ئابدۇشۈكۈر مۇھەممەتئىمىن ئەسەرلىرىنى قاچانغىچە توپا باسىدۇ؟

مسكىنÍÍ

	ئاۋۇبىر نىمە  نىمدەپ جۆيلەۋاتىدۇ ، گەپ بولسا ئىسپات پاكىت بىلەن دەڭلا قالايمىقان جۆيلىمەي !!!!!!!!!!! ئەمدى مۇشۇ ئادەم قالغانما بىز كولىمىغان !!!!!!!!!!! ئۇنداق ئىپلاس بولۇپ كەتمەيلى !!!!!

katra

	مەنمۇ بۇ زاتنىڭ روبائىيلىرىنى بەك ياقتۇرىمەن .                         قىسمىتى قابۇس ھاياتنىڭ ھەربىتى راھەت ماڭا ،                          مەيلى شاتلىق مەيلى قايغۇ كەلگىنى ئامەت ماڭا .                         بولسا گەر قەلبىمدە ھېكمەت قىلغۇسى جۇتنى باھار ،                         بولمىسا قەلبىمدە ھېكمەت ئامىتىم ئەپەت ماڭا ! بۇ مەن ئەڭ ياقتۇرىدىغان بىر كوبلىتى !

baywetqe

	ئەھمىيەتلىك تېمىدىن بىرنى يوللاپسىز، ئەجرىڭىزگە رەھمەت. دېمىسىمۇ ئابدۇشۈكۈر مۇھەممەتئىمىن ئەسەرلىرىنى قاچانغىچە توپا باسىدۇ؟

baywetqe

	uyol يوللىغان ۋاقتى  2014-2-7 05:56 PM ئەسسالامۇ ئەلەيكۇم تېما ئىگىسى تېمىڭىزنى كۈرۈپ شۇنداق ... ئاخىرقى مۇلاھىزىلىرىڭىز تولىمۇ قايىل قىلارلىق.

توقماق

	ئابدۇ شۆكۈر مۇھەممەتئىمىن ئۇيغۇر ئىدىيە تارىخىدا مۇناسىپ ئورۇن ئىگەللەيدىغان مۇھىم شەخىس.ئۇ كىشىلىك ھاياتىدا ئالىجاناپلارچە ۋە ئاددى ياشىغان.ئۇنى ھاقارەتلىگەنلەر ئۇنىڭ بىر تال مۇيىمىغىمۇ ئەرزىمەيدۇ. مەن ئۈتكۈرئەپەندىم،تۇرغۇن ئالماس،ئابدۆشۈكۈر مۇھەممەتىئىمىن قاتارلىقلارنىڭ ھەممىسىنى تۇنۇيمەن ۋە سۆھبەتتە بولغان.كىلەچەك باھا بېرىدىغان ئىشلارغا ئالدىراپ باھا بەرمەيلى.ئابدۇشۈكۈرمۇھەممەتئىمىن دەۋىر چەكلىمىسىگىمۇ ئۇچرىغان ئادەم.ھەممە ئىشنى ئەتراپلىق تەھلىل قىلىش كېرەك.

