ئىككى يۈزلىمىچى (تەرجىمە)

ihbal99

	ئىككى يۈزلىمىچى (تەرجىمە)                                         ئەرەپچە تەرجىمىدە: كەمىنە مەن. بۇخارى ۋە مۇسلىم رىۋايەت قىلغان ھەدىستە پەيغەمبەر ئەلەيھىسسالام :< سىلەر ئەڭ يامان كىشلەرنىڭ ئىككى  يۈزلىمىچى كىشى ئىكەنلىكىنى بايقايسىلەر، ئۇلار ماۋۇ كىشلەرگە بىر يۈزى بىلەن ئاۋۇ كىشلەرگە بىر يۈزى بىلەن كېلىدۇ > دېگەن . رىياخورلۇق ، مۇناپىقلىق ، ئالدامچىلىق ،خوشامەت قىلىش ، سۇخەنچىلىك ، چېقىمچىلىك ، تىڭ-تىڭلاش قاتارلىقلار قەدىمدىن تارتىپ ئىنسانلار ئارىسىدا مەۋجۇت بولۇپ تۇرۇۋاتقان ئېغىر ئاقىۋەتلىك ئەخلاقى جەھەتتىكى ئاپەت خاراكتىرلىك كېسەللىك دەپ قارالماقتا. بۇ يىرگىنىشلىك رەزىل سۈپەتلەر ئىنسانىيەت تارىخى داۋامىدا خەتەرلىك روللارنى ئويناپ كەلدى .چۈنكى ئۇ كۆپىنچە ئىنسانلارنى يۆلىنىشىنى ئەگرى يوللارغا ، ئەگرى يۆلىنىشلەرگە بۇرىۋەتتى . مۇشۇ رەزىل سۈپەتلەر تۈپەيلى نۇرغۇنلىغان دۆلەتلەر زاۋال تاپتى ، نۇرغۇن گۇرۇھ ۋە جامائەتلەر ئارىسىدا ئۆچ -ئاداۋەت ھۆكۈم سۈردى ، ئۇلارنىڭ ئارىسىدا مۇشۇ ئىللەتلەر تۈپەيلى پارچىلىنىش ۋە ئىتتىپاقسىزلىق كېلىپ چىقتى ، نۇرغۇن ئائىلە ۋە دوسلارنىڭ دوسلۇق رىشتىسىنى مۇشۇ كېسەللەر يىمىرىپ تاشلىدى ، ئۇلارنىڭ بىرلىكىنى بۇزدى ،مەنپەئەتى بىلەن ئويناشتى ، بىر-بىرىنى ئۆز-ئارا دۈشمەنلەرگە ئايلاندۇردى ۋاھالەنكى ئۇلار ئىلگىرى ئۆز-ئارا قېرىندش ئىدى. كىمكى تارىخ بەتلىرى ئىچىدە ئىزدىنىدىكەن تارىخنىڭ قىيىن مەسىللىرىنى ۋە يۈزبەرگەن ھادىسلىرىنى كۆزدىن كەچۈرىدىكەن ئۇنىڭدا يۇقىردا سۆزلەنگەنلەرگە قارىتا نۇرغۇن مىساللارنى تاپالايدۇ. ئاشۇ ناچار قىلىقلار ۋە ئۇنىڭ تارىخىنىڭ ھەمدە جەمئىيەتتىكى خاس ۋە ئومۇمى تەسىرىنىڭ قانداق بولىشىدىن قەتئى نەزەر مۇشۇ ئورۇندا بىز خاتىرلەشكە كۆڭۈل بولىدىغان ئەھۋالى ئىككى يۈزلىمىچى كىشىدە يۇقىردا تىلغان ئېلىنغان چاكىنا ، پەسكەش سۈپەتلەر تېپىلىدۇ. چۈنكى ئىككى يۈزلىمىچى كىشى ئۆزىنىڭ رولى ۋە ۋەزىپىسىنى مۇشۇ سۈپەتلەر ئۇنىڭدا گەۋدىلەنگەندىلا تولۇق جارى قىلدۇرالايدۇ . سەۋەبى ئىككى يۈزلىمىچىلىك كوللىكتىپ ۋە مۇستەقىل ھالەتلەردە ئىنسانىيەت مۇپتىلا بولغان ئەڭ قەبىھ ئىشنىڭ بىرى دەپ سانىلىدۇ . يەنە كېلىپ ئىككى يۈزلىمىچى بارلىق ئەيىپ -نۇقسانلارنىڭ توپلىمى ۋە بارلىق بۇزۇقچىلىقلارنىڭ مەنبەسى دەپ قارالغاچقا ئۇنىڭ قەلبى دىللارنىڭ ئۆز-ئارا ئۆچەكەشكەنلىكىنى سىلى رەھىمنىڭ ئۈزۈلگەنلىكىنى