ئەڭ ئاخىرقى سۆيگۈ خىتى

maripatogli

	مەندىن شۇنچە رەنجىدىڭمۇ نىگارىم؟! مەن سەن شۇنچە نەپرەتلەنگۈدەك ، شۇنچە ئۆچ كۆرگۈدەك ، شۇنچىلىك دەرىجىدە كەچۈرگىسىز گۇناھكارمۇ؟! سەۋەبىنى ھىچ ئويلاپ يىتەلمىدىم..... سەن ئەمدى بىز كۆرۈشمەيلى ،مىنى ئىزدىمەڭ دىگەن  ۋاقتىڭدا پۈتۈن دۇنيا قاراڭغۇلىشىپ،پۈتۈن جاھان تەۋرەپ ،جاھاندا ئۆزۈم يەككە-يىگانە قالغاندەك ، چىكى يوق چۆل-جەزىرىدە تىنەپ قالغان ئادەم نىمە قىلىشىنى ،قايان مىڭىشىنى بىلەلمەي قالغىنىدەك تىلىم كالۋالىشىپ،ئورنۇمدا قاققان قوزۇقتەك قىتىپلا تۇرۇپ قالدىم ، قۇلاقلىرىمغا ئىشەنمەيلا قالغان ئىدىم،ئەينى ۋاقىتتا ئىككىمىزنىڭ ۋىسال شارابىنى ئۆمۈرلۈككە بىللە ئىچىشىمىزگە بەرگەن قەسەملىرىڭ ، ئاتا-ئاناڭ تويىمىزغا قوشۇلمىسا قانداق قىلىسەن دەپ سورىغان ۋاقتىمدا مىنىڭمۇ ئۆز بەختىمنى تىپىش،ئۆزۈمنىڭ كەلگۈسى يولىنى تاللاش ھوقۇقۇم بار ،  سەن قەيەردە بولساڭ مەنمۇ شۇ يەردە بولىمەن...... ، سىنى مەڭگۈ سۆيىمەن دىگەنلىرىڭنىڭ ھەممىسى بىر تىيىنغا ئالغۇسىز يالغان قەسەم-ۋەدىلەرگە ئايلانغان ئىدى..... مۇشۇ گەپلەرنى قىلغۇچى ئېغىزدىن ، مۇھەببەتنىڭ شىرىن ھىسلىرىغا چۆمدۈرگەن،چەكسىز لەززەت ئاتا قىلغان ،مەن سۆيۈپ-سۆيۈپ قانمىغان گۈل بەرگىدەك لەۋلەر ئارىسىدىن مەن مەڭگۈ قۇبۇل قىلالمايدىغان ،ئويلاپ خىيالىمغىمۇ كەلتۈرۈپ باقمىغان ، مىنى ئازاپنىڭ چۇچۇلىلىرىدا پۇچۇلاندۇرىدىغان سۆزلەر چىقىۋاتاتتى . مەن نىمىمۇ دىيەلەيىتتىم ، ئەينى ۋاقىتتىكى قەسەملىرىڭ قىنى ،ماڭا بولغان چىن سۆيگۈڭ مۇشۇمۇ دىيەلمىدىم ،  تىلىم ھىچ مىدىرايدىغاندەك ئەمەس ، ساڭا بولغان مۇھەببىتىم ،سىنى سۆيگۈچى يۈرەك- ياق ، ئۇنداق قىلما ، ئۇنى قىينىما ،ئۇ سەن سۆيگەن قىز شۇ ، سەن كېچە-كىچىلەپ مۇڭداشقان دىلكىشىڭ ، قەلىبداش ھەمرايىڭ شۇ ، كۆزۈڭنى يۇمساڭلا كۆز ئالدىڭدا نامايەن بولىدىغان سۆيگۈ پەرىشتەڭ شۇ .... دەيىتتى. ئەمما يۈرۈكۈمنىڭ بۇ خىتابلىرىغا سەندىن ئالغان جاۋابىم ،سەندىن كۈتكەن ئارمانىم ،ئاخىرىدا ئىرىشكىنىم ئازاپلا بولدى خالاس . شۇنداقتىمۇ يەنە يۈرۈكۈمگە قولۇمنى سالسام بۇ يۈرەك پەقەت سەن ئۈچۈنلا سوقاتتى. ھىلىھەم سەن ئۈچۈن ، مەڭگۈ سەن ئۈچۈن سوقىۋاتىدۇ ..... سەن مەن كۈتمىگەن ئاشۇ جاۋاپنى بەردىڭ ، چەكسىز ئازاپنى بەردىڭ .