ئاياللار توغرىسىدا ئېسىل ھەدىسلەر

elikaram

	ئاياللار توغرىسىدا ئېسىل ھەدىسلەر ناھايىتى شەپقەتلىك ۋە مىھرىبان ئاللاھنىڭ ئىسمى بىلەن باشلايمەن. ئىنسانلارنىڭ بەخت -سائادىتى خوتۇنلار ئالىمىدىدۇر. بىر خوتۇننىڭ بايلىقى ئىرىنىڭ -مۇھەببىتىدۇر. ئەر كىشى تەن بولسا خوتۇن كىشى جاندۇر. ئادەمنىڭ ئۆيىدە تەدبىرلىك ۋە تەربىيىلىك بىر خوتۇن بولمىسا ھالى تەشۋىشلىك بولۇر. بىر خوتۇننىڭ بىرلا ئەرنى بەخىتلىك قىلمىقى ئۇنىڭ بۇرچىدۇر. خوتۇنلارنىڭ ئەڭ مۇبارەك بولغىنى ئۇلارنىڭ ئەڭ قانائەتلىك بولغىنىدۇر. خۇشال تىرىكچىلىك ھۆسنى -خۇلق ئىگىسى بولغان خوتۇندىن باشقىسىدا بولماس. خوتۇن كىشى پېقىرلىققا قارشى بىر ئەسكەردۇر. پاك خوتۇننىڭ ئىپلاس خىزمەتچىسى بولماس. ئەرلەرنىڭ ئۆيدە ئولتۇرىشى،ئاياللارنىڭ كوچىدا يۈرىشى پېقىرلىق كەلتۈرگۈچى نەرسىدۇر. تەكەببۇرلۇق ھەر كىمنى يوقىلىشقا ئېلىپ بارىدىغان بىر ئادەت بولغىنىدەك خوتۇنلار ئۈچۈن ئۇنىڭدىنمۇ يامان بىر ئادەتتۇر. باللىرىغا قاراپ ئانىسىنىڭ ئىلىم تەربىيىسىنى ۋە ئېڭىنى بىلەلەيسىز. گۈزەللىك بىلەن مەدىھلەنگۈچى خوتۇن گۈزەل ئەمەس بەلكى تەربىيىلىك خوتۇنلار گۈزەلدۇر. خوتۇنلارنىڭ تەبەسسۇم قىلىپ كۈلۈمسىرىشى نەقەدەر يېقىملىق بولسا قاقاخلاپ كۈلۈشلىرى شۇ قەدەر يېقىمسىزدۇر. دۇنيانىڭ بەخىتسىزلىرى تەربىيىلىك خوتۇن بىلەن تەربىيىلىك بالىدىن مەھرۇم قالغانلاردۇر. خوتۇنلارغا ئەڭ قىممەتلىك كىشى ئۆزىنىڭ ئىرى،ئەرلەرگە ئەڭ قىممەتلىك كىشى ئانىسىدۇر. ئاۋۋال ئاناڭغا ياخشىلىق قىل ،ئاندىن داداڭغا! قايسى بىر خوتۇن ئىرىدىن سەۋەپسىز تالاق قىلىشنى سورىسا ئۇنداق خوتۇنغا جەننەتنىڭ ھىدىمۇ ھارامدۇر. ئاجىز بەندە بولغان ئاياللارنى ئۇرماڭلار! توغرا سۆزدىنمۇ ئارتۇقراق ساۋاپلىق سەدىقە يوقتۇر. بالا تۇغقان ئايال بالا تۇغمىغان گۈزەل ئايالدىن سۆيۈملىكتۇر. ئەر-خوتۇنلار بىر-بىرىگە مەرھەممەت ۋە مۇھەببەت نەزىرى بىلەن قاراشسا، بىر-بىرىگە مۇھەببەت ئىزھار قىلىشسا پۈتۈن گۇناھلىرى بارماقلىرى ئارىسىدىن تۆكۈلۈر. جەننەتكە كىرىمەن دىگەن ئادەم ئاتا-ئانىسىنىڭ رازىلىقىنى ئالسۇن. ھايالىق ئەدەپلىك بولۇش ھەر ۋاقىت خەيرىلىك ئىشلارغا سەۋەپ بولۇر. ئىلىم ئىزدىمەك ھەر بىر ئادەمگە پەرزدۇر. سېخى كىشىلەرنىڭ تامىقى شىپادۇر،بىخېل كىشىلەرنىڭ بولسا خەستىلىكتۇر. خوتۇن كىشىلەردە ئەرنىڭ ھەققى كۆپرەكتۇر،ئەرلەردە بولسا ئانىلارنىڭ ھەققى كۆپرەكتۇر. تىجەشلىك كىشىلەر باشقىلارغا مۇھتاج بولمايدۇ. ئىلىم ئىزدەپ ئۆتكۈزگەن بىر سائەت  تۈن بويى ئىبادەت قىلغاندىن ياخشىراقتۇر.ئىلىم ئزدەپ ئۆتكۈزگەن بىر كۈن ئۈچ ئاي روزا تۇتۇشتىن ياخشىراقتۇر. ئىلىم ئىبادەتتىن ئەۋزەلدۇر،تەقۋالىق بولسا سىنى كۆتۈرۈپ تۇرغۇچى تۈۋرۈكتۇر. يۇقارقى ھەدىسلەرنى <<سىرلار لەززىتى >>دىگەن كىتاپتىن ئالدىم.ھەم ئەينەن ئۆز پېتى ئالدىم.ئوقۇرمەنلەرنىڭ پايدىلىنىشى ئۈچۈن سۇندۇم.بىزگە قۇرئاندىن قالسىلا  مۇندىن ئارتۇق شىپالىق رىېتسىپ يوق. ئاياللار توغرىسىدا دىيىلگەن ھەدىسلەر كۆپ،كۆپچىلىكنىڭ ئىنكاس شەكلىدە ئاياللارغا ئائىت ھەدىسلەرنى تولۇقلاپ يېزىشىنى ئۈمىت قىلىمەن.بۇ زامانىمىزدىكى ئاجرىشىش دولقۇنىنى توسۇشقا ئاز-تولا پايدىسى بولسا ئەجەپ ئەمەس.يەنە ھەر قايسى ئۈندىدار توپلىرىنىڭمۇ ئايىماي تارقىتىشىنى قوللايمەن.

