ئىمىن ئەھمىدى: يەتمىش يېشىم

NRXTنۇر

	gul-qiman يوللىغان ۋاقتى  2013-12-19 10:52 AM ئىمىن ئەھمىدى ئۆلۈپ كەتتىمۇ يا ھاياتمۇ ئىمىن ئەخمىدى ئاكا ھايات. ئاللا ئۇنىڭ ئۆمرىنى ئۇزۇن ، تېنىنى سالامەت قىلسۇن !

NRXTنۇر

	ئۇستاز  ئىمىن ئەخمىدى  70 ياشنىڭ قارىسىنى ئالغان بولسىمۇ ، لېكىن ناھايىتى تېتىك ، قۇشقۇن ھالەتتە يەنىلا ئكز ئىجادىيەت ۋە ئېلىم يولىدا ھارماي تەر تۆكۈۋاتىدۇ، بۇلتۇر ئىدارىمىزنىڭ ئورۇنلاشتۇرىشى بىلەن  بىزگە تەرجىمە ۋە تەھرىرىلىك خىزمىتى توغرىسىدا لېكىسىيە سۆزلەپ بەرگەن ئىدى ، شۇ چاغدا ئۇ مەن 70 كە يېقىنلاپ قالدىم دېگەندە ، ئۇنىڭ تەقى تۇرقى، كەيپىياتى ، روھى ھالىتىگە قاراپ پەقەتلا ئىشەنگىم كەلمىگەن ئىدى . ئۇستازنىڭ بۇندىن كېيىنكى  ئىجادىيەتلىرنىڭ توختاپ قالماسلىقىنى ، تېنىنىڭ سالامەت. ئۆمرىنىڭ ئۇزۇن بولۇشىنى ئۇلۇغ ئاللادىن تىلەيمەن !

sawapkar

	ناداننىڭ بىمەنىلىك بىلەن بوغۇزىنى كېرىپ ۋاقىرىشى خۇددى ئېشەكنىڭ ۋاقىتسىز ھاڭرىشىدۇر.  ئەلىشىرناۋائى

ARIX

	ئىمىن ئەخمىدى ھايات تېخى، ھازىرمۇ ئىجادىيەت بىلەن شۇغۇللىنىۋاتىدۇ. خىزمەتتىن چىكىنگىنى يوق.

ramu

	ئىنىستۇت مۇدىرمنىڭ شېئىرىنى كۆرگىنىمدىن خۇرسەنمەن.پۇتۇن ئۇيغۇر رايۇنمىزدىكى  97-يىللىق ئوقۇغۇچىلاردىن پىشقەدەم مۇدىرغا ئالى ئېھتىرام! تىما ئىگىسىگىمۇ رەخمەت!

ankar528

	ئۇستازىم ئىمىن ئەھمىدى مۇئەللىمگە سالام ! ئۇستازىمنىڭ تىنىنىڭ سالامەت ، ئۆمرىنىڭ ئۇزۇن ، تۇرمىشىنىڭ خاتىرجەم بولىشىنى تىلەيمەن!

326ayixa

	kapitan2 يوللىغان ۋاقتى  2013-12-20 11:21 PM ئەسسالامۇ ئەلەيكۇم ئاخۇنجان،ياخشىمۇسىز؟. ئەگەر بىئە ... قوشۇلىمەن بۇ گەپكە .

