شۈكۈر قىلىش ھەققىدە

sultanahmat

	شۈكۈر قىلىش ھەققىدە جانابىي ھەققە قانداق شۈكۈر قىلىشىمنى بىلمەيمەن . ۋۇجۇدۇمدىكى ھەر بىر تۈك ئۇنىڭ بىر ئىھسانىدۇر. ھەر بىرى ئۈچۈن قانداق شۈكۈر قىلاي؟ پۈتۈن ھەمدۇ سانالار قۇللىرىنى يوقتىن بار قىلغان ئەپۇكار ئاللاھ تائالاغا خاستۇر .ئۇنىڭ ئىلتىپات ۋە ئىھسانلىرىنى تەرىپلەشكە كىمدە قۇدرەت بار؟ ھەر قانچە تەرىپ ئۇنىڭ ئالدىدا بىكار. ئۇ شۇنداق ياراتقۇچىكى ، ئادەمنى لايدىن ياراتقان ۋە ئۇنىڭغا جان،ئەقىل،كۆڭۈل ئىھسان قىلغان ئۇدۇر. ئاتىنىڭ مەنىيىدىن تاكى قېرىلىقنىڭ ئاخىرىغىچە قاراپ چىققىن-دە ، ساڭا غايىپ خەزىنىسىدىن نېمىلەرنى ئىلتىپات قىلغىنىنى كۆرگىن . ئۇ سېنى پاك ياراتتى . كاللاڭ بىلەن ئويلاپ كۆرگىن-دە ، تۇپراققا مەينەت كىرمە ، ئەيىپ بولىدۇ . توۋا قىلىش بىلەن قەلىب ئەينىكىڭنى ھەمىشە پاكىز تۇت ، كىرلەشسە ھېچ نەرسىنى كۆرسەتمەيدۇ. ئەسلىڭ بىر تامچە مەنىيدىن باشقا نەرسە ئەمەس ، بۇنى ئېسىڭدە تۇتۇپ مەنمەنلىك قىلما . ئىشلەپ بىر چىشلەم رىزىق تاپقىنىڭدا، قولۇڭنىڭ كۈچىگە مەغرۇرلانما . ئەي ئۆزىگە چوقۇنىدىغان ئىنسان ، نېمە ئۈچۈن قولۇڭغا قۇۋۋەت بەرگەن  ھەقتائالانى كۆرمەيسەن ؟ توپنى ھېچكىم قولىنىڭ كۈچى بىلەن ئۇرمايدۇ ، سېنى بۇنىڭغا مۇۋەپپەق قىلغان جانابىي ھەقتۇر ! بۇنىڭغا شۈكۈر قىل .   ئانا قارنىدىكى ۋاقتىڭدا ، ئاغزىڭ يۇمۇقلۇق بولغىنى ئۈچۈن  رىزقىڭنى كىندىكتىن ئالاتتىڭ . كىندىكىڭ بىلەن بىللە رىزقىڭمۇ ئۈزۈلگەندە ، شۇئان ئىككى قولۇڭ بىلەن ئاناڭنىڭ كۆكرىكىگە يېپىشتىڭ . شۇنداق ئەمەسمۇ ؟ غۇربەتتە كېسەل بولغان كىشى دورا دەپ يۇرتىدىن سۇ كەلتۈرىدۇ . مانا ئەمدى سەنمۇ شۇنداق بولدۇڭ... ئانىنىڭ قۇچىقى بالىنىڭ جەننىتى ، ئىككى كۆكسى ئۇ جەننەتنىڭ سۈت دەرياسىدۇر . ئانىنىڭ جاننى يېتىشتۈرگەن تېنى بىر دەرەخ ، بالا بولسا ئۇ دەرەخنىڭ مېۋىسىدۇر . ئەمچەكلەرنىڭ تومۇرى يۈرەكتىن كەلمەمدۇ ؟ شۇنداق ئىكەن ، سۈت يۈرەكنىڭ قېنىدۇر . بالا ئانىسىنىڭ قېنىنى ئېمىدۇ . ئانىغا شۇنداق مۇھەببەت بېرىلگەنكى ، ئۇنى جېنىدىنمۇ ئەزىز كۆرىدۇ . بالا قۇۋەتلىنىپ ،  چىشلىرى قاتقاندا ، ئەمچەككە ئاچچىق  سەۋر ئوتى سۈركەيدۇ ۋە ئۇنىڭ ئاچچىقى بالىنى ئەمچەكتىنمۇ ، سۈتتىنمۇ سوۋۇتىدۇ .  دوستۇم ، سەنمۇ توۋا خۇسۇسىدا بىر ئويۇنچى  بالا ، سەۋر بىلەن گۇناھلىرىڭدىن سوۋۇغىن .                                       تەلىم ۋە تەنبىھ ھەققىدە ئەي سۆڭەك قەپەس ! بىلەمسەن ، جان سېنىڭ ئىچىڭدە  بىر قۇشتۇر . ئۇنىڭ ئىسمى نەپەستۇر . قۇش قەپەستىن ئۇچۇپ كەتسە  ، ئۇنى تەكرار قايتۇرۇپ كېلەلمەيسەن .  پۇرسەتنى قولدىن چىقارما ، ئالەم بىر نەپەستىن  ئىبارەتتۇر . ئالىملارنىڭ بىر نەپىسى ئالەمدىنمۇ  قىممەتلىكتۇر  . ئىسكەندەر جاھانغا ھۆكۈمران ئىدى  ، دۇنيانى تاشلاپ كەتتى ، بىر دەممۇ ئارتۇق قېلىش مۇمكىن بولمىدى ، مۇمكىن بولسا ، بىر نەپەس ئۈچۈن  دۇنيانى  بېرەتتى  . كېتىشتى.... ھەر كىم تەرگىنىنى ئېلىشتى . ياخشى -يامان نامدىن باشقا نەرسە قالمىدى  . نېمىدەپ بۇ كارۋان سارايغا كۆڭۈل بېرىمىز ؟ دوستلار كەتتى ، بىزمۇ كېتىش يولىدىمىز . بۇ دۇنيا  گۈزىلىگە كۆڭۈل بەرمە ، ئۇ كىم بىلەن بىر دەم بىللە بولسا ، ئۇنىڭ يۈرىكىنى يۇلۇۋالىدۇ  . ئۇنىڭ ئىشى مانا شۇدۇر . قەبرىدە ياتقان كىشى يۈزىدىكى  توپىنى مەھشەر كۈنى سۈرتۈۋېتەلەيدۇ . شۇڭا ، ھازىر بېشىڭنى غەپلەت ياقىسىدىن چىقارغىنكى  ، خىجالەتتىن  بېشىڭنى ئەگمەيسەن . ساياھەتتىن شىرازغا قايتقىنىڭدا ، يۈز-كۆزۈڭنى يولنىڭ چاڭ توزانىدىن يۇماسسەنمۇ ؟  ئەي گۇناھ توزىنىغا  مىلەنگەن ئىنسان ، يېقىندا كۆرمىگەن -بىلمىگەن  بىر شەھەرگە  سەپەر  قىلىسەن  . شۇنداق ئىكەن ، كۆز ياشلىرىڭنى  ئېقىتىپ  ، ئۇ چاغدا توپا-تۇمان  ، مەينەتچىلىكلەر بولسا بۈگۈندىن باشلاپ تازىلىغىن  . مەنبە :  بوستان  .   داۋاملىق يوللىنىدۇ  .

