يولدا سودا قىلسا دۇرۇسمۇ ؟!

.tuz.

	ئەسسىلامۇ ئەلەيكۇم : جۈمە ۋاقتى قىستاپ قالغاچقا ئالدىراپ ھېيتكا جامە مەسچىتكە كىتىۋاتسام ، يول تالىشىپ ئىككى تىجارەتچى يولنىڭ قاپ ئوتتۇرسىنى بۇ مېنىڭ جايىم دىسە ، يەنى بىرسى سىنىڭ ئۇياندىراق بۇ مېنىڭ جايىم ، دېيشىپ زاكۇنلۇشۇپ بىر - بىرىگە يول قويۇشماي ئۇرشۇپلا كەتتى . نامازغا ماڭغان كىشىلەر بۇ ئىككەيلەننىڭ جىدىلىگە قاراپ ئولىشىۋالغاچقا تارغىنا كوچا يولى قىستا - قىستاق بوپ كەتتى . بىر نەچچە كىشىلەرنىڭ سالاھ قىلىشى بىلەن ئۇلارمۇ پەس كويغا چۈشتى بولغاي ، ئولىشىۋالغان كىشىلەر جامە تەرەپكە مىڭىشتى . بىر قىسىم تىجارەتچىلەر يولنىڭ قاپ ئوتتۇرسىغا يايما ئىچىپ ، يولنىڭ راۋانلىقىغا ئاۋامنىڭ ئاراملىقىغا دەخلى يەتكۈزۋاتىدۇ . يولنىڭ ئىككى چىتىدە يايما ئاچسا مەيلى دەپ تۇرايلى ، ئەمما ، يولنىڭ قاپ ئوتتۇرىسىدا غالتەك ،ھارۋۇلىرنى قالايمىقان توختىتۋىلىپ يولنى قىستاڭچىلىقتىن ماڭغىلى بولمايدىغان ھالەت شەكىللەندۈرۈپ قويۋاتىدۇ . مويسىپىت ياشانغان كىشىلەرگە ، ئالدىراش ئىش بىجىرگىنى ،ھەمدە ئىشقا ماڭغان كىشىلەرگە ئەرزىيەت يەتكۈزۋاتىدۇ . ئۆز مەنپەتنىلام ئويلاپ ، ئاۋام بىلەن كارى يوق بولۋاتىدۇ . بىر قىسىم كىشىلەر بولسا ،يايما ئاچقان سىتىقچىلارنىڭ ماللىرنى ئىلىش ئۈچۈن يولدا تۇرۋىلىپ ياكى يولدىلا غالتەكچىلەردىن ئۆرە تۇرۇپلا نەرسە يەپ  يولنى توسىۋىلىپ زىددىيەت پەيدا قىلۋاتىدۇ . دۇرۇس ھەم توغرا سۆزلىك، قەلبى ئويغاق كىشىلىرمىز يولنىڭ راۋانلىقى توغۇرلۇق ياخشى نەسىھەتلەرنى قىلسا ، قىلچىلىكمۇ پەرۋا قىلماي تەپ تارتماستىن ، نۇمۇس قىلماستىن، نېمە كارى ؟! ئۆزىنىڭ ئىشىنى بىلمەي، باشقىلارنىڭ ئىشىغا ئارلىشىپ ..... دەپ دومسىيىپ ۋالاقشىپ كىتىۋاتىدۇ ! قايسى بىر ئۆلىمانىڭ " يولدا ناماز ئوقىساڭ دۇرۇس ئەمەس " دىگەنلىكىنى ئاڭلىغان ئىدىم . يولدا ناماز ئۇقىساڭ دۇرۇس ئەمەس دىيلىۋاتسا ، يولدا تىجارەت قىلسا دۇرۇسما ؟! بىز ھازىر جەمىيتىمىزدە يولدا يايما ئاچىدىغان ، يولدا ماشىنىسنى توختىۋالدىغان ، كوچىلاردىكى يوللارغا ياغاچ تاش قويۋالدىغان ، توپا ، قۇم - شىغىل ، قىش ، قىغ دوۋلىۋالدىغان  ئىشلار يوق ئەمەس ! ئىسلام دىنىمىزدا ئادىل بولماسلىق ، باشقىلارغا ئەرزىيەت يەتكۈزمەسلىك ، يولسىزلىق قىلماسلىق تەكىتلىنىدۇ ھەم شۇنداق قىلماسلىققا چاقىردۇ . ئىش ھەركەتلەردە دۇرۇس ئىش قىلىش ، ئىسلام ئەخلاق مىزانلىرغا رىئايە قىلىشمۇ ئىبادەت سانىلىدۇ . قىنى بىزدىكى ئىمان ؟ قىنى بىزدىكى مەسئۇلىيەت ھەم مەجبۇرىيەت تۇيغۇسى ؟ قىنى بىزدىكى ياخشىلىققا بۇيرۇپ ، ناچار ئىللەتلەرنى توسىدىغان بۇرچ ؟! نېمە ئۈچۈن ئاۋامغا ئەرزىيەت يىتىدىغان مۇجۇمەل ئىش ھەركەتلەرنى توسالمايمىز ؟ ! قىنى بىزدىكى ئىتىپاقلىق ؟! ئاللاھ ھەممىمىزگە خاتالىقلىرمىزنى تونۇپ ئۆزىمىزنى ئىسلاھ قىلىشقا جۈرئەت قىلالايدىغان ساپ قەلب ئاتا قىلسۇن ، ھەممە ئىشىمىزدا پاك ، دۇرۇس ، ئادىل بولۇشقا مۇۋەپپىق قىلىپ ، ئىككىلى دۇنيادا بەختلىك قىلسۇن ، ئامىن ! مەنبە : تۇز 2013- يىلى -10-ئاينىڭ 5- كۈنى شەھرى ئەزىزانە قەشقەر