baywetqe

	xemsi يوللىغان ۋاقتى  2014-2-7 02:08 PM بۇ ئادەم دىنسىز، «پەلسەپە تارىخى» دا ئسىلام دىنىنى مەس ... سىزگە ئابدۇشۇكۇر مۇھەممەتئىمىننىڭ قەلبىنى غايىپتىن بىلىش نېسىپ بولغان ئوخشىمامدۇ؟ ھەدىستە دېيىلىشىچە بىرساھابىي  بىرەيلەننى دىنسىز دېگەندە،رەسۇلىمىز  «سەن ئۇنىڭ يۈرىكىنى قانداق بىلىسەن»دەپ ئاچچىقلىنىپ كېتىپتىكەن.توغرىسىنى بىلگۈچى ئاللاھ، مەيلى قانداق بولسۇن كەتكەنلەرنىڭ غەيۋىتىنى قىلىش ئادىتىمىز ۋە ئەقىدىمىزگە مۇخالىپ. سىز دىننى بەك تاردائىرىدىن ،تۇرغۇن ھالەتتە چۈشىنىۋالدىڭىزمۇ ياكى ئىمانغا سوت ئېچىشتەك قاپ يۈرەكلىكتىن تارتىنمايدىغان بولۇپ كەتكەنمىدىڭىز؟  ئىسلام دىنى  پاك دىن، بۇنىڭدا شەك يوق. ئەمما، تاغنىڭ سۈزۈك ئېقىنى دەريالارغا قۇيۇلۇپ،ئۆستەڭلەرگە ئايرىلىپ بېغىڭىزنىڭ ئايىغىدىن ئۆتكىچە يۇندا تۆكىدىغانلارمۇ چىقىدۇ.بىراۋ قوپۇپ بۇ ئۆستەڭگە پالانى يەردە يۇندا تۆكۈپتۇ «يەتتە دومىلاپ بولغاندىن كېيىن»ئىچەيلى،دېسە بۇنى ياخشى نىيەت دەپ چۈشىنەمدۇق ياكى بېشىمىزنى ئىچىمىزگە تىقىپ ئۆستەڭ سۈيى ھالال دەپ يۇندىغا چېلەك تاشلامدۇق؟  ئىنكاسىڭىزدىكى تەنتەكلىكتىن مەلۇمكى،بۇ ھەقتە سىزگە ئارتۇقچە ئېغىز ئۇپرىتىشمۇ بىھاجەت ئىدى،سىز مەيلى كىم بولۇڭ،شەمسى بولامسىز،ھەمزى بولامسىز يېنىكلىك قىلماڭ.ئابدۇشۈكۈر مۇھەممەتئىمىن بىلەن شەخسى ئاداۋىتىڭىز بولسا،ئالغۇ بەرگۈڭىز بولسا ھايات بولغان بولسا ھەرقانداق جۆيلۈشلەرگە جاۋاب قىلار ئىدى. ئەمما،ئۇ كەتتى...سىزدەكلەرنىڭ دەستىدىن بالدۇر كەتتى... ئۇ پۈتكۈل ئۇيغۇرغا تەۋە،سىز ۋە بىزدەك بىرقانچە قوڭالتاق تورچىغىلا ئەمەس.ئالىمنىڭ «ئۇيغۇر ئىسلام مەدەنىيتى»دېگەن كىتابىنى ئوقۇپ چىقىڭ،ئۇ سىز ۋە يۇرتىمىزدىكى مانا مەن دېگەن موللىلار كۆرمىگەن دىنى كىتابلارنى،ئىلىملەرنى كۆرگەن.قالغان ھەق-ناھەقنى ئۆزى بىلىدۇ ۋە بىر ئىگىسى ئۇنىڭ قەلبىنى بىلىدۇ!  ئابدۇشۇكۈر مۇھەممەتئىمىننىڭ «پەلسەپە چۈشەنچىسى گۆدەك»دەپسىز مۇشۇ ھەقتە تەپسىلىيراق توختىلىپ باقامسىز؟ ئەلۋەتتە، بىز ھېچكىمنى نۇقسانسىز سۈپەتلەپ ئۇلۇغلىمايمىز ھەم  «گۆدەك»لىكنى مەسخىرە قىلغۇچىلارنىڭ پەۋقۇلئاددە ئاقىلانە مەلۇماتلىرىدىن مەھرۇم قېلىشنى خالىمايمىز.  كونىلاردا ئويناپ سۆزلىسەڭمۇ ئويلاپ سۆزلە دېگەن گەپ بار، بۇنى ئوبدان بىلىسىز. ئەگەر يەنە بىلمىسىڭىز پۈتكۈل ئۇيغۇر خەلقى  ۋە ئۇيغۇر تارىخى ئالدىدا ھەربىر تۈزگەن ھېسسىي جۈملىڭىز ئۈچۈن جاۋاب قىلىسىز.تورنى تازا چۈشىنىپ كەتمەيدىغاندەك تۇرىسىز، ئوبدان ئويلىنىپ باقارسىز!

