يەتتە رەڭلىك قاشتاش ( فانتازىيە )

arka1

	بارغانسىرى ياخشى چىقۋاتىدۇ،داۋمىنى ساقلايمىز

شرئەلى118

	مۇشۇنداق ئىنكاس شەكلىدە تىزراق يوللاڭ ھە

buraqixi

	با  با   كۆرىدىغانلار  مانا  بىز  بار ، ۋاقتىڭىز چىقسا داۋاملىق  يوللاڭ.   جاپا  تارتسىڭىزمۇ

hiyalim1234

	مەن تېخى ئايىغى چىقمىدى دەپ يۈسەم 5-باب مەيەدە كەندە ، بىر ئەسكەرتىش بىرىپ قويماي تېمىغا تولۇقلىما مەزمۇن قىلىپ ، چىقمىغان ئوخشايدۇ دەپ ئولتۇرۇپتىمە ، ياخشى چىقىۋاتىدۇ داۋاملىق يېزىڭ

arka1

	kell يوللىغان ۋاقتى  2014-5-25 08:25 PM ئەمدى كۆرىدىغانلار يوقما؟ كۆرىدىغانلار جىق ،ئاخىرى قاچان چىقا دەپ كۆزىمىز تۆت بوپ كەتتى ھازىر

NURDEN

	فانتازىيە تۈسىنى ئالغاندەك قىلىدۇ.مەنمۇ بەك ئامراق مۇشدا تىمىلارغا .داۋامىنى كۈتىمەن.

mehribanu

	ئاخىرىنى تىزرەك يوللىسىڭىز بولاتتى ئادەمنى تەققەزا قىلماي.

QABDAS-915

	تىزراق چىقسا  بولاتتى  بۇ  ئەسەرنىڭ  داۋامى ئادەمنى تەققەزا قىلماي.

