ئىسلام تەپەككۇرنى بۇغۇدۇدىگەن سەپسەتىگەرەددىيە

buqqa

	«ئىسلام ئەقىلنى ئىشقا سېلىشقا رۇخسەت قىلمايدىغان، دىنىي پەرمانلارغا مەجبۇرلايدىغان دىندۇر» دېگەن سەپسەتىـگەرەدىيە ئۇستاز، دوكتور ئەھمەد شەلەبى ئىسلام دىنى ئىنساننىڭ ئەقلىگە ھۆرمەت قىلىدىغان، ئۇلۇغلايدىغان يېگانە دىن بولسا كېرەك. ئەقىل مەسئۇلىيەتچانلىق، لاياقەتلىكنىڭ مەركىزىدۇر. ئىنسان ئەقىل ئارقىلىق ياراتقۇچىسىنى تونۇيدۇ، كائىناتنىڭ سىرلىرى، ئاللاھنىڭ قۇدرىتى ۋە سىرلىرىنىڭ تېگىگە يېتەلەيدۇ. قۇرئان كەرىم ئىنسانغا خىتاب قىلغاندا ئۇنىڭ ئەقلىگە خىتاب قىلىدۇ. ئۇنى كائىناتقا نەزەر سېلىش، ئۇ ھەقتە تەپەككۇر يۈرگۈزۈش، دۇنيانى ماددىي ـ مەنىۋىي جەھەتتىن گۈللەندۈرۈشكە چاقىرىدۇ. ئىسلامدا ئەقىلگە زىت كېلىدىغان، ساغلام تەپەككۇرغا ماس كەلمەيدىغان ياكى ئىلىم ھەقىقەتلىرىگە قارىمۇ قارشى كېلىدىغان بىر نەرسە يوق. ئىسلام دىنى ئىنساندىن ئەقىلنى ئىشقا سېلىشنىڭ زۆرۈرلىكىنى تەلەپ قىلىدۇ، ئەقىل ـ ئىدراك ئېنىرگىيەسىدىن پايدىلانمايدىغانلارنى ئەيىبلەيدۇ. اﷲ تائالا قۇرئان كەرىمدە ئەقلىنى ئىشقا سالمىغانلارنى ئۆزىنىڭ ئىنسان ئىكەنلىكىنى يوقاتقانلار دەپ تەسۋىرلەپ مۇنداق دەيدۇ: (ئۇلار دىللىرى بولغىنى بىلەنمۇ، ئۇ ئارقىلىق ھەقنى چۈشەنمەيدۇ، ئۇلار كۆزلىرى بولغىنى بىلەنمۇ، ئۇ ئارقىلىق (ئاللاھنىڭ قۇدرىتىنىڭ دەلىللىرىنى) كۆرمەيدۇ، ئۇلار قۇلاقلىرى بولغىنى بىلەنمۇ، ئۇ ئارقىلىق (ئاللاھنىڭ ئايەتلىرىنى ئىبرەت ئېلىپ) تىڭشىمايدۇ. ئۇلار گويا ھايۋانغا ئوخشايدۇ، ھايۋاندىنمۇ بەتتەر گۇمراھتۇر. قۇرئان كەرىم يەنە باشقا بىر ئايەتتە ئەقىلنى ئىشقا سالماسلىقنىڭ گۇناھ ئىكەنلىكىنى جاكارلاپ، قىيامەتتە كاپىرلارنىڭ ئەھۋالى توغرىسىدا مۇنداق دەيدۇ: ئۇلار: «ئەگەر بىز (پەيغەمبەرنىڭ سۆزلىرىنى) ئاڭلىغان، ياكى  چۈشەنگەن بولساق، ئەھلى دوزاخ قاتارىدا بولماس ئىدۇق» دەيدۇ، ئۇلار گۇناھىنى تونۇيدۇ. ئەھلى دوزاخ اللە نىڭ رەھمىتىدىن يىراق بولسۇن! ئىسلام ئىنساننىڭ دىققىتىنى ئاللاھنىڭ بارلىق كائىناتنى ئىنسان ئۈچۈن بويسۇندۇرۇپ بەرگەنلىكىگە جەلپ قىلىدۇ. ئۇنداق بولغانىكەن، ئىنسان ئەقلىنى ئىشقا سېلىپ ھەممە نەرسىنى ئادەمنىڭ مەنپەئىتى، يەر ـ زېمىننى گۈللەندۈرۈش ئۈچۈن خىزمەت قىلدۇرىشى كېرەك: (ئۇ سىلەرنى زېمىندىن (يەنى تۇپراقتىن) ياراتتى، سىلەرنى زېمىندا تۇرغۇزدى ۋە ئۇنى گۈللەندۈرۈشكە بۇيرىدى.  ( (ئاللاھ ئاسمانلاردىكى ۋە زېمىندىكى نەرسىلەرنىڭ ھەممىسىنى (كامالى) پەزلىدىن سىلەرگە بويسۇندۇرۇپ بەردى، بۇنىڭدا ھەقىقەتەن (قۇدرىتى ئىلاھىينى) تەپەككۇر قىلىدىغان قەۋم ئۈچۈن (ئاللاھنىڭ قۇدرىتى ۋە بىرلىكىنى كۆرسىتىدىغان) (روشەن) دەلىللەر بار.   ئۇنداقتا، يەرشارى ئىنسان ئەقلىنى ئىشقا سالىدىغان كەڭتاشا مەيدان بولۇپ، ھېچقانداق توسالغۇ ياكى ئىنسانىيەتكە پايدىلىق بولغان ھەرقانداق نەرسە ئۈچۈن ئەقىل، تەپەككۇر چەكلىمىسى يوق. كىشىلەرگە پايدىلىق بولغان ھەرقانداق نەرسىنى ئىسلام چەكلىمەيدۇ، بەلكى ئۇنىڭغا رىغبەتلەندۈرىدۇ. شەرىئەت ئاساسىدا كەلگەن بارلىق دىنىي پەرمانلارغا ئەمەل قىلىش مۇسۇلمانلارنىڭ مەجبۇرىيىتىدۇر. لېكىن مۇسۇلمانلار دۇنيا ئىشلىرىدا ئەقلىنى ئىشقا سېلىپ ئىجتىھاد قىلىش ھەققىگە ئىگە. پەيغەمبەر ئەلەيھىسسالام تۆۋەندىكى ھەدىستە بۇ مەسىلىگە ئىشارەت قىلىپ مۇنداق دېگەن: «دۇنيالىق ئىشلىرىڭلارنى ئۆزۈڭلار ياخشى بىلىسىلەر.» [مۇسلىم] ئىسلام ـــ تەپەككۇر ۋە ئىلمىي تەتقىقات ئەركىنلىكى ئۈچۈن كەڭ زېمىن ھازىرلىغان بولۇپ، ئەركىنلىككە كاپالەتلىك قىلغان. پەيغەمبەر ئەلەيھىسسالام پەرۋەردىگارىدىن ئىلىمنى زىيادە قىلىشنى تەلەپ قىلىشقا بۇيرۇلغان: («ئى پەرۋەردىگارىم! ئىلمىمنى زىيادە قىلغىن!» دېگىن. ( قۇرئان كەرىم ئىلىم ۋە ئالىملارنىڭ ئالاھىدىىلىكلىرى ئۈستىدە كۆپ توختالغان):   (ئاللاھ سىلەردىن ئىمان ئېيتقانلار ۋە ئىلىم بېرىلگەنلەرنى بىر قانچە دەرىجە يۇقىرى كۆتۈرىدۇ. (ئېيتقىنكى، بىلىدىغانلار بىلەن بىلمەيدىغانلار باراۋەر بولامدۇ؟ )رەسۇلۇللاھ ئەلەيھىسسالامدىن رىۋايەت قىلىنغان يەنە بىر ھەدىستە مۇنداق دېيىلگەن: «ئىلىم ئۆگىنىش ھەر بىر مۇسۇلمانغا پەرزدۇر.» [ئىبنى ماجە] يەنە مۇنداق دېيىلگەن: «كىمكى ئىلىم يولىغا قەدەم قويسا، ئاللاھ ئۇ كىشى ئۈچۈن جەننەتكە يول ھازىرلايدۇ.» [بۇخارى] رەسۇلۇللاھ ئەلەيھىسسالام ئىلىمنىڭ قىممەتلىك ئىكەنلىكىنى، ئىلىمنىڭ ئۆلگەندىن كېيىنمۇ ئەسقاتىدىغانلىقىنى كۆرسىتىپ ئۆتكەن: «ئادەم ئۆلسە، بارلىق ياخشى ئىشلىرى توختايدۇ. ئەمما ئۈچ تۈرلۈك ئىشنىڭ ساۋابى ئۈزۈلمەي داۋاملىشىپ تۇرىدۇ. ئۇلار: سەدىقە، پايدىلىق ئىلىم، ئاتا ـ ئانىسى ھەققىدە دۇئا قىلىپ تۇرىدىغان ياخشى پەرزەنتنىڭ دۇئاسى قاتارلىقلار.» [مۇسلىم] مەنبە:ئىسلامغاقارشى ئېىلىپ بېرىلغان سەپسەتىلەرگەرەددىيەدىگەن كىتاپتىن ئېلىندى.

