مەن تەجرىبە قىلىپ كۆردۈم
مەن قاسىم سىدىق ئەپەندىمنىڭ شەكىل نەزىريىسى ئاساس قىلىنغان تېمىلىرىنى دائىم كۆرۈپ تۇراتتىم، ھەم بۇ تېمىغا كەسپى جەھەتتىكى سەۋىيەم تۆۋەن بولسىمۇ ئۆزەمنىڭ بىلگىنى بويىچە كۆز-قاراشلىرىمنى ئىنكاس شەكلىدە ئىپادىلەپ كەلگەن ئىدىم، شۇ يوسۇندا قاسىم سىدىق ئەپەندىم يوللىغان بىر تەجرىبە سىن فىلىمىنى http://player.youku.com/player.php/sid/XNDAzNzkwNTI=/v.swf كۆرگەندىن كېيىن ۋە شۇ توغرىدىكى مۇنازىرىلەرگە ئاساسەن، ئائىلەمدىكى بار شارائىت بىلەن مەنمۇ بىر تەجرىبە قىلىپ كۆرمەيمەنمۇ؟ دېگەن خىيال بىلەن تەجرىبىنى ئۆتكۈزۈپ باقتىم. بۇنى ئەسلى ‹‹29-تېئورېما ۋەئۇقۇشماسلىق ›› دېگەن تېمىغا ئىنكاس شەكلىدە يوللىماقچى ئىدىم، لېكىن فىلىمنى تورغا چىقىرىپ بولغىچە تېما تاقىلىپ قالغان بولغاچقا ئۈلگۈرمەي قېلىپ، ئايرىم تېما قىلىپ يوللاشقا مەجبۇر بولۇپ قالدىم، كۆپچىلىكنىڭ توغرا چۈشىنىشىنى ئۈمىد قىلىمەن.
قاسىم سىدىق:ئۈچ ئەسىردىن ھالقىغان خاتا قاراش
https://uyghur-archive.com/misranim/thread-107141-1-1.html
29-تىئورما ۋەئۇقۇشماسلىق
https://uyghur-archive.com/misranim/thread-108276-1-1.html
مەن ئۆيۈمدە بار بولغان بىر دانە چاقنى ئارغامچا بىلەن ئېسىپ ئۇنى پىرقىراتقاندىن كېيىن ئازراق ئۈستۈنگە كۆتۇرۇپ قويىۋىدىم چاق ئۆز ئوقىدا ئايلىنىش بىلەن بىرگە چاق ئارغامچىنى مەركەز قىلغان ھالدا چۆرگىلەشكە باشلىدى.( بۇ خىل تەجرىبىنى مۇنبىرىمىزدىكى ئابلىمىت ئەپەندىممۇ ئىشلىگەن بولۇپ ، مەن ئابلىمىت ئەپەندىمنىڭ كۆرسەتمىسى بويىچە شۇ خىل تەجىربىنى ئىشلەپ كۆرگەن، ئوخشىمايدىغان يېرى ئابلىمىت ئەپەندىمنىڭ ئىشلىگىنى سائەت ماياتنىكى شەكلىدە بولۇپ، بۇ خىل تەجرىبىدە ئېغىش كۆرۈنگىنىنى ئۆزىمىز ھېس قىلساقمۇ، ئەمما سىنغا ئېلىپ كىشىگە كۆرسەتكەندە كىشىنى قايىل قىلش تەسكە توختايتتى. شۇڭا بۇ خىل تەجرىبىنى ئىشلەپ كۆردۇق ئەمما كىشىگە كۆرسىتەلمىدۇق.) مەن ئەسلى دەسلەپتە چاقنى چۆرىگەندە ئاستىدىكى رېسىمدىكىدەك ئېغىشتا بولارمىكىن دەپ ئويلىغان ئىدىم، ئەمما نەتىجە ئۇنداق بولماي قالدى.
