يېغلىما!بالام(ھېكايە)

پادىشاھ

	يېغلىما!بالام(ھېكايە)                                                          ئاپتورى:پەرھات جەمشىت ئالىمجان  ئەقىللىق،تىرىشچان ئوقۇغۇچى  بولۇپ ھەرقايسى دەرسلەرنى ،كۆڭۈل قويۇپ ئاڭلايتتى،نېمىشقىدۇر بۈگۈنكى تىل –ئەدەبىيات دەرسىدە   بېشىنى پارتىغا قويغىنىچە قانداقتۇر بىر خىياللارغا بەنىد بولۇشقا باشلىدى.مەن ئاچچىقىمدا  ئۇنىڭ پارتىسى يېنىغا كەلدىم-دە، __ تۇرە ئورنۇڭدىن !  دىگۈم كەلدى،بىراق  ئۇنىڭ  كۆز چاناقلىرىدا ياش تامچىلىرىنىڭ مارلاپ تۇرغانلىقىنى كۆرۈپ  نىيىتىمدىن ياندىم... دەرستىن چۈشۈپ ئۇنىڭ يېنىغا كەلدىم-دە: __ بالام يۈرە! ئىككىمىز پاراڭلىشىپ باقايلى  دېدىم.ئۇ كۆز چاناقلىرنىدىكى ياش يۇقىنى سۈرتكەچ ماڭا ئەگەشتى.بىز مەكتەپ گۈللىكىدىكى خالىيراق جايغا باردۇق، مەن ئۇنىڭ  بېشىنى سىللاپ تۇرۇپ:_ سەن ئەقىللق ،تىرىشچان بالا بۈگۈن ساڭا نېمە بولدى؟دېىدىم مېھرىبانلىق بىلەن.شۇ ھامان ئۇ بۇقۇلداپ يېغلاپ تاشلىدى،ئۇنىڭغا نېمە بولغانلىقىنى بىلمىگەن بولساممۇ ئۇنىڭ يېزىسىدىن ئىچىم سېرىلىشكە باشلىدى. __ بالام نېمىشقا يېغلايسەن؟ئوغۇل بالا دېگەن يېغلىمايدۇ،قانداقلا سۆزۈڭ بولسا ماڭا ئېيت دىدىم مەن. ئۇ يېغىسىنى ئارانلا توختىتىپ  قولىنىڭ دۈمبىسى بىلەن كۆز چاناقلىرىنى سۈرتكەچ: __ دادام بىلەن ئاپام ئاجرىشىپ كېتىپتۇ _ ئۇ شۇنداق دېگىنىچە يەنە يېغىغا چۈشتى.ئۇنىڭ سۆزىدىن مەن ھەيرانلىق ھېس قىلدىم.چۈنكى ئۇنىڭ دادىسى ئىشچان،ئەخلاقلىق،تىرىشچان كىشى بولۇپ يازكۈنلىرى ئىشتىن چۈشۈپ كەچلىك بازاردا كاۋاپ ساتاتتى،خوتۇنى ۋە ئىككى بالىسىنى بەكمۇ ياخشى كۆرەتتى.مەن ئۇنىڭ سۆزىگە ئىشەنمىگەن ھالدا: __ سەن خاتالاشمىغانسان ؟دەپ سورۇدۇم. __ ياق مۇئەللىم ئەتىگەن بىر نەرسە ئىزدەش ئۈچۈن ئىشكاپنىڭ تاتمىسىنى ئاختۇرغاندىم،قارىسام دادام بىلەن ئانامنىڭ ئاجىراشقانلىق كېنىشكىسى تۇرىدۇ،مەن ئۇنى ئۆز كۆزۈم بىلەن كۆردۈم ،ئۇ يەنە يېغلاشقا باشلىدى. __ ئەمىسە مەن داداڭغا تېلىفون قىلىپ سوراپ باقايمۇ؟ __ ياق ،سورىماڭ. __ ئەمىسە چوڭ داداڭدىن  سوراپ باقايمۇ؟ئۇ بېشىنى لىڭشىتتى. قاسىم  ئاكىنىڭ  ئۆيى مەكتەپكە يېقىن ئىدى.  مەن بالىنى دەرسكە كىرەۈزۈۋېتىپ ئۇنىڭ  ئۆيىگە قاراپ يول ئالدىم.__ نېمىشقىمۇ بىز خەقتە نىكاھتىن ئاجرىشىدىغانلار كۆپتۇ؟ دېگەنلەرنى خىيال قىلغاچ بىر دەمدىلا قاسىم ئاكىنىڭ ئۆيىگە كېلىپ قالدىم.قاسىم ئاكا كىتاپ كۆرۈپ ئولتۇرغانئىكەن.سالام –سائەتتىن كېيىن چاي ئىچكەچ پاراڭغا چۈشتۇق،مەن پاراڭ ئارىلىقىدا: _ ئالماس خوتۇنى بىلەن ئاجرىشىپ كەتتىمۇ دەپ سورۇدۇم،سەل ئوڭايسىزلانغان ھالدا: __ سېلى كىمدىن ئالڭلىدىلا ؟ئۇ ھەيرانلىق بىلەن سورىدى.مەن بۇ ئىشنى نەۋرىسىدىن ئاڭلىغانلىقىمنى    ئېيتتىم.قاسىم ئاكا تۆت ئەتىراپقا كۆز يۈگرۈتتى ۋە تۆۋەن ئاۋازدا: __ مۇ ئەللىم بۇ ئىشلارنى باشقىلار بىلىپ قالمىسۇن،ئوغلۇمنىڭ ئىدارىسىدىن ئۆيى يوقلارغا ئۆي سېلىپ بېرىدىكەن، خوتۇنىنىنىڭ ئىدارىسىدىن ئالغان  بىر  يۈرۈش ئۆيى بار بولغانلىقى ئۈچۈن،ئۇلارنىڭ  ئۆي ئېلىشقا شەرتى توشمايدىكەن،ئىككى ئوغلى بار كېيىنچە بالىلار چوڭ بولسا ئۆي ئېلىپ بېرىشكە توغرا كېلىدۇ.ئايلىقچى ئادەمدە نەدىمۇ ئۇنچىلىك كۆپ پۇل بولسۇن؟شۇ ۋەجىدىن يالغاندىم"ئاجىراشتى"دېدى كۈلۈمسېرىگەن قىياپەتتە. __ ئاغزىمدىن " بۇ ئۇلارنىڭ نېمە قىلغىنى؟ "دېگەن سۆزنىڭ   قانداق چىقىپ كەتكەنلىكىنى سەزمەيلا قالدىم ، لېكن قىلغان سۆزۈمگە   پۇشايمان قالدىم،باۋاينىڭ قانداق ئويلىغانلىقى ماڭا نامەلۇم...يېغلىما بالام!داداڭ بىلەن ئاناڭ ئاجراشماپتۇ...