kell

	ئالتىنجى  باب     تەييارلىقىم پۈتمىدى غالىپنىڭ جاۋابىدىن ھەممەيلەن ھەيران قالدى . نېمىلا دىگەن بىلەن ھەممىلا ئادەمگە ئامرىكىغا چىقىش پۇرسىتى چىقىۋەرمەيدۇ دە . ھېلىقى ياپونىيەلىك غالىپنىڭ جاۋابىدىن بىر نەرسىنى سەزگەندەك بولدى دە : - ئەنسىرمەڭ ، ھەممە چىقىملىرىڭىزنى مانا مەن چىقىرىمەن . تەلىۋىڭىز ھەددىدىن ئارتۇق بولۇپ كەتمىسىلا ، نەچچە مىليون دوللار خەجلەشكە ھازىرچە قۇربىتىم يېتىدۇ . ئەگەر بۇ جايدا قېيالمىغۇدەك ئادىمىڭىز بولسا ، بىللە ئىلىپ چىقىپ كەتسىڭىز بولىدۇ . نەچچە ئادەم ئىلىپ چىقسىڭىز مەيلى . ئەلۋەتتە بەك جىق ئادەم ئېلىۋالسىڭىز ھەممەيلەنگە لايىقىدا قارىيالماسلىقىم مۇمكىن ، بىراق ئامالنىڭ بارىچە تىرىشىمەن . ئامرىكىدىن پات - پات قايتىپ كىلىپ تۇققانلىرىم بىلەن كۆرۈشەتتىم دىسىڭىزمۇ بولىدۇ . - كەچۈرۈڭ ، پىرافىسسور ئەپەندىم ، مىنىڭ ئەنسىرگىنىم پۇلنىڭ مەسىلىسى ئەمەس . مەن بەرىبىر ئامرىكىغا چىقمايمەن . - غالىپجان ئەپەندىم ، مۇنداق تىز رەت قىلىۋەتمەڭ . يەنە باشقا تەلەپلىرىڭىز بولسا ... ... ... غالىپنىڭ بۇ قېرىنىڭ سۆزلەۋىرىشىدىن ئىچى پۇشتى بولغاي : - ھەي ھەي ، پىرافىسسور ئەپەندى ، مەيلى نىمىلا دەڭ ، مەن چىقمايمەن دىگەن ئىكەنمەن ، چىقمايمەن . نىمانداق گەپ چۈشەنمەيسىز ؟ غالىپنىڭ تۇيۇقسىزلا گىپىنىڭ بىلىگە تىپىشى بۇ ئاقباش قېرىنى چۆچۈتۈپ قويدى . بىراق غالىپنىڭ بۇ تۇيۇقسىزلا قىلغان گەپلىرى ، دوختۇرخانا باشلىقى شۇنداقلا باشقىلارنى تېخىمۇ ئالاقزادە قىلىۋەتتى . چۈنكى بۇ ئاقباش قېرى ئادەتتىكى ئادەم ئەمەس ئىدى . ئۇ غالىپنىڭ ئىشىنى ئاڭلاپلا ، ئامرىكىدىن ئۇدۇل ئۇچۇپ كەلدى ھەمدە بۇ دوختۇرخانىغا نەچچە مىليون قىممىتىدىكى داۋالاش ئۈسكۈنىلىرى ۋە دورىلارنى ئالغاچ كەلدى . ئەڭ مۇھىمى ئۇ ئىلىپ كەلگەن دوختۇرلار قوشۇنى ھەرگىزمۇ ئادەتتىكى دوختۇرلار قوشۇنى ئەمەس ئىدى . بۇ دوختۇرلار قوشۇنىنىڭ دوختۇرخانىدىكى باشقا دوختۇرلارغا ئۈگەتكەن تەجرىبىلىرىنى ھازىرقى تىببىي ساھەنىڭ يۇقىرى تېخنىكىلىرى دىيىشكە بولاتتى . ئەڭ مۇھىم بولغىنى شۇكى ، بۇ ئاقباش قېرى بولسا ، خەلىقئارادا خېلىلا كۆزگە كۆرۈنگەن ، نوپوزلۇق دوختۇر ئىدى . ئۇنىڭ تىببىي ساھەدىكى بىلىمىنىڭ موللىقى ، ئۇنى