دىيارىمىزنىڭ خىسلەتلىك مېۋىسى_ بارىن ئۆرۈكى

elqvn

	بارىن ئۆرۈكى شىنجاڭ قىزىلسۇ ئوبلاستىنىڭ ئاقتۇ ناھىيىسىدە يېتىشتۈرىلىدىغان، شىنجاڭنىڭ داڭلىق مەھسۇلاتلىرىدىن بىرى بولۇپ، ئاقتۇ ناھىيە بارىن يېزىسىنىڭ ئۇزاق تارىخقا ئىگە قەدىمى ئۆرۈك سورتى. بارىن ئۆرۈكى پامىر ئىگىزلىكىنىڭ شەرقىدە، مۇزتاغ چوققىسىنىڭ باغرىدىكى مۇزتاغ بىلەن زىمىن كېسىشكەن يانتۇلۇقتا ئۆستۈرۈلگەن بولۇپ، ئۆزگىچە جۇغراپىيىلىك ئورۇن ۋە ھاۋا كېلىماتى، بۇلغانمىغان تەبئى موھىت ۋە مۇزتاغنىڭ تەبئى قار سۇلىرى بارىن ئۆرۈكىنى ئوزۇقلۇق جۇغلانمىسى مول، رەڭگى كۆركەم ۋە پارقىراق، تەمى ئۆزگىچە لەززەتلىك قىلىپ يىتىشتۈرۈپ چىققان ۋە نامىنى جاھانغا تاراتقان. شۇڭا ئاقتۇ ناھىيىسى دۆلەت ئورمانچىلىق ئىدارىسى تەرىپىدىن «جوڭگونىڭ بارىن ئۆرۈكى ماكانى» دىگەن نامغا ئېرىشكەن، بارىن ئۆرۈكى مەھسۇلاتلىرى دۆلەتلىك مۇناسىۋەتلىك تارماقلار تەرىپىدىن ئامرىكا ۋە ياۋروپا ئۆلچىمى بويىچە «ئورگانىك يېمەكلىك» ئېتراپنامىسىگە ئېرىشكەن.          قۇرۇتۇشقا سېلىنغان ئۆرۈك                 ئۆرۈك يىغىۋاتقان دېھقان ئايال     بارىن ئۆرۈكىنىڭ مېۋە دانىسى چوڭ، گۆشلۈك، رەڭگى كۆركەم، قەنت تەركىۋى يۇقىرى، مېۋە ئېتى قىلىن ۋە پۇراقلىق بولۇپ ناھايىتى يىيىشلىك، داۋاملىق ئىستىمال قىلىپ بەرسە ئۆپكىنى  يۇمشىتىپ  بەلغەمنى بوشىتىدۇ، . بارىن ئۆرۈكىنى قۇرۇتۇش قۇرۇتۇلغان گۈلىسى (قېقى) نىڭ سۈپىتى ئالاھىدە ياخشى بولۇپ، ئوزۇقلۇق ساقلىق ساقلاش قىممىتى ئالاھىدە. ئىسسىقنى قايتۇرۇپ زەھەرنى تازىلايدۇ يۇقىرى، قېرىشنى كېچىكتۈرۈش، راكقا قارشى تۇرۇش ئۈنۈمىگە ئىگە. بارىن ئۆرۈكى گۈلىسى بارىن ئۆرۈكىنىڭ مېغىزى توق ۋە تاتلىق بولۇپ،  بۆرەكنى قۈۋۋەتلەش، بەدەننىڭ ئىممونىت كۈچىنى يۇقىرى كۆتىرىشتىكى كۆڭۈلدىكىدەك تەبئى يىمەكلىك.         بارىن ئۆرۈكى مەھسۇلاتلىرى_ پامىر ئېگىزلىكىنىڭ ئالاھىدە مەھسۇلاتى، مۇزتاغنىڭ سوۋغىسى، مۇزتاغ كىشىلىرىنىڭ ئەجىر ئەمگىگىنىڭ جەۋھىرى. ئۇ ياشانغانلار ئۈچۈن كۈڭۈلدىكىدەك ساغلاملىق يىمەكلىگى، ياشلار ئۈچۈن كۆڭۈلدىكىدەك تەن ئاسراش ئوزۇقى، كىشىلىك ئالاقىڭىزدە كۆڭۈلدىكىدەك دوستلۇق سوۋغىسىدۇر!      سىزگە ۋە ئائىلىڭىزدىكىلەرگە ساغلاملىق ۋە خوشاللىق يار بولسۇن!

guzaltarim

	بارىن ئۆرۈكى دەپ ئاڭلماپتىكەنمەن ھازىر تۈگەپ كەتكەندۇ ؟

sazguri

	بۇ ئۈرۈكنى ئەڭ ياخشىسى گۈلە قىلىپ قۇرۇتسا شۇنداق ئىسىل گۈلا بولدۇ ... ئەمما يۆل يىسە  تازا تەمى يوقتەك ھىس قىلدىم مەن ...بىزنىڭ باغدىكىنى يەپ ....

