مىللىتىم ھەققىدە پاراڭ

sirdax998

	ئەسسالامۇ ئەلەيكۇم مىسرانىمنىڭ ئەزىز ئىشتىراكچىللىرى.بۈگۈن ئۇيغۇر مائارىپى توغۇرلۇق سىلەر بىلەن ئورتاقلىشىش مەقسىتىدە،بۇ تىمىنى يوللىدىم. مەلۇم بىر باشلانغۇچ مەكتەپنىڭ ئوقۇغۇچىسى ئوقۇتقۇچىسىدىن:«دۇنيادا تۇنجى دەرەخنى كىم تىككەن؟»دەپ سۇئال سورىغان.ئوقۇتقۇچى بۇنى دەرىسكە مۇناسىۋەتسىز سۇئال دەپ قاراپ ئۇنىڭغا لايىغىدا جاۋاب بېرىشنىڭ ئورنىغا باشقا باللارنىڭ ئوتتۇرسىدىلا تەنبىھ بەرگەن.شۇنىڭدىن باشلاپ بۇ ئوقۇغۇچى ئوقۇتقۇچىلاردىن قايتا سۇئال سوراشقا جۈرئەت قىلالمايدىغان بولۇپ قالغان. مەلۇم ئوتتۇرا مەكتەپ ئوقۇغۇچىسى ئوقۇتقۇچىسىدىن:«توخۇ بۇرۇن پەيدا بولغانمۇ،تۇخۇممۇ؟» دەپ سورىغاندا ئوقۇتقۇچى بۇنىڭغا ئىلمى يوسۇندا تېگىشلىك جاۋاب بېرىشىنىڭ ئورنىغا:«بۇنى بېرىپ ئۆيۈڭدىكى خورازدىن سورا!» دىگەن ھەم دەرىستىن چۈشكەندىن كىيىن ئۇ ئوقۇغۇچىنى قاتتىق تەنقىتلەپ،ئوقۇغۇچىلار ئالدىدا ئۆزىدىن«مۇناسىۋەتسىز سۇئالنى سوراپ»ئوڭايسىز ئەھۋالدا قويغانلىقىنىڭ ئۆچىنى ئالغان.نەتىجىدە بۇ ئوقۇغۇچىنىڭ ئوقۇشتىن كۆڭلى سوۋۇپ مەكتەپتىن چېكىنىپ كەتكەن. ئەمەليەتتە بىز ئاشۇنداق خاس تەپەككۇر ئادىتىنى يېتىلدۈرۈپ ئۈزلۈكسىز سوئال قويۇپ ئۇنىڭغا جاۋاپ تېپىش يولىدا ئىزدىنىۋاتقان باللارغا مەدەت بېرشىمىز لازىم ئىدى.ئەكىسچە كىتابى بىلىملەرنى قارىغۇلارچە يادلاپ ئىمتىھاندا 100 نۇمۇر ئالغان ئوقۇغۇچىلارنى «ئەلاچى» دەپ ماختىدۇق.بۇ بىزدىكى ئەقىل پاراسەت ئىسراپچىلىقدىن باشقا نەرسە ئەمەس.بۇ مەنىدىن بىزنىڭ مائارىپىمىز ھازىرمۇ ھەقىىقى تۈردە ئۆز ئىپادىسىنى تاپالىغىنى يوق. دۇنيا ئۆزگەرمەكتە،جەمئىيەت ئۈزلۈكسىز تەرەققى قىلماقتا.يەر شارى ئىقتىسادى رىقابىتىدە بىلىمنىڭ رولى بارغانسىرى مۇھىم ئورۇنغا ئۆتمەكتە.بۇ ھال مائارىپىمىزغا يېڭىدىن تەلەپلەرنى قويۋاتىدۇ.بۇ جەھەتتە ئەمدىلەتىن ساپا مائارىپىغا ئېنىقلىما بېرىپ بولغىچە،غەرىب ئەللىرى تېخىمۇ ئىلغار بولغان ئەركىن مائارىپقا يۈزلىنىۋاتىدۇ. بىزنىڭ بۇ مائارىپىمىزنىڭ مەقسىتى بالىلارنى كىچىكىدىن باشلاپلا ھەيدەكچىلىك قىلىش ئەمەس،بەلكى ئۆز ئالدىغا ئەركىن ياشاشقا،ئىزدىنىشكە،ئىجاد قىلىشقا ئادەتلەندۈرسەك. مېنىڭ ئويلىغانلىرىم مۇشۇ،ئەمدى دوسلارنىڭ ئويلىغىنى بولسا ئورتاقلاشساق؟ مەنبە ئۆزۈم.