تەمتىرىمەستىن ياپونىيە خان سارىيى ۋە ئامرىكا ئاق سارايلىرىغىچە بىۋاستە كىرىش سالاھىيتىگە ئىگە قىلغان ئىدى . ئەلۋەتتە نۇرغۇن ئادەملەر ئاق ساراينىڭ قانداق قوغدىلىدىغانلىقىنى بىلسىمۇ ، ياپونىيە خان سارىيىنىڭ قانچىلىك قوغدىلىدىغانلىقىنى بىلمەسلىكى مۇمكىن . ياپونىيە خان سارىيىدا ياپونىيىنىڭ ئەڭ يۈكسەك ھىساپلىنىدىغان تەڭرىقۇتى بولغان خانى تۇرىدۇ . خان سارىيىنى قوغداپ تۇرىدىغان ئالاھىدە خادىملارنىڭ ھەممىسى تەڭرىقۇت سامۇرايلىرى دەرىجىسىدە تۇرىدىغان بولۇپ ، خان ساراينى مەخسۇس چارلاپ تۇرىدىغان ساقچىلارمۇ 300 دىن ئاشىدۇ . تەڭرىقۇت سامۇرايلىرى ، سامۇرايلارنىڭ دەرىجىسى ئىچىدىكى ئەڭ يۇقىرى دەرىجىسى بولۇپ ، ئادەتتە سامۇرايلار ، سامۇراي ( سامۇراي دىگەن ئەڭ تۆۋەن دەرىجە بولۇپ ، ئادەتتىكى ماھارەت يەنى ئادەتتىكى ئىلىشىش ھۆنەرلىرىنى ئىگەللىگەن بولۇپ ، ئادەتتىكى ئادەملەرگە نىسبەتەن يامان ھىساپلىنىدۇ ) . ئاق سامۇراي ( سامۇرايلىق دەرىجىسى سامۇرايلاردىن ئازراق يۇقىرى تۇرىدىغانلار بولۇپ ، ئادەتتىكى سامۇرايلارغا قارىغاندا كۆپرەك چېنىقتۇرۇلغانلارنى كۆرسىتىدۇ . ) قارا سامۇراي ( ئوتتۇرا دەرىجىلىك سامۇرايلار بولۇپ ، ئۇلارنىڭ ئاساسلىق ۋەزىپىسى چارلاش ، يۇشۇرۇن ئۆلتۈرۈش دىگەندەك ، بىراق يەنىلا ھەقىقىي ماھارەت ئىگىلىرى ھىساپلانمايدۇ . ) ئالتۇن سامۇراي ( بۇ سامۇرايلارنىڭ يۇقىرى دەرىجىسى بولۇپ ، ماھارىتى مەلۇم پەللىگە يەتكەن ۋاقىتتا ئالتۇن سامۇرايلىق دەرىجىسى بىرىلىدۇ . ئادەتتە قارا سامۇرايلارنىڭ باشلىقى ھىساپلىنىدۇ ، ناھايىتى ئاز بىر قىسىملىرى ئادەم باشقۇرۇشنى خالىمايدىغانلار بولۇپ ، ئۇلار ئۆزىنى يۇشۇرۇن تۇتۇشقا ئامراق بولىدۇ . ) زىمىن سامۇرايلىرى ( بۇ سامۇرايلارنىڭ يۇقىرى پەللىگە يەتكەنلىكىدىن دىرەك بېرىدىغان بولۇپ ، ئالتۇن سامۇرايلاردىن تۆۋەن دەرىجىلىك سامۇرايلارنىڭ ئۇلار بىلەن كۆرۈشۈش سالاھىيتىمۇ بولمايدۇ . ئەلۋەتتە ، ئۇلارنىڭ ماھارىتى ناھايىتى قالتىس بولغاچقا ، زىمىندا تەڭدىشى يوق ھىساپلىنىپ ، زىمىن سامۇرايلىرى قاتارىغا كىرەلەيدۇ . ) تەڭرىقۇت سامۇرايلىرى ( بۇ سامۇرايلىق ھاياتىنى باشلىغان ھەر بىر سامۇراينىڭ ئارزۇسى ۋە نىشانى بولۇپ قالغان بولۇپ ، ياپونىيەدە تەڭرىقۇت سامۇرايلىرى