baywetqe

	xemsi يوللىغان ۋاقتى  2014-2-7 02:13 PM بۇ ئادەمنىڭ ئۇلۇغ دېگۈدەك ھېچيېرى يوق. جىق ئەھۋاللارن ... ئۇ كەلمەسكە كەتتى   ئەختەم ئۆمەر ئۇ بالدۇر بولسۇن ،كىيىن بولسۇن ،ھەممىمىز ئاخرى بىر كۈن بارىدىغان يەرگە ---- مۇقەددەس ھەم مەڭگۈلۈك ئاللانىڭ دەرگاھىغا ، ئەتىۋارلىنىدىغان پەيھەمبەر يېشىدا ئۇلۇغ ئاي ئۇلۇغ كۈنلەر بولغان رامىزان ئېيىنىڭ ئاخىرىدا ھىچچىكىمگە "خوش " مۇ دىمەي جىممىدە كىتىپ قالدى .قولىنى كۇسەي ،چېچىنىڭ سۇپۇرگە قىلىپ ،ئوتتۇز يىللاپ تۈننى تاڭغا  ئۇلاپ تەرىتىگە سۇ بەرگەن سۈيۈملۈك ئايالىغىمۇ  ئۆزىنىڭ كىتىدىغانلىقىدىن بىشارەتمۇ بەرمەي ،ئۇنسىز خاتىرىجەم كىتىپ قالدى .............. 20-ئەسىر ئۇيغۇر تارىخدىكى تۆمۇر خەلىپە ،خوجا نىياز ھاجىم  قاتارلىق مەشھۇر شەخسىلەرنىڭ نامىزى چۇشۇرۇلگەن  ئۈرۈمچىدىكى ئەڭ قەدەمىي مەسچىت --- نوغاي مەسچىتىدە ئۇنىڭ نامىزى چۇشۇرىلىۋاتقاندا ،ئۈرۈمچىدىكى ھەر ساھە ئەربابلىرىدىن بىر مۇنچىلىغان كىشىلەر بۇ تۇيۇقسىز نامازغا ئۈلگۈرۈپ كىلىپ ماتەم سۇكۇتكە چۇمگەن ئىدى . بۇ نامازغا ئۇنىڭ دوسلىرى ، شاگىرت  - ئوقوغۇچىللىرى ،خىزمەتداشلىرى كەلگەندىن سىرىت ،مۇشۇ دەقىقىغىچە ئۇنىڭ بىلەن ئۆمۇرلىك دوئىلغا چۇشكەن رەقىبلىرىمۇ كىلىپ قايغۇلۇق سۈكۈتكە چۈمگەندى. ئۇنى كۆرمەي ، بىلمەي ھۆرمەتلەپ ماختىغانلارمۇ ، ئۇنى كۆرمەي  ،بىلمەي تىللاپ كوڭلىنى خوش قىلىپ ،ئۆزىگە تەسەللى بېرىپ " دانىشمەن " بولغانلارمۇ بۇ نامازدا ئوخشاشلا سۈكۈتكە چۈمگەندى..............مانا شۇ مىنۇتلاردا ھەممىنىڭ كۆڭلىگە بىر نەرسە ئېنىق بولدىكى ، مەيلى ئۇ قانداقلار ئادەم بولىشىدىن  قەتئى نەزەر ئۇ بۇنداق تىز ، بۇنداق تۇيىقسىز كىتىپ قالغا ھەرگىز بولمايتتى ! ئۇ ئادەم ئۇيغۇرلارنىڭ بۈگۈنى ئۈچۈنمۇ ، ئەتىسى ئۈچۈنمۇ ناھايىتى كىرەكلىك ئادەم ئىدى .ئۇنىڭ ئورنىنى باشقا بىرمۇنچىلىغان ئۇيغۇرلا بىرلىشىپمۇ تولدۇرالمايدىغان ئادەم ئىدى . يايلاقتا بۆرە ھۇۋلاپ تۇرمىدا قۇڭلار پاڭقۇش كىسىلى بۇلۇپ قوتور بېسىپ قىرىپ كەتكىنىگە ئوخشاش ، ئۇنىڭ نامىزىغا قاتناشقان رەقىبلىرىمۇ ئۇزاق مۇددەت قىلىچلىشىپ ، دوئىلغا چۈشكەن چەۋەنداز رەقىبى يىقىلغاندىن كىيىن  قىلىچنى تۇتۇپ  نىمە قىلىشنى بىلەلمەي  ، گڭگرىپ قالغاندەك ، ياشاش ئەھمىيەتسىز ، زېرىكىشلىك تۇيۇلۇپ ، رەقىبىنى  سېغىنغاندەك بۇلۇشۇپ قېلىشقان بۇلۇشى مۇمكىن . دىمەك ئۇيغۇر جەمىيىتىدىن ئۇزاپ ،ئۇ ئالەمگە سەپەر قىلىۋاتقان بۇ ئادەم بارلىق دوسلىرىغا كىرەكلىك بۇلۇپلا قالماي ، بەلكى رەقىبلىرىگىمۇ ناھايىتى