مەن قانداق قىلاي؟

bahadirhaqan

	مەن قانداق قىلاي؟   بۇ ئىشنى قەيەردىن باشلاشنىمۇ بىلمەيمەن،راس گەپنى قىلسام مۇشۇ ئىشتىن كۆڭلۈممۇ بەك يېرىم،بۈگۈن ئۆزۈم ئامراق بولغان مىسرانىم تورىدىكى(ئۈندىداردىكى چاكىنىلىق)،دىگەن ئەسەرنى كۆرگەندىن كىيىن ،خۇددى ئۆزۈم ياخشى كۆرگەن قىزبالا ئۈچۈنلا يېزىلغاندەك ھېس قىلدىم،بەلكىم دەردىمنى ئۇخلاپ چۈشۈمگە كىرىپمۇ باقمىغان ئاكا-ھەدىللىرىمگە دىسەم ئۇلار ياخشىراق ئامال كۆرسىتە ۋە ياكى كۆڭلۈمدىكى گەپلەرنى دەۋېلىپ ئىچىم بوشاپ قالا.... بۇ قىزنى قانداق ياخشى كۆرۈپ قالغانلىقىمنى ئۆزۈممۇ بىلمەيمەن،بەلكىم ئۇ مىنى ياخشى كۆرىمەن دىگەندىن كىيىن ياخشى كۆرۈپ قالغاندىمەن ۋەياكى بۇرۇنلا ياخشى كۆرۈپ قالغان بولغۇيتۇم،ئۇنىڭ بىلەن يېڭلا تونۇشقاندا ئۇنىڭ سىزنى ياخشى كۆرۈپ قالدىم دىگەن سۆزىگە پەقەت 《 ھە》، دىيىش بىلەنلا جاۋاپ قايتۇراتتىم،مەيلى ئۇ مىنىڭ دەرىسلەردە ياخشىلىقىم،چىقىشقاقلىقىم تۈپەيلى ياخشى كۆرۈپ قالسۇن ۋەياكى بىرەر مەنپەئەتنى دەپ ياخشى كۆرۈپ قالغان بولسۇن ئەمدىلىكتە مەن ئۇنى ھەقىقەتەن ياخشى كۆرۈپ قالغان ئىدىم،قايسىبىر پەيلاسوپنىڭ《ئاياللار ئوقۇپ تۈگەتكىلى ھەم چۈشۈنۈپ بولغىلى بولمايدىغان بىر كىتاپ》 دىگەن سۆزنى ئەمدى چۈشەنگەندەك قىلىۋاتاتتىم،چۈنكى ئۇنى چۈشەنگىلى بولمايتى،ئۇنىڭ ئاقكۆڭۈل، تۈز مىجەزى ماڭا بولغان مۇئامىلىسى مىنى ياخشى كۆرىدىغانلىقىنى ئىسپاتلىسا، ئۇنىڭ يۇرۇش تۇرۇشى باشقا ئوغۇللارغا سۈيىنى چىقىرىپ ئەركىلىشى،يەنە بەزى لاۋزا ساۋاقداشلىرىمنىڭ ئۇنىڭ قولىنى تۇتۇۋېلىش ئۈچۈن قىلغان ھەركەتلىرى مىنى باشقىچە قىپ قويۇۋاتاتتى،تۇرۇپ ئۇ مىنى ياخشى كۆرىدۇ،ئىكىمىزنىڭ كەلگۈسىنى ئويلايدۇ دەپ ئويلىسام،تۇرۇپلار ئۇنىڭدا  تۈزۈككىنە ھايا بولمىسا،يەنە كىلىپ بۇنداق قىزلار قانداقمۇ مەندەك جىمغور باللىلارنى ياخشى كۆرۈپ قالىدۇ،ئۇ بەلكىم ماڭا كىچىككىنە قىزىقىپ قالغاندۇ ،بەلكىم مىنىمۇ باشقا ئوغۇللارنى تاشلىۋەتكەندەك تاشلىۋىتە دەپ ئويلاپ پەرىشان بولاتتىم.... بۇرۇن دەل كۆزگە ئىلمايدىغىنىم مۇشۇنداق قىزلار ئىدى،ئۇلار دەرس ۋاقتىللىرىدا كىيۇ-كىيۇ ۋە ئۈندىداربىلەن ئاۋارە،كەچلىرى بۈگۈن چۈشكەن رەسىملىرىنى دوستلار چەمبىرىكىگە چىقىرىشى ۋە كۈندە باش سۈرەت