ۋە دوسلۇق رىشتىلىرىنىڭ يىمىرىلگەنلىكىنى ، ئاداۋەت ۋە ئۆچمەنلىكنىڭ كىشلەر ئارىسىدا جىددى ھالەتتە مەۋجۈد بولۇپ تۇرۇۋاتقانلىقىنى كۆرمىگىچە خاتىرجەم بولمايدۇ. ئىككى يۈزلىمىچىنىڭ ئەھۋالىنىڭ ئەڭ يامان ، ئىش -ئىزلىرىنىڭ ئەڭ قەبىھ ئىكەنلىكىنىڭ ئىسپاتى مۇسلىم ئەبۇ ھۇرەيرىدىن رىۋايەت قىلغان < كىشلەرنىڭ ئەڭ يامىنى ئىككى يۈزلىك كىشىدۇر > دېگەن ھەدىستۇر. لېكىن ئىككى يۈزلىمىچىدە مۇشۇ ناچار سۈپەتلەرنىڭ جۇغلىشىشى ئۇنىڭ ئارىسىدىكى ئەڭ ئوبرازلىق سۈپەتنىڭ مۇناپىقلىق ئىكەنلىكىنى توسۇپ قالالمايدۇ. مۇناپىق شەخسى مۇناپىقلىق دائىرسىدە توختاپ قالمايدۇ يالغان سۆزلەيدۇ ، گەپ توقۇيدۇ ، ياسالمىلىق ۋە رىياخورلۇق قىلىدۇ ۋە ئىنتايىن مۇلايىم كىشلەرنىڭ قىياپىتىگە كىرىۋالىدۇ. مۇناپىق ئەسلى قىياپىتىنى يوشۇرىدۇ ھەربىر كىشىگە ئۇ رازى بولىدىغان نەرسىلەر بىلەن مۇئامىلە قىلىدۇ ، ئۇ كىشىنى ئۆزىگە يېقىنلاشتۇرىدۇ ۋە قەلبىنى ئۇتۇشقا تىرىشىدۇ . بەلكى تېخى ئۈممەتكە ، مىللەتكە خىيانەت قىلىش ، شەرىئەت بەلگىلىگەن ئىنتىزاملار ۋە گۈزەل ئەخلاق-پەزىلەتلەرنى بۇزۇش ، توغرا پىرىنسىپ ، يۈكسەك ئۈلگىلەرنى كەمسىتىش ئارقىلىق يۇقىردا قەيىت قىلىنغان شەخسى مۇناپىقلىق دائىرىسىگە دىن ۋە دۆلەت ئىچىدە مەۋجۈت بولۇپ تۇرۇۋاتقان ئومۇمى مۇناپىقلىقنى قوشىدۇ . بۇ ئىنتايىن چوڭ زىيان چۈنكى ئۇ مىللەتنىڭ مەۋجۇدىيىتىگە تەھدىت سالىدۇ ئۇنىڭ گەۋدىسىگە تەسىر يەتكۈزىدۇ ۋە نۇرغۇنلىغان تۈرلۈك بۇزۇقچىلىقلارنى تارقىتىدۇ . ھەدىس ئىككى يۈزلىمىچى كىشىنى چەكتىن ئاشۇرۇپ سۆكۈش ، ئىش-ھەركىتىنىڭ قەبىھ ئىكەنلىكىگە تەنبىھ بېرىش ، ئۇنىڭ ئەھۋالىنى مۇسۇلمانلار يىرگىنىدىغان شەكىلدە سۈپەتلەپ بېرىش ۋە ساغلام ئەقىل ، ئېسىل ئەخلاق ئىگىلىرىنىڭ ئۇنىڭدىن ساقلىنىشى ئۈچۈن كىشلەرنىڭ ئەڭ يامىنى دەپ تەسۋىرلىدى . ئەمدى ھەدىستە < كىشلەرنىڭ ئىچىدە ئەڭ يامىنى > دەپ تىلغان ئېلىنغان <كىشلەر> دىن بولغان مەخسەت ھەممە كىشلەر بولماي بەلكى ئۆز-ئارا بىر-بىرىگە دۈشمەن ئىككى گۇرۇھ كىشلەر بولىشىمۇ مۇمكىن . بۇلارنىڭ ئەھۋاللىرىدىن ، سىرلىرىدىن خەۋەردار بولۇش پەقەت بۇلارنى ئالداش ، ھەر بىر گۇرۇھ كىشلەرگە ئۇلارنىڭ ئىش-ھەركەتلىرىنى زىننەتلەپ كۆرسىتىش ، قارىشى تەرەپنى يامان كۆرسىتىش ، ھەربىر گۇرۇھقا ئۆزىنىڭ ئۇلار تەرەپتە تۇرىدىغانلىقىنى ۋە دوستى ئىكەنلىكىنى بىلدۈرۈش ئارقىلىق ئەمەلگە ئېشىشى مۇمكىن. ۋە شۇنداقلا <كىشلەر> دېگەن سۆزدىن ئادەم ئەلەيھىسسالامدىن