baywatqa881

	مەن خىزمىتىمنى تاشلىمىغان ۋاقىتتا  2006-يىلى يەنى تۇنجى خىزمەت چۈشكەن يىلى شۇنداقلا بىرە ئايچە بولغان ۋاقىت ئىدى. باشلانغۇچ مەكتەپنىڭ 4- يىللىقىغا زىممەمگە يۈكلەنگەن قوشۇمچە دەرس ئەمگەك دەرس ئۆتتۈم. بۇ دەرس كۆمۈر توغرىسىدا ئىدى شۇ ئارلىقتا دەرسنى ئۆتۈپ بولۇپ سورايدىغان سوئال بارمۇ دەپ سورىسام بىر ئوقۇغۇچى قولىنى كۆتۈرۈپ مۇئەللىم كۆمۈرنى ئائىلىگە ئىشلىتىدىكەنمىز لېكىن دەرستە چىققان يەنە بىر ئىسلانغان كۆمۈر(ئەسلى بىز تۇرمۇشتا ئاتاپ كۆنۈپ قالغان جۇتەن شۇكەن جۇتەن دەپ سورىغان بولسا جاۋاپ بېرىتىم) دېگەن قانداق كۆمۈر دەپ سورىۋىدى شۇئان مەن جاۋاپ بېرەلمىدىم ھەم تېزلىكتە مەنمۇ چاندۇرماي ئوقۇغۇچىنىڭ رايىنى ياندۇرمايلا مۇشۇنىمۇ بىلمىدىڭمۇ بۇنىڭغا مەن جاۋاپ بېرىپ يۈرمەي؟ ماڭ بۇ ساڭا تاپشۇرۇق كېيىنكى سائەتتە سەندىن مۇشۇ سوئالنى سورايمەن دەپلا دەرستىن چىكىتىپ تېزلا ئىشخانىغا كىرىپ باشقا ئوقۇتقۇچىلاردىن سورىسام ناۋايلار ئىشلىتىدىغان كۆمۈر شۇ ئىكەن. كېيىنكى سائەتتە كىرىپ دەرسنى باشلىماي سورىسام ئۇ ئوقۇغۇچى بىلەلمەپتۇ شۇنىڭ بىلەن مەن شۇنداق قىزىقارلىق قىلىپ چۈشەندۈرۈپ قويۇپ دەرسنى باشلىغان ئىدىم ئوقۇغۇچىمۇ ئۆز كۆڭلىدە شۇنداق خۇشال بولدى. بۇنداق قىلىشىمدىكى مەقسەت مەن پىداگوگىكا مەكتەپتە ئوقۇۋاتقاندا مۇئەللىم شۇنداق بىر گەپنى دېگەن: ئوقۇغۇچىنىڭ نەزىرىدە بىز ھەممە نەرسىنى بىلگۈچى ھېساپلىنىمىز. شۇنىڭ ئۈچۈن ئوقۇغۇچىنىڭ خىيالىغا دەرسكە مۇناسىۋەتسىز بولسۇن بولمىسۇن نۇرغۇن سوئاللار پەيدا بولىدۇ بۇ چاغدا سىزدىن سوئال سوراپ قالسا سىز جاۋاپ بېرەلمەي قالسىڭىز ئوقۇغۇچىنى تىللاپ كەتمەي چاندۇرماي شۇ ئوقۇغۇچىغا شۇ سوئالنىڭ ئۆزىنى تاپشۇرۇق بېرىڭ. كېيىنكى سائەتكىچە سىزمۇ تەييارلىق قىلىۋالىسىز ئوقۇغۇچىمۇ تەييارلىق قىلىۋالىدۇ بۇ چاغدا ئوقۇتقۇچى-ئوقۇغۇچى ئوتتۇرسىدا چۈشۈنۈش ھاسىل بولىدۇ دېگەن ئىدى خىزمەتكە چىقىپلا بۇ ئىشقا مەن دۇچار بولدۇم يەنە بىرسى مائارىپىمىزنىڭ چىكىنىپ كېتىشىدىكى سەۋەپ: مائارىپ – ئىشسىزلىقنى تۈگىتىدىغان مۇھىم ئورۇن بۇلۇپ قالدى. مائارىپتىن ئىبارەت ئادىمى كەمچىل، ئىقتىسادى ئاجىز، نامرات كەسىپ- ئىشقا ئۇرۇنلىشالمىغانلارغا ئەۋزەل بولغان ئىشقا ئۇرۇنلىشىش پۇرسىتى يارىتىپ بەردى. پىداگوگىكا، پىسخولوگىيە، ئوقۇتۇش مىتودىكىسى ھەتتا ئاساسى پەن بىلىملىرىدىن ئازراقمۇ ساۋادى يوق ھەر ساھە، ھەر كەسىپتىكىلەر كۆپلەپ قۇبۇل قىلىنىپ، بىر تۈركۈم ساپاسىز ئوقۇتقۇچىلار قۇشۇنىنى بارلىققا كەلتۈردى.