ئالماشتۇرۇش بىلەن ئاۋارە ئىدى،ئۇمۇ ھەم شۇنداق،ئۇلارنىڭ مەكتەپكە نىمە ئۈچۈن كىلىپ، نىمە ئۈچۈن كىتىپ بارغانلىقى ماڭا نامەلۇم،ھەم بۇ توغرىسىدا ئويلۇشىپمۇ باقماپتىمەن،چۈنكى ھازىر بۇ ئاساسى مەسىلە ئەمەس. ھازىرقى ئاسالىق مەسىلە بولسا،ئۇنى ئۆزگەرتىش يەنى ھارام شاخلىرىنى چاتىۋىتىپ ئۇنىڭ ھەقىقى ياخشى تەملىك مىۋە بىرىدىغان دەرەخ قىلىپ ئۆستۈرۈش ئىدى، بۇنىڭ ئۈچۈن ئۇنى ئۆزگەرتىشىم كىرەك،ئۇنى كىيۇ-كىيۇ،ئۈندىدارلارنى ئويناشتىن توسۇشۇم ئۇنىڭغا ھايانى تونۇتۇشۇم،ھېلىقى 非主流چە كىيىنىپ،چىراينىپ پۈرۈشتۈرۈپ رەسىمگە چۈشىدىغان دوستلىرىدىن يىراقلاشتۇرۇشۇم كىرەك ئىدى،لېكىن ئىشنى زادىن نەدىن باشلايمەن،ئۇنىڭ ئەركىنلىكىنى ئاشۇنداق بوغسام ئۇ چوقۇم مەندىن زىرىكىشىى ھەتتا مەندىن ئايرىلىپ كېتىشى مۇمكىن،لىكىن ئۇ چاغدا مەن قانچىك ئازاپلىنىپ كىتەرمەن... چۈنكى ئۇنىڭ مىنى قانچىلىك ياخشى كۆرىدىغانلىقىنى ئېنىق بىلمەيمەن،مەن ئۈنىڭ ئۈچۈن پەقەت ۋىجدانىم ۋە ئېتقادىمغا خىلاپ بولمىسىلا ئۆزگۈرۈشكە تەييار ،لىكىن ئۇ قانداقتۇ،ئۇ قانداق ئوغۇللارنى ئۆزنىڭ مەڭگۈلۈك ھەمراھى قىلىپ تاللايدىغاندۇ.... ھازىر ھەممە نەرسە ماڭا قارشى،مەن ئۇنىڭغا ناھايىتى ئەستايىدىل،ئۇ بولسا بىپەرۋا،مەن ئېغىر مىجەز،ئۇ كىچىك باللارغىلا ئوخشايدۇ،مىنىڭ ئالاقە دائىرەم كىچىك، ئۇنىڭ ناھايتى چوڭ... خىياللىرىمنىڭ باش-ئايىغى يوق ئىدى،پۈتۈن بىركۈنۈم ئۇنى ئويلاش بىلەن ئاۋارە ئىدى،ھازىر دەرسلەرگە ئۇنداق ئەستايىدىل مۇئامىلە قىلمايدىغان ،باشقىلارنىڭ نىمە دىيىشى بىلەن كارىم بولمايدىغان ،ئۇنىڭ بىلەن پاراڭلىشىش ئۈچۈن ئۈندىداردىن چۈشمەي پۇرسەت كۈتىدىغان بوپ قېلىۋاتاتتىم،توۋا ئاللاھنىڭ ماڭا سالغان بۇ ئاشىق ئوتى ھەجەپ كۈچلۈك كەلدىغۇ،ئۆمرۈمدە بىرەر قىزنى بۇنداق ياخشى كۆرۈپ باقمىغان ئىدىمغۇ،بىلىمەن ،ياخشى كۆرمەيدىغان قىزنى ياخشى كۆرۈپ قالدىم... ھازىرقى ئاساسلىق مەسىلە: 1.ئۇقىزنى ئۆزگەرتكىلى بولامدۇ؟ 2.ئۇ مىنى ھەقىقى ياخشى كۆرەمدۇ يوق؟(ئۇنىڭ مىنى ھەقىقى ياخشى كۆرىدىغانلىقىنى قانداق بىلىمەن،قانداق سىنايمەن؟) 3. ئەگەر ئۇ مىنى ياخشى كۆرسە،ئۇنى قانداق قىپ مەندىن ئايرىلالماس قىلىپ ،دەرسلىرىمگە تەسىر يەتكۈزمىگەن ئەھۋالدا،ئۇنى قەدەممۇ قەدەم ئۆزگەرتەلەيمەن؟