تارتىپ تاھازىرغىچە ياشاپ ئۆتكەن ۋە ياشاپ كېلىۋاتقان بارلىق كىشلەر كۆزدە تۇتىلىشىمۇ مۇمكىن . بۇنۇقتىنى پەيغەمبەر ئەلەيھىسسالامنىڭ <مەخلۇقاتنىڭ ئەڭ يامىنى ئىككى يۈزلىمىچى كىشىدۇر> دېگەن سۆزى كۈچلەندۈرىدۇ . بۇنداق بولغاندا ئىككى يۈزلىمىچى كىشى ئىنسان ۋە ئىنساندىن باشقا بارلىق مەخلۇقاتلارنىڭ ئەڭ يامىنى دېگەنلىك بولىدۇ ، مانا بۇ كۈچلۈك ئېھتىماللىق . بىرتۈركۈم ئالىملار <كىشلەر> دېگەن سۆزنى باشقا كىشلەرنىڭ ھۆرمەتلىشى ئۈچۈن ئۆز ئەمىلى بىلەن رىياخورلۇق قىلدىغان ، تەقۋا ، كەمتەر قىياپەتكە كىرىۋالىدىغان ، ئۆزىنى پاك ، ئىپپەتلىك كۆرسىتىدىغان شۇنداقلا كىشلەرگە ئۆزىنى ئاللاھدىن بەك قورقىدىغان كىشى قىلىپ تۇيغۇغا سالىدىغان كىشىگە قاراتساق توغرا بولىدۇ دەپ قارىغان. لېكىن بۇ ئۇقۇم ئەگەر ھەدىس ئاخىرىنى تىلغا ئالماي باش قىسمى بىلەن چەكلەنگەن بولسا توغرا بولاتتى ، چۈنكى رىياخورلۇق ئىككى يۈزلىمىچىنىڭ ئىچىگە كىرىدۇ لېكىن ھەدىسنىڭ <ماۋۇ كىشلەرگە بىر يۈزى بىلەن ئاۋۇ كىشلەرگە يەنە بىر يۈزى بىلەن كېلىدۇ> دېگەن ئاخىرقى بۆلىكى بۇ ئۇقۇمنى رەت قىلىدۇ . ھەدىس ئىككى يۈزلىمىچى دېگەن سۆزنى مۇشۇنداق ئىللەت بار كىشلەرگە ئۇلارنىڭ ئىش-ھەركەتلىرى تولىمۇ رەڭدار ۋە خىلمۇ -خىل بولغانلىقى ، تولا ئىككىلىنىدىغانلىقى ماۋۇ بىر تۈركۈم كىشلەرنىڭ ئالدىدا بىر خىل ئاۋۇ بىرتۈركۈم كىشلەلرنىڭ ئالدىدا يەنە بىرخىل بولغانلىقى ئۈچۈن قوللىنىپ ئىشلەتكەن. ئىككى يۈزلىمىچى كىشى دۇنيا ۋە ئاخىرەتتە ئەڭ يامان كىشى دەپ قارىلىدۇ ئەمما دۇنيادا بۇنداق دەپ قارالغانلىقى ئۇنىڭ ئىش-ھەركەتلىرىگە خىيانەت ، قايمۇقتۇرۇش ، شۈبھىلەندۈرۈش ، ساختىلىق ۋە چېقىمچىلىق قىلىش ،گەپ ئويدۇرۇش سۈيقەست قىلىش ۋە ئۇنىڭدىن باشقا نۇرغۇن پەسكەش ئىشلار ئارلىشىپ كەتكەنلىكى شۇنداقلا بۇ ئىشلارنىڭ نەتىجىسىدە كىشلەرنى ئۆچەكەشتۈرۈش شەخىس ۋە كوللىكتىپ ئارىسىدا بۇزغۇنچىلىق پەيدا قىلىش ، ساپ ھاۋانى بۇلغاش تىرىشچانلىقنى پايدىلىق ئەمەللەرگە قارىتىشتىن سۈيقەستكە قارىشى تۇرۇش ۋە سۇيقەست پىلانلاش ئىشلىرىغا مەشغۇل قىلىپ قويغانلىقى ئۈچۈندۇر. ئەمما ئاخىرەتتە يامان كىشى دەپ قارالغانلىقى بولسا ئۇنىڭ قاتتىق ئازاپقا دۇچار بولىدىغانلىقى ئۈچۈندۇر. چۈنكى پەيغەمبەر ئەلەيھىسسالام ئەبۇ داۋود رىۋايەت قىلغان بىر ھەدىستە < كىمنىڭ دۇنيادا ئىككى يۈزى بولسا قىيامەت كۈنى ئوتتىن ئىككى تىلى بولىدۇ > دېگەن. بۇنىڭ ھەممىسى كىشلەر ئارىسىدا بۇزۇقچىلىق