كېرەك ، جۇملىدىن پۇتۇن ئۇيغۇرلار ئۈچۈن كىرەكلىك ئۇيغۇر ئىدى. دوسلىرى تەرىپىنى قىلىپ ماختىغاندىمۇ ، دوشمەنلىرى شىددەت بىلەن تىللاپ قارغاپ پىتنە قىلىۋاتقاندىمۇ ، ئەڭ ئاۋال ئۇنىڭ زامانىمىزدىكى بارلىق ئۇيغۇرلار ئىچىدە بىلىدىغىنى ئەڭ كۆپ . ئەڭ ئەتراپلىق يىتىشكەن ھەقىقى ئالىم ئىكەنلىگىنى ئېتىراپ قىلىپ تۇرۇپ ، ماختايتتى ،ياكى تىللايتتى . شۇنداق قىلىپ ئۇ 20 - ئەسىرنىڭ كىيىنكى يېرىمىدا يىتىشىپ چىققان ئۇيغۇر ئالىملىرى ئىچىدىكى ئالىملارنىڭ ئالىمى ئىدى . بىز بۇ يەردە شۇنى تىلغا ئالماي تۇرالمايمىزكىن ۋە ئۇنى شۇنىڭ ئۈچۈن ياشىمىسا بولمايتتى دەيمىزكى ، زامانىمىزدىكى ئۇيغۇر ئالىملىرى ئىچىدە ئۇنىڭ خاسىيەتلىك تەرىپى ، بىرى ، ئۇ ئىگىلىگەن شۇنچە كۆپ بىلىمگە لايىق ئۆز خەلقىغە بىر مۇنچىلىغان ئېسىل كىتابلارنى يېزىپ بەردى ، بىر مۇنچە نەرسىنى ئىچىگە سۇلاپ ئۇلۇغ بۇلىۋېلىپ ، ھوپوپكە ئوخشاش ئىچىدە سېسىتىۋىتىدىغان بەزى ئېتى ئۇلۇغ ، سۇپىرى قۇرۇق ئالىملىرىمىزدەك  ئەخمەقلەرچە ياشىمىدى . بۇلۇپمۇ ئۇ قارىماققا ھەيۋەتلىك كۆرۈنىدىغان،ئەمەلىيەتتە جىگدىچىلىك مېۋىسى يوق قاپاق تېرەكتەك كارغا يارىماس بەزى ئالىملىرىمىزدەك ياكى ئېزىتقۇ سەركەردىلىرىمىزدەك ياشىمىدى.يەنە بىرى،ئۇ ئىشتىن قالماي،قەلىمىنى تاشلىماي،بىلگەنلىرىم مەن بىلەن توپا ئاستىغا كىرىپ كەتمىسۇن،ئەۋلادلارغا قالسۇن،دەپ كېچە-كۈندۈز شىددەت بىلەن توم-توم كىتاب يېزىۋاتقانىدى.ئۇنىڭ ئۇلۇغلۇقى دەل خەلقىگە كۆپلەپ ئەمەلىي ئىش قىلىپ بەرگەنلىكىدە ئىدى.ئۇنىڭ تىنىم تاپماي ئۆگىندىغان،ئىزدىندىغان،تىرىشىدىغان ئىشلەيدىغان روھى سورۇنلارنى بېشىغا كىيىپ،خەقنىڭ بېشىنى ئايلاندۇرۇپ قۇرۇق لاپ ئېتىدىغان،بىر تۇخۇم تۇغۇپ قويۇپ ئالەمنى بېشىغا كىيىدىغان ،ئۆزىنى ماختاپ،ئۆزىنى ئۇلۇغلاپ،ئۆزىدىن باشقىنى ئاساسسىز ئىنكار قىلىپ سېسىتىدىغان،ئەمەلىيەتتە خەلققە قۇرۇق پىتنىدىن باشقا تۈزۈك نەپ بەرمەيدىغان سەللىسى چوڭ،قۇرۇق سۆلەت ئالىملاردىن مىڭ ئەۋزەل ئىدى.ئۇنىڭ مېيتىنى ئۇزىتىپ كېتىۋاتىقان چېغىمىزدا ئارىمىزدىن بىرى:‹‹بۇ ئادەم تازا ئىشلەۋاتقاندى،مۇشۇنداق قولىدىن ئىش چىقىدىغان ئادەم يەنە خېلى ئۇزاق مەزگىل ياشىسا بولاتتى،ئەجەلمۇ دەيمىز،راستىننى ئېيتقاندا ،بۇ ئادەمنى ئۆزىمىز تولا قارغاپ ئۆلتۈرۋەتتۇق،‹ياخشىغا كۈن يوق،يامانغا ئۆلۈم›دېگەن شۇ-دە››دېدى.ھېچكىم بۇ گەپكە قارشى چىقمىدى،چۈنكى بۇگەپنىڭ بىزنى ئويلاندۇردىغان يېرى كۆپ.كۆپ ھاللاردا ئاتا-ئانا نېمىنى قىلىپ ئادەتلەنگەن بولسا بالا چاقا شۇنى دوراپ،روھىغا،قېنىغا شۇنى سىڭدۈرۈپ چوڭ بولۇپ،دەل شۇلارنىڭ ئۆزى بولىدۇ.