بىر ئۇيغۇرنىڭ تىلىكى

ihbal99

	مۇشۇ يېقىنقى زاماندىكى كۈنلەرنىڭ بىرىدە بىر ئۇيغۇر كەمبەغەل ئادەم  چاي-تۇزغا بولسىمۇ دال بولۇپ قالا دېگەن مەخسەتتە ئۆرۈكنىڭ ئۇرۇقچىسىنى تەرگىلى تاققا چىقىپتۇ. ئۇ ئولتۇرۇپ دەم ئالغان يېرىدە توساتتىن رىۋايەتلەردە تەسۋىرلەنگەن <سېھىرلىك چىراق> <سېھىرلىك چەينەك> گە ئوخشاش ۋەھاكازالاردىن باشقىچىراق <سېھىرلىك> تاشتىن بىرنى تېپىۋاپتۇ ، بۇ تاشنىڭ باشقا تاشلاردىن پەرىقلىق ئۆزگىچىلىكىگە قاراپ قاش تېشىمىكىن دېگەن ئۈمۈتتە خالتىسىغا سېلىپ ئۆيگە ئېلىپ كەپتۇ . ئارىدىن بىر قانچە كۈن ئۆتۈپ كېتىپتۇ بىر كۈنى بۇ ئادەم كەچكە يېقىن ئېغىر ئەمگەكتىن قايتىپ كېلىپ شېرىن خىياللار ئىلكىدە ھەۋەس بىلەن بۇ تاشنى سىلاپ ئولتۇرۇپتۇ ، ئارىدىن بىرەر سائەتچە ئۆتكەندىن كېيىن ئۇشتۇمتۇت تاش يېرىلىپ تاشتىن پەرىزاتتەك بىر گۈزەل قىز چىقىپ كەپتۇ ۋە ئەدەپ بىلەن ھېلىقى كەمبەغەلگە سالام قىپتۇ ، كەمبەغەل ئادەم دەسلەپ قورقۇپ كەتكەنلىكتىن بىر مەھەل نېمە قىلارىنى بىلەلمەي تۇرۇپ قاپتۇ ، ئارقىدىن ئەس-ھوشىنى يىغىپ قىزنىڭ سالىمىغا جاۋاب قايتۇرۇپتۇ ھەمدە قىزنىڭ گۈزەللىكىدىن مەس-خۇش بولۇشقا باشلاپتۇ . شۇ ئەسنادا قىز: -سىز ئۇيغۇرغۇ دەيمەن؟-دەپ سوراپتۇ راۋان ئۇيغۇر تىلىدا . كەمبەغەل ئادەم: -شۇنداق مەن ئۇيغۇر ، سىز كىم بولىسىز؟ قانداق پەيدا بولدىڭىز ؟ -دەپ سوراپتۇ. قىز: -مەن بىر تەلەي يۇلتۇزى ئاسماندىن چۈشكەن ئۇزۇن يىللار بولدى تاغ باغرىدا يېتىۋاتقىنى ، مېنىڭ خىسلىتىم كىمدە كىم مېنى قولىغا ئېلىپ سىلىسا مەن ئۇنىڭغا بەخىت ئېلىپ كېلىمەن ،شەرتىم مەن پەقەت بىرلا تىلىگىنى ئىگەمدىن تىلەپ ئىجابەت قىلىمەن ھەمدە تىلىگىنى نامۇۋاپىق تىلەك بولماسلىكى كېرەك ، ئىگەم ماڭا مۇشۇنداق ئىمكانىيەتنى بەرگەن بىردىن ئارتۇق تىلىگىنى ئىجابەت قىلالمايمەن . سەن بۇ پۇرسەتكە نائىل بولدۇڭ ساڭا ئويلىنىدىغانغا ئۇچ كۈن مۆھلەت بېرەي تىلەكتىن بىرنى ئوبدان ئويلىنىپ ۋاقتى توشقاندا مۇشۇ تاشنى سىلىساڭ مەن يەنە ئالدىڭدا پەيدا بولىمەن دەپلا تاشىنىڭ ئىچىگە كىرىپ كېتىپتۇ . كەمبەغەلنىڭ خوشاللىقتىن بېشى كۆككە يەتكۈدەك بوپتۇ ۋە نېمىنى تىلەيدىغانلىقى توغىرسىدا ئويلىنىشقا باشلاپتۇ . ئۇ دەسلەپ بايلىق تىلىشىم كېرەك چۈنكى بايلىق بولسىلا ھەممە ئىشنى قىلالايمەن ،مەسچىت سالالايمەن مەكتەپ سالالايمەن ئاجىزلارغا ، يىتىملەرگە ، بىچارىلەرگە ، كەمبەغەللەرگە ، مۇھتاجلارغا ياردەم قىلالايمەن يىغىپ كەلگەندە نۇرغۇنلىغان خەير -ساخاۋەتلىك ئىشلارنى قىلالايمەن دەپتۇ ئۆز -ئۆزىگە پىچىرلاپ . ئارقىدىنلا بىر ئاز ئويلانغاندىن كېيىن ياق مەن دىنى ئىلىمدە كامالەتكە يەتكەن توشقان بىر ئەھلى ئىلىم بولۇشنى تىلەي شۇندىلا مۇسۇلمانلارغا نۇرغۇنلىغان ياخشى ئىشلارنى قىلىپ بېرەلەيمەن ، جاھالەتتە قالغان كۆپلىگەن كىشلەرگە ھەق يولنى