Ogratmen

	مائارىپ ساھەسى بارا -بارا جانباقتىلارنىڭ سىپىغا ئايلىنىپ قىلىۋاتىدۇ. 90-يىللاردىن بۇرۇنقى ئوقۇتقۇچىلار قوشۇنىنىڭ بىلىم ئىقتىدارى چەكلىك بولغان بىلەن ئۆتكەن دەرىسلىرى ياخشى ئۆزلىشەتتى .ئەمما ھازىر دەل بۇنىڭ ئەكىسچە......باشلانغۇچنى پۇتتۇرگىچە ساۋادىمۇ چىقمايۋاتىدۇ.

sirdax998

	baywatqa881 يوللىغان ۋاقتى  2013-6-21 03:06 AM مەن خىزمىتىمنى تاشلىمىغان ۋاقىتتا  2006-يىلى يەنى تۇنجى  ... مېنىڭ بىر ئوقۇتقۇچۇممۇ شۇنداق دىگەنتى.لىكىن مائارىپ سىپىمىزدىكىلەر سىزدەك ئويلىمايدۇ دە.

sirdax998

	baywatqa881 يوللىغان ۋاقتى  2013-6-21 03:06 AM مەن خىزمىتىمنى تاشلىمىغان ۋاقىتتا  2006-يىلى يەنى تۇنجى  ... مېنىڭ بىر ئوقۇتقۇچۇممۇ شۇنداق دىگەنتى.لىكىن مائارىپ سىپىمىزدىكىلەر سىزدەك ئويلىمايدۇ دە.

0996800410

	قوشتىل مائارىپى بىلەن قوش ئۈنۈم ياراتتۇق ................

kirtak

	ئەمەليەتتە نۇرغۇن ئوقۇتقۇچىلار تەلىم -تەربىيە جەھەتتىكى مەغلۇبيەتنى بىر تەرەپلىمە ھالدا مائارىپ تۈزۇلمىسى ۋو ئۇقۇغۇچىلارغا ئارتىپ قۇيۇپ،قايچىنىڭ ئۆز قۇلىدا ئىكەنلىكىنى ئۇنتۇپ قالىدۇ.ئۇقۇتقۇچىلىق بىر ئادەمدىن كەڭ ۋە چوڭقۇر بىلىم بىلەن تەڭ تېخىمۇ مۇكەممەل بولغان روھىي كامىللىق ۋە ئىنساني ساغلاملىقنى تەلەپ قىلىدۇ.