بىزنى تەربىيلەپ،ئۇچۇرما قىلىدىغان چوڭلار بىزگە نېمىنى ئۆگەتتى؟دەل بىر-بىرىمىزنىڭ غەيۋىتىنى قىلىشنى،بىر-بىرىمىزنى تىللاپ سېسىتىشنى،قۇرۇق گەپ قىلىپ ھاراق ئىچىپ،سۇرۇن قوغلىشىپ قاتار چاي ئويناپ،كۈننى ھارام ئۆتكۈزۈپ ئۆلۈپ تۈگەشنى ئۆگەتتى.بىز بىر-بىرىمىزنى،ھەتتا ئاتا-ئانا،ئوقۇتقۇچى-ئۇستاز ۋە چوڭلارنى تىللاپ،قارغاپ،يوقىرى-تۆۋەن قاتراپ بىر-بىرىمىزنى چېقىشنى،پىتنە قىلىشنى تازا ئۆزلەشتۈرۈپ،‹‹كەسپىي پىتنىچى››لەردىن بۇلۇپ يېتىشىپ چىقتۇق.بىز بىر-بىرىمىزنى قەدىرلىمەيمىز،ھۆرمەت قىلمايمىز،بىر-بىرىمىزگە يول قويمايمىز،ئۆز ئاچا كەڭ قورساق بولمايمىز.بىز كۆپ ھاللاردا ئۆز ئارا گەپلەشسەكمۇ،سالاملاشساقمۇ ھالال نىيەت بىلەن ئەمەس،بەلكى بىرەر غەيۋەت ئۇچۇرىغا ئىگە بۇلۇش مەقسىتىدە گەپلىشىمىز،سالاملىشىمىز،مۇڭداشساقمۇ غەيۋەت شەكلىدە بولسا بەك ھۇزۇرلىنىپ،مۇڭدىشىپ كېتىمىز.بىر قىسىملىرىمىزنىڭ پىكىر قىلىش ئۇسۇلىمىزمۇ،تەپەككۇر ئادىتىمىزمۇ،قىممەت قاراشلىرىمىزمۇ پىتنە-پاسات،غەيۋەت-شىكايەت شەكلى ۋە مەزمۇنى بىلەن خارەكتىرلەنگەن،چۈنكى بۇلارنىڭ ھەممىسىنى بىزگە چوڭلار ئۆگىتىپ ئۇدۇم قىلغان.مانا شۇ ئاڭ بىزنىڭ بۈگۈنكى نادان،ياۋۇز ئېڭىمىزنى بەلگىلەپ،بۈگۈنكى سەسكىنىشلىك ئۇيغۇر جەمىيتىنى شەكىللەندۈرگەن.كېسىپ ئېيتىش كېرەككى،ئۇيغۇر جەمئىيىتى بىر-بىرىنى تىللاش،سېتىش،بىر-بىرىنىڭ قەدىر-قىممىتىنى يەرگە ئۇرۇش،بىر-بىرىنى خورلاش،ھاقارەتلەش ئارقىلىق تۇغۇلغانغا،ئۇيغۇر بۇلۇپ يارىلىپ قالغانغا داد دېگۈزۈپ ئۆلتۈرۈش جەمئىيىتى!مانا بۇ سەسكىنىشلىك جەمئىيەتنى چوڭلار بىزگە ۋايىغا يەتكۈزۈپ قۇرۇپ بەردى. ئۆز نۆۋىتىدە شۇنىمۇ دەپ ئۆتۈش كېرەككى،ھەممە پىتنە-پاسات،غەيۋەت-شىكايەتلەرنىڭ چوڭى ئۇيغۇرلارنىڭ خىللىرى يىغىلغان مەركىزىي شەھەر ئۈرۈمچىدىن تارقىلىدۇ.بۇ يەردىكى ھەر ساھە ئەربابلىرى،چوڭ-كىچىكلەر شىنجاڭنىڭ ھەر قايسى جايلىرىغا بارسا ئېلىپ باردىغان دۇئايى سالام،سوۋغاتلار ئىچىدە غەيۋەت بىلەن پىتنە چوقۇم بولماي قالمايدۇ،بۇ پىتنە-پاساتلار ئاندىن ھەر قايسى ۋىلايەت،شەھەر،ناھىيىلەردە ياڭيۇ كۆپەيگەندەك بىر-بىرىنى تۇغۇپ،بىر پۈتۈن ئۇيغۇر جەمىيتىنى شەكىللەندۈرىدۇ.ئۈرۈمچىدىن بارغان ئادەمدىن ھەر قايسى ۋىلايەت،ناھىيە،شەھەرلەردىكى غەيۋەتچى،پىتنە-پاساتچىلار‹‹ھە...ئۈرۈمچىدە نېمە يېڭى گەپ بار؟››دېگەن سىپايە سوئال بىلەن ‹‹ئەھۋال››ئىگىلەپ،دەرھال‹‹كۆپەيتىپ بېسىش ماشىنسى››غا كىرگۈزۈپ،تۈركۈملەپ كۆپەيتىپ تارقىتىدۇ.