pixwa

	مىسىرانىمدىكىلەر خەۋەرسىز قالدىمۇ قانداق؟ ئىلھام توختى تىرورلۇق ھەركىتىگە قاتنىشىپتىكەن، تۇتۇلۇپتۇ. سۇمرۇغ خەۋەر قانىلىدا ئىنكاسلار قىززىپ كىتىپتۇ. خەنزۇچە چۈشىنەلەيدىغانلار كۆرۈپ بىقىڭلار. http://news.ifeng.com/mainland/detail_2014_01/18/33130130_0.shtml تېما ئىگىسى كەچۈرگەيسىز.

dulanburkiti

	ھەي..........  بىزنىڭ ناھىيدىمۇ مۇشۇ ھىكايىدىكىدەك ئىشلار كۆپ يۈز بىرىپ كەتتى ، بەزىللىرى ئۆينىڭ ئىشىنى ھەل قىلىپ بۇلۇپلا يېنىشىۋاپتۇ ،بەزىللىرى شۇ ئاجراشقانچە ئائىلىسى ۋەيران بوپتۇ ، ئۇلارغا قاراپ كۆڭلىم بىر خىل يېرىم بوپ قالدى

margan0997

	ھېكايڭزدىكى مۇئەللىمنى بەك ئېسىل مۇئەلىمكەن ھەي بىزنىڭ مۇئەللىملىرمىز نىڭ ھەممىسى مۇشۇ مۇئەلىىمدەك بولغان بولسا قانچە ياخشى بوللاتتى ھە ！    ئەسىرڭزگە رەخمەت

SaBa_002

	ۋىيەي  .  ھىكايىنىڭ  بېشىنى    ئوقۇپ     كۆڭلۈم     تازا  يېرىم  بولغانتى  ..   ئاخىرىنى  ئوقۇپ      كۆڭلۈم      جايىغا    چۈشتى    .   ئۇف  .....

SaBa_002

	pixwa يوللىغان ۋاقتى  2014-1-19 11:52 PM مىسىرانىمدىكىلەر خەۋەرسىز قالدىمۇ قانداق؟ ئىلھام توخ ... ۋاي     ئىسىت   .  نىمىشلا   بوپ   كىتە    ئەمدى

arkam1128

	ئاللا ئادەم ئولمىسە ھەرخىل ئىشلارنى ئاڭلاپ كوردىكەن. تام قانچە ئىگىزبولسائوغرى شۇنچەيامان

sirdax998

	dulanburkiti يوللىغان ۋاقتى  2014-1-20 12:06 AM ھەي..........  بىزنىڭ ناھىيدىمۇ مۇشۇ ھىكايىدىكىدەك ئىشلار  ... ئوسۇرمەن دەپ چىچىۋىتىدىغان ئىشلار جىق دەيمەن.

marhaba422

	pixwa يوللىغان ۋاقتى  2014-1-19 11:52 PM مىسىرانىمدىكىلەر خەۋەرسىز قالدىمۇ قانداق؟ ئىلھام توخ ... ئىلھام توختىنىڭ كىملىكىنى بىلسەم بولامدۇ؟قارغاندا خىلى داڭلىق شەخس ئوخشىمامدۇ؟ مەن نېمىشقا تونۇمايدىغاندىمەن؟

mahatjan

	مەن ئۇنىڭ  بېشىنى سىللاپ تۇرۇپ:_ سەن ئەقىللق ،تىرىشچان بالا بۈگۈن ساڭا نېمە بولدى؟دېىدىم مېھرىبانلىق بىلەن.شۇ ھامان ئۇ بۇقۇلداپ يېغلاپ تاشلىدى. ئوقۇتقۇچىلار چوقۇم سىز تەسۋىرلىگەندەك مىھرىبان بولىشى كىرەك.