شۇنداق ئەھۋالدىمۇ مەن يەنە سىنىڭ كۆڭلۈڭنى ئۆز كۆڭلۈم دەپ بىلىپ -بوپتۇ ، كۆڭۈلنى،سۆيگۈ-مۇھەببەتنى زورلاپ تاڭغىلى بولمايدۇ ،سەنلا بەخىتلىك بولساڭ،سىنىڭ بەختىڭنى كۆرسەم مەن شۇنىڭدىن خۇشال دىدىم ، ساڭا بەخىت تىلىدىم . دىگىنىڭ بويىچە ساڭا تېلىفۇنمۇ قىلمىدىم ، ئۇچۇرمۇ يازمىدىم ، سىنى ئىزدىمىدىم . گەرچە كۆڭلۈم بۇنى خالىمىسىمۇ، ساڭا بولغان سېغىنىشىم مىنى چىدىغۇسىز قىينىغان بولسىمۇ چىدىدىم ، ئەمما بۇ سېغىنىش كۈنسىرى كۈچىيىپ مىنى قىيناپ كەلدى.....   توۋا !!!  بىر يىلغا يىقىن ۋاقىت داۋاملاشقان مۇھەببەتلىك گۈزەل چاغلارنىڭ،شىرىن مۇھەببەتلىك كىچىلەرنىڭ،ئۇنتۇلغۇسىز ئەسلىمىلەرنى قالدۇرغان سۆيگۈ -مۇھەببىتىمىزنىڭ سىنىڭ ئالدىڭدا قىلچىلىك قەدىر قىممىتى يوقكەن . ھەقىقى مۇھەببەت ئەسلى بۇنداق بولمايىتتى.... سىنىڭ ئالدىڭدا ئىلىۋەتكەن تىرناقچىلىك قەدىر-قىممىتىممۇ،ئىززەت -ھۆرمىتىممۇ يوقكەن...... تالاي كىچىلەر ئويلاپ باقتىم . ئەمما سىنىڭ مۇھەببىتىڭدىن ئايرىلىپ قىلىشىمغا، سىنىڭ بۇنچىلىك قىلىشىڭغا سەۋەپ بولغۇدەك ھىچ بىر خاتالىقىمنى بىلەلمىدىم. كۆزدىن يىراق كۆڭۈلدىن يىراق دىگەن گەپ راسىت ئوخشايدۇ .ئىككىمىزنىڭ ئىككى دۇنيادا بولۇپ قالغانلىقىمىز ، سىنىڭ قايغۇڭغا قايغۇرۇپ ،خۇشاللىقىڭغا ئورتاقلىشالمىغانلىقىم ،سىنىڭ چاڭقىغان قەلبىڭگە ئابىكەۋسەر كەبى سۆيگۈ شاراپلىرىم بىلەن ئۇسسۇزلۇق بىرەلمىگەنلىكىم ..... سەۋەبىدىنمۇ؟! ھىچ بىلمىدىم.... كونا رەنجىش سەۋەبىدىن بولغان بولسا سىنىڭ ماڭا بولغان مۇھەببىتىڭ باشتىن-ئاخىر ساختا بولغان بولىدۇ ، چۈنكى ھەقىقى مۇھەببەت قارشى تەرەپنى ئەپۇ قىلىش ، كەچۈرۈش ، ۋاپا قىلىش... ئاساسىدا ۋۇجۇتقا كىلىدۇ . ئەمما سىنىڭ قەلبىڭدە بۇلارنىڭ سايىسىمۇ كۆرۈنمەيىتتى.....، بوپتۇ . نىمە سەۋەنلىك ئۆتكۈزگەن بولاي مىنى كەچۈر .ئەڭ ئاخىرقى كەچۈرۈم سورىشىم... ئەمما مىنى ئۇنتۇپ كەتتى ، ئەمدى مىنى ئويلىمايدۇ، مىنى سۆيمەيدۇ .مىنى خىيالىغا كەلتۈرۈپمۇ قويمايدۇ....دەپ قارىما. جىنىم چىقسا چىقىدۇكى كۆڭلۈمدىن ‹‹          ›› دىگەن بىرسىنىڭ سېغىنىشى،مۇھەببىتى مەڭگۈ چىقمايدۇ..... ئەينى ۋاقىتلاردا ھېس قىلماپتىكەنمەن . ئەمما ھەقىقى مۇھەببەتنى ھىس قىلغان، سىنى ھەقىقى چىن دىلىمدىن سۆيىدىغانلىقىمنى ،سىنى ھەقىقەتەن ياخشى كۆرۈپ قالغانلىقىمنى بىلگىنىمدە ئىككىمىزنىڭ ئارلىقى يىراقلاپ كەتتى. بۇنىڭغا بەكلا ئېچىندىم، پۇشايمان قىلدىم . ئەمما سەن ماڭا پۇرسەت بىرىشنى ، مىنى كەچۈرۋىتىشنى خالىمىدىڭ... ئاللاھ سەندىن رازى بولسۇن . مەنمۇ سەندىن رازى. سەن مەيلى كىمنى تاللا ،كىمنى سۆيگىن. قايسى جايدا بولغىن شۇ ئىسىڭدە بولسۇنكى . سىنىڭ كەينىڭدە بىر ناتىۋان يىگىتنىڭ سۆيگۈ-مۇھەببىتىنىڭ ساڭا ئەگىشىۋاتقانلىقىنى