sirdax998

	ئۇ قىز سىزنى ھەقىقىي ياخشى كۆرگەن بولسا،سىز ياخشى يولغا باشلىغاندىكىن چوقۇم سىز ئۈچۈنمۇ بولسا ئۆزگىرىدۇ.

owqi450

	ھەي ئاللاھ ئىگەم ئىشلىرىڭىزنى ئوڭۇشلۇق قىلغاي بەلكىم مۇنبەردىكى دوسلارنىڭ قۇلقىغا مۇھاببەت تېمىسدىكى ئەسەرلەر ياقماسلىقى مومكىن، لىكىن سىز بۇنداق ئىشلارنى يوق دىيەلمەيسىز، مانا مەنمۇ مۇھابىتىمنى چ چ، ئۈندىداردىن توسۇپ بولالماي ئايرىلىپ كەتكەن، ئايرىلىپ كەتكەن بىلەن كۈندە خىيالدىن باش كۆترەلمەيۋاتمەن چۈنكى مەنمۇ ئۇ قىزنى چىن دىلىمدىن ياخشى كۆرەتتىم، تېما ئىگىسى بۇرادەر سىزمۇ ئويلىشىپ ئىش كۆرۈڭ

ANSWER

	نىمانچە گۆدەك خىيال ھەم سەبى مۇھەببەت ھە !

kakkuk11

	owqi450 يوللىغان ۋاقتى  2013-5-9 12:15 AM ھەي ئاللاھ ئىگەم ئىشلىرىڭىزنى ئوڭۇشلۇق قىلغاي بەلكىم  ... چ چ بىلەن ئۈندىدارنى ھازىر7 ياشتىن 70 ياشقىچە ئىشلىتىدۇ، شۇ سەۋەب ئۈچۈنلا ئايرىلغان بولسىڭىز بەك گۈدەكلىك قىپسىز... مۇھەببەت ھەممننى ئۆزگەرتىدۇ. چ چ بىلەن ئۈندىدار ئىشلەتمەيدىغان قىزلارنى تېپىش تەسكە توختايدۇ، مەسىلە ئىشلەتسىمۇ قانداق ئىشلىتىش ، نېمىنى قىلىپ نېمىنى قىلماسلىق، قانداق كىشىلەر بىلەن ئالاقە قىلىپ ، قانداق كىشلەر بىلەن ئالاقە قىلماسلىق، قانداق رەسىملەرنى يوللاش، يوللىماسلىق دېگەندەك........ سىزنىڭ بەختىڭىزنى تېپىۋېلشىڭىزغا تىلەكداشمەن...

kakkuk11

	مۇھەببەت ھەممىنى ئۆزگەرتىدۇ. ئەگەر ئينداق بولمىسا ئۇ چىن مۇھەببەت ئەمەس. مۇھەببەتنى چۈشەنگەن كىشى مۇھەببىتىگە نېمىنى قىلىش ۋە قىلماسلىقنى بىلىدۇ. قىسقىسى باشقىلار بىلەن بولغان ئارلىقنى قانداق ساقلاشنى بىلىدۇ.

