باللار چۆچەكلىرىدىكى سىز بىلمەيدىغان ئارقا كۆرۈنۈشلەر

turpani004

	رېئاللىق قانچە رەھىمسىز بولغانسىرى، كىشىلەرنىڭ ئارزۇ-ئارمانلىرى شۇنچە گۈزەللىشىپ بارارمىش. خۇددى بىز كۆرىۋاتقان كىنولاردىكى مۇمكىنسىزلىك ئىچىدىمۇ مۇمكىنلىك مەۋجۇت بولۇپ تۇرىدىغان بەخت ھېكايىلىرىدەك. خۇددى بىزلەر كىچىكىمىزدىن ئاڭلاپ چوڭ بولغان چۆچەكلەردىكىدەك. ئۇلار بىزگە دائىم قاراڭغۇلۇق كەينىدە يورۇقلۇق مەۋجۇت. بەخىتسىزلىك ھامىنى بەختلىك تۇرمۇشنىڭ ئاساسىنى سالىدۇ دەيدۇ. ئەجەبا ھەقىقى تۇرمۇشتىمۇ شۇنداقمۇ ؟ فوتوگراف DinaGoldstein مۇ خۇددى مەندەكلا باللار چۆچەكلىرىدىكى بەختلىك «خاتىمە»لەردىن گۇمانلانغۇچىلارنىڭ بىرى. تۇرمۇشنىڭ ھەرخىل قېين-قىستاقلىرىغا قوشۇلۇپ، رەھىمسىز رىئاللىقنىڭ ئىسسىق-سوغۇقلىرىنى باشتىن كەچۈرگەن بۇ ئايال، دادىللىق بىلەن باللار چۆچەكلىرىگە جەڭ ئېلان قىلدى، ئۇنىڭ تۆۋەندىكى بىر يۈرۈش فوتو ئەسەرلىرى بىزنىڭ كۆڭلىمىزنى غەش قىلىشى مۇمكىن. لېكىن بىزلەرگە رىئاللىققا يۈزلىنىشنى ئۈگۈتۈپ قويىشىمۇ مۇمكىن. دەرۋەقە قار مەلىكە مۇرادىغا يىتىپ، شاھزادە بىلەن بەختلىك ئائىلىسىنى قۇردى. بىز بىلىدىغان چۆچەكمۇ مۇشۇ يەردە ئاياقلاشتى. ئاياقلاشمىغىنى بولسا تويدىن كېيىنكى باش قېتىقى. قىزىقچىلىقتا تۇغۇۋالغان بالىلارنىڭ ۋاراڭ چۇرۇڭىغا قوشۇلۇپ شاھزادىنىڭ تويدىن بۇرۇنقى قىلغان ۋەدىلىرىنىڭ بىرسىمۇ يوق. كۈل قىزنىڭمۇ دەردى باردە. ئۇنىڭ شۇنچە دەرتنى ئىچىگە سىغدۇرۇپ كېتىشى مۈمكىنمۇ ؟ ئۆگەي ئانىسى دېگەن جادۇگەرنىڭ ئەتمىشلىرىنى ئويلىغاندا ئۇمۇ ئاچچىقىدا بولىشىغا ئىچىپ، ئىچىنى بوشتىدۇ. يەسىمەن مەلىگە، ھەي بىچچارە مەلىكە..، كىم سېنىڭ يۇرتۇڭنى ئوتتۇر شەرىقتە بولسۇن دەپتۇ. ئۇرۇش ئاۋازى توختىمايدىغان بۇ يەردە سەنمۇ ئامالسىز قولۇڭغا قۇرال ئالدىڭ. ئۇيقۇ گۈزىلى ئاخىرى ئويغاندى ؟؟؟ ياق .. ئەمەلىيەتتە ئۇ مەڭگۈ ئويغىنالماي ئۆسۈملۈك ئادەمگە ئايلاندى.شاھزادىمۇ ئامالسىز ئۇنى ئۆزى تۇرۇۋاتقان قېرىلار ساناتورىيىسىگە ئاپىرىپ ئۆلگىچە ساقلىدى مانا بۇ ھېلىقى ئۇزۇن چاچلىرى بىلەن، ئېگىز قەلئەدىن قاچقان قىز. ئوتتۇر ياشلاردا كۆرۈلىدىغان چاچ چۈشۈش كېسىلى بۇ بىچارىنى يالغان چاچ تاقاپ يۈرۈشكە مەجبۇر قىلماقتا… گۈزەل خانىش بېللا، ھەرقانچە گۈزەل بولساڭمۇ قېرىلىقنىڭ ئالامىتى بولغان سەكسەن قورۇق سېنى ئىزدەپ كەلمەي قويمايدۇ. شۇڭا سەنمۇ ھۆسن تۈزىتىشكە مۇھتاجسەن. بۇ قىزچاقنى دىمىسەممۇ ھەممىڭلار تونۇدۇڭلار. ئۇ يەنىلا شۇ ئورماندا، بۆرىگە يەم بولماي خاتىرجەم ياشىماقتا. ئوخشىمايدىغان يېرى ئۇ ھازىر ئەخلەت يېمەكلىكلەرگەكۆنۈۋالدى. تەن ئېغىرلىقىمۇ ئېشىپ كەتتى ئەلۋەتتە …                                     ئۇنداقتا سىزدىن سوراپ باقسام، چىن تۆمۈر باتۇر ھازىر نىمىش بىلەن ئالدىراشتۇ?

