«ئۇيغۇر تىلى خەلقارالىق تىل»

ئاشقىن1

	دۇنيادا ئەڭ كۆپ ئادەم ئىشلىتىدىغان خەنزۇ تىلى بولسا ئۆزىنىڭ تۇغما ئاجىزلىقى سەۋەبىدىن ئەزەلدىن دۆلەت ھالقىيالىغان ئەمەس،ھېلىھەم شۇنداق.

guzal~yurtum

	ئۇيغۇر تىلى - ئابدۇرېھىم زۇنۇن ئۇيغۇر تىلى ئابدۇرېھىم زۇنۇن بىل شۇنى، ئۇيغۇر ئۈچۈن پۈتمەس گۆھەر ئۇيغۇر تىلى، مەڭگۈ پاتماس زەر قۇياش، نۇرلۇق قەمەر ئۇيغۇر تىلى، بىپايان تىل كۆكىدە، چولپان، ئۇكەر ئۇيغۇر تىلى، مەنىلەرگە باي، تېرەندۇر شۇقەدەر ئۇيغۇر تىلى، بولدى تارىختىن بېرى بىزگە پەدەر ئۇيغۇر تىلى. ئانا تىل ھەر دەم قوۋم-مىللەت ئۈچۈن روھ تۈۋرۈكى، ئانا تىل پەن-مەرىپەت ئالماشتۇرۇشنىڭ كۆۋرۈكى، ئانا تىل چوڭۇ كىچىكنىڭ يۈرىكى، تاغ-يۆلىكى، ئانا تىل ۋاسىتە-قورال ئالاقىدە، قەلب ئەينىكى، بىزنى قۇچتۇرغان جىمى ئىشتا زەپەر ئۇيغۇر تىلى. پەنگە ئاشىق-بىقارار قىلدى مېنى دىلبەر تىلىم، تارتتى رايىمنى ئۆزىگە ھەرقاچان ئەمبەر تىلىم، ئەلگە دىل رىشتىمنى چاتتى بال-شېكەر، كەۋسەر تىلىم، بولدى ئەل دۈشمەنلىرىگە تىغ-تەبەر، نەشتەر تىلىم، ھەممىمىزنى قىلدى دائىم بەھرىۋەر ئۇيغۇر تىلى. «ئا» بىلەن كىردى ئېغىزغا، تىل-زۇۋانغا مەڭگۈ تەم، قىلدى تىل ئاقىل، نادانلارغا بېرىپ ئىدراكۇ پەم، تىل چېچىلغاننى يىغىپ قىلدى ھامان بىر يەرگە جەم، تىل بىمار، ئاجىز-ئورۇققا ئەم- داۋا، ئاچلارغا يەم، خاسىيەتلىك تىلتۇمار، قالقان ـــ سىپەر ئۇيغۇر تىلى. يۈرىكىمگە كەلدى سۆزلەپ مۇشۇ تىلدا جان بوۋام، مەن ئىجاد ئەتتىم مۇشۇ تىلدا، قىلىپ پەرۋاز داۋام، مۇشۇ تىلدا سايرىدى بۇلبۇل كەبى ھەقدار بالام، مۇشۇ تىل بەردى چىدام، مەردلىك، ۋاپادارلىق مۇدام، قان قېرىنداشلارغا رىشتە، جانجىگەر ئۇيغۇر تىلى. سۇ بېرىپ ياشناتتى بىزنى ئانا تىل ـــ ئالتۇن بۇلاق، ئۇ ـــ چىراغ، پەرۋانە بىز، ھەرگىزمۇ كەتمەيمىز يىراق، ئانا تىل ـــ يىلتىز، ئوزۇق ئالغۇچى بىز ـــ نوتا-ئۇلاق، ئانا تىلدا دەرس ئېلىپ، تاپتۇق ئەقىل، سەمرىپ قۇلاق، بىزگە پۈتمەس كان، خەزىنە شام-سەھەر ئۇيغۇر تىلى. قويدى تاڭ دۇنيانى شۇ تىلدا قىلىپ بۇلبۇل ناۋا، تاپتى شۇ تىلدا پۈتۈلگەن كۈي-غەزەل يۈكسەك باھا، ھەر تەرەپتىن ياغدى ئالقىش، «مىڭ ياشا!»