يەتتە رەڭلىك قاشتاش ( فانتازىيە )

kell

	تۆتىنجى باب  بۇ زادى نېمە ئىش ؟ غالىپنىڭ كىسىلى كۈندىن - كۈنگە ياخشى بولۇپ كەتتى . دوختۇرخانىدىكى بارلىق دوختۇرلار شۇنچە قىلىپمۇ ئۇنىڭ مۇنچىۋالا تىز ياخشى بولۇپ كىتىشىنى بىلەلمىدى . غالىپنىڭ بۇ ئىشلارنى ئويلىشىشقا چولىسىمۇ تەگمىدى . ئۇنىڭ نەزىرىدە رائىلە دوختۇرلا ھەممىدىن ئۈستىن تۇراتتى . بۇ بەلكىم ياخشى كۆرۈشتۇر ۋە ياكى بىردەملىك قىزىقىشتۇر . بىراق ئۇنىڭ نەزىرىدە بۇلار مۇھىم ئەمەس ، مۇھىمى دوختۇرلارنىڭ قالايمىقان تەكشۈرۈشلىرىنى ھىساپقا ئالمىغاندا كۈنلىرىنى بەكلا مەنىلىك ئۆتكۈزىۋاتقاندەك ھىس قىلىۋاتاتتى . ئارىدىن بىرەر ھەپتە ئۆتكەندە تۇيۇقسىزلا ئۇنىڭ ياتىقى ئالىي دەرىجىلىك يالغۇز ياتاققا يۆتكىلىندى. رائىلە دوختۇر ئەتىگەندە كىرىپلا ئۇنىڭغا يۇقىرىدىن تەكشۈرۈش ئۆمىكى كەلگەنلىكىنى ، ئۇنىڭ بۇ قېتىممۇ ماسلىشىپ بىرىشىنى ئېيتىپ چىقىپ كەتتى . بىردەمدىن كىيىنلا سىستىرالاردىن بىر نەچچىسى كىرىپ ئۇنىڭ ياتىقىنى پاكىز تازىلاپ چىقىپ كىتىشتى . توۋا بۇ دوختۇرخانىنىڭ سىستىرالىرىمۇ تازىلاشنى بىلىدىكەن ھە ؟ ئادەتتىكى كۈنلەردە بىرەر قېتىم تازلىق قىلىنىدىغان ، تازلىق قىلغاندىمۇ شۇنداقلا قولىنىڭ ئۇچىدا قىلىدىغان سىستىرالار بۈگۈن ياتاقنى پاكىز تازلاپ ، ھەممە يەرلەرنى نەچچە قېتىملاپ قايتا - قايتىلاپ سۈرۈتكەندىن كىيىن ئاندىن چىقىپ كېتىشتى . مۇشۇ باشلىق كېلىدۇ دىگەن گەپ زە ، بولىدىغان گەپكەن جۇمۇ دەپ ئويلىدى غالىپ . بۈگۈن كىم كىلەر ؟ ئۆتكەندە مەركەزدىن ئادەم كەپتۇ دەپ بىر توپ ئاقباشلار كىرىپ ئۇنى ئۇيان ئۆرۈپ بۇيان چۆرۈپ ساراڭ قىلىۋەتكەن ئىدى . ئەمدى كىم كىلەر ؟ كۈن چۈش بولاي دىگەندە كالدىرلىشىپ بىر توپ دوختۇرلارنىڭ ھەمراھلىقىدا بىر نەچچە پاكار- پاكار دوختۇر خالىتى كىيكەنلەر كىرىشكە باشلىدى . ئۇلارنىڭ سۆزلىرىگە قارىغاندا ياپونلۇقتەكلا قىلاتتى . ھەقاچان ئاز پۇل بەرمىدى ، دەپ ئويلىدى غالىپ . - قانداقراق ئەھۋالىڭىز ؟ - ياخشى ياخشى . - ئاڭلىساق ، باش سۆڭىكىڭىز ئىچىگە نەچچە سانتا كىرىپ كەتكەن ئىكەن ، مۆجىزىلەرچە ھايات قاپسىز ... ... - يەنە شۇ گەپ ، بۇنى خۇدايىم ئۆزى بىلمىسە ، مەن قانداق بىلىمەن؟ - سىزدە قانداق ئالامەتلەر بولغان ؟ - ھەي ، ھەي ، مەن شۇ ھۇشۇمغا كەلسەم مۇشۇنداق ساقىيىپ قاپتىمەن ... -، ئۇ ئوغۇرلۇقچە رائىلەگە بىر قارىۋەتكەندىن كىيىن ، - بەلكىم بەزى دوختۇرلارنىڭ كۆڭۈل قويۇپ داۋالىشىدىن بولسا كىرەك ... ... ... رائىلەنىڭ گۈلدەك قىزىرىپ كىتىشى ئۇنىڭغا ئالاھىدە ھوزۇردەك بىلىندى . - سىلەرنىڭ تېخنىكاڭلار ھەقىقەتەن يۇقىرى ئىكەن ، - دىيىشتى ياپونلۇقلار ،- باش تەرىپىگە تۆت سانتا ئەينەك پارچىسى كىرىپ كەتكەن ئادەمنىمۇ داۋالاپ ساقايتالاپسىلەر ..... - ھە ؟! ھە ، ھە ، ھە توغرا ، بۇ دوختۇرلارنىڭ مەسئۇلىيىتى ئەمەسمۇ ... - ھەقىقەتەن قالتىس . بەلكىم بۇ بىر تاساددىپىلىق ۋە ياكى مۆجىزىدۇر ، بىراق سىلەرگە ھەقىقەتەن قول قويدۇق. دوختۇرخانا باشلىقى ۋىللىدە قىزاردى دە ، ئۆزىنى ئوڭشىۋالدى . - بىراق بىز تا ھازىرغىچە بۇ ئىشلارنىڭ سەۋەبىنى تاپالمىدۇق. -شۇنداق ، شۇنداق ، بىزمۇ ھازىرغىچە چۈشۈنۈپ كىتەلمىدۇق . بىراق ھامان جاۋابى چىقىدۇ. -شۇنداق . - دوختۇرخانا باشلىقى ، ياپونىيەلىك مۇتەخخەسسىسلەرنىڭ قورسىقىمۇ ئاچقاندۇ ، قالغان گەپلەرنى شۇ يەردە دىيىشسەك ... ... - ھە ، توغرا ، شۇنداق قىلايلى .    ياتاقنىڭ ئىچى يەنە جىمجىتلىققا چۆمدى . گەرچە نەچچە كۈندىن بىرى دوختۇرخانىدا يېتىۋىرىپ كۆنۈپ كەتكەن بولسىمۇ ، بىراق رائىلەنىڭ كىرمەسلىكى سەل خۇيىنى تۇتقۇزۇپ قويدى . دەرھال كونۇپكىنى باستى . بىردەمدىن كىيىن رائىلەنىڭ گۈزەل سىماسى ياتاقتا پەيدا بولدى . رائىلەنى كۆرگەن غالىپنىڭ سەل چىرايى ئېچىلدى . - ئاۋۇ پاكىنەكلەر چىقىپ كەتكەندىن كىيىن ، بىر تەكشۈرۈپ قويايمۇ دىمەيسىز يا ؟ - سىزدە ھازىر كىسەل بولمىسا ، نېمىنى تەكشۈرىمەن. - پۈتۈن بەدىنىم كىسەل بوپ كىتىپ بارسا ، كىسەل يوق دەيسىز يا . ھەممە يىرىم ئاغرىۋاتىدۇ مىنىڭ. - ئۇنداق ئەمەستۇ ، ئەتىگەن تەكشۈرگەندە بەدەننىڭ ھەممە يەرلىرىدە ھىچقانداق كىسەللىك ئالامىتى كۆرۈلمىگەن ئىدىغۇ ؟ - كىسەللىك ئالامىتى كۆرۈلمىسىلا ، كىسەل بولمىغان بولامدۇ ؟ - ھە ، ئەمسە تەكشۈرۈپ باقاي . رائىلە خېلى تەكشۈرگەندىن كىيىنمۇ ، غالىپنىڭ بەدىنىدە ھىچقانداق ئۆزگۈرۈش سىزىلمىگەنلىكتىن ، تەكشۈرۈشنى توختاتتى . - غالىپ ، سىز مىنى ئالدىسىڭىز بولمايدۇ . دىدى ، بۇيرۇق تەلەپپۇزىدا . - شۇنداق ، مەنمۇ سىزنى ئالدىمىدىم . - ئەمىسە ، سىرېڭىزنى ئېيتىپ بەرسىڭىز بولامدۇ ؟ - مېنىڭ نېمە سىرىم بولسۇن ؟ - ئاۋۇ ، بىشىڭىزنىڭ نىمىشقا مۇنچە تىز ساقايغانلىقىنى ئېيتىپ بەرمەمسىز ؟     غالىپ خېلى بىر ۋاقىت تۇرىۋەتكەندىن كىيىن ، ئۆزىمۇ ئويلىنىپ قالدى . چۈنكى ، باشقا دوختۇرلاردىن ئاڭلىغان گىپىدە ئۇنىڭ ئەينى ۋاقتتىكى ئەھۋالى ناھايىتى خەتەرلىك بولۇپ ، ئۇنى ئۇرغانلار ئۇنىڭ باش قىسمىغا ئەينەك بوتۇلكا بىلەن ئۇرغان بولۇپ ، باش قىسمىنىڭ نۇرغۇن يەرلىرى يارىلانغان ، ئىككى يىرىگە ئەينەك سانجىلىپ ، بىر ئەينەك چوققا مىڭىسى تەرەپكە تۆت سانتىمىتىر ئەتراپىدا سانجىلىپ قالغان بولۇپ ، ئۇنىڭ ھايات قىلىشىدىن دوختۇرنىڭمۇ ، ساۋاقداشلىرىنىڭمۇ ئۈمىدى يوق ئىدى ، بىراق ئۇ يەنىلا مۆجىزىلەرچە ھايات قالدى . بۇ زادى قانداق ئىش ؟ ئۇ توختىماي ئويلىناتتى . بىراق ھەرقانچە ئويلانسىمۇ جاۋابىنى تاپالمىدى . تۇيۇقسىز ، ھېلىقى غەلىتە چۈشى ئىسىگە كىلىپ قالدى . توغرا ، ھازىرچە رائىلەگە مۇشۇ چۈشۈمنى دەپ بىرىپلا قۇتۇلمايمەنمۇ دەپ ئويلىدى ئۇ . ۋە چۈشىدە كۆرگەنلىرى ئېيتىپ بەردى . - ھەي ، سىز ئەمدى مىنى ئەخمەق قىلىشقا چۈشتىڭىزما ؟ - ھەي ، مەن سىزنى قانداق ئەخمەق قىپتىمەن ؟ بۇ بىر چۈشلا ئەمەس ، بۇ بىر ... ... ئۇ ئۆزىمۇ بۇ ئىشنىڭ زادى چۈش ياكى ئەمەسلىكىنى ئىيتىپ بىرەلمەيتتى . - چۈشىدە ئۆزىنى ئۆزى داۋالىسا ، ئوڭىدىمۇ داۋالىنىپ ساقىيىپ قالىدۇ دىگەن ساختا گەپتە ، بۇ ئېنىقلا مىنى ئەخمەق قىلغانلىق بولماي ... ... رائىلەنىڭ راستلا كۆڭلىگە كەلگەندەك قىلاتتى . - ۋاي ، چاقچاق ، چاقچاق ، دوختۇر ، سىزنى ئەخمەق قىلىشقا مىنىڭ ھەددىم ئەمەس . - يەنە شۇنداق ، دائىملا مېنى مۇشۇنداق گەپلەر بىلەن ئالدايسىز . بولدىلا .   رائىلە راسىتلا خاپا بولغاندەك قىلاتتى . - جىنىم رائىلە ، يا ، ياق ، رائىلە دوختۇر ... ... بۇ ئىش ... ... - غالىپ ، بەك ھەددىڭىزدىن ئاشتىڭىز ، سىز بىمار ، مەن دىگەن دوختۇر ، مەيلى سىز قانچىلىك ئالاھىدە بولۇڭ ، مىنىڭ ئۆزۈمنىڭ يىگىتى بار ، ئەمدى ماڭا جىنىم - پىنىم دىگەن گەپنى قىلماڭ. شۇنداق دىگىنىچە رائىلە غالىپنىڭ چۈشەندۈرۈشىگىمۇ قۇلاق سالماي چىقىپ كەتتى . ياتاقتا ، يەنە شۇ غالىپ ئۆزى يالغۇز قالدى . بۇ قانداق بوپ كەتكىنى ؟ ئەمەلىيەتتە مەنمۇ بۇ ئشلارنىڭ قانداق بوپ كەتكەنلىكىنى بىلمىسەم ، رائىلەنىڭ مۇنداق ئاچچىقلىنىپ كىتىشىنىڭ ئورنى بارمۇ ؟ ھەر قانچە بولسىمۇ ، جىنىم دىگەن بىر ئېغىز گەپكە ئۇنچىلىك ئاچچىقلىنىپ كەتمىسە بولار ئىدى ؟ بىراق ئۇنىڭ كاللىسىغا تۇيۇقسىز ھېلىقى چۈشى كىلىپ قالدى . توغرا ھېلىقى بوۋاي ئۇنىڭغا ئۆز - ئۆزىنى ئەسلىگە كەلتۈرۈش ئۇسۇلىنى ئۈگۈتۈپ قويغاندەك قىلغان ، شۇنى سىناپ باقسا بولمامدۇ ؟ بىراق ئۇ ھەرقانچە قىلىپمۇ بەدىنىنىڭ بىرەر كىسەل بار جايىنى تاپالمىدى . ئەستا ، قانداق قىلسام بولار ؟ يا بىر كىسەل بولىمەن دەپلا كىسەل بولغىلى بولمىسا ، دەپ ئويلىدى ئۇ . توغرا ، قولىدىن ئازراق يەرنى كىسىپلا بۇ ئۇسۇلنى سىناپ باقسا بولمامدۇ ؟ ئۇ چاغدا ئۇ بۇ ئىشنىڭ راسىت ياكى يالغانلىقىنى ئايرىيالىغان بولاتتى . شۇنداق قىلىپ ئۇ قولىنىڭ ئۇچىدىن ئازراق يەرنى ئالما ئاقلاشقا ئالغان پىچىقى بىلەن ئازراق كىسىپ باقتى . ئاغرىقىغا چىداپ تۇرۇپ كىسىپ باقتى ، قولى كىسىلىپ قان چىققاندىن كىيىن ، ھېلىقى بوۋاي چۈشىدە ئۈگەتكەن ئۇسۇل بىلەن ئۆزىنى داۋالاپ باقتى . داۋالاپ باقتىيۇ ، ئۆزىنىڭ ساق ياكى ساق ئەمەسلىكىدىن گۇمانلىنىپ قالدى . چۈنكى ئۇنىڭ قولىنىڭ كىسىلگەن جايى ھىچقانداق تارتۇق قالمايلا ساقىيىپ كەتتى . توۋا بۇ زادى نېمە ئىش ؟ تولۇقلىما مەزمۇن (2014-5-25 06:28 PM): بەشىنجى باب   ئامرىكىغا بارمايمەنبۇ مەزمۇنلار پۈتۈنلەي مىسرنىم مۇنبىرىدى تولۇقلىما مەزمۇن (2014-7-23 05:38 AM): ????????? : ????? ???????? ??????? . ???? ????? ????????? ??? ??????? ?????? ???????? . ????? ??? ?????? ????? ????? ????? ??????? ???????? . ?????????? ?????? ?????? . 1- ???  ??? ????? ?????