توغرا يوسۇندا كۆرسىتىپ بېرەلەيمەن مېنىڭ سەۋەبىمدىن ئۇلار ھىدايەت تېپىپ قالسا ئەجەپ ئەمەس دېگەنلەرنى كۆڭلىگە پۈكۈپتۇ . ئۇ يەنە تۇرۇپلا بىر ئىشنى ئېىسىگە ئالغاندەك قىلىپ توغرا مەن بىر ئۇيغۇر بولغاندىكىن مىللىتىم ئۈچۈن بىرەر چوڭراق ياخشى ئىش قىلىپ بېرىشىم كېرەك . مىللىتىمنىڭ پۈتۈن دۇنياغا خوجا مىللەت بولىشىنى تىلەي مۇشۇنداق قىلغاندا ئۆز مىللىتىدىن ئاغرىنىدىغان رەنجىيدىغان ھەتتا نومۇس قىلىدىغانلارنىڭ ئاغزىنى تۇۋاقلاپ قەلىب يارىلىرىنى داۋالىغىلى بولىدۇ ، بىز مىللەت پۈتۈن دۇنياغا رەھبەر ، داھى بولساق نېمە دېگەن ياخشى نېمە دېگەن قالتىس نېمە دېگەن پەخىرلىك ئىش -ھە! دەپ ئويلاپتۇ . ئۇ يەنە دوختۇر بولۇپ نۇرغۇن كېسەللەرنى داۋالىغۇسى  ئالىم بولۇپ نۇرغۇن كەشپىياتلارنى ئىجاد قىلىپ دۇنياغا ئۆزىنىڭ بىركىشلىك تۆھپىسىنى قوشقۇسى كەپتۇ. ئىشقىلىپ يۇقىرقىلاردىن باشقا يەنە نۇرغۇن ياخشى ئىشلارنى كۆڭلىگە پۈكۈپ ئۈلگۈرۈپتۇ . توساتتىن بۇ خەۋەرلەردىن ۋاقىپ بولغان شەيتان ھەسەتتتىن ئولتۇرالماي قاپتۇ ، بۇ كەمبەغەلنى تولۇق تەلتۆكۈس ئازدۇرۇپ نىيىتىدىن ياندۇرۇش ئۈچۈن ئاتامانى ئىبلىسنىڭ مەسلەھەتىنى ئاپتۇ ئۇلار بىر مەھەل مۇزاكىرلەشكەندىن كېيىن شەيتان ئۆز تەجىربىلىرى بىلەن بىرلەشتۇرۇپ ئازدۇرۇش ئۈچۈن كەمبەغەلگە: -ھەي ئاخماق سەن ئۇنى بۇنى خىيال قىلغاننىڭ ئورنىغا تەلىۋىڭنى ئىجابەت قىلىدىغان قىزدىن باشقا نەرسىلەرنى سورىماي ئۇنىڭ ئۆزىنى ئۆزەڭگە خوتۇن بولىشىنى سورىغىن شۇندىلا بارلىق مەخسەت -مۇرادلىرىڭغا يىتەلەيسەن ، ئۇنىڭ ھۆسۈن جامالىغا قارا ئۇنىڭدەك گۈزەل ساھىپجامالدىن يەنە بىرسى تېپىلماس ئۇ مەڭگۈ قىز ھالاتتە تۇرۇدۇ ، قېرىمايدۇ ، ئۆلمەيدۇ سەن تېخىچە يوقسۇزلىقىڭدىن ئۆلىنەلمىگەن خوتۇنۇڭمۇ بالا-چاقاڭمۇ يوق بىر بويتاقسەن دەپ ئۇ قىزنىڭ پەيزىنى ھەم قىزلاردا بار لەززەتلەرنى تەپسىلى بىرمۇ بىر سۆزلەپ ۋەسۋەسە قىلىش ئارقىلىق ئاخىرى بۇ بايقۇشنى ماقۇل كەلتۈرۈپتۇ . شەيتاننىڭ بۇ سۆزلىرىنى ئاڭلىغان كەمبەغەلنىڭ ھاياتىدا خوتۇن ۋىسالىغا يىتىپ باقمىغاچقىمۇ كۆزلىرىدىن شەھۋەت ئۇچقۇنلىرى چاقناپ كېتىپتۇ -دە ، قىزنىڭ <نامۇۋاپىق تەلەپ بولمىسۇن> دېگەن سۆزلىرىنى يادىدىن چىقىرىپ سالماق بولۇپ ئۈچ كۈن توشقىچە يەنىمۇ ئەتراپلىق ئويلانماي دەرھال تاشنى قولىغا ئېلىپ سىلاپتىكەن قىز ئالدىدا پەيدا بوپتۇ ھەمدە بۇ كەمبەغەل ئۇيغۇرنىڭ سۆزلىرىنى ئاڭلاپ ئىككىلەنمەستىن كاچىتىغا كۈچەپ تۇرۇپ بىرنى ساپتۇ ۋە پەرۋەردىگارىم ماڭا بۇنىڭغا ئوخشاش نامۇۋاپىق تەلەپنى ئىجابەت قىلىش ھوقۇقىنى بەرمىگەن دەپلا كۆزدىن غائىب بوپتۇ . بۇ بىر تەستەك بىلەن بۇ بىچارە چۈشۈدىن ئويغىنىپ كېىپتۇ ، ئەسلىدە بۇ كەمبەغەل ئۇيغۇر ئادەم قاش تېشىمىكىن دەپ گۇمان قىلغان <سېھىرلىك> تاشنى سىلاپ ئولتۇرۇپ ئۇيقۇغا كەتكەنىكەن . مەنبە : ئۆز قەلىمىم