ئەخمەد

	ھەي قاراڭ قارسام تولۇق ئوتتۇرنىڭ بالىسى ئوخشايسىز ۋە ياكى كىچىك بولۇڭ،سىزگە كاللامغا كەلگەن بىرنەچچە ئىشنى دەپ باقاي ياقسا شۇنى قىلىڭ ياقمىسا ئىختىيار ھە؟! 1.مەيلى سىز قانداق قىلىڭ دەرسىڭىز شۇ ياخشى ھالىتىدە مېڭىشى ۋە ئۇنىڭدىنمۇ ياخشى بولىشى كېرەك،ئاتا -ئانىڭىز سىزنى شۇنداق جاپا تارتىپ ئوقۇتىدۇ،سىزنىڭ چىقىش يولىڭىزنى مەيلى ئالىي مەكتەپكە باغلىۋالغان بولۇڭ  ۋەياكى ئۇنداق بولمىغان بولسۇن سىز چوقۇم شۇ ئىنتىھاندا نەتىجە ئېلىپ ئەجرىنى ئازراق بولسىمۇ قەيتۇرشىڭىز كېرەك،بولسا سىز ياخشى كۆرگەن ئاۋۇ خان ئۇكىمىزغىمۇ يېتەكچىلىك قىلىپ قويۇڭ،ھەمدە مۇشۇ مۇناسىۋەت بىلەن ئۇنىڭغا ئاستا ئاستا تەسىر قىلىڭ ئۇنى ئۆزگەرتىڭ ،قانداق ؟؟ قىلالامسىز؟؟ ماۋۇ ئىش ئانداق ئوينىشىپ قىلىدىغان ئىش ئەمەس جىما؟؟ 2.ئەگەر ئۆزىڭىزگە ئىشەنچىڭىز بولمىسا،ئوقۇشىڭىزغا تۇرمۇشىڭىزغا تەسىر قىلىدىغان ئىش بولسا ھازىرلا قول ئۈزۈڭ،چۈنكى بۇ ئازراقلا ھېسىياتنىڭ ئىشى.سىزمۇ دەپسىزغۇخىياللىرىمنىڭ باش-ئايىغى يوق ئىدى،پۈتۈن بىركۈنۈم ئۇنى ئويلاش بىلەن ئاۋارە ئىدى،ھازىر دەرسلەرگە ئۇنداق ئەستايىدىل مۇئامىلە قىلمايدىغان ،باشقىلارنىڭ نىمە دىيىشى بىلەن كارىم بولمايدىغان ،ئۇنىڭ بىلەن پاراڭلىشىش ئۈچۈن ئۈندىداردىن چۈشمەي پۇرسەت كۈتىدىغان بوپ قېلىۋاتاتتىم،توۋا ئاللاھنىڭ ماڭا سالغان بۇ ئاشىق ئوتى ھەجەپ كۈچلۈك كەلدىغۇ،ئۆمرۈمدە بىرەر قىزنى بۇنداق ياخشى كۆرۈپ باقمىغان ئىدىمغۇ،بىلىمەن ،ياخشى كۆرمەيدىغان قىزنى ياخشى كۆرۈپ قالدىم. دەپ ،دېمەك سىزنىڭ تۇرمۇشىڭىزغا تەسىر كۆرسەتكەنلىكىنىڭ ئالامەتلىرى بۇ،شۇڭا ياخشى ئويلىنىڭ ھە،كىيىنچە ئويلاشسىڭىزمۇ ئۈلگۈرسىز؟؟ قانداق؟؟ 3.سىزنىڭ ئۇنى سىزنى قانچىلىك ياخشى كۆرىدىغانلىقىنى بىلىشىڭىز ھازىرچە بىھاجەتمىكىن دەيمەن نېمىشقا دەمسىز؟ چۈنكى .......مەنمۇ دەپ بېرەلمەيمەن،چۈنكى ئۇ تۇرمۇشتا مەن يوق،بىلىپ نېمە قىلماقچى؟؟ ئازاپلانماقچىما؟؟ خۇشال بولماقچىمۇ؟؟ ئەگەر بەك بىلگىڭىز كەلسە ئوتتۇرلۇققا ئادەم سەپ بېقىڭ ھە ھاھاھا،ئىشقىلىپ قىسقىغىنە بايانىڭىزدىن قاراپ ئۇ قىزنىڭ  تېخى ئىستىل كۆزقارشىنىڭ ئۇنچىلىك كۈچلۈك ئەمەسلىكىنى ھېس قىلىپ قالدىم(مۇتلەقلەشتۈرۋەتكەندەك  ھېس تۇيغۇ بەرگەن بولسام توغرا چۈشەنچ ئاساسىدا تەھلىل قىلغايسىز ھە.) مېنىڭچە بولغاندا قاراڭ سىزگە بالدۇر،ئۆزىڭىز قاراپ ئىش كۆرۈڭ ھە،قارسام خېلى ئەقىللىق ئىكەنسىز ،شۇڭا بۇ قىسقىغىنە بولغان ئويلىرىمنى دەپ قويدۇم.

Gvljahan

	« 1. ئۇنى قانداق ئۆزگەرتىمەن ؟  2. ئۇ مىنى ياخشى كۈرەمدۇ يوق ؟ 3. ئۇ مىنى ياخشى كۆرسە ، ئۇنى قانداق قىلىپ قەدەممۇ -قەدەم ئۆزگەرتىمەن ؟» مانا بۇلار «باھادىر خاقان »ئۇكىمىزنىڭ ئوتتۇرىغا قويغان سۇئالى ئىكەن ، مەن بۇلارنى كۆرگەن ئىكەنمەن قېرىنداشلىقنىڭ يۈزىدىن بولسىمۇ توغرا دەپ قارىغان نوقتىدىن مەسلىھەت بىرىپ باقاي ، تورداشلار قانداق قارايدۇ قېنى ، ئۇكام ، سىز قارىغاندا بىر بولسا تولىمۇ شۇخ زامانغا ماسلاشقان ياكى چىرايى كىشىنى مەپتۇن قىلىپ قويىدىغان بىر قىزنى ياخشى كۈرۈپ قالسىڭىز كېرەك ، بوپتۇ دەيلى ، يىگىتلىك دەۋرىدە نورمالنى ھىسابلىنىدىغان فىزىئولۇگىيىلىك ھەم پىسخۇلۇگيىلىك ھالەت دەپ قارايمىز . ئەمدىكى مەسىلە ، سىز بىر ئوقۇغۇچى ئىكەنسىز ، سىزنىڭ ئەڭ ئاۋالقى نىشانىڭىز نىمە؟ ئاتا ئانىڭىزنىڭ سىزدىن كۈتۈدىغان ئەقەللى ئۈمىدىنى قايسى دەرىجىدە چۈشىنىسز ؟ سىزگە دىسەم ئوقۇغۇچىلىق بىلەن ئاشىقلىق ئىككىسى ئوخشىمايدىغان ئىككى كاتىگۈرىيە ، بوپتۇ ياخشى كۈرۈڭ ، ئاشىق بۇلۇڭ ، لىكىن ھەقىقى ئاشىق بۇلۇشقا تىگىشلىكىنى تېپىپ ، ئەقىل كۈزىڭىز بىلەن قاراپ ، تەپەككۈر تازارىڭىز بىلەن دەڭسەپ ئاندىن ئاشىق بولدىڭىزمۇ ؟ بۇ سەل قارايدىغان مەسىلە ئەمەس ، سىز بايانىڭىزدا قىزنى بىرقۇر سۈپەتلەپ ئۈتۈپسىز ، ئاۋال قىز «سىزنى ياخشى كۈرۈپ قالدىم » دەپتۇ ، نۆۋىتى كەلگەندە شۇنىمۇ ئەسكەرتىپ قۇياي، تەربىيە كۆرگەن ، ھايالىق ،  ئۆزىنىڭ قەدرىنى -قىممىتىنى بىلىدىغان ، ياخشى ئائىلىنىڭ قىزى ئالدىراپ بىراۋنىڭ ئالدىدا سىنى ياخشى كۈرۈپ قالدىم دىمەيدۇ ، ئۇنىڭ ئۆزگە كىشىگە بىلدۈرمەي تۇرۇپ بېشارەت بىرىدىغان ئۇسۇللىرى بولىدۇ . ئاندىن ئۇقىز سىز ياقتۇرمايدىغان ئىشلارنى قىلىشتىن ئۆزىنى تارتمايدىكەن ، بۇ ئۇنىڭ ھېلىھەم ھەم كىيىنمۇ سىزگە بوي بەرمەيدىغانلىقىنىڭ ئىپادىسى ، يەنە بىرسى ئەگەر ئۇ قىز سىزنى ھەقىقەتەن ياخشى كۆرىدىغان ۋە سىزنىڭ ھۆرمىتىڭىزنى