پەيدا قىلىش ، سەپلىرى ئارىسىغا نۇقسان يەتكۈزۈش ۋە ئۆچمەنلىك پەيدا قىلىشنى مەخسەت قىلىپ گەپ توشۇيدىغانلار ئىچىدە بولىدۇ . ئەمما گەپ توشۇشتا شەرىئەت ئېتراپ قىلغان بىرەر مەنپەئەت بولسا ۋە گەپ توشۇغۇچى سەمىمىيلىكنى ، راسچىللىقنى مەخسەت قىلغان بولسا ، باشقىلارغا ئەزىيەت يەتكۈزۈشتىن ساقلانسا ھەربىر گۇرۇھ كىشلەرگە ئۇلارنى ئىسلاھ قىلىدىغان سۆزلەرنى ئېلىپ كەلسە يەنە بىر گۇرۇھ كىشلەرنىڭ ئۆزرىلىك ئىكەنلىكىنى ئېيتسا ۋە مۇمكىنقەدەر ياخشى ، چىرايلىق سۆزلەرنى توشۇسا ۋە سەت قەبىھ تەرەپلىرىنى يوشۇرسا مانا بۇ شەرىئەت يولغا قويغان ، تەلەپ قىلغان ئىشلاردۇر. مەسلەن: بىركىش بىركىشىنىڭ يەنە بىركىشىگە يامانلىق قىلماقچى بولغانلىقىنى بىلسە ئاندىن بۇ ئىشنى ئېيتىپ قويسا ۋە ئۇنى يامانلىق قىلماقچى بولغان كىشىدىن ئاگاھلاندۇرسا بۇ ئىشلار يوللۇق بولۇپ ئۇنىڭدا ھېچقانداق چاتاق يوق ، بۇنىڭ شەرئى ئاساسى بار . چۈنكى پەيغەمبەر ئەلەيھىسسالام غەنىمەت تەقسىم قىلغان ۋاقىتتا بىر ئەنسارى (بەلكىم مۇناپىق بولىشى مۇمكىن ) ئاللاھ بىلەن قەسەمكى مۇھەممەد ئادىللىق قىلمىدى دېگەن ، بۇ كىشىنىڭ سۆزىنى ئىبنى مەسئود پەيغەمبەر ئەلەيھىسسالامغا يەتكۈزگەن ئەمما پەيغەمبەر ئەلەيھىسسالام ئىبنى مەسئودنى ئەيىپلىمىگەن . ھازىرقى جەمئىيىتىمىزدە مۇشۇ خىلدىكى ئىككى يۈزلىمىچىكى كىشلەرنىڭ تارقاپ كېتىشى كۆپلىگەن مۇھىتلاردا مەۋجۇد بولۇپ تۇرىشى ، ئۇنىڭ  نۇرغۇنلىغان پىلان ۋە سۈيقەستلەردە مۇۋەپپىقىيەت قازىنىشى ھەسرەت چېكىپ قېلىشنى كەلتۇرۇپ چىقىرىدىغان ئىشلاردىن بولىشى مۇمكىن ، چۈنكى ھازىر ئەخلاق ۋە كىشلەرنىڭ قەلىپلىرى ئۆزگۈرۈپ كەتتى . ئىككى يۈزلىمىچى كىشىنىڭ يامانلىقىنى داۋالايدىغان ئەڭ ياخشى چارە ۋە ئۇنىڭغا قارىشى تۇرىدىغان ئەڭ ئۈنۈملۈك يول ئىمام غەزالىنىڭ تۆۋەندىكى سۆزى بولىشى مۇمكىن : < گەپ توشۇلغان كىشى گەپ توشۇغۇچىغا ئىشەنمەسلىكى ۋە پۈكۈنچىنى گەپ توشۇغۇچىنىڭ سۆزى بويىچە گۇمان قىلماسلىقى ، ئۇ توشۇغان گەپلەرنى ئېنىقلاپ ئىزدىنىپ يۈرمەسلىكى ۋە گەپ توشۇغۇچىنى توسىشى ئۇنىڭ قىلمىشىنىڭ يامان قىلمىش ئىكەنلىكىنى كۆرسىتىپ بېرىشى ئەگەر ئۇ يەنىلا ئۆز قىلمىشىدىن يانمىسا ئۇنى ئۆچ كۆرىشى ۋە ئۆزىمۇ گەپ توشۇيدىغان ئىشلارنى قىماسلىقى كېرەك> . ئەگەر بۇ نەسىھەت ئىجرا قىلىنسا ئىدى بىز نۇرغۇنلىغان يامانلىقلاردىن خاتىرجەم بولغان ، بۇزۇقچىلىقلاردىن يىراق تۇرغان ، ساپ ، تىنىچ ۋە ئىىتتىپاق بولۇپ ياشىيالىغان بولاتتۇق .