Axunjan

	ۋەئەلەيكۇم ئەسسالام، بولىدۇ. ئۆزۈمنى تونۇشتۇرۇپ ئۆتەي. بۇنىڭ ئۈچۈن يازغۇچىلار مۇنبىرىدىكى مەن تونۇشتۇرۇلغان ماتېرىيالىمنىلا يوللاپ بېرەي: مەھمۇدجان خوجا ئۈمىدۋارنىڭ ئۆزى ھەققىدە ئېيتقانلىرى: ھايات بېغىمدىكى گۈللىرىمنى سانىسام، ئېتىكىمدە 27 گۈل تولۇپ تۇرۇپتۇ، توزۇپ تۇرۇپتۇ. شۇنداق، 1984-يىلى 23-ئاپرېل سەھەردە ئائىلىمىزنىڭ مۇھەببەتلىك بېغىدا ھاياتىمدىكى تۇنجى گۈلنى ئاتام ۋە ئانامنىڭ پەرۋىشىدە ياراتقۇچىنىڭ ھىممىتى بىلەن قولغا ئالغان ئىكەنمەن. مېنى مۇشۇنداق مېھىر – مۇھەببەت چىمەنىگە يەتكۈزگەن ھىممەت ئىگىسىگە ھەمدۇ – سانا ئېيتىشىم كېرەكلىكىنى ئەقلىم كىرگەندىن كېيىن بىلىپ يەتتىم. ئائىلىمىز ھېكايىلەردىكىدەك قىسمەتكە باي بىر ئائىلە ئىدى. 1988-يىلى 28-نويابىر مېھرىبان دادام 71 يىللىق ھايات مۇساپىسىنى ئاخىرلاشتۇرۇپ، بەندىلىكنى بەجا كەلتۈردى. يەتتە پەرزەنتنىڭ چوڭى 22 ياشتا، كىچىكى 38 كۈنلۈك بوۋاق ھالەتتە، تاغدەك ئېغىر تۇرمۇش غېمى بىلەن قالغان ئانام خۇددى خەلق ناخشىسى «ئانام قۇنخان» دىكى جاپاكەش، ئۇلۇغ ئانىنىڭ ئۆزى ئىدى. ئۇنىڭ تىرىشچانلىقى ۋە مىننەتسىز بەدەللىرى بىلەن ھايات بېغىمىز دائىم ئاۋات  بولۇپ كەلدى. ئانام ئەڭ ئېغىر كۈنلەردىمۇ بىزنى ئوقۇتۇشتىن ۋاز كەچمىدى. بالىلىق ھاياتىم باي ناھىيەسىنىڭ مۇزات بويلىرىدا گۈزەل چۆچەكلەر كەبى ئۆتتى. ئىككىنچى ئاكام مۇھەممەدنىڭ تەسىرىدە كىچىكىمدىنلا كىتابقا ناھايىتى مەپتۇن بولۇپ قالدىم. 1992-يىلى 1-سىنىپنى پۈتتۈرگەن يازلىق تەتىلدە «365 كېچە» ناملىق ئالماناخ توپلامنىڭ 1-قىسمىنى ئوقۇپ تۈگەتكەنلىكىمنى ئېنىق ئەسلىيەلەيمەن. ئوقۇغان كىتابلىرىم ئۆزۈمنىڭ كىچىكلىكىگە باقماي قۇرداشلىرىم ئىچىدە خېلىلا كۆپ ئىدى. «قىسسەسۇل ئەنبىيا»، «قاراخانىيلارنىڭ قىسقىچە تارىخى»، «چاھار دەرۋىش»، «مۇھەممەد ئەلەيھىسسالامنىڭ تەرجىمىھالى»، «مىڭبىر كېچە»، «ئىز»، «ئويغانغان زېمىن» ... قاتارلىق كىتابلارنى باشلانغۇچتا ئوقۇپ تۈگەتكەن ئىدىم. شۇنداقلا، ئوقۇغانلىرىم ئېسىمدە مۆھۈر كەبى ئورناپ قالاتتى. تۆتىنچى سىنىپتا ئوقۇۋاتقىنىمدا 1000 كۇپلېتتىن ئارتۇق خەلق قوشاقلىرىنى يادقا ئالغانىدىم. 2000-يىلى 8-فېۋرال كېچە، ئۇيقۇم قېچىپ، قولۇمغا قەلەم ئېلىپ «ئۇستازلىرىمغا» دەپ سەككىز كۇپلېتلىق بىر پارچە شېئىر يازدىم. بۇنى ئەدەبىي ئىجادىيىتىمنىڭ باشلىنىش نۇقتىسى دەپ قارايمەن. باي ناھىيەسىدىكى تونۇلغان قەلەمكەش ئۇستازىم، ئەدەبىيات ئوقۇتقۇچىمىز پەرھات كېرەم مېنىڭ يېزىقچىلىققا ئىشتىياق باغلاپ قالغانلىقىمنى بايقاپ، مېنى كۆپ ماختىدى. شۇنداقلا مېنىڭ بىر قانچە پارچە «شېئىر» ىمنى مەكتەپتىكى ئۆزى دەرس بەرگەن سىنىپلارغا ئوقۇپ بېرىپتۇ. ئەمدى ئويلىسام، شۇ ھۆرمەتلىك ئۇستاز مېنى رىغبەتلەندۈرۈپ، ئەدەبىياتنىڭ كوچىسىغا باشلاپ قويغان ئىكەن. 