قىلىدىغان ، ۋە شۇنداقلا باشقا يىگىتلەردىن   سىزنىڭ ئۇنى قورۇشىڭىز ئارقىلىق  ئۆزىگە بېخەتەرلىك ۋە تەۋەلىك تۈيغۇسى ھىس قىلىپ ، سىز بىلەن بىرنىيەت -بىر مەخسەتتىكى قىز ئىكەنلىكىنى ئىپادىلىيەلىسە ئاندىن قىزنىڭ سىزگە بولغان ھىسىياتىنىڭ سەمىمى ياكى ئەمەسلىكىگە ھۆكۈم قىلالايسىز ، يەنە بىر نوقتا : سىز ۋە قىز ئىككىڭلارنىڭ ئورتاق ئارزۇ نىشانىڭلار بارمۇ ؟ ئىتىقادىڭلار ئوخشاشمۇ ؟ قارىغاندا سىز ئاڭكۈڭۈل ۋە سەمىمى يىگىتتەك تۇرىسىز ، بۇنداق يىگىتلەر گەپنىڭ ئۇچۇقىنى قىلغاندا بەزى «شەھەر  كۆرۈپ قالغان »قىزلارنىڭ ئاخماق قىلىپ ، ئىچ پۇشىقىنى چىقىرىدىغان ۋاقىتلىق كۆڭۈل خۇشىغا ئايلىنىپ قالمايدۇ دىگىلى بولمايدۇ ، لىكىن بۇنداق دىسەم قىزلاردىن سەسكىنىپ يۈرمەڭ ، ئوغۇل بالا ئۈچۈن قىزلارغا كۈيۈشتىن باشقا  ، ياخشى ياماننى پەرق ئىتىدىغان ئەقىل كۈزى ، سالماقلىق ، سەگەكلىك ، ۋە يەنە تۇراق يەنى مۇكەممەل ۋە ساغلام دۇنيا قارىشى ۋە كىشىلىك تۇرمۇش قارىشى يەنە تېخى چىن ئىتىقاد دەيدىغان   مۇھىم ئىدىۋى ساپالار بولىشى كېرەك ، بۇلارنى ھازىرلىمىغان يىگىتلەرگە مۇھەببەت كوچىسى گۈلزارلىق ئەمەس بەلكى يانتاقلىق بۇلۇپ ، تاپانلىرىنى  قان قىلىپ  ، تىرناقلىرىنى جىياپ قۇيىدۇ ، شۇڭا سىزگە مەسلىھەت : 1) قىزنى ئۆزگەرتىش خىيالىدا بولماڭ ،ۋاقىت چىقىرىمەن دەپمۇ يۈرمەڭ ، چۈنكى ئوقۇش ۋاقتىڭىز قىممەتلىك ،  چۈنكى ھەشقىپىچەك دىگەن يامىشىپ ئۆسىدۇ ، خېنە گۈل تىك تۇرۇپ ، بىراۋنىڭ خاراكتىرىنى  ئۆزگەرتىمەن دىيىش - ۋاقىت ئسىراپ قىلغاندىن باشقا ئىش ئەمەس . ئەڭ ئالدى بىلەن بىمەززە قىلىقلىرى بىلەن سىزنى باش ئاغرىقىغا سېلىۋاتقان قىزنى مۇھاكىمە قىلغاننىڭ ئورنىدا ياخشى كىتاپتىن بىرنى ئوقۇڭ ياكى قەدىردان ئاتا-ئانىڭىزغا تىلىفۇن قىلىپ ھال سوراڭ ، ئىجىل دوستلىرىڭىز بىلەن مۇڭدىشىڭ ، ئۆزىڭىز ياخشى كۈرىدىغان تەنھەركەت تۈرلىرى بىلەن بەدەن چېنىقتۇرۇڭ ، ساغلام ھەرىكەت شەھۋەتنى كىسىدۇ . 