گۈلەن: «نۇرخان» ساڭا ئەلۋىدا

gulen

	"نۇرخان" ساڭا ئەلۋىدا ئابدۇۋەلى ئايۇپ شىرىن ئۇيقۇدا ياتسام تېلىفوننىڭ ئاۋازى بىزار قىلدى. بۇنچە سەھەردا ئۇخلىماي، ئۇخلاتماي مېنى ئىزدىگەن كىمدۇ، دەپ ئويلاپ تېلىفوننى ئالدىم. -ئەسسالامۇ ئەلەيكۇم -ۋەئەلەيكۇم ئەسسالام. سىلى گۈلەن ئەپەندىمۇ؟ -شۇنداق، قانداق ئەھۋالىڭىز؟ قېنى خىزمەتتە بولاي، قۇلۇغۇم سىزدە. -قىزىمنى سىزنىڭ تەربىيەلەش مەكتىۋىگە بەرگەنىدىم، سىزنى دەرس ئۆتىدۇ دېگەنىدى. بىر مەۋسۈم ئۆتۈپ كەتتى قىزىم سىزنى كۆرۈپمۇ باقماپتۇ. مۇشۇنداق قىلىق سىزگە يارىشامدۇ؟ -بەلكىم سىز خاتا چۈشىنىپ قاپسىز، ياكى بىر ئۇقۇشماسلىق بولۇپتۇ. مەن ئۆزەم ئۆتىمەن دەپ ۋەدە قىلغان دەرسنى ئۆزەم ئۆتىمەن. مەكتەپتە مەن دەرسى ھەم ئوقۇغۇچىسى ئەڭ كۆپ ئوقۇتقۇچى. بىز ئايدا بىر ئوقۇغۇچىلاردىن ئىمتىھان ئالىمىز، سەرخىللارنى مۇكاپاتلايمىز، مەۋسۈمدە ئىككى قېتىم دالا پائالىيىتىگە ئېلىپ چىقىمىز. بىزنىڭ مەكتەپتە مېنى كۆرۈپ باقمىغان ئوقۇغۇچى يوق. -شرائىتىڭلارمۇ ياخشى ئەمەسكەن، ئالدى بازار، ۋاراڭ چۇرۇڭ! بۇ گەپتىن كېيىن چۈشەندىم. ئەسلى بۇ كىشى قىزىنى قەشقەر شەھەر گۈزەرگە جايلاشقان نۇرخان مائارىپ تەربىيىلەش مەركىزىگە بەرگەنىكەن. -مەن ھازىر مالىيە سودا مەكتەپتە دەرس ئۆتىۋاتىمەن. بىز 3-ئاينىڭ 19- كۈنىدىن باشلاپ پەن تېخنىكا سارىيىدىن ھازىرقى مالىيە سودا مەكتەپنىڭ ئىچىگە كۆچتۇق. ھازىر مەن نۇرخان دېگەن ئىسىمنى تونىمايمەن. -ئۇنداقتا نېمىشقا دەپ قويمايسىز؟ نېمىشقا سىزنى دەرس ئۆتەمدۇ، دەپ سورىساق ئۇلار "ھەئە" دەيدۇ؟ -دەپ بولغىلى بولمىدى. كەچۈرۈڭ. 180-0998-8148 گە تېلىفون قىلسىڭىز تىزىملاپ قويسۇن. ياكى قەشقەر مالىيە سودا مەكتەپكە بېرىڭ. يېقىندىن بېرى مۇشۇنداق تېلىفونلارنى كۆپ ئالىدىغان بولدۇم. بىرسىدىن تېلىفون كېلىدۇ، بالامنى نۇرخانغا تىزىملىتىپ ئوقۇتمايمەن دېسەم پۇلۇمنى قايتتۇرمىدى دەپ، يەنە بىرسى كېلىدۇ، نۇرخاندا ئوقۇتقۇچى ئېلاندىكىسىگە ئوخشىمايدىكەن دەپ....يېقىندا قورقۇنچلۇق بىر تېلىفونمۇ كەلگەن بولدى. "سىز تۈركىيەدىكى بىدئەت يول تۇتقان، ئازغۇن ئىتىقادتىكى نۇرچىلارنىڭ مۇرىدى ئىكەنسىز. شۇ سەۋەبتىن نۇرچىلارنىڭ كاتتابېشى فەتھۇللاھ گۈلەن دېگەن كىشىنىڭ فامىلىسىنى قوللۇنۇپسىز. مەكتىپىڭىزگىمۇ نۇرچىلارغا ماس كەلتۈرۈپ نۇرخان دەپ ئىسىم قويۇپسىز. بۇنداق بىدئەت يولدىن يېنىڭ. ئۇلۇق ئاللاھتىن مەغپىرەت تىلەپ تۆۋە قىلىڭ..." بۇ گەپلەرنى ئاڭلاپ چۆچۈپ كەتتىم. مەن پەقەت ئەينى چاغدا قەشقەر پەن تېخنىكا شىركىتىدىكى شۇنداق بىر مەكتەپ بىلەن ھەمكارلاشقان. ھازىر بۇ ئىش يوق. بۇ ئىسىم مەن كەلسەم بار ئىكەن. بۇنىڭ نۇرچىلار بىلەن مۇناسىۋىتى يوق. مېنىڭمۇ نۇرچىلار بىلەن مۇرتلىق مۇناسىۋىتىم يوق. مەن پەقەت ئاللاھنىڭ بەنىدى، پەيغەمبېرىمىزنىڭ ئۈممىتىدۇرمەن. ھازىر ئۆزگەردى! تېلىفوندىن تارتىپ ھەممىسى ئۆزگەردى (18009988148). شۇڭا دەيمەن ئەلۋىدا نۇرخان، ئەلۋىدا خاتا چۈشەنچە، خاتا مەلۇمات ۋە خاتا ئەيىپلەشلەر. ئەلۋىدا نۇرخان، مەرھابا مىڭ يىللىق ئەڭگۈشتەر قۇتادغۇ بىلىك.