دېگەن سادا، مۇشۇ تىل شۆھرەتكە نائىل ئەيلىدى، سالدۇق ساما، ئىپتىخارغا پۈركىدى ئۇيغۇرنى زەر ئۇيغۇر تىلى. شاھ مۇقامنى مۇشۇ تىلدا ئاڭلىدى ئەھلى جاھان، مۇشۇ تىل دىللارنى دىلغا ئۇلىغان رىشتە ھامان، مۇشۇ تىل بىرلە يۈسۈپ، ھەزرەت نەۋايى تاپتى شان، مۇشۇ تىلغا جان بېرىپ مەھمۇد بوۋام تۈزدى دىۋان، مەڭگۈ ئەڭگۈشتەر، يېزىشتا شاھ ئەسەر ئۇيغۇر تىلى. مۇشۇ تىل بىزگە جاھاندا تەڭدىشى يوق، بىباھا، مۇشۇ تىل بىرلە بىلىپ يەتتۇق نېمە توغرا، خاتا، مۇشۇ تىل مەڭگۈ قەدىردان، مېھرى ئاتەش جان ئانا، مۇشۇ تىلنىڭ شۆھرىتىنى قىل ھىمات، جاننى ئاتا، پىر بولۇپ بىزگە ئۆگەتتى كەسىپ – ھۈنەر ئۇيغۇر تىلى. ئانا تىل قالغان ئانامنىڭ ئانىسىدىن يادىكار، ئانا تىلغا يۇغۇرۇلغان چىن غۇرۇر ۋە ئىپتىخار، ئانا تىلنى ئاڭلىسام جۇتنى سېزەرمەن گۈلباھار، ئانا تىل بار ـــ ئەلمۇ بار، ھېكمەت، مۇھەببەت… ھەممە بار، بىزگە ئاش-ناندەك زۆرۈردۇر، ھەمسەپەر ئۇيغۇر تىلى. بولغۇسى قەدرىم پاخال-خەس، بولمىسا گەر ئۆز تىلىم، ئۆز تىلىم بار، ئاي، قۇياشتەك تۇرىدۇ پارلاپ دىلىم، بارمۇ مەندەك باي جاھاندا، ئۆتتى شاد ھەر ئاي، يىلىم، ئۆز تىلىمدا بۇ ھايات دەرياسىدىن سۈزدۈم بىلىم، ماڭا ئۇستاز، رەھنەما چىن ئىچ كۆيەر، ئۇيغۇر تىلى. خىسلىتى يازغانغا پۈتمەس، تىل ھايات، بىزمۇ ھايات، مۇشۇ تىل بەركاتىدىن تاپتۇق روناق، ئەل-يۇرت ئاۋات، كۈنسېرى ئۆرلەشكە بولدى مۇشۇ تىل تالماس قانات، مەن ئاڭا دىل بەرگىنىمچۈن، ئارمىنىم بىخ ياردى شاد، ئۇتتى مەيلىمنى، بېرىپ دىل، ھۆددىگەر ئۇيغۇر تىلى. تىزگىنىن چىڭ تۇت ۋاقىت تۇلپارىنىڭ، باش قاشلىما، بولسا بىل كۆپ تىل، ئەقىل، كۈچ تاپ ھامان، يانپاشلىما، بۇ قورالدىن پايدىلان ياخشى، كېيىن كۆز ياشلىما، شاھ بولۇپ كەتسەڭمۇ، ئەمما ئۆز تىلىڭنى تاشلىما، قىلغىنى بىزنى مۇزەپپەر، مۆتىۋەر ئۇيغۇر تىلى. ھەر كىشى كۆپ زوق ئالار سۆز سۆزلىسە ئۆز تىلىدا، مەن ئانا تىل ـــ  ئۆز تىلىمغا قىلىمەن مىڭ جان پىدا؛ ئۆز تىلىم يوق بولسا شۇئان  بولىمەن جاندىن جۇدا، چىن يۈرەكتىن ئەيلىدى ئابدۇرېھىم مۇنداق نىدا: سۇلىرىدا ئاق، ئوتىدا كۆي! گۆھەر ئۇيغۇر تىلى!… مەنبە: («جۇڭگو مىللەتلىرى» 2006-يىللىق 4-سان مۇقاۋىدا ئېلان قىلىنغان)

