NASA: ئالتە ياشلىق بالا ناسا نى قۇتقۇزۇپ قالماقچى بولدى

bilimxumar

	ئالتە ياشلىق بالا ناسا نى قۇتقۇزۇپ قالماقچى بولدى بىلىمخۇمار 2014-يىلى 25-مارت يېقىنقى بىر قانچە يىلنىڭ مابەينىدە، ئامېرىكا ھۆكۈمىتى ناسا غا ئاجراتقان خامچوت مىقتارىنى بۇرۇنقىدىن بىر ئاز ئازلىتىۋەتكەن بولۇپ، ھازىر ناسا نىڭ يىللىق خامچوت مىقتارى پۈتۈن ئامېرىكا ھۆكۈمىنىڭ يىللىق خىراجىتىنىڭ 0.5 پىرسەنتىنى ئىگىلەيدۇ.   ئامېرىكىنىڭ دېنۋەر شىتاتى كولورادو شەھىرىدە ياشايدىغان 6.5 ياشلىق كوننور جونسون (Connor Johnson) 3 ياشقا كىرگەن ۋاقتىدىن باشلاپلا چوڭ بولغاندا بىر ئالەم ئۇچقۇچىسى بولۇشنى غايە قىلغانىدى.  ئۇ يېقىندا ئامېرىكا ھۆكۈمىتى ناسا ئۈچۈن ئاجرىتىدىغان خامچوت مىقتارىنى ئازايتماقچى بولغانلىقىنى ئاڭلىغاندىن كېيىن، ئۆزىنىڭ كەلگۈسىدىكى ئىستىقبالى بىر خەتەر ئاستىدا ئىكەنلىكىنى ھېس قىلىپ، بۇ خىل ئەھۋالنى ئۆزگەرتىش ئۈچۈن كۈرەش قىلىشنى قارار قىلدى.  كوننور دەسلىۋىدە ئامېرىكا پرېزىدەنتى ئوباماغا خەت يازماقچى بولدى.  ئەمما، ئۇ كېيىنچە ئامېرىكا ھازىر ئىقتىسادىي قىيىنچىلىققا دۇچ كېلىۋاتقانلىقىنى كۆزدە تۇتۇپ، ئۆزى يىققان 10.41 دوللار پۇلنى ناسا غا ئىئانە قىلىش قارارىغا كەلدى.   گەرچە بۇ ئىئانە قىلىش ئىشى كوننورنىڭ توغرا ئويلاۋاتقانلىقىنى كۆرسىتىپ تۇرغان بولسىمۇ، ئۇنىڭ ئاتا-ئانىسى كوننورنى ناسا غا ئۆز ئاۋازىنى ئاڭلىتىشنىڭ بىر تېخىمۇ ئۈنۈملۈك يولىنى تېپىشقا رىغبەتلەندۈردى.  شۇنىڭ بىلەن كوننور ئىمزا توپلاش ھەرىكىتىنى باشلىدى.  گەرچە چاقىرىق خېتىنى ئۇنىڭ ئاتا-ئانىسى يېزىپ بەرگەن بولسىمۇ، بۇ ھەرىكەتنى ئېلىپ بېرىش كوننورنىڭ ئىدىيىسى ئىدى.   ئۇ خەتنىڭ ماۋزۇسى مۇنداق يېزىلغان: «ناسا نىڭ خامچوتىنى كۆپەيتىڭلار.  شۇنداق قىلساڭلار بىز يېڭى دۇنيانى بايقىيالايمىز، ئۆزىمىزنى خەتەردىن مۇداپىيە قىلالايمىز، ھەمدە ئۆز غايىمىزنى ئەمەلگە ئاشۇرالايمىز.  كوننور جونسون، 6.5 ياش.»  