nazpari

	4-باپ دەپ ئەسكەرتىش بېرىلىپتۇ. بۇ ئەسەرنىڭ ئىلگىرىكى قىسىملىرى نەدە بولغىيتى دەپ قالدىم.

hutan.tawakkul

	راست بۇ رومانمۇ ھېكايىمۇ؟ ئۇنىڭ ئىلگىركى قىسىملىرى نەدە؟

Qaynam1

	رەھمەت، دەسلەپتە بىرىنچى باب يوللانغاندا ئانچە قىزىقمىغان ئەمدى قىزىقتۇرۇپ قويدىڭىز ، بولسا يوقاپ كەتمەي ئاخىرىنىمۇ يوللىۋىتەرسىز!

mehribanu

	داۋامىنى قاچان يوللارسىز ئەمدى، ئەجەپ قىزىقىپ قالدىم.

شرئەلى118

	يىغىپ چۇغلاپ پۈتكەندە بىراقلا يوللىساڭلا بولمامدۇ

hiyalim1234

	رەھمەت ياخشى يېزىپسىز  1-بابتىن باشقا ھەممىنى ئوقۇدۇم ياخشى  چىقىپتۇ ، داۋاملىق يېزىڭ

kell

	باشقۇرغۇچىلار ، خاپا بولۇشماي ، ماۋۇ تېمىلىرىمنى بىر يەرگە تەھرىرلەپ قويساڭلار ، ئاخىرىنى داۋاملىق بىر تېمىنىڭ ئاخىرغىلا يوللاي.