ihbal99

	سەنجەر يوللىغان ۋاقتى  2014-1-1 09:12 PM يۇمۇر . چۈشەنچە بەرگەن بولسىڭىز نېمە دېمەكچى بولغانلىقىڭىزنى چۈشەنمىدىم

ghalibjan

	مىنىڭ ئۇنچە يوغان ئەمەستى ، دۇنياغا ئەمەس  ئۈزمىزگە غۇجا بولساقلا  قانائەت  قىلاتتىم ... دۇنيانى باشقۇرۇپ بۇلالماي بېشمىز  ئاغىريدۇ ھەقاچان ھىلى چىنلىىقلا ، ھېلى پەرەڭلە ، ھېلى نىگىرلا  قوزغىلاڭ قىلىپ .... ھې ھې  ... مەن چىكۋامدىم جۇما  يەنە  ... ھېلقى ‹‹ ۋاشىنگىتوندا  بېشىمدىن ئۆتكەنلەردە ›› دىيىلگەن شاراپتىن بىر  قەدەھ  ئۇچراپ قالدى ....شۇڭا  كۈتۈرۋەتتىم ...

musilina

	ماۋزۇغا ‹‹بىر ئۇيغۇرنىڭ تىلىكى ››دېگەن چوڭ قالپاقنى كەيدۈرىۋالماي،‹‹بىر كەمبەغەلنىڭ تلىكى ››دەپ ئالسىڭىزمۇ بولاتتىكەن ئەسلى.... يەنە بىر گەپ‹‹بىر ئۇيغۇر كەمبەغەل ئادەم  ››دېگەن سۆزىڭىزدىمۇ خاتالىق بار،بۇنى‹‹بىر  كەمبەغەل ئادەم ››دەپ يازسىڭىزمۇ،ئۇنىڭ ئۇيغۇرلىقىنى تېمىڭىزدا  يازغان مەزمۇنلىرىڭىزدىن بىۋالاتتۇق... ئاچكۆزلۈك قىلماسلىق،قانائەتچان بولۇش  توغرىسىدىكى مەزمۇنى ياخشىكەن يازمىڭىزنىڭ...

ihbal99

	سەنجەر يوللىغان ۋاقتى  2014-1-1 09:21 PM ئىسمىڭىز پەيزىكەن دىمەكچى ... شۇنىڭغىمۇ يۇمۇر دېيىش كېتەمدۇ يا ئۇ كۈلكىلىك ئىسىم بولمىسا

.ئەخلاق.

	شەھۋەت كۈچەيسە ئەقىل ئاجىزلىشىدۇ . بۇتىمىدىكى ئۇيغۇر دىگەن گەپنى ئارتۇقچە ھىس قىپ قالدىمغۇ .

ihbal99

	ghalibjan يوللىغان ۋاقتى  2014-1-1 09:22 PM مىنىڭ ئۇنچە يوغان ئەمەستى ، دۇنياغا ئەمەس  ئۈزمىزگە غۇ ... قىرلىك ئىستاكان ئەمەس بولغىيتى ئۇ ھە؟

ghalibjan

	ihbal99 يوللىغان ۋاقتى  2014-1-1 09:46 PM قىرلىك ئىستاكان ئەمەس بولغىيتى ئۇ ھە؟ قاندا  دەيسىز  بەك ‹‹مەس›› بوپ كىتىپ پاڭ بوپ كەتكەن ئوخشىمامدىم