aa0998

	شۇنداق ياخشى بىر-بىردىن ئورۇنلۇق. گەپلەر ئېكەن.رەخمەت تورداش داۋاملىق يولاپ تۇرغايسىز

dolantograk004

	ھەممىسى ھەدىسكەن باشقىلارنىڭ گىپىدىن پەرقى با

esil817

	تۇرمۇشتىن ئىلىنغان يەكۈنلەر.... پايدىلىق تىما يوللاپسىز...رەھمەت.

kaqvr

	باللىرىغا قاراپ ئانىسىنىڭ ئىلىم تەربىيىسىنى ۋە ئېڭىنى بىلەلەيسىز. شۇنىڭ ئۈچۈن خانىم قىزلار دىن ۋە پەندىن ئوخشاش بىلىم قۇبۇل قىلىشىمىز كېرەك .

gayur1

	ئەجرىڭىزگە رەھمەت قېرىندىشىم. ھەدىس يوللىغاندا ئالتە ھەدىس كىتابىدى يوللىشىڭىزنى ۋە ھەدىس رىۋايەت قىلىش قائدىلىرىگە ئەمەل قىلىشىڭىزنى تەۋسىيە قىلىمەن. بۇ ئۆزىمىزگە پايدىلىق. مېنى كەچۈرۈڭ!

mahatjan

	ئاۋۋال ئاناڭغا ياخشىلىق قىل ،ئاندىن داداڭغا! تەربىيۋى قىممىتى ھەقىقىتەن يۇقۇرى ئىكەن.

1263318936

	شۇنداق ياخشى گەپلەر ئېكەن

گۈلچىنا

	ھەممسى بىر-بىردىن قىممەتلىك سۆزلەركەن ،ساقلاپ قۇيۇشقا تىگىشلىك .مەن قايتا -قايتا ئۇقۇپ چىقتىم بەزسنى ھايات يۇلۇمدا ئۈزۈمگە ئۆرنەك قىلاي دەپ .ئەجىرڭىزگە رەھمەت .

madina520

	ئاللاھ رەھمەت قىلسۇن قېرىندىشىم