز .

uyghari

	دېھقانلارنىڭ ئىسسىقتىن ساقلىنىش ئۇسۇلى ئۈزگىچە ئىكەن، بارېن ئۈرۈكى نىمىدىگەن ئوخشىغان! بىراق بىزنىڭ يۇرتتا يېڭى بارېن ئۈرۈكىنى تاپقىلى بولمايدۇ-دە.