2)قىزنى مىنى ياخشى كۈرەمدىغاندۇ دەپ قايتا-قايتا ئويلىنىشنىڭ ئورنىغا ئۇنىڭ بىلەن بىرمەزگىل يىراقلىشىڭ ، كۆڭلىڭىزنىڭ بىريەرلىرى ئۇنىمىسىمۇ ، ئوغۇل بالا دىگەن ئۆزىنى تۇتۇشنى بىلمىسە يىگىتلىك ماقامىغا يەتمىگى تەس ، ئەگەر مۇشۇ مەزگىلدە قىزچاق سىزگەھەقىقى كۆڭلى بولسا سىزنىڭ نىمىشقا ئۆزىدىن يىراقلاشقىنىنى تەشەببۇسكارلىق بىلەن  سورايدۇ ، سىز ئۇنىڭ كۆڭلىڭىزگە ياقمىغان ئىشلىرىنى سەۋەپ قىلىپ دەيسىز ، بۇ ئۇنىڭ ئۈچۈن ئىمتىھان ، ئەگەر ئۇ قىز، سىز بىلەن بىر نىيەتتە بۇلۇشنى خالىسا قىلغانلىرىغا خىجىل بولغانلىقىنى بىلدۈرىدۇ ۋە سىزنىڭ پىكرىڭىزنى قۇۋۋەتلەيدۇ ، يەنە باشقا يىگىتلەرنىڭ ئالدىدا نايناقلاپ يۈرمەي ، دەرىسىگە كۈڭۈل قۇيىدىغان ، سىزگە كۈڭۈل بولىدىغان . سادىق بولىدىغان بولىدۇ ، ئىشلار ئىزىغا چۈشىدۇ ، ئەگەر ئىشنىڭ راۋاجى سىز كۈتكەندەك بولماي قالسا ئۇنىڭغا «خوش » دىسىڭىزلا بولدى ، ياخشى قىزلار دىگەن تولا ، پەرق ئىتىشنى بىلسىڭىزلا . 3)يۇقارقى ئىككى داۋاندىن ئۈتۈپ كەتسىڭىز سىزگە زىھىن ئىسراپچىلىقىمۇ ، ھىسسىيات ئىسراپچىلىقىمۇ ، ۋاقىت ئىسراپچىلىقىمۇ بولمايدۇ ، كۈڭۈل دىگەننى تاڭغىلى بولىدىغان نەرسە ئەمەس ، ئۇ ئىككى يۈرەكنىڭ ئۈنسىز بىر-بىرىگە تەلپۈنىشى ۋە شۇ مەخسەتتە ئختىيارى روھى جەھەتتىن بىرلىشىشتىن ئىبارەت . مۇھەببەت ئىشىدا يەڭگلتەكلىك قىلىشقا بولمايدۇ ، چۈنكى ئۇنىڭ ئورنى ھەقىقى ئاللاھقا بولغان ئىتىقاد ئۇرۇن ئالغان كۈڭۈلنىڭ بۇسۇغىسىدىلا بولىدۇ ، ياراتقان ئاللاھنى تۇنىغان ، ئاللاھقا تىۋىنىدىغان ، ئاللاھقا سۈيۈنگەن ئىككى قەلىب بىرلەشسە ، بىرسى يەنە بىرسىگە ھەرگىز ئاسىلىق قىلمايدۇ ۋە ئۇنىڭغا ئازار بەرمەيدۇ ، گەپ تامام . سىز مۇشۇنداق مۇقەددەس سۆيگۈدىن كۈچ ئالالايدىغان ۋە مەڭگۈ ئاجىزلاشمايدىغان ، دىلى بىلەن سىزگە باغلىنالايدىغان قەلىب ئىگىسىنى تاپقاندا بىز ھەممىمىز سىز ئۈچۈن دۇئا قىلىمىز  .