.tuz.

	ئاللاھ رەھمەت قىلسۇن بەكمۇ ئىسىل تىمىدىن بىرنى يوللاپسىز ~~~

nurjahan0997

	دېنىسىمىمۇ بەزى كىشىلەر ئىسلامدىكى شۈكرى قىلىش سەۋىر قىلىشنى ھۇرۇنلۇقنىڭ ۋە روھىي غالىبىيەتچىلىكنىڭ بەلگىسى قىلىپ قويىۋاتىدۇ ئىسلام بىزنى ئۇقۇ تەپەككۈر قىل دۇنيانى كۆزەت دەيدۇ تەبى پەن ئالىملىرىنىڭ تەتقىقات نەتىجىلىرىنى ئاللاھنىڭ قۇدرىتىگە شەك كەلتۈردى دەپ چۈشىنىدىغانلارمۇ يوق ئەمەس ئارىمىزدا تېما ئىگسىگە تەشەككۈر بولسۇن

TURKI5886

	تېمىڭىزغا كۆپ رەھمەت ! قولىڭىزغا دەرت كەلمىسۇن ، بولسا مۇشۇنداق مەزمۇندىكى تېمىلارنى كۆپرەك يوللاپ تۇرسىڭىز ، ئاللا ئېگەم ئەجرىڭىزنىڭ ساۋابىنى بەرگەي !

umidvar123

	ئاللا رەھمەت قىلسۇن ... ياخشى تېما يوللاپسىز.... باشقا تېمىلارغا ئىنكاس دېگەن يېزىپ تولدۇرىۋېتىمىز بۇ تېمىغا ئىنكاس يازغان پەقەت بىرنەچچەيلەن ..... ئاللا ئۆزۈڭ ھىدايەت قىلغىن....

mahatjan

	ئىسلام دىنى ئىنساننىڭ ئەقلىگە ھۆرمەت قىلىدىغان، ئۇلۇغلايدىغان يېگانە دىن بولسا كېرەك. ئەقىل مەسئۇلىيەتچانلىق، لاياقەتلىكنىڭ مەركىزىدۇر. ئىنسان ئەقىل ئارقىلىق ياراتقۇچىسىنى تونۇيدۇ، كائىناتنىڭ سىرلىرى، ئاللاھنىڭ قۇدرىتى ۋە سىرلىرىنىڭ تېگىگە يېتەلەيدۇ. مانا بۇ تولىمۇ ئىلمىي يەكۈن ۋە توغرا ھۆكۈم.چۈنكى؛  ئىسلام دىنى تەپەككۇرنى بۇغمايدۇ تېخىمۇ تەرەققى قىلدۇرىدۇ.