مانا بۇ بىز ئېسىمىزنى بىلسەك ئاللىبۇرۇن شەكىللىنىپ بولغان ئادەت ئىكەن!شۇڭا ئۇيغۇر بولماق بەك تەس،ئۇيغۇرغا ئالىم بولماق تېخىمۇ تەس!ئەگەر ئۇيغۇرلاردىن بىرەر پەيغەمبەر دۇنياغا تۆرىلىپ قالغان بولسا،يەھۇدىيلار ئەيسانى كرېستقا مىخلىغاندىن ئاشۇرۇپ،تىرىك تۇرغۇزۇپ قېنىنى ئېقىتىپ،بىر توغرامدىن چىشلەپ يەۋەتكەن بولار ئىدى. دېمەك،ئۇيغۇرلارنىڭ زامانىمىزدىكى ئەڭ ئۇلۇغ ئالىمى،بۈيۈك مۇتەپەككۇرى،خەلقئارالىق ئىلىم مۇنبەرلىرىگە ئېلىپ چىقىشقا ئەرزىيدىغان پېروفېسىرى ئابدۇشۈكۈر مۇھەممەتئىمىنى مەندىن باشلاپ ھەممىمىز ئەنە شۇنداق تىرىك تۇرغۇزۇپ غاجاپ،قۇرۇق ئىسكىلىت قىلىپ،ئاندىن دەپنە قىلدۇق.تەبىئەت دۇنياسىنىڭ ئەڭ ئەقەللىي قانۇنىيىتى -مېۋىنىڭ شۆپىكى،بۇغداينىڭ سامىنى...بولدىغانلىقىدىن ئىبارەت تەبىي قانۇنىيەت بويىنچە،بىز بۇ ئالىمنىڭ ئادەمگە خاس نۇقسانلىرىنى ئەپۇ قىلالمىدۇق،بىكار تەلەپ ھارەمزادىلەرنىڭ سانسىز جىنايى قىلمىشلىرى ئۈستىدىن،گەپنىڭ چىرايلىقىنى،ئىشنىڭ ئەسكىسىنى قىلىدىغان خۇمسىلارنىڭ ئۈستىدىن،كېچىسى ئورا كولاپ،كۈندىزى ئەلخۇمار بولۇۋالىدىغان مۇناپىقلارنىڭ ئۈستىدىن،بىر ئىشنى ياخشى قىلىپ،يۈز ئىشنى يامان قىلىدىغان نائەھلىلەرنىڭ ئۈستىدىن نەپرەتلەنمەي،كەمچىلىكىنى تۆھپىسى نەچچە ھەسسە بېسىپ چۈشىدىغان بىر ئۇلۇغ ئالىمىمىزنى يەتتە ياشتىن يەتمىش تاشقۇچە ھەممىمىز قارغىدۇق.بىز ئۆزىمىز  ھەممىمىزنىڭ ئىلاھ ياكى پەرىشتە ئەمەس،بەلكى ئازغۇچى بەندە -ئادەم ئىكەنلىكىمىزنى،ھەممىمىزنىڭ ئۆزىمىزگە تۇشلۇق نۇقسانىمىز بارلىقىنى ئويلىمىدۇق،ئەكسىچە ئۆزىمىزنى پەرىشتە،باشقىلارنى ئالۋاستى كۆرسىتىپ ياشاپ كەلدۇق. شۇنداق ئېيتىشقا بولىدۇكى،ئەگەر ئابدۇشۈكۈر مۇھەممەتئىمىن ياۋۇرپالىق ئالىم بولغان بولسا،ئۇنىڭ ئەسەرلىرىنى تۇتىيا بىلگەن،ئۆزىنى پەرىشتە ھېسابلىغان بولار ئىدۇق،تەرجىمانلىرىمىز ئۇنىڭ مەلۇم كىتابىنى ئۆزى تەرجىمە قىلىپ،ئۇيغۇرلارغا تۇنۇشتۇرغانلىقتىن پەخىرلىنىپ ماختانغان بولار ئىدى.بۇ خىلدىكى مىساللارنىمۇ كۆرىۋاتىمىزغۇ؟! ئەگەر ئابدۇشۈكۈر مۇھەممەتئىمىن رۇس،گېرمان،ئېنگىلىز،ياپۇن،خەنزۇ،قازاق بولغان بولسا،بىز كۆرسەتكەن كۈننىڭ دەل يەنە بىر تەرىپىنى كۆرگەن،قالتىس قەدىرلەنگەن بولار ئىدى. ئۇ ئىنتايىن ياۋاش ئادەم ئىدى،سورۇنلاردا سۆز تالاشمايتى،كۆرۈشكەندە قول تالاشمايتى،ماڭغاندا يول تالاشمايتى،كوللېكتىپ رەسىمگە چۈشكەندە چەتتە ياكى باشقىلارنىڭ ئارقىسىدا تۇراتتى.باشقىلار يۈزىدىن يۈزىگە تىللىغاندىمۇ،زەھەرخەندىلىك بىلەن مەخسىرە قىلغاندىمۇ تۈگمەن تېشىدەك ئېغىر-بېسىق بولاتتى.