فېۋرال

bahwanbiz

	فېۋرال قار بەدىنى قىمىرلايدۇ فېۋرال، قار لەۋلىرى پچىرلايدۇ فېۋرال، قار غوللىرى غىچىرلايدۇ فېۋرال ، قار قەدىمى شىپىرلايدۇ فېۋرال، قار يۇلتۇزى جىمىرلايدۇ فېۋرال. چايناپ سېغىز كەتتى ئاستا يانىۋار ، ئارخىبىدا ئوتتۇز دىگەن سانى بار ، 24 دەپ ھەسسىلەنگەن كانى بار ، ئۇنىڭ بىلەن ئەمدى كىمنىڭ كارى بار ؟ لەمپىلەردىن چىپىلدايدۇ فېۋرال . دوقمۇش ساقلاپ دەقىقىنى سانىدىم ، مۆلچەر بىلەن ھەسەل -تۇزنى ئايرىدىم ، تاما قىلىپ ئۆزگە تىلدا سايرىدىم ، گۆشۈم كېسەل يات تېرەمدە يايرىدىم ، بەتىنكەمدە كىتىرلايدۇ فېۋرال . كەلدى بالام تىلى چىقىپ ‹ ر › لارغا ، سىڭىپ كەتتى سامساق پۇراپ ‹ س› لارغا ، پەرۋا قىلماي قەۋىمدىكى ‹ ق › لارغا ، سەل قارىدى ۋىجداندىكى ‹ ۋ › لارغا ، پىرىسلىنىپ زەي پۇرايدۇ فېۋرال . قالدى ئۆپكەم ماسلىشالماي ھاۋاغا ، يەلكىنى يوق چۈشتى كېمەم ساماغا ، رىزىق ئىزدەپ ئاشىق بولدۇق ناۋاغا ، ئىگىلمەكتە تىزىم ، توۋۋا ، تاماغا ، كىملىكىڭنى كىم سورايدۇ فېۋرال . لوغىتىمنىڭ چىرىقىدىن ئىس چىقتى ، ھەرپىمدىن قۇرت يىگەن چىش چىقتى ، ئۈچەيلىرىم لۆمۈلدىسە كىم سىقتى ، خاسيەتلىك تىلتۇمارنى كىم تىقتى ؟ خۇش ھېدىڭنى كىم پۇرايدۇ فېۋرال ؟ ئاتام كەتتى بوران ئۇچتى باغلاردىن ، سايەم بىزار  كەيپىم چاغ چاغلاردىن ، مايلىنىمەن چىۋىن چۈشكەن ياغلاردىن ، قەرىز ئالدىم بوينى تاقاق ئايلاردىن ، ئۆتنىلەرنى كىم تۆلەيدۇ فېۋرال . ئېرىمەكتە بوسۇغامنىڭ تەرلىرى ، بومبا ئاتار ئۇيۇتى يوق يەللىرى ، قىممىتىگە ئىپادىسىز سەرلىرى ، بەرىكەتسىز قىلدى بېشەم بەزلىرى ، دەرۋازامغا كېپ تۈنەيدۇ فېۋرال . سۈكۈتلىرىم پەردىسىنى كۆپتۈردى ، سۈۋەرەكلەر قان تىپىمنى يەپ تۇردى ، مەيىن شامال ساددا دىلنى كەلتۈردى ، ئاۋاق غايەم ئۆز -ئۆزىنى ئۆلتۈردى ، ئوربىتامدا غەم شۈمەيدۇ فېۋرال . ئاپتۇرى : ئابلەت مۇھەممەت باغۋەن

borhanhoja

	شېئېرنىڭ مەۋزۇسىغا قاراپ سىزمىكىن دېگەن ئىدىم . راستىنلا سىز ئىكەنسىز . ئۆزگىچە شېئېر يازىسىز ...... شېئېرىي تىلىڭىز ھەقىقەتەن بەك ئۆتكۈر سىزنىڭ باغۋەن ئەپەندىم .......... ئىجادىيەتلىرىڭىزگە ئۇتۇق تىلەيمەن ....................

tokqi123

uyol

	بۇ شېئىر بەك ئۆزگىچە چىقىپتۇ، ئىجادىيىتىڭىزگە ئۇتۇق تىلەيمەن

salkin11

	يېزىپ قويىدىكەنسىز جۇمۇ ... ھەقىقەتەن ياخشى چىقىپتۇ ... كۆڭۈلنى بىلىپ يەتكەندەكلا ...

gultaj

	ناھايىتى ياخشى يېزىپسىز .......شېئېرىي تىلغا ھەقىقەتەن بايكەنسىز .... بۇندىن كېيىنكى ئىجاتىيەتلىرىڭىزگە ئۇتۇق تىلەيمەن ..........

گۆزەل

	قالتىس

kakkuk11

	قوللىرىڭىز بەركەتلىك بولسۇن ئاكا...

yfkopjfn

	ياخشى يېزىپسىز!!!!