شەيىخ سەئىدى ھىكمەتلىرىدىن تاللانمىلار

sultanahmat

	1 بايلىق ئۆمۈرنى خاتىرجەم ئۆتكۈزۈش ئۈچۈندۇر، ئەمما ئۆمۈر مال توپلاش ئۈچۈن ئەمەس . بىر ئاقىلدىن(كىشىلەر) سوراشتى : بەخىتلىك كىم  ۋە بەخىتسىز كىم؟  ئاقىل دېدى : بەخىتلىك شۇ كىشىكى، يەپ ئىچتى ھەم تېرىدى . بەخىتسىز شۇ كىشىكى ، ئۆلدى، ھەممە نېمىسى قېپقالدى.                                   تۆھپىسىز ئۆلگەن بېخىلنىڭ نامىزىنى ئوقۇما،                                مال يىغىشقا كەتتى ئۆمرى،ئۆزىمۇ نەپ كۆرمىدى.                                                               2 مۇسا ئەلەيھىسسالام قارۇنغا <1> نەسىھەت قىلدى: ئاللاھ ساڭا ئىھسان قىلغاندەك ، سەنمۇ كىشىلەرگە ئىھسان قىل!  <2> ئۇ قۇلاق سالمىدى،ئۇنىڭ ئاقىۋىتىنى سەن ئاڭلىغان  !                                    كىم ياخشى بىر ئىش قىلمىسا دىنار-دىرھەمدىن، <3>                                   ئاخىر بېشىنى بەرگۈسىدۇر دىنار-دىرھەمگە .                                  گەر  بەھرە ئالاي دىسەڭ  ھەر ئىككى دۇنيادىن ،                                  ئاللاھ ساڭا قىلدى كەرەم، قىل سەنمۇ ئادەمگە  . ئەرەب ئېيتىدۇ: ياخشىلىق قىل ، ئەمما مىننەت قىلما،چۈنكى، پايدىسى ئۆزۈڭگە  بولىدۇ!  يەنى سېخىيلىق قىل ، ئەمما مىننەتدارلىق تەلەپ قىلما، چۈنكى پايدىسى ئۆزۈڭگە قايتىدۇ !                                 كەرەم دەرىخى سۈرسە يىلتىز قايان ،                                ئۆسەر شاخ ۋە تاجى پەلەكتىن بەلەن.                               ئۇنىڭ مېۋىسىنى ئەگەر يەي دىسەڭ ،                               تېگىن ھەرىلەپ كەسمە مىننەت بىلەن.                               شۈكۈر قىلغىن خۇداغا، ياخشىلىققا ئېرىشتىڭ                               سېنى نىئمەت-بەرىكەتتىن قالدۇرمىدى بىر چەتتە.                              قىلچە مىننەت قىلمىغىن، خىزمەت قىلساڭ سۇلتانغا،                              مىننەتدار بول ئۇنىڭدىن تۇتقاچ سېنى خىزمەتتە.                                                                   3     ئىككى خىل كىشىنىڭ جاپا تارتقىنى بىكار ، تىرىشقىنى پايدىسىز: بىرى مال يىغدى ، يېمىدى؛ يەنە بىرى ئۆگەندى ، ئەمەل قىلمىدى.                                ئىلىمنى قانچىلىك ئۆگەنسەڭ، ئۆگەن ،                              مۇبادا ئىشلەتمىسەڭ نادانسەن.                             ئەمەسسەن نە ئالىم، نە بىر دانىشمەن،                             تۆت پۇتلۇق ئۇلاغسەن، كىتاب يۈكلەنگەن .                            ئۇ بىر مېڭىسىزكى ، ھېستىن بىخەۋەر ،                            بىلمەس ئۈستىدىكى ئوتۇنمۇ ، دەپتەر.                                                                      4 ئىلىم دىننى كۈچلەندۈرۈش ئۈچۈندۇر، ھەرگىز مال دۇنيا تېپىش ئۈچۈن ئەمەس.                          كىمكى پەرز ، ئىلمۇ تەقۋالىقنى سېتىپ پۇل قىلار ،                         بىر دۆۋە خاماننى توپلاپ ئوت يېقىپلا كۈل قىلار.                                                                       5 پەرز قىلمايدىغان ئالىم_ مەشئەل كۆتۈرۈۋالغان قارىغۇ ، ئۇ باشقىلارغا يول باشلايدۇ يۇ ، ئەمما ئۆزى توغرا يولدا ماڭمايدۇ.                                كىمكى بىپايدا ئۆمرىن ئۆتكۈزدى  ،                             نەرسە ئالماستىن  پۇلىنى  بۇزدى .                                                                 6 مەملىكەت ئۆز ئالىملىرى بىلەن ھۆسىن تاپىدۇ، دىن پەرزكار كىشىلەر بىلەن كامالەتكە ئېرىشىدۇ. ئاقىللارنىڭ پادىشاھقا يېقىنلىشىشىقا مۇھتاج بولۇشىدىن كۆرە ،  پادىشاھلار دانىشمەنلەرنىڭ سۆھبىتىگە كۆپرەك مۇھتاج بولىدۇ.                                     قۇلاق سال، بىر نەسىھەت ساڭا ئەي شاھ ،                                    جاھاندا مۇندىن ئارتۇق يوق نەسىھەت .                                   ئەمەل بەرمە ئاقىللاردىن بۆلەككە   ،                                   ئەگەر ئاقىل ئىش ئەمەلدىن بولسىمۇ چەت .    مەنبە :گۈلىستان .  داۋامى يوللىنىدۇ

nurjahan0997

	جاپا تارتىپسىز قېرىندىشىم،بوستانمۇ شەيىخ سەئىدىنىڭغۇ دەيمەن ھە؟ تولىمۇ ياقتۇردۇم

aa0998

	مۇشۇنداق ئالتۇندىن قېممەت دۇردانلىرىڭىز مۇنبەردىن ئۈزۇلمىسۇن .رەخمەت تورداش قەلەم تۇلپارڭىز ھارمىسۇن.

nasif

	مۇشۇ كىتابىنىڭ دەسلىپىدە ئاللاھ تائالاغا ھەمدۇسانا ئېيتىپ بولغاندىن كىيىن بىر سۆزلىرى بار. ھەرنەپەس بەدەنگە سۈمۈرۈلگەندە تەن بۇنىڭدىن ھوزۇر ئالىدۇ، نەپەس سىرىتقا چىقىرىلغاندا بەدەندىكى زەرەرلەر شۇ نەپەس بىلەن سىرىتقا چىقىدۇ. شۇڭا ھەر نەپەستە ئىككى نىئمەت بار، ھەر نىئمەتكە بىر شۈكۈر كىرەك. بۇ قۇرلارنى دەسلەپ ئوقىغاندا تەنلىرىم شۇررىدە ئىرىپ كەتكەندەك  بولغانتىم.

سەنجەر

	تېما يوللىغۇچىغا رەھمەتلەر بولسۇن. شۇنداق سۆيۈندۈم. قۇرۇق گەپ ساتىدىغان تېمىلار ئاۋۇپ كېتىۋاتقاندا، بۇنداق تېمىلار ئادەمگە شۇنداق خۇشياقىدىكەن.داۋاملىق يوللاڭ، قېرىندىشىم .

mahatjan

	تەربىيۋى قىممىتى يۇقۇرى ھىكمەتلەر ئىكەن.يوللۇغۇچىغا رەھمەت.

mahatjan

	تەربىيۋى قىممىتى يۇقۇرى ھىكمەتلەر ئىكەن.يوللۇغۇچىغا رەھمەت.

zulqinay

	شەيخ سەئدىنىڭ ئەسەرلىرى بىلىم خەزىنىسىدۇر.رەھمەت تېما ئىگىسى .

abdusalam12

	يامان خەۋەرنى ئاڭلىساڭ سۆكىتقىل، ياخشى خەۋەرنى ئاڭلىساڭ تىز يەتكۆزۈشكە ئالدىرا.ئەي بۇلبۇل كۈكلەمدىن بەرگىن خۇشخەۋەر، شۇم خەۋەرنى پۈتكۈل ھوقۇشلارغا بەر.

قاسساپ

	كۆپچىلىك فازىل ئۆلىمالىرىمىزنىڭ تەرجىمالىنى ئوقۇساق بالىلىق دەۋىرلىرىدە بوستان بىلەن گۈلىستاننى يادلاپ بولغان.     ئەھمىيەتلىك تېمىدىن بىرنى باشلاپسىز.  داۋاملاشتۇرشىڭىزغا تىلەكداشمەن.