مەڭگۈ ئۇنتۇپ قالما.... مۇڭداشقۇدىنمۇ چىقىرۋىتىپسەن ،ئەمما كۆڭۈل خاتىرەڭدىن ، يۈرۈكىڭدىنمۇ مىنى شۇنچە تىز چىقىۋىتەلەرسەنمۇ؟!... مىنى كۈلىۋاتىدۇ ،كۆڭلى خاتىرجەمكەن... دەپ قالما، ھەقىقى كۈلكە مۇھەببەتتە ئىپادىلىنىدۇ. مۇشۇ كۈنلەردە سىنىڭ ئاۋازىڭنى بولسىمۇ ئاڭلاشنى ئاللاھتىن تىلەيدىغان بولۇپ قالدىم ، تېلىفۇنۇم سايرىسا كۆڭلۈمدە سەندىن كەلگەن تېلىفۇن بولسىكەن ، بۇرۇنقىدەك ئەركىلەپ تۇرۇپ قانداق ئەھۋالىڭىز ؟ياخشى تۇرىۋاتامسىز؟سىزنى بەك سېغىندىم دىسىكەن دەيدىغان بولۇپ كەتتىم.ئەمما سەن بۇ دۇنيادىن بىراقلا يوقالغان ئىدىڭ.... مەندىن نىمە سەۋەنلىك ئۆتسۇن ، نىمە ئىشنى خاتا قىلغان بولاي ،ئەينى ۋاقىتتىكى قىسقىغىنە بىر مەزگىللىك سۆيگۈ-مۇھەببىتىمىزنىڭ ھەققى-ھۆرمىتىدە مىنى كەچۈرۋەت ، پۈتۈن بىر ئۆمۈر مەندىن نەپرەتلىنىپ ئۆتمە.....مەندىن ئۆزۈڭنى بۇنچىلىك قاچۇرمىغىن، مەن ئوت ئۈستىدە ئازاپلىنىدىكەنمەن... ھەر قانداق بىر ئىنساندا بولغۇچى ھىسيات سەزگۈلىرىم تامامەن يوقۇلۇپ مۇھەببەت دىگەندىن نەپرەتلەندىم،  مۇھەببەتتىن ئازار يىگەن قەلبىمدە ئەمدى مۇھەببەت قالمىدى . پەقەت ساڭا بولغان سېغىنىش ، ئەقىدىلا قالدى.... ھاياتىمدا ئىككىنچى قىتىم بىرەر قىزغا نىسپەتەن ھەقىقى مۇھەببەت مەۋجۇت بولماسمىكىن دەيمەن. شۇ دەرىجىدە سۆيگۈ-مۇھەببەتتىن رايىم ياندى... خەيىر! بوپتۇ . تەقدىر پىشانەم. ئەمما مىنىڭ ئەڭ چوڭ ئارزۇيۇم،ئارمانىم سىنىڭ مۇھەببىتىڭنى قايتۇرۇپ كىلىش ، يوقۇتۇپ قويغان گۈزەل ئەسلىمىلىرىمنى تىپىۋىلىش ، سىنىڭ ،مۇھەببىتىڭگە قايتا ئىرىشىش....   سەن قانداق ئويلا ، ئاچچىقلانساڭمۇ ، تىللىساڭمۇ ،نىمە ئىش قىلغىن، مىنىڭ ئېغىزىمدا قەلبىمدە ،يۈرۈكۈمدە پەقەت بىرلا-سىنىڭ ئىسمىڭ يادلىنىدۇ، مۇھەببىتىڭ كۆيىدۇ....   خىتىمنى مۇشۇ يەردە ئاخىرلاشتۇراي ،ئەمدى ساڭا خەت يازمايمەن،ئاللاھ سىنى ھەر ۋاقىت ھەرخىل كۆڭۈلسىزلىكلەردىن ئامان قىلغاي! ئاللاھ خالىسا كۈنلەرنىڭ بىرىدە دىدار كۆرۈشۈپ قالارمىز. ئامان بولغىن ،مەن ئۈچۈن بولسىمۇ ئۆزۈڭنى كۆپ ئاسىرا .... سىنى مەڭگۈ سۆيۈپ قەلبى ئازاپقا ، چەكسىز پۇشايمانغا ، كۈچلۈك سېغىنىشقا تولغان ، دىلى سۇنغان ، روھى چۈشكۈن، خۇشاللىقتىن ، ئۆمۈرلۈك بەخىتتىن قۇرۇق قالغان ،سىنى مەڭگۈلۈك سۆيگۈچى قەلب ئىگىسى ئابلىمىتتىن . كەلمەسكە كەتتىڭ يار،كەتتىڭ سەن يىراق، دىلىمدە سىمايىڭ ئۆچمەيدۇ بىراق. تۆت كۈنلۈك بولدىغۇ سىنىڭ چىن سۆيگۈڭ. يۈرەكتە قالدۇردۇڭ مەڭگۈلۈك پىراق ........... 2014-يىلى.22-يانۋار