Azizan

	مەن مۇشۇ تىمىنى تەستىقلىغان باشقۇرغۇچى مارشال ۋە گۇماشتىلىرىدىن سوراپ باقسام ، مىسرانىم مۇنبىرىدە بىرەرسى ئىسلام تەپەككۇرنى بوغىدۇ دېدىمۇ ؟ ئۇيغۇرلاردىن بىرەرسى توردا شۇنداق دېدىمۇ ؟ بۇ كىمگە كىمنىڭ بەرگەن رەددىيەسى ؟ بۇ ماقالە ھەقىقەتەن ياخشى ، لېكىن ياخشى نەرسىنىمۇ ياخشى ۋاقىتتا ياخشى نىشانغا ئىشلىتىمىز . ھېچكىم بۇ تىمىنى قوزغىماستا تام تۈۋىدىن ھوشۇر قوپقاندەك ، تۇلۇمدىن پوداق چىققاندەكلا ، رەددىيەگە سەكرەپ قوپۇشتىن مەقسەت نېمە ؟ مېنىڭچە مەقسەت ئېنىق ، بۇ مۇنبەردىكى ھەربىر تورداشنىڭ مەۋقەسى ، مەيدانى ، بىلىم سەۋىيەسى ئوخشىمايدۇ ، ماڭا ئوخشاش قارا تۈرۈكتىن بىرى تىما ئىگىسى ۋە گۇماشتىلىرىغا نالايىق بولغان گەپتىن بىرنى ئويلاشماي قىلىپ تاشلىسىلا ، يەنە شۇ كونا مۇقام مۇسۇلمانلىق دەۋاسى بىر مەيدان ئايىغى ئۈزۈلمەس 20 بەتلىك  تۈكۈرۈك جېڭىگە ئايلىنىدۇ . مەنچە بولسا ، جەمئىيەت ئاساسىدىن ئايرىلغان ، يوق يەردىن گەپ تېشىدىغان بۇنداق تىمىلارنى قەتئىي تەستىقلىماسلىق كېرەك ئىدى . بىرنەنچىدىن قۇرۇق گەپ ، قۇرۇق جېدەلدىن ساقلانغىلى بولاتتى ؛ ئىككىنەنچىدىن مۇسۇلمانلىق دەۋاسىنى توردا قىلىشتەك يامان ئىللەت يامرىمايتتى ؛ ئۈچىنچىدىن ئۇلۇغ دىنىمىزنىڭ كۇرسىنى چۈشۈرمەكچى بولغان توردا مۇسۇلمان ئەمەلىيىتى مەلئۇن كىشىلەرگە پۇرسەت تۇغۇلمايتتى . خۇلاسە كالام ! سۈف ...

elxat99

	Azizan يوللىغان ۋاقتى  2014-1-20 03:20 PM مەن مۇشۇ تىمىنى تەستىقلىغان باشقۇرغۇچى مارشال ۋە گۇما ...

baxagim0996

	قەلىبلەرنى تىرىلدۈردىغان ئىلىم بولسا اللەنى ۋە ئاخىرەت كۈنىنى ئەسلىتىدىغان مەنپەئەتلىك ئىلىمدۇر،شۇڭلاشقا پەيغەمبەر ئەلەيھىسسالامنىڭ نۇرغۇن ھەدىسلىردە ئىلىم سورۇنلىرىغا قىزىقتۇرۇلغان ۋە ئۇنى جەننەت باغلىرىدىن دەپ سۈپەتلەپ "سىلەر جەننەت باغلىرنىڭ يېنىدىن ئۆتسەڭلار ئۇنىڭدىن ھۇزۇرلىنىڭلار "دىگەن ؛ساھابىلەر باغ قايسى ؟ئى رەسۇلىللا!دەپ سورىغاندا ،پەيغەمبەر ئەلەيھىسسالام "ئۇ ئىلىم ئورۇنلىرى ۋە سورۇنلىرى دەپ جاۋاپ بەرگەن . ئىلىم ئۆگۈنۈش ھەربىر مۇسۇلمانغا پەرىز.

faruh193

	مۇنبەردە سوپا ئىشانلار كوپۇيۇپ قالدىمۇ نىمە .  «خاس سۇف دەپلام يۇگەن ،