مۇزلىغان قار

bahwanbiz

	مۇزلىغان قار قالدى ئازاب دانلىرىم قار ئۈستىدە  ياش تۆكۈپ ، يىرىڭدىغان دوقمۇشۇم يانىۋاردا ساپلىشار قەلبىم ماڭار بازارغا رامكىسىدىن  پارتىلاپ . سومكا مىجەز خىيالىم تېلىفۇنغا چاپلىشار . باش كىيىمى يىرتىلغان يوللىرىمنىڭ ھالى بوش، ساپما كەشتە مەھەللەم يەر شارىنى چۈشەيدۇ . ناۋات سۈيى سېغىنغان كالپۇكلىرىم يېرىلىپ ، قەغەزدىكى تامغىلىق مەدىيەنى كۆشەيدۇ . ئۇزۇن ساقال تارىخىم كاپالەتكە ئېرىشتى ، توختام سۇدا سۇ ئۈزۈپ نەۋرەم بولدى قومۇچاق . شاھادەتكە ئېرىشتىم غىدىقلىنىپ بىر ئەسىر ، ئەتتىر پۇراق تەقدىرىم ياسىماقتا لاي ئوچاق . ئالايغانغا تومپايدى شاكاللارنىڭ قورسىقى ، ئىپادىسىز تاپىنىم تەييارلىقسىز ‹ھۆ ›قىلار . قىسىر قايتتى بۈگۈنىم مۈڭگۈزىگە دوق قىلىپ ، ئەتە ناملىق موزىيىم  يىقىلغاندا ‹ مۆ  ›قىلار . شام ياندۇردى بىراۋلار كۆزگە ئىلماي قۇياشنى ، ۋىجدان بىسى داتلىشىپ سوغۇق سۇدىن زېرىكتى . پاختا بىلەن داڭگالنىڭ قىسىمىتىنى ئوقالماي،   ئەڭ ئاخرىقى تارازا تەڭسىزلىككە تېرىكتى . قوۋۇرغامغا چاپلاشتى ھېدى قاڭسىق مەسەللەر، چوكا مۇزغا زار بولدۇم ،ئېشىپ كەتكەچ ئىسسىقىم. قەدىمىنى سانايدۇ ياماق چۈشكەن دەقىقە، پۇشۇلدايدۇ ئۈمۈدسىز بۇلۇڭلاردا تىنىقىم . سېيرىتمىلىق تاللىنىش چىشلىمەكتە تىلىنى ، بىر لوقمىغا كۈچىسەم ئېغىم كەتتى يىرتىلىپ . سوغۇق چىشنىڭ ئىزى بار زەرداپ چىققان گۆشۈمگە ، پارچە -پارچە ئاھانەت ئۆتۈپ كېتەر سۈركىلىپ . ئايدىڭ كېچە ئاي يورۇق ،قار كۈلكىسى جاراڭلار ، سەييارىلەر چەكمەكتە دەرىزەمنى توختىماي . تۆكۈلمەكتە كۆزۈمدىن ئاسمانلارنىڭ پارچىسى ، چۈشلىرىمدىن  ئاقتى تەر ،كۆڭلۈم لوقما خالىماي . ئاپتۇرى : ئا. مۇھەممەت باغۋەن

تارىم

	ئىسىل شىئېر… ئوقۇپ تەپەككۇر قىلىپ ھوزۇر ئالدىم، ھارمىغايسىز…

nurjahan0997

	سومكا مىجەز خىيالىم تېلىفۇنغا چاپلىشار ماۋۇ مىسرالار ئۆتتۈرۈدىغىنىكەنغۇ

mahatjan

	مۇزلىغان قارنىڭ بازاردىكى باققالغا زىينى بار،باغۋەنلەرگە پايدىسى بار.

kakkuk11

	كۈتمەكتە سېنى مۇزلىغان يۈرەك ، كۈتمەكتە سېنى توڭلىغان تېلەك . تەلمۈردىم ساڭا كېچە ھەم كۈندۈز، سەن مۇنى مەڭگۈ بىلمىسەڭ كېرەك.