رۇستەم قاراسۇ : توينىڭ سېلىغى

rustorahbar

	رۇستەم قاراسۇ ئىجادىيتى توينىڭ سېلىغى ياخشى كۆرگەن قىزغا ئەلچى قويۇپ مەن، يولغا سالدىم ئىككى پاقلان سويۇپ مەن. ئەلچى كەلدى جاۋابى يوق سالتىيىپ، گەپ سورۇدۇم بىر شۇملۇقنى تۇيۇپ مەن. قېينىئاتام-قېينىئانام بولمىغان، قالماپتۇ ھىچ ماڭا شەرتى قويمىغان. ئەللىك مىسقال ئالتۇن ئالسۇن دەپتۇلەر، بېشىم قاتتى قېينالدىغۇ خۇيمۇ جان. تۆت پەسىللىك كىيىم-كىچەك تەق بولسۇن، ئىشكابىغا گىرىملىرى لىق تولسۇن. دىيىشىپتۇ قىزىمىز بەك ئەركىدۇر، يىگىت قىزنى ئۆز مەيلىگە ھەم قويسۇن. يۈتكەش ئۈچۈن ماشىنىدىن ئاتمىشى، ئوخشاش بولسۇن دەپتۇ تېخى ئىچ تېشى. داستىخانغا ئىلىپ بەرسۇن بارچىنى، ئۇنتۇلمىسۇن دەپتۇ ياڭاق كىشمىشى. ئۆي تۇتارمىش سەھرا ئەمەس شەھەردىن، تەمە باركەن شېرىن ئاي دەپ سەپەردىن. ئىلىپ قالسام نىكاھىمغا خوپ كۆرۈپ، ئات قىلارمۇ توقۇپ بىرنى ئىگەردىن. بۇنى ئاڭلاپ دېھقان ئاتا-ئانامنىڭ، بېشى قاتتى ھەتتا ئۇرۇق-تۇغقاننىڭ. قولىقىغا يىتىپ قوشنا-قولۇمنىڭ، كۈنى تەسكەن دىدى ئوغول باققاننىڭ. ئىغىلدىكى كالا قوينى ساتساقمۇ، كارتىدىكى جىمى پۇلنى ئالساقمۇ، يەتمەيدىكەن تەلىپىگە شۇلارنىڭ، باشقىلاردىن قەرىز ئىلىپ قاتساقمۇ. ئالماقچى قىز قۇلى بوپتۇ باھانىڭ، قانداق يېتەي مۇرادىغا جاھاننىڭ. مەنمۇ كەچتىم ئاخىر سۆيگەن جاناندىن، كۈتۈرەلمەي سېلىغىنى جاناننىڭ. رۇستەم قاراسۇ....2013.12.12..كۈنى

nurjahan0997

	ۋاز كەچكىچە تىرىشىپ باقساق بولماسمۇ ئاكا يېتىپ قالغۇچە ئېتىپ قال دەپتىكەن

326ayixa

	تويلۇق شۇ دەرىجىگە باردىمۇ ؟

zubayda0997

	توۋا  خۇدايىم ئاكا، نېمانداق قىممەت  قىزغا كۆزىڭىز چۇشتى سىزنىڭ،  كۆزىڭىز ھەقىقەتەن  مال تونىيدىكەن جۇما

magrurjan

	شىئىرنى بەك ياخشى يازىسىز جۇمۇ ئاكا قايىلمەن قەلەملىرىڭىز ھارمىغاي شۇنداق ياخشى چىقىپتۇ

patima2

	50000يۇەن  بىرپتۇ  ئادشمغا   ئاڭلماققا  ئاز  تۇيلدكەن. ياخشى  كورسڭز  ئىلىڭ .ئاسمسندىكى  ئاينى  تەلەپ قىلمىغىانكن

saptilak

	بىزنىڭ بۇ يەردە 50 مىڭ دېگەن ئادەتتىكى گەپ بولۇپ قالدى. جەميىتىمىزدە نىكاھتىن ئاجىرشىش نىسپىتى كۈندىن كۈنگە ئىشىپ كىتىپ بارىدۇ. بۇنىڭدا تۈرلۈك سەۋەپلەر مەۋجۇت. توي سىلىقىنىڭ يۇقىرى بولىشى، سىنىڭدىن مەن قالامدىم دەپ بەسلىشىپ توينى ئىنيايىن ھەشەمەتلىك ئۆتكۇزۇش، يېڭى توي قىلغانلارنىڭ تۇتقان ئۆيى 20-30 يىل ئۆي تۇتقانلارنىڭ ئۆيىدىن ئېسىل بولۇش، قىسقىسى ھېچنىمىسى كەم بولماسلىق....بىچارە ئاتا-ئانىلار تاپقان تەرگىنىنى بالىلىرىغا سەرىپ قىلىپ ئۆزلىرى تۇرمۇش قىيىنچىلىقى ئۇستىدە تىپىرلاش، ھېچقانداق ئەجىر قىلماي، جاپا تارتماي قۇرۇلغان راھەت ئائىلە تۇرمۇشنىڭ قەدىرگە يەتمەسلىك، تۇرمۇش يولىدا تەر تۆكۇشنى بىلمەسلىك سەۋەبى بىلەن  ئاز كۈندىن كېيىنلا تۇزۇپ كىتىش، .....نېمىمۇ دېگىلۈك ھە، ھەي خۇدا. بۇ ئىشلار كىشىنى تولۇمۇ، تولۇمۇ ئەپسۇسلاندۇردۇ، ئەپسۇسلىنىپ ئەيىبلەپ تۇرمىز يۇ، يەنە قىلغۇلىقنى قىلىمىز. ئەسلى بۇرۇنقى ئوغۇل تەرەپ تويلۇق ئىلىپ، قىز تەرەپكە ئاش سۈيى تەييارلاپ بىرىدىغان، ئائىلە جاپدۇقلىرىنى ئالىدىغان، قىز تەرەپ بولسا باشقا چىقىملارنى قىلغاندىن سىرت ئۆينىڭ يۇتقان-كۆرپىسىنى، پەردە، گىلەم، ئەھۋالىغا چۇشلۇق ئائىلە ئىلىكتىر سايمانلىرىنى تەييارلايدىغان، ئۆي بولمىسا ئىجارە ئۆي ئىلىپ ئىجارە ھەققىنى تەڭ تۆلەيدىغان، كېيىنچە پۇل يىغىپ ئۆزلىرى ئۆي ئالىدىغان مۇشۇ خىل تويلىشىش ئادىتىمۇ بەك ياخشى ئىكەنتۇق.  ئاللا خالىسا يولدىشىم بىلەن شۇنداق ۋەدە قىلىشتۇقكىن، قىزىمىزنىڭ(ھازىر تېخى ئالى مەكتەپتە ئوقىۋاتىدۇ) تويىنى دەل شۇ بۇرۇنقى توي ئادىتى بويىچە تالالىق قىلىشنى قارار قىلدۇق. جىق سۆزلىمەي ئالدى بىلەن ئۆزىمىزدىن باشلاش زۇرۇرلىكىنى ھەممىمىز ھېس قىلساقكەن دېگەن ئۈمىدتە مەن.

unix212

	قارىغاندا قىزىنى بەرگۈسى كەلمىگەن چېغى سىزگە....... مەن ھەددىدىن ئارتۇق «سېلىق» ئارقىلىق« سېتىۋالغان»خوتۇنغا چۇقۇم كىيىم-كىچەك بىلەن ئوخشاش مۇئامىلە قىلىمەن.يەنى كونىرسا ئالماشتۇرۇپ دىگەندەك.......ھېچقانداق ئاتا-ئانا بولغۇچى ئۆز قىزىنىڭ جاپا تارتىپ قېلىشىنى ئۈمۈد قىلمايدۇ.لېكىن، جاپانى تەڭ تارتالىغان قىزنڭ ئىرىنىڭ ئالدىدا چۇقۇم ھۆرمىتى بۇلۇدۇ.ئەلۋەتتە ھالاۋەتنىمۇ تەڭ كۆرۈش ھوقۇقى بۇلۇدۇ.پۇل مالنى دەپ تەگكەن خوتۇننى خوتۇن ئورنىدا كۆرمىسەممۇ بۇلاۋىردۇ.

unix212

	زەنجىر يوللىغان ۋاقتى  2013-12-13 03:36 PM مۇشۇ يېقىندا  مىنىڭ بىر ئاغىينەم بىر قىزنىڭ ئۈيىگە توي ... دەھشەت تويلۇقكەنغۇ بۇ ................. ئالتۇننى«800گىراملىقىنى ھىساپقا ئالمىغاندا» ھە  بوپتۇ دەيلى ئىشلىتەرمىز دىگەندۇ .ما 4 توننا گۆش دىگىنى نىمىسى؟