مارشال

	ئەسسالامۇ ئەلەيكۇم گۈلەن ئاكا،ياخشى تۇرۋىتامسىز؟ئۇزۇن بوپتۇ كۆرۈشمىگىلى. ‹‹قۇتاد غۇبىلىگ››دېگەن ئىسىم مەكتىپىڭىزگە ھەقىقەتەن ماس كېپتۇ.ئەينى ۋاقىتتا ئوخشاش ئىسىم قۇيۇپ كىشىلەر ئوتتۇرسىدا بەزى ئۇقۇشماسلقلار كېلىپ چىقىپتۇ.مەن 2-ئايدا تەربىيلەش مەركىزىگە بارغان چاغدا سەبىي،كىچىك بالىلارنىڭ قىزغىن ئۆگىنىش روھى،ئوقۇغۇچى بىلەن ئوقۇتقۇچىلارنىڭ شۇنداق يېقىن مۇناسىۋەتتە ئۆتكەننى كۆرۈپ كۆڭلۈم تولىمۇ سۆيۈنگەن ئىدى. كىچىك بالىلارنىڭ ئۆگىندىغان سىنىپتا بىر قېتىم دىققەت قىلىپ تۇردۇم.سىزنىڭ قول ئاستىڭىزدا ئىشلەيدىغان بىر ئوقۇتقۇچى ئايال تەربىيلەش مەركىزىدىكى كىچىك بالىلارنى چۈشلۈك تاماق يېگۈزۈش ئۈچۈن ئېۋرىقتا بالىلارنىڭ قولىغا سۇ قۇيۇپ بېرىۋىتاتتى.يەنە بىر ئوقۇتقۇچى پولۇنى كىچىك تەخسىلەرگە ئۇسۇپ ئۈستەل يۈزىگە قويماقتا ئىدى.شۇ چاغدا بىر بالا كەپسىزلىك قىلىپ نۆۋىتى كەلمەي تۇرۇپلا تاماققا ئالدىراپ رەتنى بۇزدى.شۇ چاغدا بالىلارنىڭ قولىغا سۇ قۇيۇۋاتقان ئوقۇتقۇچى ئۇ بالىنىڭ رەت بويىنچە ئىش قىلمىغانلىقىنى ھەمدە ئالدىراپ سەپنى بۇزغانلىقى ئۈچۈن ئەڭ ئاخىردا قولىنى يۇيۇش جازاسى بەردى.مېنىڭ شۇ ۋاقىتتا سىزنىڭ تەربىيلەش مەركىزىڭىزدىكى ئوقۇتقۇچىلارنىڭ بالىلارنى ئۆز باللىرىدەك كۆردىغانلىقىنى،ياخشى ئادەت،ئەدەپ-قائىدىنى دەرس مۇنبىرىدىلا ئەمەس،چۈشلۈك تاماق يېيىش ۋە دەم ئېلىشتىمۇ ئۆگىتىدىغانلىقىنى ھېس قىلىپ يەتكەن ئىدىم. ئەنسەر مۇئەللىم تالادا پالىيەت قىلايلى دەپ تۇرىشى بىلەن بالىلار ئىشىكنىڭ تېز ئېچىلىشىنى ھەمدە مۇئەللىمنىڭ ئەتراپىغا پەرۋانىدەك ئولىشۋىلىپ خوشال-خورام ۋارقىرىشىپ چىقىپ كەتتى.مەن ئۆز كۆزۈم بىلەن كۆرگەن ئىشلارنى دېگۈم كېپ قالدى.