ehrami

	مەكتەپتە ئوقۇۋاتقىلى 15 يىل بوپتۇ. مۇشۇ15 يىلدا ناخشا ئۆگەنگەن بولساممۇ خېلى داڭلىق ناخشىچى بولۇپ قالاتتىم. دۇكان ئاچساممۇ 15 يىلدا خېلى پۇل تاپقان بولاتتىم. ئەمما 15 يىل ئوقۇغان مەن ھازىر :« ئوقۇش پۈتسە خىزمەت دەپ نەدە سارغىرىپ يۈرەرمەن؟» نىڭ كويىغا چۈشكەن ئاددىي بىر ستۇدېنت، خالاس. ھەي...

ahsajan

	baywatqa881 يوللىغان ۋاقتى  2013-6-21 03:06 AM مەن خىزمىتىمنى تاشلىمىغان ۋاقىتتا  2006-يىلى يەنى تۇنجى  ... ئۇنى دىسە بىز ئوقىغان چاغلاردا  بىر كىتاپنى ئىككەيلەن تەڭ ئىشلىتەتتۇق ، كىتاپ ماتىريال قىس ئىدى ، ھازىرقىدەك بىكاغا بىرىدىغان ئىشقۇ ئەسلا يوق . دەرىسنىمۇ  بىر ئوقۇتقۇچى ماتىماتىكا ، ئەدەبىيات ، گۈزەل سەنئەت ،،،، ئىشقىلىپ ئۈچ تۆت دەرىسنى ئۆتەتتى . كۆپ كۈنلىرى چۈشتىن بۇرۇن ئارقا ئارقىدىن ماتىماتىكا ئۆتەتتى ، چۈنكى سەھەردە كاللىمىز سەگەك ۋاختىدا ماتىماتىكا بەك چۈشەرمىش .... ئولتۇردىغان پارتىلار لىڭشىپ ئاران تۇراتتى ، دوسكىمىزنى قازاننىڭ قارىسىنى قىرىپ ئەكىلىپ شۇنىڭدا بوياتتۇق ، ئانىمىز يېقىپ بەرگەن بىر تال ناننى ئېلىپ بېرىپ تۇربا سۈيى بىلەن يەپ قورساق توقلايىتتۇق ، تۇربا سۈيى ئۈچۈن ئادەم كۆپ بوغلاچقا بەزىدە ئۇرۇشاتتۇق ... مۇئەللىملىرىمىزنىڭ ئومىسىنى ئوراپ ، قونىقىنى سويۇپ ... ئائىلە ئىشلىرىنىمۇ قىلغۇزاتتى ، ياز كەلسە ئۆچكە ۋەزىپىسى ، كۈز كەلسە كىۋەز تىرىش ۋەزىپىسىنى ئورۇندايىتتۇق ... ھەي ئىشقىلىپ شۇنداق جاپادا ئوقۇيىتتۇق ، بىراق بىزدە تىرىشچانلىق ، جاپاغا چىداش روھى بار ئىدى . بىراق ھازىرقى ئوقۇغۇچىلار بەك تەييارتاپ ھورۇن بولۇپ قاپتۇ ، قاتتىق دىتال قۇرۇلۇشى ناھايىتى ياخشى  ئەمما نىمىشقىدۇر مەن بۇرۇنقى بىز ئوقىغان ۋاقىتتىكى مائارىپ بىلەن ھازىرقى مائارىپنى سېلىشتۇرۇپ قالدىم   ... ئوقۇتقۇچىلار بۇرۇن  نەچچە يۈز يۈەن ئۈچۈن ھەتتا تېرىلغۇ يېرىنىڭ ھاشىرىنى كۆترەش بەدىلىگە بالا ئوقۇتۇپ ، دەرىس بەرگەن بولسا ھازىر  مائاش ئۈچۈنلا دەرىس مۇنبرىگە چىقىدىغان بولۇپ قېلىۋاتىدۇ .