يايمىچى

bahwanbiz

	يايمىچى يول چېتىگە مېلىنى يېيىپ قويار يايمىچى، رېتى بىلەن چىرايلىق تىزىپ قويار يايمىچى ، بەزەن ھالدا ئەسكەرتىش يېزىپ قويار يايمىچى ، كۆڭۈللەرگە بىر تال چوغ سېلىپ قويار يايمىچى، خېرىدارنىڭ كۆڭلىنى بىلىپ تۇرار يايمىچى، سادىق بولۇر كەسپىگە  ئادەتلەرگە ماسلىشىپ ، ئىش ھەرىكىتى بەك چاققان مال ساتىدۇ شاشلىشىپ ، ئائىلىنى گۈل قىلار ، ھورۇنلۇقنى تاشلىشىپ ، ئەخلاقىدا ئۇيغۇرنىڭ پۈتۈن چىقار خاسلىشىپ، چار بازارغا كارتىنا سىزىپ قويار يايمىچى . مەدەن ئىلغار بازاردىن  ، تىلى بىرلە دىلى بىر ، تاپالامدۇ بەرىكەت ،يۈرسە ئادەم قەلبى كىر ، نەپسى ئاپەت ئالدىراش يەيدىغىنى بىر ھېجىر ، ئۇيغۇرۇمنىڭ دولىسى سېرىق كۆرسۇن ، كەل خىزىر! بار رىزقىغا قانائەتتە  يېرىم تويار يايمىچى. چار بازارغا ئۆزگە رەڭلەر قات- قېتىدىن يارىشار ، دىل خۇمارى بېسىلغاچقا چوڭ - كىچىكلەر يايرىشار ، ئاپتاپ چىراي ، ئەتتىر پۇراق ،بۇلبۇل سىياقلار سايرىشار ، روھى سۇلغۇن ئاۋارىكەش بارماقلىرىدىن مارىشار ، ئاددىيلىقتا ئۆز پۇراقى، ئەمەن -قوراي يايمىچى . بار ئاۋازلار مەۋجۇتلىقى ئۈچۈن ئىپادىلەر ئۆزىنى ، ھەر سېتىقچى جەلپ قىلىپ زور  سىلىقلار سۆزىنى، نەپسى يامان ساپساپچىلار بويار خېرىدار كۆزىنى، ئىنسابىدا بەرقارالار قارا بويىماس يۈزىنى ، ھەر مېلىنىڭ ئوڭ يۈزىگە ئىمزا قويار يايمىچى . تۇردى پايلاپ ھەر كېسەللىك جاپاكەشنى يىقىتىپ ، زور ئەسىرلەر دولقۇنىدا كەلدى ئۇنى مىڭ ئېقىتىپ ، سودا خۇمار بېسىلمىغاچ كەلدى بازارغا دۈم يېتىپ ، خالاس بولدى  بۇ ھاياتتا  ئوتلۇق  دۇنيادىن كىم كېتىپ ؟ خىياللاردا ئېڭىكىگە ئالقان قويار يايمىچى . پارچە ھېساب ئېلىپ كەلمەس ئاڭا ھەر كىمگە پاراغەت ، كۆز قەستىدىن ساقلىنىش ئېلىپ كېلەر سالامەت ، ھارام پايدا قالدۇرىدۇ  دىيانەتكە  مالامەت ، ساپلاشتۇرار ئېتىقادنى چىن نىيەتلىك قانائەت ، پەسىللەرگە ئارمانلاردىن نەقىش ئويار يايمىچى . ئىش ھەرىكىتى ھەر دائىم مىللەت يۈزىنى قىلدى ئوڭ، ئالقان بىلەن پۈتمەس ھېساب ھەرگىز ياشالماس يەككە مۇڭ ، ياخشىلىققا تەڭ بېرىلسۇن بەرىكەتلىك ئوڭ قولۇڭ ، ھەر سۈپەتكە  بېرىپ باھا گىراپىنى بىر تولدۇرۇڭ ، تەرلىرىدە ئەخلاقنى  ھالال  بويار يايمىچى . ئاپتۇرى : ئابلەت مۇھەممەت باغۋەن

ORKAX123456

	ياخشى يىزىپسىز

nurjahan0997

	ئاخىرىقى مىسرالىرىنى ياقتۇرۇپ قالدىم

mahatjan

	شىئېر ئارقىلىق ئەمىلى تۇرمۇشنى،ئىچكى ھىسياتنى بەك ياخشى ئىپادىلەپسىز.بولوپمۇ شىئېر يېزىش ئىقتىدارىڭىز ھەقىقىتەن يۇقۇرى ئىكەن.مەن بەك تەسىرلەندىم.

mahatjan

	شىئېر ئارقىلىق ئەمىلى تۇرمۇشنى،ئىچكى ھىسياتنى بەك ياخشى ئىپادىلەپسىز.بولوپمۇ شىئېر يېزىش ئىقتىدارىڭىز ھەقىقىتەن يۇقۇرى ئىكەن.مەن بەك تەسىرلەندىم.

yagaqqi

	« ھەركىم ئۆز تەغدىرىنىڭ تۇمۇرچىسى »

yagaqqi

	« ھەركىم ئۆز تەغدىرىنىڭ تۇمۇرچىسى »