ئۇ خەتنىڭ ئىچىدە مۇنداق گەپ بار: «ناسا خامچوتىنى كۆپەيتىڭلار، شۇنداق قىلساڭلار بالىلار كائىناتتىكى يېڭىلىقلارنى بايقاشنى ئۆزىگە غايە قىلالايدۇ.  ئىلىم-پەنگە ئاجراتقان پۇل ۋەتىنىمىزنىڭ كەلگۈسى ئىستىقبالىنى بەلگىلەيدۇ.» كوننورنىڭ چاقىرىقى «بىز خەلق» (ۋە تھە پەئوپلە) دېگەن تور بېتىگە چىقىرىلىشقا لايەقەتلىك بولۇش ئۈچۈن 150 ئىمزا توپلاش زۆرۈر بولۇپ، ئۇ بۇ 150 ئىمزانى توپلاپ بولدى.  ئەمدى ئۇ يەنە 90 مىڭ ئىمزا توپلىسا، ئۇنىڭ چاقىرىقى ئاق ساراينىڭ جاۋابىغا ئېرىشەلەيدۇ.  كوننور 2014-يىلى 24-مارت كۈنى بىر ئاخبارات ئورگىنىغا ئۆزىنىڭ ئارزۇسىنىڭ چوقۇم ئەمەلگە ئاشىدىغانلىقىنى، ئۇنداق بولۇشتىكى سەۋەب، ناسا ئۇنىڭغا ھەر قانداق بىر مەقسەتنى كىچىك قەدەملەرنى ئېلىش ئارقىلىق ئەمەلگە ئاشۇرغىلى بولىدىغانلىقىنى ئۆگەتكەنلىكىنى ئېيتتى. سابىق ئالەم ئۇچقۇچىسى، فلورىدا شىتاتىدىكى كېننېدىي ئالەم مەركىزىنىڭ ھازىرقى دىرېكتورى 15-مارت كۈنى بىر كوننورنى قارشى ئېلىش مۇراسسىمى تەشكىللەپ، كوننورغا بىر قىسىم ئالەم ئۇچقۇچىسى بىلەن مۇناسىۋەتلىك خاتىرە بويۇملىرىنى سوۋغات قىلدى.  ھەمدە ئۇنى ھازىرقى غايىسىنى بويلاپ داۋاملىق تىرىشىشقا رىغبەتلەندۈردى.  كوننورنىڭ ئالىي مەكتەپنى پۈتتۈرىدىغان ۋاقتى ناسا نىڭ مارسقا ئادەم چىقىرىش ۋاقىتلىرىغا توغرا كېلىدىكەن. كوننورنىڭ يۇقىرىدىكى ئىش-ئىزلىرى يېقىندا ئامېرىكىدىكى مېدىئالاردا كەڭ تۈردە خەۋەر قىلىندى. پايدىلىنىش ماتېرىياللىرى: [1] 6-year-old boy from US starts petition to save Nasa <http://www.independent.co.uk/lif ... sa-8996210.html> [2] NASA This Week <http://www.youtube.com/watch?v=xHJ1uO2bJEY&feature=youtu.be> 1-رەسىم: ئالتە يېرىم ياشلىق كوننور جونسون (Connor Johnson) 1-رەسىم 2-رەسىم: كوننور جونسون فلورىدادىكى كېننېدىي ئالەم مەركىزىنىڭ دىرېكتورى بىلەن بىللە 2-رەسىم 3-رەسىم: ناسا نىڭ ئاپوللو-11 پروگراممىسى ۋاقتىدا ئالەم ئۇچقۇچىسى بۇزز ئالدرىننىڭ ئاينىڭ ئۈستىدە تۇرغان كۆرىنىشى