زاغرا

	چىن تۆمۈر باتۇر نىشىكەش بوپ كەتتى. سادىر پالۋاننى ئاڭلىسام كەچلىك بازاردا ئامانلىق ساقلىغۇچى دەمدۇ؟ سىيىت نوچىنڭ خوتونى سىيىت نوچىنى تالاق قىلىۋىتىپتىمىش، ھاراقكەش بوپ كىتىپتۇ.كىيىن ناۋا پىروگىراممىسىدا ئاجراشقىنىم ئاجراشقان دىگەن ناخشىنى ئىيىتىپ كىچىك قوڭغىراقتىن كەلگەن پۇلنى خەجلەپ يۈرۈپتىمىش ھەر راس بۇلار بالىلار چۆچەكلىرىدىكى پىرسۇناژلار ئەمەستى مەختۇمسۇلا چ چ دا تونۇشقان بىر يىگىتنى ئەپ قاچىمەن دەپ يىرىم يولدا ئۇ يىگىتنى تاشلىۋىتىپ ئۈندىداردا تونۇشقان يەنە بىر يىگىت بىلەن قىچىپ كىتىپتۇ. ئۈژمە سايىسىنى سىتىۋالغان ئەپچىلەم ئەيدىز بوپ قاپتىمىش ئۇر توقماقتا چىقىدىغان ھىلقى ئالتۇن چىچىدىغان ئىشەك ئۆزى سىنغا ئالغان ئۆزىنىڭ سىرىق كۆرىنىشىنى ئۈندىدارغا يوللاپتىكەنتۇق، قىزلارنىڭ چىكىش سانى رىكورىت بۇزۇپ چىكىلىش سانى مانچە مىلىيون  بولاپ 10 داڭدار ھايۋان بولاپ باھالىنىپتىمىش. قىزلار<< ئىغىل بولسىمۇ ئۆيۈڭ بولسۇن، ئىشەك بولسىمۇ ئاشناڭ بولسۇن >>دىگەن تەمسىل بويىچە كۆڭلۈڭ ئىشەككە چۈشسە ئىغىلدا ياتماي ئامال يوق دەپ ئۆيىدە ئۇخلىيالمايدىغان ئىغىلدا بولسا ئويغىنالمايدىغان بوپ كىتىپتىمىش. ئاۋۇ ئىشەك كىيىن باسقۇنچىلىق جىنايىتى بىلەن ئەيىپلىنىپتۇ. لىكىن پۇلى كۆپ بولغاچقا پۇل تۆلەپ ئىشەكلىك كىنىشكىسى ئىلىۋاپتىكەنتۇق. ساراڭغا سوت يوق ئىشكتە خوت يوق دەپ قۇتۇلۇپتۇ شۇ