چۈنكى،يېشى بەش ياشقا بارمىغان بالىلارنىڭ ئەركىن-ئازادە ئۆگىنىش مۇھىتىدا ساغلام ئۆسۈپ يېتىلىش كىشىنى خوشال قىلدىغان ئىش ئىدى. ئەنسەر مۇئەللىم بىلەن قەشقەردىكى بازارلارنى بىللە ئايلاندۇق.ماڭدامدا بىر كىچىك بالىلار دادىسى ياكى ئانىسى بىلەن بىللە كېتىپ باراتتى.بالىلار ئەنسەر مۇئەللىمنى كۆرسىتىپ تۇرۇپ مېنىڭ ئوقۇتقۇچۇم دەپ ئالدىغا يۈگۈرۈپ كېلەتتى.سەبىي بالىلارنىڭ يۈرىكى بىر نەرسىنى سېزىپ تۇردىكەن.بىلىم بەرگەن كىشىنى كىچىگىدىن باشلاپ ھۆرمەتلەشنى بىلدىكەن.مۇھىمى،شۇنداق بالىلارنى تەربىيلەش ئىشىدا  سىزدەك ئۆز ئالدىغا خۇسۇسىي مەكتەپ ئاچقان ھەمدە بالىلارنى ياخشى يېتەكلەش ھەممىدىن مۇھىم ئىكەن.ئىشلىرىڭىزغا ئۇتۇق تىلەيمەن. ‹‹قۇتاد غۇبىلىگ››تەربىيلەش مەركىزىنىڭ ئەزىزانە قەشقەردە مەڭگۈ قەد كۆتۈرۈپ تۇرىشىنى ھەمدە ئىلىم ئاشنالىرىغا روھىي-ئۇزۇق بولۇپ ئاقارتىش خىزمىتىدىكى يۇرۇق ماياك بوپ  نۇر چېچىپ ئۇيغۇر دانكۇسى بوپ مېڭىشىغا تىلەكداشمەن. ئۇلۇغ ئاللاھ نېسىپ قىلسا قىشتا ۋاقىت ۋە پۇرسەت چىقىپ قالسا تەربىيلەش مەركىزىڭىزدە چوقۇم تەربىيلەنگەنگىلى بارىمەن.

qaraxani

	دەل جايىدا ھەم ۋاقتىدا بېرىلگەن ئىنكاس ۋە خىتاپ ئىكەن گۈلەن ئىشلىرىڭىز ئوڭۇشلۇق بولسۇن...

fathullah

	فەتھۇللا گۈلەننى گۈلەن ئەپەندىگە باغلاپ چۈشەنگەنگە قارىغاندا مېنى تېخىمۇ باغلاپ چۈشىنىۋالماس ھە؟مەن نۇرچىلاردىن ئۇ فەتھۇللا گۈلەن دىگەن كىشى توغرىلىق بىلگىلى ئۇ كىشىنىڭ ئىسمىنى ئاڭلىغىلى ئەمدى تېخى ئۈچ كۈن بولدى.بۇ ئىككىنچى قېتىملىقى. بىراق مەن ئاللاھ خالىسا نىكاھلىنىپ ئاللاھ ئوغۇل پەرزەنت نىسىپ قىلسا تۇنجى ئوغلۇمنىڭ ئىسمىنى فەتھۇللاھ قويىمەن دەپ نىشانلىغىلى تۆت يىلچە بوپقالدى.ئۇ ئادەم ۋە نۇرچىلار بىلەن ئالاقىسى يوق.توغرا چۈشىنەرسىلەر مۇنبەرداشلار.