پەقەت ئەڭ يۇقىرى دەرىجىلىك ئورۇنلارنىڭ قوغداش ۋەزىپىسىنى ئۆز ئۈستىگە ئالغان بولىدۇ . ) . سامۇرايلارنىڭ ئەسلىدىكى ۋەزىپىسى بىۋاستە تەڭرىقۇتنىڭ بۇيرۇقىنى ئاڭلاش ، تەڭرىقۇتقا مەڭگۈ سادىق بولۇش بولغاچقا ، ئۇلار ئۆزلىرىنىڭ پادىشاھىنىڭ سۆزىنى خۇدانىڭ سۆزى دەپ چۈشىنىدۇ . بەلكىم سامۇرايلارنىڭ بۇ قىلىقلىرىدىن ھەيران بولىدىغانلار كۆپ بولىشى مۇمكىن ، بىراق سامۇرايلارنىڭ يۇقىرى دەرىجىلىكلىرىنىڭ ھەممىسىلا پادىشاھنىڭ دۆلىتىنىڭ تۈۋرىكى ، ئۆزىنى پادىشاھنىڭ قۇلى ھىساپلايدۇ . پادىشاھنىڭ بۇيرۇقىنى شەرتسىز ئىجرا قىلىدۇ . ئەلۋەتتە ، ياپونىيەنىڭ ساقچىلىرىنى بوش چاغلىغان بولسىڭىز ، خاتالاشقان بولىسىز ، چۈنكى ئۇلاردا يۇقىرى دەرىجىلىك پەن - تېخنىكىلا بولۇپ قالماستىن ، دۇنيا بويىچە يۇقىرى ھىساپلىنىدىغان ساپا ھازىرلىغان بولىدۇ . ياپونىيە 2- دۇنيا ئۇرۇشىدىن كىيىن ئەسكىرى كۈچىنى كۈچەيتمەسلىك توغرىسىدا ۋەدە بەرگەندىن كىيىن ، ئەسكەرلەرگە بولغان قاتتىق تەلەپلىرى ساقچىلارنىڭ ئۈستىگە چۈشكەن بولۇپ ، ساقچىلارنىڭ ساپاسى ھەربىيلەرنىڭ ساپاسىدىن ئۇنچە تۆۋەن تۇرمايدۇ . يۇقىرى دەرىجىلىك ساقچى ئەمەلدارلىرىنىڭ ئىچىدە كۆپىنچىسى ھەربىيلەرنىڭ ئارىسىدىن تاللىنىدىغان بولۇپ ، ساپا جەھەتتىن نۇرغۇن دۆلەتلەرنىڭ ساقچىلىرىنى بىسىپ چۈشىدۇ . 300 دىن ئارتۇق قوغداش ساقچىلىرىنى 300 دىن  ئالاھىدە قىسىم ئەسكەرلىرى دىسەك ھەرگىزمۇ مۇبالىغە بولمايدۇ . بۇ سىتاستىكىلارغا قارىغاندىمۇ ، ياپونىيە خان سارىيىنىڭ قانچىلىك قوغدىلىدىغانلىقىنى بىلىۋىلىش تەس ئەمەس . مۇشۇنداق قاتتىق قوغدىلىدىغان جايغا خالىغانچە كىرىپ - چىقالايدىغان ئادەمنىڭ قانچىلىك نوپوزى بارلىقىنى ئويلاپ يېتىۋىلىش تەس ئەمەس . دوختۇرخانا باشلىقىنىڭ ۋە باشقىلارنىڭ جىددىيلىشىپ كىتىشىنىمۇ چۈشىنىۋىلىشقا بولىدۇ دە ئاخىر . بىراق بۇ تەرسا مىجەز ، بۇرنى بولمىسا پوق يەيدىغان كالۋا غالىپ ، قاراپ تۇرۇپ مۇشۇنداق بىر ئادەمنىڭ چىرايلىقچە قىلغان تەلىۋىنى رەت قىلىپ ، تېخى ئۇنىڭغا شۇنداق ئەدەپسىزلەرچە قوپال تىگىۋاتىدۇ ، راستلا يېڭى تۇغۇلغان موزاي يولۋاستىن قورقماپتۇ دىگەن گەپتە بۇ . ياتاقتا تۇرغان ھەممەيلەننىڭ چىرايى ئۆزگۈرۈپ كەتكەن ئىدى . ئاقباش بۇ قېرى بىردەم