كېچە-كېچىلەپ سوكۇلداپ مۇرىت توپلاپ،گورۇھۋازلىق ياكى يۇرتۋازلىق قىلمايتى.1958-يىلىدىن1978-يىلىغىچە توپتوغرا 20يىل تارتىۋىلىنغان ئۆمرى ئۈچۈن ئېچىنىپ،ۋاقىتىنى ئالتۇن بىلىپ ئىشلەيتى،ئىشلەيتى... ئۇ كىشىلەرگە ئازار بەرمەيتى،ھەتتا ئاستى-ئۈستى قوشنىلىرىغىمۇ دەخلىسى بولمىسۇن،دەپ گۆشنى پالتىدا چانىماي،ھەرىدەپ كەسكەن ئادەم ئىدى.بىزگە كۈلكىلىك تۇيۇلىدىغان بۇ ئىشنى ئەقىل بىلەن ئويلاپ كۆرسىڭىز بىرىنچىدىن،شۇنداق قىلغاندا،قوشنىلارغا بىسەرەمجانلىق يەتمەيدۇ؛ئىككىنچىدىن،كۆزلىگەن يەردىن كەسكىلى بولىدۇ؛ئۈچىنچىدىن،گۆش تىتىلىپ،سۆڭەك چېقىلىپ كەتمەيدۇ.دېمەك بۇ ئالىمىمىز ھەممە ئىشنى ئەقىل ئىشلىتىپ قىلار ئىكەن. گۈلساي قەبرىشتانلىقىغا ئالىم دەپنە قىلىنىۋاتقاندا،شىنجاڭ ئۇنۋىرسىتېتىنىڭ بىر ئوقۇتقۇچىسى ئۆز-ئۆزىگە پىچىرلاپ:‹‹ھازىر ئۇيغۇرلار بۇ ئادەمنى قەدىرلىمىدى،خورلىدى،يەنە50يىللاردىن كېيىن ئەگەر ئۇيغۇر خەلقى يەنىلا مەۋجۇت بۇلۇپ تۇرىدىغان بولسا،چوقۇم بۇ ئادەمگە خاتىرە مۇنارىسى تىكلەيدۇ.بۇ ئادەمنىڭ قىممىتىنى شۇ چاغدا تۇلۇق چۈشىنىدۇ.چۈنكى بۇ ئادەمنىڭ ئېڭى ھازىرقى ئۇيغۇرلاردىن 50يىل ئالغا كەتكەن››دەپ تەرىپلىدى. شۇنداق قىلىپ،ئۇنى كۆمۈپ قويدۇق.ئۇ كەتى،كەلمەسكە كەتتى.ئۇيغۇرغا ئالىم بولغانغا تۇيۇپ،خوشمۇ دېمەي كېتىپ قالدى.بۇ نادان خەلق ئۇيغۇر جۇۋاز كالىسىدەك ياۋاشلىق بىلەن ئىشلەپ بېرىۋاتقان،بىر ئۆزى نەچچە ئون ئالىمنىڭ ئىشىنى قىلىپ ئۈلگۈرۋاتقان بىر ياراملىق ئالىمىنى يوقىتىپ قويدى.بىز ئۆزىمىزنىڭ مىللىي ئالاھىلىدىكىمىز بويىنچە تىرىك چېغىدا سېسىتىپ،ئۆلگەندىن كېيىن قەبرىسىگە ئېسىلىپ سېغىنىپ،ئۇنى يادلاپ تۇرۇپتىمىز،ھەي كەم ئەقىل قېرىنداشلار،تىرىك چېغىمىزدا بىر-بىرىمىزنى قەدىرلەيلى... ئالىم كەتتى،نۇرغۇن نەرسىلەرنى يېزىشقا ئۈلگۈرەلمەي ھەممىنى ئېلىپ كەتتى.بىلىشىمىز كېرەككى،بۇ بىزنىڭ شور تەلەيلىكىمىزنىڭ بىر ئىسپاتى.ئاللا:‹‹مەن غەزەپ قىلغان قوۋم ئارىسىدىن ياخشىلارنى ئەكىتىش بىلەن شۇ قەۋمنى جازالايمەن››دېگەنىكەن.بىز داۋاملىق جازالىنىشتىن پاتراق قۇتۇلۇشنىڭ يولى ئۈستىدە ئىزدىنەيلى.بىز لەنەت تاشلىرىمىزنى ياخشىلارغا ئەمەس،شەيتانلارغا ياغدۇرۇشنى ئۆگىنۋىلايلى. ئېسىمىزدە بولسۇن،ئۇلۇغ ئۇيغۇر ئالىمى ئابدۇشۈكۈر مۇھەممەتئىمىن ئۇيغۇر جەمىيتىدىكى دوزاخ ئازابىنى ئاخىرلاشتۇرۇپ مەڭگۈلۈك ئارامگاھقا كەتتى. مەنبە:ئەختەم ئۆمەرنىڭ ‹‹ئۆزىمىزنى ئېتىراپ قىلايلى››دېگەن كىتابىدىن ئېلىندى. http://www.izdinix.com/ShowPost.aspx?ThreadID=46691

baywetqe

	مسكىنÍÍ يوللىغان ۋاقتى  2014-2-7 08:36 PM ئاۋۇبىر نىمە  نىمدەپ جۆيلەۋاتىدۇ ، گەپ بولسا ئىسپات پا ... مەشھۇرلارنى سېسىتايلى noshirwan (ھەجۋىي) -يازغۇچى ئەختەم ئۆمەرنىڭ «ئۇ كەلمەسكە كەتتى» ناملىق ماقالىسىنى ئوقۇغاندىن كېيىنكى خاتىرە بىزدە مەشھۇرلار نېمانچە كۆپ؟ ئۇلارنى كۆرمىسەكمۇ، بىلمىسەكمۇ، تىللاپ تۇرايلى، شۇنىڭ بىلەن كۆڭلىمىزنى خۇش ئېتەيلى، ئۆزىمىزگە تەسەللى بېرىپ، ‹‹دانىشمەن››بولايلى. يايلاقتا بۆرە ھۇۋلاپ تۇرمىسىمۇ، قوي پاڭقۇش بولمايدۇ، قوتۇر بېسىپ كەتمەيدۇ. بۆرىدەك ھۇۋلاپ تۇرغانلارنى شىددەت بىلەن قارغايلى، ئۇلارنىڭ ئۈستىدىن پىتنە-پاسات تېرىيلى، بولسا قاغاپ ئۆلتۈرىۋېتەيلى. بىر مۇنچە نەرسىنى ئىچىگە سولاپ ئۇلۇغ بولىۋىلىپ، ھۆپۈپكە ئوخشاش ئىچىدە سېسىتىۋىتىدىغان ئېتى ئۇلۇغ، سۇپۇرىسى قۇرۇقلارنى، قارىماققا ھەيۋەتلىك كۆرۈنىدىغان، ئەمەلىيەتتە جىگدىچىلىك مېۋىسى يوق قاپاق تېرەكتەك كارغا يارىماسلارنى ماختايلى، بېشىمىزغا ئېلىپ كۆتۈرەيلى. كىمكى سورۇنلارنى بېشىغا كىيىپ،خەقنىڭ بېشىنى ئايلاندۇرۇپ قۇرۇق لاپ ئۇرسا، بىر تۇخۇم تۇغۇپ قويۇپ ئالەمنى بېشىغا كىيسە، ئۆزىنى ماختاپ، ئۆزىنى ئۇلۇغلاپ، ئۆزىدىن باشقىنى ئاساسسىز ئىنكار قىلىپ سېسىتسا، خەلققە قۇرۇق پىتنىدىن باشقا تۈزۈك نەپ بەرمىسە، شۇنداقلارنى ئۇلۇغلايلى. مەشھۇرلارنىڭ غەيۋىتىنى قىلىشنى، مەشھۇرلارنى تىللاپ سېسىتىشنى،قۇرۇق گەپ قىلىپ ھاراق ئىچىپ،سۇرۇن قوغلىشىپ قاتار چاي ئويناپ، كۈننى ھارام ئۆتكۈزۈپ ئۆلۈپ تۈگەشنى ئۆگىنەيلى، مەشھۇرلارنى تىللاپ-قارغاپ، يوقىرى-تۆۋەن قاتراپ مەشھۇرلارنى چېقىشنى، پىتنە قىلىشنى تازا ئۆزلەشتۈرۈپ، ‹‹كەسپىي پىتنىچى››لەردىن بۇلۇپ يېتىشىپ چىقايلى. ئۆز ئارا گەپلەشسەكمۇ، سالاملاشساقمۇ ھالال نىيەت بىلەن ئەمەس، بەلكى مەشھۇرلار ھەققىدە بىرەر غەيۋەت ئۇچۇرىغا ئىگە بۇلۇش مەقسىتىدە گەپلىشەيلى، سالاملىشايلى. مەشھۇرلارنى تىللاش،سېتىش، قەدىر-قىممىتىنى يەرگە ئۇرۇش، خورلاش، ھاقارەتلەش ئارقىلىق تۇغۇلغانغا، ئۇيغۇر بۇلۇپ يارىلىپ قالغانغا داد دېگۈزۈپ ئۆلتۈرەيلى. مەركىزىي شەھەر ئۈرۈمچىدىكى ھەر ساھە ئەربابلىرى،چوڭ-كىچىكلەر شىنجاڭنىڭ ھەر قايسى جايلىرىغا بارساڭلار ئېلىپ باردىغان دۇئايى سالام، سوۋغاتلار ئىچىدە مەشھۇرلار ھەققىدە غەيۋەت بىلەن پىتنە چوقۇم كەم قالمىغاي. بۇ پىتنە-پاساتلار ئاندىن ھەر قايسى ۋىلايەت،شەھەر،ناھىيىلەردە ياڭيۇ كۆپەيگەندەك بىر-بىرىنى تۇغۇپ، كەڭ تارقالغاي. ھازىرغۇ تور بىزگە نۇرغۇن قۇلايلىقلارنى كەلتۈردى. مۇنبەر، كيۇ كيۇ توپى دېگەنلەردىنمۇ تولۇق پايدىلىنايلى. پىتنە-پاساتلارنى دەرھال تۈركۈملەپ كۆپەيتىپ تارقىتايلى. مەشھۇرلارنى تىرىك تۇرغۇزۇپ غاجاپ، قۇرۇق ئىسكىلىت قىلىپ، ئاندىن دەپنە قىلايلى. ئۇلارنىڭ ئادەمگە خاس نۇقسانلىرىنىمۇ كەچۈرىۋەتمەيلى. بىكار تەلەپ ھارەمزادىلەر، گەپنىڭ چىرايلىقىنى، ئىشنىڭ ئەسكىسىنى قىلىدىغان خۇمسىلار، كېچىسى ئورا كولاپ،كۈندۈزى ئەلخۇمار بولۇۋالىدىغان مۇناپىقلار، بىر ئىشنى ياخشى قىلىپ، يۈز ئىشنى يامان قىلىدىغان نائەھلىلەر قىلغۇلۇقنى قىلىۋەرسۇن، كەمچىلىكىنى تۆھپىسى نەچچە ھەسسە بېسىپ چۈشىدىغان مەشھۇرلارنى يەتتە ياشتىن يەتمىش تاشقۇچە ھەممىمىز قارغايلى. تىرىك چېغىدا سېسىتىپ،ئۆلگەندىن كېيىن قەبرىسىگە ئېسىلىپ سېغىنىپ، ئۇلارنى يادلاپ يىغلايلى. لەنەت تاشلىرىمىزنى شەيتانلارغا ئەمەس، مەشھۇرلارغا ياغدۇرايلى. مەنبە:http://elbehre.com/forum.php?mod=viewthread&tid=500

borhanhoja

	دەرەخ قانچە ئىگىز بولسا شامال ئۇنى شۇنچە بەك سۇقىدۇ،ھەسەتخورلار ئۈچۈن مەشھۇرلارنىڭ ئەڭ زور كەچۈرۈشكە بولمايدىغان خاتالىقى ئۇلارنىڭ ھۆرمەت ساھىبى بۇلۇش بىلەن بىرۋاقىتتا مەشھۇر بۇلۇپ كەتكەنلىكى،ھەسەتخورلار دائىم ئۆزدىن يۇقىرى ئۇرۇندا تۇردىغان كىشىلەرگە بىزار بۇلۇپ تۇردىغان تەبئەتكە ئىگە.