ئەخمەد

	مانا مۇشۇنداق ئوغۇللارنى قەدىرلىمىگەن،ئاتالمىش ‹ئوغۇللار ئەسكى بولمىسا،قىزلار سۆيمەيدۇ› دېگەن پەتىۋالارنى چىقىرىپ سۆيگەن ئادىمىنى تاشلىغان ‹قىز›لارنىڭ بەختىنى تىلەيمەن!

SaBa_002

	ئاللا    ھەممىمىزنىڭ  كۆڭلىگە   ئىنساپ   بەرگەي  .  ئامىن!

milodia

	ئاللاھ خالىسا قەدرىڭىزگە يېتىدىغان بىرسى چىقىدۇ.

marhaba422

	{:39:}{:39:}{:39:} يەنىلا شۇ ....{:39:}{:39:}{:39:}{:39:}{:39:}

maripatogli

	marhaba422 يوللىغان ۋاقتى  2014-1-24 12:12 AM يەنىلا شۇ .. ... نىمىنى يەنە شۇ دەيسىز مەرھابا خانىم ، توردىشىم............ بىزارلىق تۇيغۇسى بەرگەن ئوخشىمامدۇ

دۈشمەن

	marhaba422 يوللىغان ۋاقتى  2014-1-24 12:12 AM يەنىلا شۇ .. ... سەۋرە قىلىڭ ھەممە ئىشلار ئوڭشىلىپ كىتىدۇ ؟

.0102

	ئەستەقپىرلا ادەيمەن، سىز قۇلىنى تۇتقان، سۆيىۋالغان، نەچچە كىچىنى يولدا پاراڭلىشىپ ئۆتكۈزگەن قىزنى كىممۇ ئالار؟؟؟  قايسىڭلار ئېلىشقا رازى؟؟؟  ئۇنى بەك چىرايلىق دەيلى قايسىڭلار؟؟ چىن يۈرەكتىن چىن سۆزلەرنى قىلىپ بېقىڭلار دوسلار؟؟؟ يېقىندىن بۇيان ئىنكاسلىرىم تەستىقلانمىدى، مانى تەستىقلاپ  قوياڭلا

delim804

	مۇشۇ مۇھەببەت دىگەن ئاجايىپ جۇما. چوڭ بولوپ دەرىت تارىتقۇچە، كىچىك تۇرۇپ ئۆلگەنمۇ ياخشى جۇمۇ

amalsiz★man

	.0102 يوللىغان ۋاقتى  2014-1-24 11:45 AM ئەستەقپىرلا ادەيمەن، سىز قۇلىنى تۇتقان، سۆيىۋالغان، ن ... سىزغۇ شۇنداق دەيسىز،، لىكىن ئۇ قىز  مىنى كىممۇ ئالار، دىمەستىن يۈز ئۆرۈپتۇ ئەمەسمۇ ....