2000-يىلى ئۆكتەبىردە، باي ناھىيەسىنىڭ ئەدەبىيات بېغىنى سۇغۇرۇپ تۇرىۋاتقان «مۇزات دولقۇنلىرى» ژۇرنىلىدا «زامانداشلىرىمغا خىتاب» ناملىق شېئىرىم ئېلان قىلىندى. بۇ مەتبۇئاتتىكى تۇنجى قەدىمىم ئىدى. 2004-يىلى 8-ئايدا، شىنجاڭ ئۇنىۋېرسىتېتىنىڭ جەمئىيەتشۇناسلىق كەسپىگە قوبۇل قىلىندىم. ئۇيغۇر دىيارىدىكى بۇ ئەڭ چوڭ مەرىپەت باغچىسىدا مەن بىلىملىك ئۇستازلارنىڭ ئەقىل پاراسەت مېۋىلىرىدىن كۆپ بەھرىمان بولدۇم، ئۆزۈم ئۇچرىشىشنى ئارزۇ قىلغان ئۇستاز قەلەمكەشلەرنىڭ، زىيالىيلارنىڭ مەنىلىك سۆھبەت، لىكسىيەلىرىگە كۆپ قېتىم داخىل بولدۇم. ئەدەبىيات كوچىسى ماڭا ئەقىدىلىك، ۋىجدانلىق، مەسئۇلىيەتچان دوستلارنى ئۇچراشتۇردى. ھايات مانا شۇنداق قىلىپ بارغانسېرى مەناسىنى تاپتى. 2006-يىلى باھاردا، «شىنجاڭ سەنئىتى» ژۇرنىلىدىكى پەرۋىشكارلار ماڭا ئۆزۈمنى ئىپادىلەيدىغان پۇرسەت يارىتىپ بەردى. شۇنىڭدىن كېيىن مەزكۇر ژورنالدا سەنئەت ئوبزورى، سۆھبەت خاتىرىسى، كۈي نەزمىلىرى (ناخشا تېكىستى) ۋە تەرجىمە ئەسەرلىرىنى ئېلان قىلدىم. بۇ مېنىڭ كېيىنچە ئىجادىيەتتە كۈي نەزمىلىرى ساھەسىگە بەكرەك مايىللىقىمغا سەۋەب بولدى. ھازىرغا قەدەر «تارىم»، «شىنجاڭ سەنئىتى»، «شىنجاڭ ياشلىرى»، «ئەدەبىي تەرجىمىلەر»، «تارىم غۇنچىلىرى»، «ئاقسۇ ئەدەبىياتى»، «قىزىلسۇ ئەدەبىياتى»، «مۇزات دولقۇنلىرى»، «شىنجاڭ ئىقتىساد گېزىتى»، «ئۈرۈمچى كەچلىك گېزىتى»، «ئىشچىلار ۋاقىت گېزىتى»، «ئاقسۇ گېزىتى» ... قاتارلىق مەتبۇئاتلاردا 100 پارچىدىن ئارتۇق شېئىر، نەسىر، سەنئەت ئوبزورى، سۆھبەت خاتىرىسى، ئەدەبىي تەرجىمە ئەسەرلىرىم ئېلان قىلىندى. «سۆيگۈ كېرەك»، «سۆيگىنىگە تەگمىگەن قىزلار»، «چۆچەكلەر»، «ئانا يۇرت»، «سەھرا»، «سىز كەلسىڭىز»، «قارلىغاچ»، «مېھىر بەردىم سىزگە ئادەملەر» ... قاتارلىق 80 پارچىدىن ئارتۇق شېئىرىم ناخشا قىلىپ ئېيتىلدى. ھاياتقا، ئادەملەرگە ۋە ئەدەبىياتقا بولغان مۇھەببەت مېنى مەسئۇلىيەت بىلەن يېزىشقا ئۈندىمەكتە. ئاللاھىنىڭ ھىممىتى بىلەن مۇشۇ مەنزىللەرگە كەپتىمەن. ئامان بولسام، يولۇمنى داۋاملاشتۇرىمەن.

Axunjan

	kapitan2 يوللىغان ۋاقتى  2013-12-20 11:21 PM ئەسسالامۇ ئەلەيكۇم ئاخۇنجان،ياخشىمۇسىز؟. ئەگەر بىئە ... ۋەئەلەيكۇم ئەسسالام، بولىدۇ. ئۆزۈمنى تونۇشتۇرۇپ ئۆتەي. بۇنىڭ ئۈچۈن يازغۇچىلار مۇنبىرىدىكى مەن تونۇشتۇرۇلغان ماتېرىيالىمنىلا يوللاپ بېرەي: