مەنمۇ ئۈچ يىل بۇرۇن كۈچۈرمىكەشلەرگە رەددىيە بېرىپ بىر يازما يازغان ئىدىم.
/thread-7436-1-1.html
بۇ يەرگە چاپلاپ قۇياي.
ھەر قانداق بىر ئەسەر مەيلى ئۇ شېئىر ياكى ئەدەبىياتنىڭ باشقا ژانىرى بولسۇن ئاپتۇرنىڭ جاپالىق مېھنىتى ، ئىزدىنىشى ، تەپەككۇر قىلىشى ، قان تەرى بەدىلى بىلەن ۋۇجۇتقا چىقىدۇ . باشقىلارنىڭ ئەجىر تۆھپىسىنى ئۆزىنىڭ قىلىۋېلىش ئەڭ چوڭ نۇمۇسسىزلىق ۋە پەسكەشلىكتىن باشقا نەرسە ئەمەس .
بۈگۈن كېچە بۇلىشىغا قارىماي مۇنبەردىكى تېمىلارنى كۈرۈۋېتىپ ئىنتىزار دىگەن بىرسى يوللىغان << ياشايمەن دۇنيادا سېنى دەپ ئانا >> دىگەن شېئىرغا كۆزۈم چۈشتى . قىزىقىش بىلەن شېئىرنى ئوقۇپ چىقتىم . ئوقۇۋېتىپ ، مۇھەممەتجان راشىدىن ئاكا مۇنبەرگە ئەزا بولغان ئوخشايدۇ ، ئەمدى ئەركىن پىكىر ئالماشتۇرالايدىغان بوپتىمىز دەپ خوش بۇلۇپ كېتىپتىمەن . كىم بىلسۇن مەنبە دىگەن يەردىكى << ئۆز قەلىمىم >> دىگەن خەتنى كۆرۈپ كۈزۈمگە ئىشەنمەيلا قالدىم ، قايسى قۇيۇندا قالغان ، كاللىسىغا كېسەك چۈشۈپ كەتكەننىڭ قىلىقىدۇ بۇ ؟ دەپ ئاچچىقىمنى باسالماي تاس قاپتىمەن كومپىيوتىرنى چېقىۋەتكىلى .
بۇ شېئىرنى سەنەۋەر تۇرسۇن 90 - يىللاردا ناخشا قىلىپ ئېيتىپ خەلقنىڭ زور ئالقىشىغا ئېرىشكەن ، مۇشۇنداق زور ئالقىشقا ئېرىشكەن ناخشىنىڭ تېكىستىنىڭ ، ئاپتۇرىنىڭ كىشىنىڭ قەلبىدىن چىقىپ كېتىشى مۈمكىنمۇ؟ مەنمۇ ئۆز ھەۋىسىم بىلەن ناخشا تۇنجى قېتىم تېلۋۇزۇردا بەرگەن چاغدىلا ئۇئالغۇغا كۈچۈرىۋېلىپ ئېيتىشنى ئۈگەنگەن تۇرسام ، قانداقمۇ ئېسىمدىن چىقىپ كەتكۈدەك ؟
2005 - يىلى 8 - ئاينىڭ 31 - كۈنى ئىدارىدىن بىزنى غۇلجىغا ساياھەتكە ئېلىپ بارغاندا سورۇنىمىزغا ئاتايىن مۇھەممەتجان ئاكا بىلەن ھېسام ئاكىنى تەكلىپ قىلغان ۋە قىزغىن موڭداشقان ئىدۇق . شۇ سورۇندا بىزنىڭ بىر خىزمەتچىمىز مۇشۇ ناخشىنى ئېيتىپ مۇھەممەتجان ئاكا بىلەن ھېسام ئاكىنىڭ تەبرىك سۆزىگە ئرىشكەن ، مەن ھېسام ئاكا بىلەن بىر نەچچە قەدەھ سوقۇشتۇرغان ، مۇھەممەتجان ئاكادىن ئەدەبىيات توغرىلىق تەلىم ئالغان ئىدىم . شۇ كۈنلەر مەڭگۇ ئېسىمدىن چىقمايدۇ .
مانا قۇلۇمدا مۇھەممەتجان راشىدىن ئاكىنىڭ 2006 - 2 - ئايدا نەشىر قىلىنغان << ياخشىلارغا ناخشىلار تولا >> دىگەن شېئىرلار توپلىمى ، ( بۇ توپلامغا شائىر يازغان ، باشقىلار ناىشا قىلىپ ئېيتقان شېئىرلىرى كىرگۈزۈلگەن ) توپلامنىڭ 4 - 5 بېتىگە چىقىرىلغان 6 كۇبلىتلىق << قانداق قىلارمەن >> دىگەن شېئىرىنى كۈرۈپ ئولتۇرۇپتىمەن . خۇددى شېئىرلارنىڭ ئىچىدىن مۇلايىملىغى چىقىپ تۇرغان بىر چىراي << قايسى ئوغرى ، مۆرتەد سېنىڭ ماۋزويىڭنى ئۆزگەرتىپ ، قۇيرۇقلىرىڭنى قىرقىۋەتكەندۇ ؟>> دەپ ئۆتكۈر نەزىرى بىلەن تىكىلگەندەك بۇلۇپ بەتتام تائام يەۋالغاندەك شۈركىنىپ كەتتىم .
ئىنتىزار تېمىنىڭ مەنبە دىگەن يېرىگە << ئۆز قەلىمىم >> دەپ ، يازغۇچە قوللىرى تىترىمىگەنمىدۇ، ئىشەكنىڭ تېرىسىدەك قېلىن بۇلۇپ كەتكەن يۈزى قىزارمىغانمىدۇ؟ دەيمەن .
ئىنتىزار سىزدىن سوراپ باقاي ! سىز قانچە ياشقا كىردىڭىز ؟ تېخى 30 ياشقا بارمىغانسىز ؟ مۇشۇ شېئىر دۇنياغا كەلگەن چاغدا بەلكىم سىز قەيەرلەردىدۇ ئېغى ئۇچۇق ئىشتان كىيىپ ، ماڭقىڭىزنى سىڭايان تارتىپ ئويناپ يۈرگەن بولغىيتىڭىز؟ ( ئىشەنمىسىڭىز كۆزىڭىزنى لاخشىگىردا ئىككى تەرەپكە يوغان كېرىپ ، توپلامدىكى شېئىرنىڭ ئارقىسىدىكى يېزىلغان 1989 - يىل . 25 - مارت دىگەن ۋاقىتقا قاراڭ >> تېخى بۇ شېئىرغا قارىتا تورداشلارنىڭ ئىنكاسىغا ئۇيالماي ، قىزارماي تۇرۇپ << بۈگۈن مەن 4 شېئىر يوللىدىم ، ھەممىسى خاتىرەمدىن ئېلىنغان ، مەن پەقەت ئۆز شېئىرلىرىمنىلا خاتىرىگە يازاتتىم ، ھەم ئاتاغلىق شائىرلارنىڭكىنى كۈچۈرىدىغان يۈرەك يوق >> ئۆزىڭىزچە چۈشەندۈرۈپ كېتىپسىز ، ( بۇ گېپىڭىزنى ئاڭلاپ ، نېرۋىسىنىڭ بىرەر ۋېنتىسى كاممىكىن دەپ ئويلاپ قالدىم ) . سىز(( ئەلنىڭ كۆزى ئەللىك )) دىگەن ھىكمەتنى ئاڭلىمىغانمىتىڭىز ؟ ئەجەبا خاتىرىگە كۈچۈرۈۋالسىڭىزلا سىزنىڭ بوپ قالامدىكەن ؟ بىڭسىڭىز بولسا نەجىپ مەھبۇزنىڭ << ئۈچ كوچا تىرىلوگىيىسى >> دىگەن ئەسىرىنى كۈچۈرۈپلا ئىككىنچى قېتىم نوبىل مۇكاپاتى ئېلىۋالمامسىز ؟ مۇشۇ قىلىقىڭىزنى ئەسەر ئاپتۇرى كۆرسە نىمە دەر ؟ بۇ قىلىقىڭىز ئەسەرنىڭ ئەسلى ئاپتۇرىغا ، شۇنداقلا ئەدەبىياتىمىزغا قىلىنغان ئەڭ چوڭ ھاقارەت .
سىزگە يەنە شۇنىمۇ ئەسكەرتىپ قوياي : مۇنبەرگە نۇرغۇن ئادەم كىرىدۇ ، بۇ قىلىقىڭىزنى بىرسى بايقىمىسا يەنە بىرسى چوقۇم بايقايدۇ . ئەڭ ياخشىسى بۇنداق كەمپۈت بەرسە ئالدىنىدىغان كىچىك بالىنىڭ ئويۇنىنى ئاستا يىغىشتۇرۇۋېلىڭ . بۇنداق <<<<<<<<<< نادىر >>>>>>>>>> ئەسىرىڭىزنىڭ ئابرۇيىنى مۇنبەردە پاخاللاشتۇرغىچە ئەڭ ياخشىسى <<<<<< داڭلىق >>>>>> مەتبۇئاتلارغا ئەۋەتىڭ . سىز يوللىغان باشقا شېئىرلارنىمۇ كۆردۈم ، بۇ شېئىرلارنىمۇ خۇددى قەيەرلەردە كۆرگەندەكلا قىلىمەن ، لېكىن قۇلۇمدا پاكىت بولمىغاچقا بۇ ھەقتە ئېغىز ئاچماي تۇراي ، تېما يازالمىسىڭىز ئىنكاس يېزىپ باشقىلارنىڭ تېمىسىدىن ھۇزۇرلىنىڭ ، << يېزىقچىلىق بىلىملىرى >> دىگەن كىتاپنى ئەستايىدىل كۈرۈپ تۇرمۇشنى كۈزۈتۈڭ ، تەپەككۇر قىلىڭ . شۇنداق قىلالىسىڭىزلا كۈنلەرنىڭ بىرىدە ياخشى ئەسەرلەرنى يېزىپ چىقالىشىڭىز مۈمكىن . قىلىدىغانغا ئىش تاپالماي قالغان بولسىڭىز بېرىپ گاگا ئويناڭ ، ۋاللەي ئويناڭ !!! ئېسىڭىزدە بولسۇن ! (( مېھنەتسىز تائام ھەر ۋاقىت ئېغىزىڭىزنى كۆيدۈرىدۇ )) .
ھۆرمەتلىك تورداشلار ھەممىمىز بۇنداق كۈچۈرمىكەشلىكتىن ئىبرەت ئالايلى !!
مەنبە : ئۆز قەلىمىم
بۇ يازمىنى ئاخىرىدا hokumran تەھرىرلىگەن. ۋاقتى 2014-4-3 12:56 AM
يوللىغان ۋاقتى 2014-4-2 11:45:36 PM
يوللىغان ۋاقتى 2014-4-3 12:24:28 AM