تارىم

	ئىسىل تىمىدىن بىرى يوللىنىپتۇ، داۋامىغا ئىنتىزارمىز…

murabba

	قولىڭىزغا دەرت بەرمىسۇن قېرىندىشىم ! رەھمەت !

قۇمباغ79

	اللە رەھمەت قىلسۇن.

mahatjan

	بىسسىمىللاھ يۇرەھمانۇرەھىمنى چىڭ دىگىن دىمىگەنلەر دىسۇن،شۈكرىنى بوش دىگىن يىمىگەنلەر دىسۇن.

mahatjan

	بىسسىمىللاھ يۇرەھمانۇرەھىمنى چىڭ دىگىن دىمىگەنلەر دىسۇن،شۈكرىنى بوش دىگىن يىمىگەنلەر دىسۇن.

5jahanxah

	ھېكمەت  ئىنسانغا  ياشاش  يوللىرىنى كۆرسۈتۈپ  بېرىدۇ    بىزنى  شۇھېكمەتلەردىن ئايرىمىغايسىز ئاللاھ  سىزنى  ياخشىلاردىن قىلسۇن

guljanat

	اللە رەھمەت قىلسۇن

nasif

	بۇ كىتاپتىن ئىسىمدە قالغانلىرىنى دەپ بىرەي. شەيىخ سەئدىگە يولدا ياتقان مەسىتتىن يىرگىنىپ، يۈز ئۆرىگەن بىر تەقۋادارنىڭ ۋەقەسى خەۋەر قىلىندى. شەيىخ سەئدى ئېيىتتى: بىر ۋاقىتلاردا ھىندىستاننىڭ سۇمەنات شەھرىدە بولدۇم. بۇ شەھەردە ھەركۈنى سەھەردە قولىنى ئاسمانغا كۆتىرىدىغان بىر بۇتنىڭ بارلىقى ئېيتىلدى. ئاللاھقا ۋە ئاللاھنىڭ رەسولىغا ئىمان كەلتۈرگەن مۇسۇلمان بولغانلىقىم ئۈچۈن بۇ ئىشقا ئەلۋەتتە چىن پۈتمىدىم. ئۆز كۆزۈم بىلەن كۆرمەك بۇلۇپ، بۇتخانىغا باردىم. بۇتپەرەسلەر يىغىلىشقا باشلىدى. بىر ۋاقىتلاردا قىستاڭچىلىقتىن نەپەسلىرىم سىقىلىشقا باشلىدى. شۇ پەيىتتە بۇتنىڭ ئوڭ قولى مىدرىغاندەك بولدى، قايتا سىنچىلاپ قارىدىم. بۇتنىڭ قولى راستىنلا مىدراپ ئۈستىگە كۆتۈرلىۋاتاتتى. بۇنىڭ بىلەن تەڭ بۇتپەرەسلەرنىڭ يىغا-زارىسى ئەۋج ئالدى. نەئۇزىبىللاھ...  جانسىز بۇتنىڭ قولىنى كۆتۈرگىنىگە ئىشەنسەم، مەھشەردە مۇرتەدلەر قاتارى قوپىدىغانلىقىم ئىنىق. بۇنىڭ سىرىنى بىلمەك ئۈچۈن، قىستىلىپ يۈرۈپ بۇتنىڭ يېنىغا يېقىنلاشتىم. بۇتنىڭ ئاستىدىكى زەر پەردىنى ئاستا قايرىدىم.كۆردۈمكى بۇتنىڭ تىگىدە بىر راھىپ، بۇتنىڭ قولىغا چىگىلگەن يىپەك يىپنى تارتىپ ئولتۇراتتى. شۇنىڭدىن كىيىن ھەرقېتىم دۇئاغا قول كۆتۈرسەم،شۇ ۋەقە يادىمغا يىتىدۇ. قوللىرىمنى يىپسىز، ياردەمسىز كۆتۈرۈشكە نىسىپ ئەتكەن رەببىمگە شۈكۈرلەر ئېيتىپ يىغلايمەن. تىللىرىمىزنىڭ سۆزلىشىنى، قەدەملىرىمىزنى، رىزقىمىزنى، ئاسمان-بۇلۇت، زىمىن-تاغ،دەريا كۆللەرنى نەپەسلەنگەن ھاۋادىن تارتىپ بارلىق مەۋجۇداتنى ئاللاھنىڭ مەرھەمىتى دەپ بىلىمىز. بىلسەڭ ئەي مەسىتتىن يۈز ئۆرىگەن تەقۋادار كىشى، تىلىڭدىكى سۆزنى ئاللاھنىڭ مەرھەمىتى دەپ بىلىسەنۇ تەقۋادارلىقىڭنى ئاللاھنىڭ ھىدايىتىدىن مەھرۇم بىلىپ، مەخلۇقتىن يىرگىنىپ، تەمەننا قىلامسەن؟؟؟؟ ئاللاھ....سىنى شەيتاننىڭ شەرردىن ساقلاپ، ھىدايىتى بىلەن توغرا يولغا باشلىمىغان بولسا، سىنىڭ ھالىڭ ھەم شۇ مەسىتتىن نە پەرقىلىق بولار ئىدى. سەئدى ئېيتۇر: گۇناھىدىن قورقۇپ يىغلىغان كىشى، ئەمىلىگە ئىشەنگەن تەقۋاداردىن ياخشىراق.