تۇرۇپ قالغاندىن كىيىن ، يەنە گەپ قىلماقچى بولدىيۇ ، بىراق غالىپنىڭ كەسكىن سۆزلىرى ۋە قەتئىيلىك چىقىپ تۇرغان چىرايىغا قاراپ ، قانداق قىلىمەن دىگەندەك دوختۇرخانا باشلىقىغا قارىدى . دوختۇرخانا باشلىقى ناھايىتى خىجىل بولغان ھالدا بۇ قېرىدىن كەچۈرۈم سورىغان ھالەتتە بىشىنى ئاستا لىڭىشىتتى دە ، غالىپقا قاراپ گەپ قىلماقچى بولدى . بىراق غالىپقا قاراپلا ئۇنىڭغا گەپ قىلغاننىڭ پايدىسى يوقلىقىنى ھىس قىلدى . غالىپنىڭ بۇ ئەلپازىدا ئۇنىڭغا نېمىلا دىگەن بىلەن بىكار ئىدى . دوختۇرخانا باشلىقى راستلا باش قېتىنچىلىقىدا قالغان ئىدى . قانداق قىلىش كىرەك ؟ بۇ ئىشلارنى لايىقىدا بىر تەرەپ قىلمىسا ، كاۋاپقىمۇ ، زىققىمۇ زىيان بولاتتى . بىراق ، بۇ غالىپنىڭ مۇشۇ تەرسالىقىزە ... ... دوختۇرخانا باشلىقى بىردەم تۇرىۋەتكەندىن كىيىن ، بىردىنلا كاللىسىغا بىر ئەقىل كەلدى دە ، ھەممەيلەنىنى سىرىتقا شەرەتلىگەچ ، غالىپقا قاراپ : - بوپتۇ ، غالىپجان ، ئەگەر راستىنلا چىققۇڭىز بولمىسا ، بىزمۇ زورلىمايلى ، ياخشى ئارام ئېلىڭ . بىز چىقىپ كىتەيلى . غالىپجانمۇ ئوبدانراق ئويلىنىۋالسۇن . دوختۇرخانا باشلىقى شۇنداق دىگىنىچە ئىككى قولىنى كەڭرى ئاچقىنىچە باشقىلارنى ياتاقتىن زورلاپ دىگەندەك ئىلىپ چىقىپ كەتتى . ھەتتا غالىپنىڭ < مىنىڭ يەنە ئويلاشقۇدەك ھىچقانداق ئىشىم يوق ، چىقمايمەن دىدىم چىقمايمەن ، ئاڭلىدىڭىزمۇ ؟ > دەپ سورىغان سۇئاللىرىنىمۇ ئاڭلىمىغانغا سېلىپ چىقىپ كەتتى . سىرىتقا چىققاندىن كىيىن ياپونىيىلىك ئاقباش قېرى ھەيرانلىق ئىلكىدە دوختۇرخانا باشلىقىغا قارىدى : - سىز ؟ بۇ ؟ - بۇ ئىشتا سىزنىڭ ، مىنىڭ ياكى باشقىلارنىڭ دىگەن گەپ - سۆزلىرى غالىپقا تەسىر قىلمايدۇ . شۇڭا ئۇنىڭغا ئارتۇق گەپ قىلىپ ئولتۇرمايلى دەپ قايتىپ چىقتىم . - دىمەكچى بولغىنىڭىز ؟ ئۇنىڭغا كىمنىڭ گىپى تەسىر قىلىدۇ ؟   دوختۇرخانا باشلىقى مەنىلىك تەرىزدە بىر چەتتە تۇرغان رائىلە دوختۇرغا كۆزىنى تاشلىدى . دوختۇرخانا باشلىقىغا قاراپ تۇرغان ھەممەيلەننىڭ نەزىرى بىردىنلا رائىلە چۈشتى . رائىلە زادى نىمە ئىش بولغىنى بىلەلمىگەندەك بىردە ئۇنىڭغا بىردە بۇنىڭغا قاراپ تۇراتتى . - يۈرۈڭ رائىلە دوختۇر ، ئىشخانىغا كىرىپ سۆزلىشەيلى . دىدى دوختۇرخانا باشلىقى . ۋە ئىشخانىغا كىرگەندىن كىيىن : - سىزنىڭ تېخىمۇ ياخشى شارائىتتا ، تېخىمۇ ياخشى تېخنىكىلارنى ئىگەللەپ ، تىببىي سەۋىيىڭىزنى ئۆستۈرگىڭىز بارمۇ ؟ رائىلە نېمە دىيىشىنى بىلمەي قاراپ تۇرىۋەتكەندىن كىيىن ، بەزىبىر ئىشلارنى ئازراق سەزگەندەك قىلدى دە : - باشلىق ، دىمەكچى بولغىنىڭىز ؟ - شۇنداق ، سىزنى ئامرىكىغا بىلىم ئاشۇرۇشقا ئەۋەتمەكچىمەن . - ھە ؟ - قانداق ، قوشۇلمامسىز ؟ - بىراق ، مەن ....،- رائىلە سەل دۇدۇقلاپ تۇرۇپ ، قانداق جاۋاپ بىرىشنى بىردەم ئويلىنىۋالدى ، بىراق بۇ سۇئال تۇيۇقسىزلا سورالغاچقا دەماللا نىمە دىيىشىنى بىلەلمەي قالدى ، - باشلىق ، مىنىڭ ئىددىيەمدە تېخى تەييارلىقمۇ يوق ئىدى . مەن .. ... - بولىدۇ ، سىزگە بىر كۈن ئويلىنىش ۋاقتى بىرەي . بىراق ئۇنىڭدىن ئارتۇق ۋاقىت بىرەلمەيمەن ، ئەتە مۇشۇ ۋاقىتتا ماڭا ئېنىق جاۋابىنى بىرىڭ . - مەن ... ... رائىلەنىڭ گىپىنى ئۈزۈپلا دوختۇرخانا باشلىقى : - شۇ ئېسىڭىزدە بولسۇنكى ، بىزگە ھازىر لازىم بولىۋاتقىنى ئىقتىدارلىق خادىملار ، بۇ بىر پۇرسەت ، دوختۇرخانىمىز يېقىندا ئىقتىدارى تۆۋەنلەرنى شاللاش قارارىنى ئېلان قىلماقچى ... ... دوختۇرخانا باشلىقىنىڭ مەنىلىك بۇ سۆزلىرى رائىلەنى تېخىمۇ جىددىيلەشتۈرۈپ قويدى . < ۋۇ ئۆلمىگۈر قېرى تۈلكە قېرى ، ئەگەر قوشۇلمىساڭ ، دوختۇرخانىدىن ھەيدەيمەن دىگىنىڭمۇ بۇ > دىگەنلەرنى ئويلاپ ئۈلگۈردى رائىلە . بىراق ئامال يوق ، رائىلە گەپ سۆز قىلماستىن بىشىنى ئاستا لىڭىشتىپ ، ئىشخانىدىن چىقىپ كەتتى . ياپونىيىلىك قېرى مۇتەخخەسسىس بولسا دوختۇرخانا باشلىقىغا قارىغانچە ، ئىشنىڭ تەكتىنى تېخىچە چۈشىنەلمەستىن سورىدى : - بۇ قىزچاقنىڭ ئىپادىسى تازا ياخشى ئەمەسمۇ ؟ بىراق شۇنداقتىمۇ ئۇنى خىزمەتتىن قىسقارتىش .... تازا ياخشى بولماس ؟ - ھە ،ھە ... ... ئەنسىرىمەڭ . بۇ دىگەن بىر تاكتېكا . ئۇنى ھەرگىزمۇ خىزمەتتىن بوشىتىۋەتمەيمەن . دوخـتۇرخانا باشلىقى شۇ تاپتا تاپقان ئەقلىگە بارىكاللا ئېيتىپ ، ئالىي دەرىجىلىك يۆلەنمە ئورۇندۇقىغا ئۆزىنىڭ سېمىز بەدىنىنى ئېغىر تاشلاپ ھوزۇرلىنىپ ئولتۇرۇپ جاۋاپ بىرىۋاتاتتى .

kell

	قېنى بۇ ئىنكاسنىڭ ئاخىرى ؟ 6 - بابىنى يوللاپ قويغىلىمۇ خېلى ئۇزۇن بولدى بولمىسا.