2012yadikar

	چىن تۈمۈر باتۇر كومپىيوتىرنىڭ ئالدىدا مۇنۇ ھېكايىنى كۈرۈۋاتقان بۇلىشى مۇمكىن

halikohli

	ھاي ھاي ئۇنداق دىمەيلى بىكار چىنتۇمۈر، باتۇر سىيىت نۇچى، سادىر پالۋانلا پەيلىرىنى كىسۋەتمىسۇن يىنە.

0999uyghurkizi

	مەنمۇ مۇشۇ چۆچەكلەرنىڭ ئاخىرىغا قىززىقاتتىم . بۇ تەسەۋۋۇرلار قىزىقارلىق چىقىپتۇ .

uyol

	بۇرۇنقى چۆچەكلەر راسلا بىرخىل سېھرى تۇيغۇغا ئىگە ئىدى. كىشىنى ئۆزىگە جەلىپ قىلالايتى،ھازىرقى بالىلار............ئىچىم ئاغرىيدۇ بىچارىلەرگە، يەسلىدىن تارتىپ ئۇقۇشتىن باش كۈتۈرەلمەي........بىچارىلەر

52arslan

	زاغرا يوللىغان ۋاقتى  2013-10-27 02:09 AM چىن تۆمۈر باتۇر نىشىكەش بوپ كەتتى. سادىر پالۋاننى ئاڭل ... تەسەۋۇرلىرىڭىز بولىدىكەن ، شۇ تۇزى سەل كامراقلىقىنى ھېساپقا ئالمىغاندا....

orkixi

	دۇرۇس . نىكاھ - مۇھەببەتنىڭ قەۋرىسى . كۆپىنچە چۆچەكلەر ‹‹ ئۇلار ئاخىرى توي قىلىپ بەخىتلىك بويتۇ ›› دەپلا ئاياغلىشىدۇ . بىراق توي قىلغاندىن نىمە بولغىنىنى بىلمەي قالىمىز . تويدىن كىيىن بەخىتلىك كۈنلەر ئاز قالىدۇ .

Kiqik-sabiri

	بالىلار چۆچەكلىرى بالىلارنىڭ ئىچكى دۇنياسىغا بىۋاستە تەسىر كۆرسىتىدۇ ، شۇڭا بالىلار چۆچەكلىرى بالىلارغا باتۇرلۇق ، مېھرى -مۇھەببەت ، ئەدەب - ئەخلاق ۋە كەلگۈسىگە ئىشەنچ بىلەن قاراشنى ئۈگىتىشى كېرەك . ئەگەر  ئۇنداق بولماي ، بالىلار چۆچەكلىرى ئەكىسچە بالىلارغا رىيال تۇرمۇشنىڭ رەھمىسىز كارتىنىلىرىنى كۆرسىتىپ بەرسە ، بالىلار ئۈمىدسىز ، قورقۇنچاق ، شەخسىيەتچى ، نەپسانىيەتچى ... بولۇپ چوڭ بولۇشى تۇرغانلا گەپ ئەلۋەتتە .    دوستلار ، بالىلىق دۇنيا ، بالىلىق قەلىپ ئەڭ گۈزەل ۋە ئەڭ غۇبارسىزدۇر . شۇڭا بىز ئۇنى تېخىمۇ گۈزەل قىلشقا تىرىشايلى ، ئۇنى ھەرگىزمۇ  قاراڭغۇ ۋە زۇلمەتتە قالدۇرۇشقا يول قويمايلى ! ! !

ana-yurtum

	بۇ تەسەۋۋۇرلار قىزىقارلىق چىقىپتۇ .