GopaL

	ياخشى يوللاپسىز رەھمەت ...

gayur1

	ھازىر ئككى يۈزلىمىچىلەر بەك تەرەققى تېپىپ كەتتى, ئۈلارنىڭ بىر نەچچىسىلا بىر قەۋىمنى ۋەيران قىلىشقا يېتەرلىك بولىشى مۇمكىن, مۇسۇلمان دىگەن زېرەك بولىشى كېرەك. بەك پايدىلىق ئەسەركەن, ئمام غەززالىنىڭ ئۈگۈتلىرىنى ھەر بىر مۇسۇلمان ئويلۇنۇپ كۆرەيلۇق. ئاپتورغا ۋە تېما ئگىسى قېرىندىشىمىزغا ئاللاھ رەھمەت قىلسۇن, ئەسسالامۇ ئەلەيكۇم ۋەرەھمەتۇللاھى ۋەبەرىكات!

ihbal99

	gayur1 يوللىغان ۋاقتى  2014-1-10 09:21 PM ھازىر ئككى يۈزلىمىچىلەر بەك تەرەققى تېپىپ كەتتى, ئ ... ۋەئەلەيكۇم ئەسسالام ۋەرەھمەتۇللاھى ۋەبەرەكاتۇھۇ . سىزگىمۇ ھەم ئاللاھ رەھمەت قىلسۇن!!

سەنجەر

	ئاتتەك تېمىغا ئاتنىڭ كاللىسىدەك ئىنكاستىن بىرنى ئويناپ قوياي ... 1- كىچىك ۋاقتىمدا مىنىڭ ئەڭ يىقىن دوستۇم كاسامغا تاتلىشىپ كەتكەن بىر مىخنى تىقىۋەتكەن ئىدى . شۇنىڭدىن بىرى ئولتاسام يانپاشراق ئولتۇرىدىغان بوپ قالغان .   2- مەن يىقىندا چىستەي بىر قىز بىلەن گەپلەشكەن ( ما بەتلەشكەن دەمدۇق ) سەي يىمەيدىغان چىقىپ قالدى كاساپەت . پەقەت يىمەيدىكەن . ئالما ، نەشپۈت ، ئاپلىسىندىن باشقا ھىچنىمە يىمەيدىكەن ، پەمىدۇرنى كۆرسىلا بېشى قېيىپ كۆڭلى ئىلىشىپ قالىدىكەن . خۇدايىم توۋا  !!! جاھاندا نى-نى كارامەتلەر باركەن دىسە . بۇ قىز بىلەن ئايرىلىپ كىتەي دىسەم تىخى مەسىلە قىزدا ئەمەس ،  توي قىلاي دىسەم تىخى كىينچە بۇندا سەي يىمەيدىغان قىز بىلەن قاندامۇ ئۆي تۇتقىلى بولا ؟ 3- باشقۇرغۇچىلارنى جىلە قىلىپ سەكرىتىۋېتىدىغان ئامال بولسا بىر دەپ بەرگەن بولساڭلا ، بىكا قالسا تېما ئۆچۈرۈپ ئەزا چەكلەپ ئوينايدىغان باشقۇرغۇچىلارنى تىرىكتۈرۈپ سەكرىتىپ ئويناپ باققان بولسام .

سەنجەر

	توۋا خۇدايىم ، ساقمۇ ساق بالىتى ماۋۇ سەنجەر دىگەن ، كۆز تەككەندەك ئوڭ-تەتۈر سۆزلەيدىغان بوپ قاپتۇ دىسە ... تېما نەدە ، ئىنكاسى نەدە ... ئۆزىنىڭ نەدە ئولتۇرۇپ نىمە يېزىۋاتقانلىقىنى بىلمەيدۇ ھە قىچان ؟ خۇدايىم شىپالىق بىرە .

ihbal99

	سەنجەر يوللىغان ۋاقتى  2014-1-11 05:20 AM توۋا خۇدايىم ، ساقمۇ ساق بالىتى ماۋۇ سەنجەر دىگەن ، كۆز ... ئىنكاسلىرىڭىزنى كۆرۈپ ھەقىقەتەنمۇ كۈلگۈم كېلىپ كەتتى قايسى كۈنى سىزنى ئەيىپلەپ قارلىغان قەدىناس دوسلىرىڭىز بىلەن ئولتۇرۇپ قىرلىق ئىستاكاندا بىر ئىككىنى قېقىۋالمىغان بولغىيتىڭىز ھە ؟ ھى ھى ھى .......

miskin380

	http://www.xjnzy.edu.cn/tp/index.asp                      بىز ئۈچۈن بىر بىلەت تاشلاپ قويساڭلار، بىر ئادەم كۆپ بولغاندا 10 بىلەت تاشلىيالايدۇ!!!!!

.ئەخلاق.

	قايتا-قايتا ئوقۇۋەتتىم. ئاز، چۈشىنىشلىك ھەم پايدىلىق تىما بوپتۇ. تىما ئىگىسىنىڭ ئەجرىگە كۆپ رەھمەت. ئاللاھ ئىلمىڭىزنى تېخىمۇ زىيادە قىلغاي. ھەدىسنىڭ شەرھىيلىرىمۇ تەرجىمە قىلىنغانمۇ؟

ihbal99

	.ئەخلاق. يوللىغان ۋاقتى  2014-1-11 03:47 PM قايتا-قايتا ئوقۇۋەتتىم. ئاز، چۈشىنىشلىك ھەم پايدىلىق ت ... شۇنداق ھەممىسى تەرجىمە قىلىنغان مەن سۆز قاتمىدىم .