munirdin

	مۇشۇ مۇنبەردىكى‹ ئىلىم چېيى› دېگەن تېمىدا زۇلپىقار بارات ئۆز باشنىڭ مۇنداق بىر گېپىنى ئاڭلىدىم: بىر ئادەم ئىشسىز قالسا ئۇ شۇ ئادەمنىڭ ئۆزىدىن كۆرۈلىشى كېرەك،مىڭ ئادەم ئىشىسىز قالسا بۇ جەمىيەتتىكى مەسىلە دەپ ئۆتكەنتى ،يولدا تىجارەت قىلىش ياخشى ئەمەس ھەقىقەتەن كىشلەرگە قولايسىزلىق ۋە ئاۋارىچىلىق كەلتۈرىدۇئەمما يولدا تىجارەت قىلىدىغانلارمۇ ئاز ئەمەس،چۈنكى بازار باشقۇرۇش تۈزۈلمىسى مۇكەممەل ئەمەس ... قىسقىسى ئاشۇ تىجارەتچىلەرمۇ ئامالسىز،تۈتۈننىڭ ئاچچىقىنى مورا بىلىدۇ،ئوڭشىلىپ كېتە بۇ ئىشلارمۇ....

Gvlmisal

	مىنىڭچە بۇ ئېنىقلا توغرا ئەمەس.باشقىلارغا قولايسىزلىق ئېلىپ كىلىدۇ.

سائەت

	ۋەئەلەيكۇم ئەسسالام مەنغۇ ئەمدى (يولدا ناماز ئوقۇسا بولمايدۇ)دېگەن گەپنى ئاڭلاپ باقمىغان. لىكىن نامازۋاختى بولغاندا يول بولامدۇ پويىز بولامدۇ ماشىنا بولامدۇ ئايروپىلان بولامدۇ ھەرقانداق ناماز ئوقۇغىلى بولسىلا چوقۇم ئوقۇش كېرەك 2.دۇكان يوق تىجارەتچىلەر يولدا تىجارەت قىلىدۇ.   يولدا تىجارەت قىلىشقا مەن قوشۇلىمەن چۈنكى ئۇلارنىڭمۇ ئائىلىسى بار بالا-چاقىلىرى بار.. لېكىن يولنى توسۇۋېلىپ،ئەخلەت تاشلاپ قىلسا ئۇنىڭغا قوشۇلمايمەن.

alenur

	يولدا ناماز ئوقىساڭ دۇرۇس ئەمەس سىزنى ياراتقان سىزگە رىزىق بەرگەن ئاللاغا يولدا ناماز ئوقۇشتىن نۇمۇس قىلامسىز ؟؟؟؟؟؟؟؟ ناماز ۋاقتى بەلگىلەنگەن پەرز

alenur

	قالايمىقان پەتىۋا بېرىش ئىغىر گۇناھ شۇنداقلا قەبرە ئازابىغا سەۋەپ بولىدىغان سەۋەپلەرنىڭ بىرى شۇڭا ئۇنى دىنىي ئالمىلاردىن سوراپ ئاندىن دۇرۇس بولىدىغان بولمايدىغانلىقىنى بېكىتىڭ بۇ دىگەن ئاللاھنىڭ دىنىي پەتىۋا بېرىدىغان مەخسۇس تور بىكەتلەر بار شۇ يەردىن سوراڭ گېپىم ئىغىر كەتكەن بولسا كەچۈرۈڭ

tamkin147

	يولدا سودا قىلسا دۇرۇس، ئازراق قىستاڭچىلىق بولسا ھېچنىمە بولمايدۇ، ئاۋايلاپ مېڭىپ ئۆتسەك بولىدۇ، قىستاڭچىلىقنىلا كۆرۈپ كۆرۈپ يولدا سودا قىلىشنى خاتاغا چىقارساق توغرا بولمايدۇ. ئۇنىلا ئويلىماي تىرىكچىلىك يولىدا قىينىلىۋاتقان شۇ تىجارەتچى (غەمكىن) ئۇيغۇرلارنىڭ ھالىغىمۇ ئازراق يېتىپ قويىلى،،...

.tuz.

	alenur يوللىغان ۋاقتى  2013-10-5 05:18 PM قالايمىقان پەتىۋا بېرىش ئىغىر گۇناھ شۇنداقلا قەبرە ئا ... مەن پەتىۋا بەرمىدىم ، بىر ئۆلىمانىڭ يولنىڭ خاسىيتى توغرلۇق سۆزلەپ شۇنداق دىگەنلىكىنى ئاڭلىغان . نامازنىڭ ۋاقتى پەرزلىگىنى ئوبدان بىلىمەن . بىراق يولدا ناماز ئوقىسا ، ناماز ئوقىمايدىغانلار ئالدىدىن ئۆتۈپ قىلىپ ياكى توسۇلۇپ قىلىپ نارازى بولۇپ قالماسلىقىنى كۆزدە تۇتۇپ دېگەن بولىشى مۈمكىن . مەن بۇنى بىكىتىپ سۆزلىمىدىم .....