باھادىر

	guzaltarim يوللىغان ۋاقتى  2012-7-30 11:29 PM بارىن ئۆرۈكى دەپ ئاڭلماپتىكەنمەن ھازىر تۈگەپ كەتكەندۇ ... توغرا دەيسىز، مەنمۇ ئاڭلىماپتىكەنمەن، ھەممىلا يەردە ئۈرۈكنىڭ  بولىدىغانلىقىنى بىلىمەن، لىكىن بارىننىڭ ئۈرۈكىنىڭ  مۇنداق داڭلىقلىقىنى بىلمەيدىكەنمەن.

elqvn

	guzaltarim يوللىغان ۋاقتى  2012-7-30 11:29 PM بارىن ئۆرۈكى دەپ ئاڭلماپتىكەنمەن ھازىر تۈگەپ كەتكەندۇ ... بۇ ئۆرۈكنى دېھقانلار «سوقا ياغلىق» دەپ ئاتايدۇ. سىرىتقا «بارىننىڭ ئۆرۈكى»دەپ تارقىلىپ، بارىن ئۆرۈكى دەپ ئاتىلىپ قالدى. دۆلەت ۋە ئاپتونوم رايونمۇ «بارىن ئۆرۈكى» دەپ ئاتاپ نام بەردى. 6-ئاينىڭ ئاخىرلىرى پىشىشقا باشلايدۇ، 7-ئاينىڭ ئوتتۇرىلىرى ئاخىرلىشىدۇ. ھازىر يېڭى گۈلىسى (قېقى) چىقىشقا باشلىدى.

elqvn

	sazguri يوللىغان ۋاقتى  2012-7-30 11:29 PM بۇ ئۈرۈكنى ئەڭ ياخشىسى گۈلە قىلىپ قۇرۇتسا شۇنداق ئىسىل ... بۇ ئۆرۈكنىڭ بارىندىن باشقا يەردە ئۆستۈرۈلگىنىنىڭ تەمى بارىندا ئۆستۈرۈلگىنىگە يەتمەيدۇ ( ئەلۋەتتە پەرۋىشكىمۇ باغلىق). ئەمەلىيەتتە بەك تاتلىق ئۆرۈك بۇ، تازا مەي باغلاپ پىشقىنىدىن 4نىلا يىسىڭىز تاتلىقلىغىدىن كۆڭلىڭىز تۇتۇلىدۇ.    پۇرسەت بولسا بارىندا پىشقىنىدىن يەپ بېقىڭ.

natik

	مەنمۇ ئاقتۇ بارىن بىلەن خوشنا تۇرۇپ تۇنجى ئاڭلشىم بارىن ئۈركى دەپ .

sazguri

	elqvn يوللىغان ۋاقتى  2012-7-30 11:52 PM بۇ ئۆرۈكنى دېھقانلار «سوقا ياغلىق» دەپ ئاتايدۇ. سىرى ... موكا ياغلىقمۇ سوقا ياغلىق مۇ  زادى قايسى ؟ بىز مۇكا  ياغلىق  دەيمىز كونىشەھەردە

qog

	مەنمۇ موكا ياغلىق دەپ ئاڭلىغان،موكا ياغلىقمىكى.

elqvn

	ئاۋۇ سۆيۈملۈك دېھقان ئايالنىڭ پاختىلىق كەمزۇل كىيىۋالغىنىغا كىم دىققەت قىلدى؟!    ئۇنىڭغا قاراپ بارىننى سوغۇق يەرمىكىن دەپ قالماڭلار، ئۆرۈك پىششىقىدا تىمپىراتۇرا 35-40گىرادۇسقا يىتىدىغان دېمىق بولىدۇ. بۇ مەزگىلدە ئەمگەكچان دېھقان قېرىنداشلار بۇغداي ئورۇش، خامان ئېلىش، قوناق تېرىش، ئۆرۈك يىغىش، گۈلە سېلىش.......دىگەندەك ئاپتاپتىلا بولىدىغان دېھقانچىلىق مەشغۇلاتى بىلەن ئايلاپ ئۆيگە كىرمەيدۇ. ئۇلار ئىسسىقتىن، ئاپتاپ ئۆتۈپ كېتىشتىن ساقلىنىشتا شەھەرلىكلەرگە ئوخشاش يالىڭاچلىنىشنى تاللىماستىن بەلكى قېلىن كىيىنىشنى تاللىۋالغان. يازدا بۇغداي ئېتىزلىرى ۋە خامانلاردا پاختىلىق چاپان، پاختىلىق جۇۋا كىيىۋالغان بوۋايلار، پاختىلىق كەمزۇل كىيىۋالغان مومايلارنى دائىم ئۇچراتقىلى بولىدۇ. «قىشتا ئوزۇق، يازدا يېپىنچا» دىگەن ماقال خەلقىمىزنىڭ مانا مۇشۇ تۇرمۇش تەجرىبىسىدىن ئېلىنغان.    ئۇلار شۇنچە قېلىن كىيىنىۋىلىپ ئىسسىپ كەتمەمدۇ؟    ئەمەلىيەتتە ئۇلار ئەتىگەندە ھاۋانىڭ سالقىن ۋاقتىدا ئاشۇ پاختىلىق كىيىمنى بىر كىيىۋىلىپ ئېتىزلىققا چىقىۋالسا ھەرقانچە ئاپتاپ چىقسىمۇ، ھەرقانچە ئىسسىق بولسىمۇ پاختىلىق كىيىمدىن ئۆتمەيدۇ، ئۇ پاختىلىق كىيىم ئەمەلىيەتتە «سوغۇق ساقلاش ساندۇغى»دىن ئىبارەت. شۇڭا ياشلار بىرەر سائەتمۇ بەرداشلىق بېرەلمەيدىغان ئاپتاپ-ئىسسىقتا ئۇلار نەچچە سائەتلەپ، كۈنلەپ ۋايسىماي ئىشلەيدۇ.     سۆيۈملۈك دېھقانلار............