ئاشقىن1

	ئازادلىقتىن بۇيان خەنزۇچە مەكتەپلەردە ئوقۇغان مىليونلىغان ئۇيغۇر  پەرزەنتلىرى  ئىچىدىن دۆلەت ۋە خەلق ئېتىراپ قىلىدىغان داڭلىق رەھبەرلەر،ئالىملار،يازغۇچىلار ۋە مائارىپچىلارنىڭ چىققىنىنى دەپ بېرەلەيدىغانلار بارمۇ؟ مەرھەمەت قىلىپ بىزگە دەرس بەرگەن بولساڭلار.

ئەرتۇرا

	شۇنداق تىما ئىگىسى قېرىنداشىمىز دىگەندەك  يۇرتىمىزشىنجاڭدىن تارتىپ تاكى غەرىبكە قاراپ تۈركىيەگىچە بىزنىڭ ئۇيغۇر تىلى بىلەن قېرىنداش بولغان تۈركىي قەۋملەر ياشايدۇ!   ئەلۋەتتە بارلىق تۈركىي مىللەتلەر بىرلەشسە تۈركىي تىلى ئالدىنقى قاتار دىكى تىللار قاتارىغا ئۆتىدۇ !  ھازىرقى ئۇيغۇر تىلىمىز نىڭ ئۆز ئۆيدە چەتكە قېقىلىشى ئۇيغۇرنىڭ ئاجىزلىقىدىن بولىۋاتقان ئىش!  ئەلۋەتتە بۇ ۋاقىتلىق ھادىسە! ............تارىختا بىزنىڭ تىلىمىز بۇنىڭدىنمۇ ئېغىر كىرزىسكە دۇچ كىلىپ يەنىلا ھازىرقىچە يىتىپ كىلەلىگەن! ....

شامال7

	ئاشقىن1 يوللىغان ۋاقتى  2014-2-22 10:06 PM دۇنيادا ئەڭ كۆپ ئادەم ئىشلىتىدىغان خەنزۇ تىلى بولسا ئ ... بۇ بىر ھەقىقەت. خەنسۇ تىلى ھەم يىزىقى قۇشۇمچە ھەرىپكە تايانمىسا ئۇچۇر ئالاقە ئۇسكۇنلىرىدە مەڭگۈ چەكلىنىدۇ. بىزنىڭ ئۇنداق ئەمەس. تىخنىكا، شارائىت بۇلسا يىزىقىمىزدىن كۇد ياساپ سىستىما تۇزگىلى بۇلىدۇ.خۇددى ۋىندۇۋىس، ماك ئاندىرۇيىد قا ئۇخشاش .مانا  بۇ تىلىمىز يىزىقىمىزنىڭ يەنە بىر ئارتۇقچىلىقى. لېكىن ھازىر ئەھۋال باشقىچە بۇلۇپ قىلىۋتىدۇ.

ئەرتۇرا

	ئاشقىن1 يوللىغان ۋاقتى  2014-2-22 10:00 PM تاش پولات ئۇستازنىڭ تەشەببۇسىغا ئاۋاز قوشۇپ،ھازىردى ... ھەممىمىز شۇنداق قىلايلى قېرىندىشىم! ئانا تىلىمىزنى قوغداش يۈزىسىدىن بولسىمۇ ئانا تىلد ىكى يانفون, ئېلىكتېر ئۈسكۈنلىرىنى ئىشلىتەيلى!  ھازىر ئاناتىلدىكى ئىلېكتىر ئۈسكۈنلىري بەك كۆپ! ..........

hakan18

	ئەسسالامۇ ئەلەيكۇم قېرىنداشلار. ئۇيغۇر ياشلار كۇلۇبىمىز ئىشلىگەن فىلىمنى كۆرۈپ باقساڭلا بوپتىكەن بىرەر ئېغىز ماختاپ قويساڭلا ھەرنىمە بولسا بىزنى قوللايدىغان ئادەم بار ئىكەن دەپ خوش بوپ قالاتتۇق.http://v.youku.com/v_show/id_XNjc1NzQwMTQ0.html

hatem

	ئۇيغۇرچە ئاساسى پۇختا ئادەم قالغان تۈركىي تىللارنى ئۆگىنىشتە كۆپ قىينالمايدۇ.ھازىر دۇنيادا 7 دۆلەتنىڭ دۆلەت تىلى تۈركىي تىلغا تەۋە.200مىليون ئادەم قوللىنىدۇ.بەزى تىللارنى مەخسۇس ئۆگەنمىسىمۇ ئاڭلاپ چۈشەنگىلى بولىدۇ.دىيارىمىزدا قازاق،قىرغىز،تاجىك،تاتارلارمۇ ئۇيغۇر تىلىنى بىلىدۇ ۋە بەزىلىرى تۇرمۇشتا ئۇيغۇرچىنى ئىشلىتىدۇ.

arkiye

	تىلىمىزنىڭ بۇگۈنى ۋە ئەتىسى ئۈچۈن ئۈنسىز تۆھپە قۇشۇۋاتقان ئىلىم ئەھلىرىمىزنىڭ ئۆمرى ئۈزۈن،نەتىجىلىرى زىيادە بولغاي.

edirak

	رەھمەت سىزگە ئۇيغۇر تىلمىزنىڭ كەلگۈسى پارلاق  .