چاق مەن پەرەز قىلغاننىڭ ئەكسىچە كەينى تەرەپكە ئېغىپ كەتتى. (ئاستىدىكى رېسىمدىكىدەك) كېيىن ئويلىسام بۇ ئېغىشنى خاتا دېيەلمەيدىكەنمەن . نىمىگە ئاساسلىنىپ ئۇنى خاتا دېگۈدەكمەن. چۈنكى بىرىنجىدىن بۇ چاق باغلاقلىق، ئەركىن ئېغىش ئىمكانىيىتىگە ئىگە ئەمەس. ئىككىنجىدىن ئۇنىڭ ئېغىش يونىلىشى قايسى تەرەپكە بولسۇن ئوڭ تاناسىپ ئىكەن
ئەگەر ئۇنى پاراللېل ھالەتتە دەپ پەرەز قىلساق، نەتىجىدە ئاستىدىكى رېسىمدىكىدەك نەتىجىگە ئېرىشىدىكەنمىز
مەن ئايلىنىپ ئېغىۋاتقان چاقنى قولۇم بىلەن قارشى يۆلىنىشكە ئىتتىرگەن ئىدىم، چاق شۇ ھامان تۆۋەنگە چۈشۈپ كەتتى. خېلى كۈچەپ باققان بولساممۇ چاق مىنىڭ كۈچىشىمگە بوي سۇنمىدى. مەن ئېلىنغان سىن كۆرۈنىشىنى كۆرسەم خۇددى بۇ خىل چۈشۈپ كىتىشنى مەن قەستەن قىلغاندەك كۆرۈنۇپ كەتتى. شۇنىڭ بىلەن قايتا ئىشلەپ بىر تاياق بىلەن ئىتتىرىپ باقسام نەتىجە يەنىلا ئوخشاش چىقتى. سىن نۇسخىسى شۇنداق قىلىپ ئىككى پارچە چىقىپ قېلىپ ئۇنى كىرىشتۇرۇپ بىر پارچە فىلىم قىلىشقا توغرا كەلدى .
مەن ئويلاپ قالدىم، ئەگەر ھاۋانىڭ تەسىرى بىلەن ئاغىدۇ دېسەك بۇنچىۋالا قارشىلىق كۈچ نەدىن كەلدى؟ ھېچ بولمىغاندا تۇتۇپ تۇرۇشقا ياكى قارشى تەرەپكە ئىتتىرگەندە بىرقەدەر يىنىك بولغان قارشىلىق كۇچكە ئۇچرىغان بولسام بولاتتى. مەن ئىلگىرى بۇ خىل تەجېربىنىڭ ۋاكۇئۇمدا ئاغماسلىقى، ئاغقان ھالەتتىمۇ مۇساپىنىڭ خېلى ئۇزۇن بولىشىنى تەلەپ قىلىشى مۇمكىن دەپ ئويلىغان. ئەمما ئۇچرىغان قارشىلىق كۈچ پەرىزىمدىكىدىن كۆپ كۈچلىك ھالدا تۆۋەنگە قاراپ شۇڭغىدى. شۇنىڭغا قارىغاندا بۇخىل تەجرىبەۋاكۇئۇمدا ئېغىشتا گەپ يوق ئىكەن.
ئەگەر ۋاقىت- شارائىت يار بەرگەن بولسا، بۇ تەجرىبىنى چاقنى ئايلاندۇرۇپ ئۈستۈندىن تۆۋەنگە سىيرىلدۇرۇپ چۈشۈرۈش ئارقىلىق چاق ئۆز ئوقىدا ئايلىنىدىغان ۋە ئېغىش يۆنىلىشى بويىچە ئېسىلغان ئاغامچىنى ئايلىنىپ رېسىمدىكىدەك ئۈنۈمگە ئېرىشىشكە بولامدۇ يوق؟ سىناپ باقساق بولاتتى، ھازىرچە مەن مۇشۇنچىلىك قىلالىدىم.
2013-يىل7-ئاينىڭ 18-كۈنى.
ئۇيغۇن.