fathullah

	ياخشى ئەسكەرتىش بوپتۇ.بىراق نۇرخان دىكىلەرنىڭ قېلمىشى بەكلا نۇمۇسسىزلىق بوپتىغۇ؟

abdul915

	بەزىدە كىشىلىرىمىزنى «ساددا » ياكى «ئاخماق« دەپ سۈپەتلەشنى بىلمەي قالىمەن،  يا ئەقلىنى تاپمايدىغان ھاكىمىيەتنىڭ خاسىيىتىدە شۇنداق بولۇپ كەتتۇقمۇ؟

sewdaye1

	نۇرخان تەربىيلەش مەركىزى ئەسلى سىزنىڭ ئاچقان مەكتەپ ئەمەس بەلكى سىز ھەمكارلاشقان، سىز ئوقۇتقۇچىلىق قىلىپ بىرىدىغان مەكتەپكەن دەيلى،   ھازىرقى قۇتادغۇبىلىك چۇ؟　بۇ سىز ئۆزىڭىز ئىگە بولۇپ ئاچقان مەكتەپمۇ ياكى باشقىلار بىلەن ھەمكارلىشىپ ياكى باشقىلار ئاچقان مەكتەپتە دەرىس سۆلەپ بىرىۋاتامسىز؟  ئەگەر ۋاقتىڭىز بولسا ئېنىق چۈشەنچە بەرسىڭىز..... رەھمەت

sewdaye1

	نۇرخان تەربىيلەش مەركىزى ئەسلى سىزنىڭ ئاچقان مەكتەپ ئەمەس بەلكى سىز ھەمكارلاشقان، سىز ئوقۇتقۇچىلىق قىلىپ بىرىدىغان مەكتەپكەن دەيلى،   ھازىرقى قۇتادغۇبىلىك چۇ؟　بۇ سىز ئۆزىڭىز ئىگە بولۇپ ئاچقان مەكتەپمۇ ياكى باشقىلار بىلەن ھەمكارلىشىپ ياكى باشقىلار ئاچقان مەكتەپتە دەرىس سۆلەپ بىرىۋاتامسىز؟  ئەگەر ۋاقتىڭىز بولسا ئېنىق چۈشەنچە بەرسىڭىز..... رەھمەت

ghalibjan

	رەخمەت ... سىزگە خېلى ھۆرمىتىم بار ، يېزىپلا قالماي ئەملىيىتىدە قىلغان سىزدەك زىيالىدىن پەرخىرلىنىمەن ، سىزنىڭ ھايات مۇساپىڭىز ئاللاھ خالىسا مىنىڭمۇ بوپ قالدۇ كەلگۈسىدە  ئاللاھ خالىسا ...      تۈركىيەلىك گۈلەن توغرلۇق مەن ئارزراقمۇ بىلمەيدىكەنمەن ... ئەمما مەنمۇ نۇرخاننى سىزنىڭ ئىگلىكىڭىز دەپ  ئويلاپ كەپتىمەنكە ... بۇ چۈشەندۈرۈشلىرىڭىز ناھايتىمۇ ۋاقىتىدا ئورۇنلۇق بوپتۇ ....

ghalibjan

	رەخمەت ... سىزگە خېلى ھۆرمىتىم بار ، يېزىپلا قالماي ئەملىيىتىدە قىلغان سىزدەك زىيالىدىن پەرخىرلىنىمەن ، سىزنىڭ ھايات مۇساپىڭىز ئاللاھ خالىسا مىنىڭمۇ بوپ قالدۇ كەلگۈسىدە  ئاللاھ خالىسا ...      تۈركىيەلىك گۈلەن توغرلۇق مەن ئارزراقمۇ بىلمەيدىكەنمەن ... ئەمما مەنمۇ نۇرخاننى سىزنىڭ ئىگلىكىڭىز دەپ  ئويلاپ كەپتىمەنكە ... بۇ چۈشەندۈرۈشلىرىڭىز ناھايتىمۇ ۋاقىتىدا ئورۇنلۇق بوپتۇ ....