ayfar

	ئەگەر تولۇق ئوتتۇرنىڭ ئوقۇغۇچسى بولسىڭىز ،ئالىي مەكتەپنىڭ 3-يىللىقىغا چىقىشتىن بۇرۇن مۇھەببەتلىشىشنى ئويلاش مېنىڭچە بولغاندا سىزگە بەك بالدۇرلۇق قىلدۇ...ئۆزىگىزمۇ :‹مەن ئۈنىڭ ئۈچۈن پەقەت ۋىجدانىم ۋە ئېتقادىمغا خىلاپ بولمىسىلا ئۆزگۈرۈشكە تەييار› دەپسىز..... .ئەگەر ئۇ قىزنى ئاللاھ يولىدا ياخشى كۆرسىڭىز ئوي _پىكىرلىرڭىزنى ئۇ قىزغا ياخشى چۈشەندۈرۈپ توي قىلىشڭىزغا 1يىلچە قالغاندا ئاندىن ئارلىشىڭ.ئەگەرئۇ قىز سىزنى ئاللاھ يولىدا ياخشى كۆرسە،سىز ئۈچۈن ئۆزگىرىدۇ.سىزنىڭ تەلىپىڭىزگە قوشۇلىدۇ.سىزنى ساقلايدۇ....ئاندىن  ئاللاھ خالىسا بەخىتلىك بىر جۈپلەدىن بولۇپ ئاللاھنىڭ رازىلقىغا ئېرشىسېلەر.....بەخىتلىك ياشايسېلەر...مەنمۇ ،ئالىي مەكتەپ 1-يىللىقىنىڭ  ئوقۇغۇچسى ،بۇ پەقەت مىنىڭ شەخسى ئويلۇرۇم .ياردىمى تىڭىپ قالسا ئەجەپ ئەمەس.....قارسام ئەقىللىق ئىكەنسىز ،ئۆزىڭىز قاراپ ئىش كۆرۈڭ.ئۇلۇغ ئاللاھ ئىگەم ئىشلىرىڭىزنى ئوڭۇشلۇق قىلسۇن...

aljani

	ۋاي ئىنىلىرىم، ھامان بىر كۈنى جەمىيەتكە چىقىپ، جان بېقىش كويىغا چۈشكەندە ھازىرقى ئويلىرىڭىزنى نەقەدەر مەززىسى يوقلىقىنى ھېس قىلىپ قالىسىز. بۇ تۇرمۇش ئەمەس. تۇرمۇش دېگەننى تېخى ئالدىرىماي كۆرۈپ قالىسىز.