nomu

	ئەڭ ئىسىل يازىملىرىڭىز بىلەن بىزنى خەۋەردار قىلىپ تۇرغىنىڭىزنغا كۆپتىن كۆپ رەخىمەت ! ئاللاھ سىزگە بەخىت ئاتا قىلسۇن~

babur99

	كەلگۈسىگە بولغان مەسئۇليەتچانلىق تۇيغۇسى بۇ خەقنىڭ ھۈجەيرىلىرگىمۇ سىڭىپ كەتكەن ئوخشايدۇ. 6ياشلىق بىربالا دۆلەتنىڭ شۇنچە چوڭ ئىشغا كۆڭۈل بۆلۈپتۇ .دۆلەت ،جەمئىيەت ،ئاتا -ئانىلار بىرلىكتە بالىلارنى تەربىيلەشكە كۆڭۈل بۆلىشى كىرەك .

zulyar-apandi

	ئەسسالامۇ ئەلەيكۇم مۆھتىرەم ئۇستاز. تىنىڭىزگە سالامەتلىك تىلەيمەن. ئادرېسىنى قالدۇرۇپ قويسىڭىز بىزمۇ بېلەت ياكى ئىمزادەك بىر نىمە تاشلاپ، سان كۆپەيىتمەيمىزمۇ

.0102

	مەن ئۈچۈن كۈلۈپ قۇيۇدىغان ئىشكەن...

MUTU22

	مائارىپ ،پەن-تىخنىكا تەرەقىياتى ئچىۋىتىلگەن جەمىيەت مۇھىتىغا مۇھتاج،ئامىرىكا جەمىيىتى دەل ئچىۋىتىلگەن مۇھىت.

bilimxumar

	zulyar-apandi يوللىغان ۋاقتى  2014-3-25 11:07 AM ئەسسالامۇ ئەلەيكۇم مۆھتىرەم ئۇستاز. تىنىڭىزگە سالامەت ... سالام زۇليار ئەپەندىم، بۇ ئامېرىكا ھۆكۈمىتىنى ئۆز سىياسىتىنى ئۆزگەرتىشكە قىستايدىغان بىر ئىش بولغاچقا، بۇ ئاۋاز توپلاش ئىشىغا ئاۋاز قوشقۇچىلار چوقۇم ئامېرىكا گراجدانى بولۇش شەرتى بار بولىشى مۇمكىن.  «بىز خەلق» تور بېتىنىڭ ئاۋاز توپلاش سەھىپىسى https://petitions.whitehouse.gov/petitions بولۇپ، كوننورنىڭ ئاۋاز توپلاش ئىشىنى بۇ يەردىن تاپالمىدىم. ئېھتىمال بىر قانچە كۈننىڭ ئىچىدە چىقىپ قېلىشى مۇمكىن.

yoluchi

	بىزدىكى 6.5 ياشلىق ئەمەس 13 ياشلىق بالىلارمۇ بۇنچىلىك تەپەككۈر قىلالمايدۇ ۋە ئويلاپ يىتەلمەيدۇ . بۇ ئىككى دۆلەت ئووتۇرىدىكى ئائىلە ۋە مائارىپ تەربىيەسى كىشىلەرنىڭ پەرزەنتىەگە بولغان ،تۇتقان ،مۇئامىلىسىنىڭ پەرقى .

rabbey

	yoluchi يوللىغان ۋاقتى  2014-3-25 11:46 AM بىزدىكى 6.5 ياشلىق ئەمەس 13 ياشلىق بالىلارمۇ بۇنچىلىك تە ... قىلالمايدۇ ئەمەس... ئەسلى ئۇنىڭدىن كىچىك باللامۇ قىلالايدۇ بىزدە... ئەپسۇس بىزدە ئۇنداق غەيرەت،ئۇنداق ھوقوق مەۋجۇت ئەمەس...

asrar729

	باللاردا كىچىكىدىنلا مۇشۇنداق بىر روھنى ئويغاتقان ،كىشىگە ئەڭ يۇقرى دەرىجىدە پىكىر ئەركىنلىكى بەرگەن، ھەربىر كىشىدىكى يوشۇرۈن ئىقتىدارلارنى قىزىشقان ۋە قوللاشقا مۇھىت ھازىرلاپ بەرگەن ئامرىكا ئاتمۇسفىراسىغا قايىللىقىمنى بىلدۈرىمەن... بۇ ئۆز نۆۋىتىدە شۇ كىشىگە تەۋە بولغان توپنى ۋە ۋەتەننى ئۈنسىز سۆيۈشنى ، ۋە بارلىق كۈچىنى چىقىرىپ تۆھپە قوشۇشنى  ئۈگىتىدۇ... ..